ٹوٹ گیا ہے دل میرا مری آج چھن گئی پریت

ٹوٹ گیا ہے دل میرا مری آج چھن گئی پریت
دنیا والو جشن مناؤ گاؤ خوشی کے گیت
پیار کسی کا ہوا ہے رسوا آج سرِبازار
آج کسی کی من دنیا کے ٹوٹ گئے ہیں تار
ہوئی پیار میں ہار کسی کی،ہوئی کسی کی جیت
دنیا والو جشن مناؤ گاؤ خوشی کے گیت

آج کسی جھوٹی وفا کا اتر گیا ہے جنون
کسی کے ارمانوں کا کیا ہے آج کسی نے خون
کسی کے ہاتھوں آج کسی کی ہوئی ہے گھائل پریت
دنیا والو جشن مناؤ گاؤ خوشی کے گیت

توڑ دیا ہے کسی نے پریتم کے من کا وشواس
دھوکہ پیار میں کھا کر وہ جیون سے بھی ہے نراس
کر دی ہے بدنام کسی نے آج وفا کی ریت
دنیا والو جشن مناؤ گاؤ خوشی کے گیت

ٹوٹ گیا ہے دل میرا مری آج چھن گئی پریت
دنیا والو جشن مناؤ گاؤ خوشی کے گیت