وارفتگی و جوشِ جنوں کا بھی پاس تھا

صادق باجوہ(امریکہ)

وارفتگی و جوشِ جنوں کا بھی پاس تھا

 اہلِ وفا کا دل تو محبت شناس تھا

بے  چینیاں سمٹ کے نگاہوں میں آگئیں

منظر کسی کی آنکھ  کا کتنا اداس تھا

دشت و جبل زمان و مکاں خاک چھان لی

دل  ڈ ھونڈتا   پھرا  وہ کہیں  آس پاس تھا

اے کاش وقتِ مرگ شہادت ہو ساتھ ساتھ

اس  رُو  سیہ  کا   وِرد  تو حمد  و   سپاس  تھا

یادیں  لِپٹ  کے رہ گئیں تارِ نفس کے ساتھ

بچھڑا  وہ  خو ش خصال جو  مردم شناس  تھا

آو   ارگا   نِ   د   شتِ   و فا  کا  ر ہا    بھرم

 خو گرِ   جفا      تو   قیا   فہ    شنا س   تھا

صاؔدق  بپھر تی   موج   بھنور    سے  لپٹ گئی

شاید    اسے  سکو نِ کنا  را   نہ   را س  تھا