(Last Updated On: )
ٹُر پَوِیں جِندے! قضا تے آ لوے
ہاں دی طیبہ توں صدا تے آ لوے
دھپ دیاں پھر جانیاں جگ ویکھسی
زلف سوہنی دی گھٹا تے آ لوے
پھر غماں دی واء نہ مہنے مارسی
یاد طیبہ دی ہوا تے آ لوے
کَہ فرشتہ فیر جنت کھولساں
پہلے نوکر آپ دا تے آ لوے
دل کتابوں جائو ، پر اک من لوو
لفظ اکھیو! والضحیٰ تے آ لوے
نفس کُٹ کُٹ دل دا بوہا تھک پیا
آکھدا دل مصطفی تے آ لوے
پھر مرض اعجاز رہنا نئیں کوئی
بس مدینے توں دوا تے آ لوے
