(Last Updated On: )
وسا اکھ وچ مدینے نوں زمانے دی زیارت کڈھ
نظر دی سلطنت کر پاک دنیا دی حکومت کڈھ
نبی دے نال سبھ توں ودھ محبت ہے تے سبھ کجھ ہے
پشاں ککھاں دی کلی ہئی دلوں دیویں محبت کڈھ
نبی وی سوہنیا جد تیری نسبت نوں ترسدے نیں
میں کیوں کملے جہے طوطے نوں آکھاں میری قسمت کڈھ
دلا! پڑھ چار تکبیراں، پڑھیں الحمد، چارے قل
مدینے پاک ول اودر نمانی دی توں میت کڈھ
ہنے پٹواریا! دل دی کراں جاگیر تیرے ناں
نبی دی دید مُل اِس دا، انگوٹھا لاواں قیمت کڈھ
کرم کر یا رسول اللہ کرم کر یا رسول اللہ
عذاباں بے حساباں وچ پھسی آ ویکھ امت کڈھ
پکا اعجازؔ اک نکتہ زمانے تے حکومت کر
مدینے دا گدا بن جا ، تے دل وچوں حکومت کڈھ
