(Last Updated On: )
وہ جو سایوں جیسے زندہ جسم کھڑے ہیں
ہم تم ہیں …!
اور ان کے اطراف سنہرا فریم لگا ہے
(عقائد کا …!)
اور
پس منظر میں
خاکی کاغذ جیسا اک ماحول
اور
اس کے نیچے دونوں کے نام کسی نے لکھ رکھے ہیں …
اور ان کے نیچے تاریخ لکھی ہے عہدِ حاضر کی
لیکن یہ بھی غور کرو
ان ہونٹوں پر بکھرا تبسم
ان آنکھوں میں خوش امیدی
اور
یہ سجے سجائے لباس
اور یہ چمکتا فنی کاغذ
کیا اس لمحے کی دین ہیں
جس کا مقصد
اشتہار کے جیسا تو نہیں تھا…
یعنی کیا …؟
٭٭٭
