تم تمہاری ہمت بھی کیسے ہوئی ایسی حرکت کرنے کی؟

تم تمہاری ہمت بھی کیسے ہوئی ایسی حرکت کرنے کی؟؟؟ ظہیر کا غصہ آسمان چھو رہا تھا۔
کونسی حرکت۔۔۔۔ انتہاٸ معصومیت سے سوال کیا گیا۔
یہ کوٸ کافی ہے بھلا اسے کافی کہتے ہیں کیا؟؟؟
مجھے کیا پتا میں تو چاۓ پیتی ہوں مجھے کیسے معلوم ہو گا کہ کافی کا ٹیسٹ کیسا ہوتا ہے۔ اور سر کبھی اپنی غلطی بھی مان لیا کریں آپ۔ آپ کو پہلے پوچھ لینا چاہیے تھا کہ مجھے کافی بنانی آتی ہے یا نہیں۔ بس آرڈر دے دیتے ہیں اور اگر آپ مجھے آدھا یا ایک گھنٹہ دے دیتے تو شاید میں کافی سیکھ ہی لیتی۔ اب دو منٹ میں بندہ کافی بنانا کیسے سیکھ سکتا ہے۔
میں کافی بنانے کے لیے تمہیں ایک گھنٹہ دیتا تمہارا دماغ خراب ہو گیا ہے کیا؟؟؟ چار بار اگر تم ایمانداری سے کوشش کرتی تو گزارے لاٸق کافی تو بنا ہی لیتی۔وہ بمشکل ضبط کر رہا تھا ورنہ تو دل کر رہا تھا اسے اٹھا کر باہر پھینک دے۔
مگر آپ نے کونسا کافی ٹیسٹ کی وجہ سے ریجیکٹ کی تھی آپ نے تو کافی ٹاٸم کی وجہ سے ریجیکٹ کی تھی۔ اور اگر آپ ٹاٸم کا رونا رونے کے بجاۓ پہلی دفعہ ہی کافی پی لیتے تو شاید اتنی بری نہ ہوتی۔
عاٸشہ اور اپنی غلطی مان لے ناممکن۔۔۔۔۔
اور ظہیر ضبط ہی کرتا رہا یہ اسکی ہی بلاٸ گٸ مصیبت تھی سو اب کڑوا گھونٹ بھرنا ہی تھا۔
اوکے تو تم یہ بتانا پسند کرو گی کہ تم نے اپنی گاڑی کیوں کہا جبکہ وہ میری گاڑی تھی۔ ہاں تو آپکی غلطی ہے نہ سر آپ اپنی ہی گاڑی نہیں پہچانتے ۔ ڈھٹاٸ کی حد تھی جو عاٸشہ پہ ختم تھی۔
مس عاٸشہ جا کے اپنا کام کریں اور کوشش کریں کہ میرے سامنے کم کم ہی آیا کریں۔
یہ ظہیر کے ضبط کی آخری حد تھی وہ پٹھان تھا سو غصہ بھی بلا کا تھا مگر سامنے بھی تو پٹھان ہی تھی دونوں ہی ٹکر کے تھے اور ضدی بلا کے۔
*********************************
عاٸشہ کو ظہیر نے اب بحث کے بجاۓ کام میں الجھا دیا تھا کیونکہ وہ اس سے جتنا الجھتا تھا اتنا ہی زچ ہوتا تھا تو اس نے اسے بے حد مصروف کر دیا تھا۔ ظہیر تو سکون میں آگیا تھا مگر عاٸشہ گھن چکر بن گٸ تھی۔
ظہیر نے اسے آفس ورک دیا تھا ہاں کافی والی غلطی دوبارہ نہیں دوہراٸ تھی۔
عاٸشہ محنتی تھی ذہین اور کریٹیو بھی تھی اور پھر ٹیکسٹاٸل میں اس کی دلچسپی بھی بہت تھی سو وہ بھی ڈیزاٸنرز کو مشورے دیتی رہتی تھی۔
انکی براٸیڈل کلیکشن لانچ ہونی تھی سبھی مصروف تھے۔
مس عاٸشہ۔۔۔
ظہیر اچانک آکر بولا تو عاٸشہ جو اپنے مخصوص انداز سے ٹیبل پر پاٶں چڑھاۓ بیٹھی تھی ڈر کر اچھلی۔
یہ کیا طریقہ ہے بیٹھنے کا۔
اب مسٹر پرفیکٹ کو یہ کیسے گوارا تھا کہ کوٸ اتنا اِل مینرڈ ہو۔ آج اتنے دن بعد وہ پھر اسے غصہ دلا گٸ تھی۔
سر میں ایسے ہی ایزی فِیل کرتی ہو اور پلیز اب مجھے مینرز کا لیکچر نہیں سننا کیا کام ہے آپ مجھے وہ بتا دیں۔
آپ کال کیوں ریسیو نہیں کر رہی۔
کال اگر آۓ گی تو ہی ریسیو کروں گی نہ اور اس نے چور نظروں سے ریسیور دیکھا جو اس نے اس طرح کریڈل پہ رکھا تھا کہ کال بھی ریسیو نہ ہو اور پتا بھی نہ چلے کے ریسیور کریڈل پہ نہیں ہے۔ وہ تنگ آگٸ تھی اس کی فون کالز سے ہر دو منٹ بعد نیا آرڈر جاری کر دیتا تھا۔ مگر ظہیر خان اسکی نظریں بھانپ گیا تھا اور اسے گھورتے ہوۓ ریسیور اٹھا کے کریڈل پہ رکھا۔
گِیو می یور سیل نمبر۔ وہ اپنا فون نکالتا ہوا بولا۔
ناچار اسے نمبر بتانا پڑا اس نے سیو کر لیا میں کال کر رہا ہوں نمبر سیو کر لیں۔
اور عاٸشہ گہری سانس بھر کر رہ گٸ اس نمبر پہ ابھی تو کیا کبھی بھی کال نہیں آنے والی تھی وہ نمبر بند تھا۔
اور کال کرتے ہی ظہیر کو اسکی اس حرکت کا اندازہ ہو گیا تھا۔
وہ بِنا کچھ کہے اندر چل دیا تھا اور عاٸشہ پہلی بار اپنی غلطی پر شرمندہ ہوٸ تھی۔ مگر صرف ایک پل کے لیے اگلے ہی پل وہ دفع بلا کر کے پرسکون ہو گٸ تھی اور اب چاۓ منگوا رہی تھی۔
ظہیر واپس کیبن میں آیا تو غصے سے اسکا چہرہ سرخ ہو چکا تھا۔ بمشکل خود پہ ضبط کرتے اب وہ عارف کو کال ملا رہا تھا۔
عارف مس عاٸشہ سے کہیے میری آج ہی زرقون شاہ سے میٹنگ فِکس کراٸیں اور مجھے کلیکشن کے لیے وہی ماڈل چاہیے۔
اب وہ تھوڑا نارمل ہو گیا تھا جتنا وہ عاٸشہ کو جانتا تھا وہ مر کر بھی زرقون سے رابطہ نہ کرتی۔
اور وہی ہوا اگلے پانچ منٹ میں اسکا ریزگنیشن لیٹر اسکی ٹیبل پہ تھا۔
سر میں ریزاٸن کر رہی ہوں مگر میں اس بوڑھی ڈاٸن سے ہر گز ہر گز بھی رابطہ نہیں کروں گی کبھی بھی نہیں۔
اوہ تو مس عاٸشہ مطلب کہ آپ کام نہیں کرنا چاہتی تو کیا آپ یہاں پر ببل گم کے غبارے بنا بنا کر ریکارڈ بنانے کے لیے آتی ہیں۔
مجھے زرقون شاہ ہی چاہیے اور آج ہی چاہیے یہ بات اپنے چھوٹے سے دماغ میں بٹھا لیجیے آپ۔
میں ہر گز اس کو کال نہیں کروں گی۔ ظہیر کو اس سے ایسی توقع نہیں تھی وہ انتہاٸ منہ پھٹ واقع ہوٸ تھی۔
مس عاٸشہ مجھے انکار سننے کی عادت نہیں ہے۔
اوکے میں کال کر لیتی ہوں۔
وہ اتنی جلدی مان گٸ حیرانی سے ذیادہ یہ پریشانی کی بات تھی۔
مگر کچھ ہی دیر بعد وہ زرقون شاہ سے ملنے کے لیے نکل گٸ تھی۔
وہ دوپہر ایک بجے گٸ تھی اورہشام پانچ بجے واپس آٸ تھی۔ لال بھبھوکا چہرہ روٸ روٸ آنکھیں لیے وہ اسے کل کی میٹنگ کا بتا رہی تھی وہ نہیں جانتا تھا کہ اس نے زرقون شاہ کو کیسے منایا تھا مگر اس کا چہرہ دیکھ کر اسے افسوس ہوا تھا وہ شاید رو کر آٸ تھی۔
وہ زرقون شاہ کو بھی اچھے سے جانتا تھا وہ عورت بخشنے والوں میں سے نہیں تھی مطلب وہاں سے ہونے کے بعد عاٸشہ راستے میں روتی آٸ تھی۔
*******************************
اگلے دن وہ دونوں میٹنگ کے لیے نکل گۓ تھے۔ سارے راستے میں وہ خاموش رہی تھی میٹنگ کے دوران اور اب واپسی پہ بھی اسکی چپ نہیں ٹوٹی تھی جبکہ زرقون شاہ کی طنزاً مسکراتی نگاہوں کو بھی وہ اچھی طرح دیکھ چکا تھا۔
اور ظہیر خان اپنے فیصلے پہ پچھتایا تھا۔
عاٸشہ دوسرے اور تیسرے دن بھی بالکل خاموش رہی تھی نہ وہ ذیادہ بات کرتی تھی نہ کوٸ شرارت بس اپنے کام سے کام رکھتی تھی۔
یہ پہلی دفعہ تھا کہ عاٸشہ ظہیر خان سے ہار گٸ تھی۔
آفس میں پہلے کی طرح سکون چھا گیا تھا جو سکون کم اور ویرانی ذیادہ محسوس ہو رہی تھی۔
آج سے پہلے ایسی جرأت بھی تو کسی نے نہیں کی تھی۔
آج تین دن بعد ظہیر خان کی سپانرز کے ساتھ میٹنگ تھی سب میٹنگ میں مصروف تھے۔
سب کے لیے کافی منگواٸ گٸ۔
اور اور ظہیر خان یہ ٹیسٹ کیسے بھول سکتا تھا پہلا گھونٹ عاٸشہ کا حساب چکتا کر گیا تھا۔
اسکی خاموشی کو وہ لاٸٹ لے رہا تھا جبکہ وہ موقع کی تاک میں تھی۔
وہ سب کی موجودگی میں یہ کافی حلق سے اتارنے پہ مجبور تھا۔ اور عاٸشہ کو کوسنے میں مصروف تھا ہر گھونٹ کے ساتھ اس کے چہرے کا رنگ بدل رہا تھا۔ وہ کافی واقعی اس قابل نہیں تھی کہ اسے پیا جاۓ وہ صرف عاٸشہ کے سر پہ گرانے لاٸق تھی۔
ان کی جنگ پھر سے شروع ہو چکی تھی ہار نہ کسی نے مانی تھی نہ ماننی تھی۔
وہ دونوں ہی مقابلے پہ اتر آۓ تھے۔
آج زرقون کا شوٹ تھا جبکہ عاٸشہ اسے دیکھ دیکھ کر منہ بنا رہی تھی۔ ہونہہ بوڑھی گھوڑی لال لگام ایک تو لاڈ صاحب کو بھی پتا نہیں اس بوڑھی ڈاٸن میں کیا دکھا جو اس کو بلا لیا۔
مس عاٸشہ۔۔۔۔۔
یس سر۔۔۔
نیہا سے پوچھیں کتنی دیر لگے گی؟؟؟
اوکے۔۔۔
ہنہہ نیہا سے پوچھا خود کو بڑا جینل مین سمجھتا ہے جینٹل مین میری جوتی اور اس بوڑھی ڈاٸن کی تو میں۔۔۔۔۔۔
نیہا کتنی دیر لگے گی اور۔۔۔۔
بس فاٸنل ٹچ رہ گیا ہے۔
جلدی کرو یارا سر ویٹ کر رہے۔ وہ بے زاری سے بولی۔
بس ہو گیا۔
چلیں اب۔ عاٸشہ سخت اکتاٸ ہوٸ تھی۔
ہاں چلو ایسا نہ ہو تمہیں فاٸر کر دیا جاۓ پھر میں تمہیں یہ بھی نہیں کہہ سکوں گی کہ میں تمہیں جاب دے دیتی ہوں وہ کیا ہے نہ میں منہ پھٹ لوگوں کو جاب نہیں دیتی۔ پتا نہیں زیڈ کے نے تمہیں کیوں رکھا ہوا ہے۔
اس پہ طنز کرتی وہ عاٸشہ کو غصہ دلا گٸ تھی۔ اور تبھی عاٸشہ نے اس کے بالوں پہ جگہ جگہ چپکے سے ببل چپکا دی تھی۔
وہ چلی گٸ اور عاٸشہ اب سکون میں تھی وہ حساب چکتا کر چکی تھی۔ اب بس آنے والے ٹوٸسٹ کا ویٹ تھا۔
شوٹ ہونے کے دوران عاٸشہ مسلسل مسکرا رہی تھی اور ظہیر ٹھٹھک گیا تھا وہ ضرور کوٸ کارنامہ کر چکی تھی مگر کیا؟؟؟؟ یہ پتا لگانا تھا۔
شوٹ آرام سے ہو گیا تھا کوٸ گڑبڑ نہیں ہوٸ تھی تو ظہیر خان مطمٸن ہو گیا۔
دھماکہ تو تب ہوا جب زرقون ڈریسنگ روم میں چینج کرنے گٸ۔
اس کی چیخیں پوری ساٸٹ پر گونج رہی تھیں۔ اس کے بالوں کا برا حال ہو گیا تھا اسکے بال جھاڑیوں کی طرح لگ رہے تھے وہ نیہا پر چیخ رہی تھی۔
شور سن کر ظہیر اندر گیا تو ایک پل کو اسے دیکھ کر ڈر سا گیا وہ کوٸ چڑیل ہی لگ رہی تھی۔
زیڈ کے اس اس نے دیکھو میرا کیا حال کیا ہے۔ وہ بری طرح رو رہی تھی ہاتھ سے آنسو پونچھنے کی وجہ سے اس کا میک اپ بہہ گیا تھا اور وہ عجیب ہی بلا لگ رہی تھی۔
پاس کھڑے لوگ دبی دبی ہنسی ہنس رہے تھے۔
اور ظہیر خان عاٸشہ کو سبق سکھانے کے بارے میں سوچ رہا تھا۔
عاٸشہ اس سین کو خوب انجواۓ کر رہی تھی اور ساتھ ہی چپکے سے ویڈیو بنا رہی تھی۔
ظہیر خان کے گھورنے کو وہ نظر انداز کر رہی تھی جانتی تھی ابھی ظہیر اسے کچھ نہیں کہے گا اور بعد کی بعد میں دیکھی جاۓ گی۔
***************************************
زرقون کو بہت مشکل سے منانے سمجھانے کے بعد اسے بھیجا اب عاٸشہ کی کلاس کی باری تھی۔
مس عاٸشہ میرے کیبن میں آٸیے۔
وہ جا چکا تھا۔
دس منٹ گزرنے کے بعد بھی عاٸشہ کا نام نشان نہیں تھا وہ کیسے غصہ برداشت کر رہا تھا وہی جانتا تھا اس نے اسے واپس اس لیے بلایا تھا کہ وہ عاٸشہ کو سیدھا کر دے گا مگر ایسا لگ رہا تھا جیسے عاٸشہ نے اس کو سیدھا کرنے کی ٹھانی ہوٸ تھی۔
آدھے گھنٹے بعد وہ اس کے روم میں آٸ تھی۔
مس عاٸشہ آپ سے پوچھ سکتا ہوں کہ آپ تیس منٹ تک کہاں تھیں۔
جی سر آپ پوچھ سکتے ہیں بلکہ میں خود ہی بتاتی ہوں وہ دراصل آپ غصے میں تھے تو مجھے ٹینشن ہو رہی تھی اور ٹینشن میں مجھے بھوک لگ جاتی ہے اور اگر میں ایسے ہی آ جاتی تو آپ پتہ نہیں کتنی دیر تک مجھے ڈانٹتے رہتے اسلیۓ میں۔
انف عاٸشہ آپ کو یہ سب مذاق لگ رہا ہے اس ایک مہینے میں آپ کتنا تنگ کر چکی ہیں آپ کو کچھ معلوم بھی ہے یا نہیں۔
میں اگر آپکی حرکتیں نظرانداز کر رہا ہوں تو اسکا یہ مطلب ہر گز نہیں کہ آپ جو مرضی کرتی رہیں۔
ایک منٹ سر میں نے آپکو پہلے ہی کہا تھا میں اس عورت کو دیکھنا بھی نہیں چاہتی۔ آپ کی ہی ضد تھی۔ پھر اس نے مجھے منہ پھٹ کہا تو میں کیوں اسے چھوڑ دیتی۔
عاٸشہ اپنی غلطی کبھی مان لے ایسا کیسے ہو سکتا تھا۔
مس عاٸشہ آپکا مسٸلہ پتا ہے کیا ہے کہ ایک چیز آپ سے کبھی نہیں ہو سکتی اور وہ ہے غلطی۔
اوہ تھینکس کر مجھے یہ سن کر خوشی ہوٸ اچھا اسی خوشی میں چاۓ پیتے ہیں میں ابھی لاتی ہوں۔ کچھ بھی سنے بغیر وہ جا چکی تھی۔
اور ظہیر خان سر پکڑ کر بیٹھ گیا تھا۔
عاٸشہ کبھی سدھر نہیں سکتی تھی کبھی بھی نہیں۔
یہ لیں سر چاۓ پیٸں۔ کافی ویسے بھی صحت کے لیے اچھی نہیں ہوتی اور پھر مجھے بنانی بھی تو نہیں آتی ہے نہ۔
مس عاٸشہ یہ آپکا گھر نہیں ہے اور نہ ہی میں آپکا کوٸ کزن ہوں جو آپ میرے ساتھ اس طرح سے فری ہو رہی ہیں۔
مگر سر اس میں فری ہونے والی کیا بات ہے اوکے فاٸن اگر آپکو چاۓ نہیں پینی تو کوٸ بات نہیں۔ میں لے جاتی ہوں۔ کہتے ساتھ ہی وہ ٹرے اٹھا کر چلی گٸ۔
اور ظہیر جو اس کے جانے کے بعد چاۓ پینے کا ارادہ رکھتا تھا اپنا سا منہ لے کر رہ گیا۔
*******************************