(Last Updated On: )
وصل کی آس میں جذبوں کو بِلکتا دیکھوں
ہجر کی تال پہ آہوں کو تِھرکتا دیکھوں
میرے آنگن میں اْتر اپنی تمازت لے کر
ظلمتِ شب کو کبھی میں بھی نکھرتا دیکھوں
تجھ کو بھر لوں میں نگاہوں میں کبھی کاجل سا
پھر تجھے ماتھے پہ بندی سا چمکتا دیکھوں
تھک کے مایوس نگاہیں بھی مری لوٹ آئیں
ہائے میں کتنے جنم اور ترا رستہ دیکھوں
ڈھال کر جھیل کی چاندی میں مجسم تیرا
میں بھی لہروں میں ترا عکس بکھرتا دیکھوں
پھر بھٹکنے کی سزا خوابوں کو دے کر اپنے
نیند کا آنکھوں سے لڑنے کا تماشا دیکھوں
۔۔۔۔۔۔۔۔۔۔۔۔۔۔۔۔۔۔۔۔۔
