ہتھ جوڑ کے اج اک عرض کرنی تے منی گل اے میری ضرور ماہی
چلے لکھ اے ہو اوے وچھوڑیاں دی ہوویں اکھاں توں کدی نہ دور ماہی
معاف کریں اپنڑاں سمجھ کے توں میتھوں ہووے جے کوئی قصور ماہی
کھیڈیں صادقؔ دے دل نال صدا پاویں شیشہ دل دا کریں نہ چُور ماہی
تُوں ٹُر گہیوں دور جے اکھیاں توں میں سب کچھ اپنڑاں ہر جا نٹراں
میرے دل دی دھڑکن دسدی اے میں وچھڑ کے تیتھوں مر جانڑاں
اِیس ہسدی وَسدی دُنیا وِچ کوئی تیرے باہجوں میرا نہیں
میرے دِل وچ توں اِی وَسدا اِیں کسے ہور دَا سجنڑاں ڈِیرا نہیں
جے میتھوں مکھ توں موڑ لیا میں ہجر دِے پالے ٹھر جانٹراں
تُوں ٹُر گہیوں دُور جے اَکھیاں توں میں سب کچھ اَپنڑاں ہر جانٹراں
میرا دردی کوئی نہیں دُنیا تے مینوں کلیاں چھڈ کے جاویں ناں
ہتھ جوڑ کے عرض گذاراں میں میرے دل تاں ویر کماویں ناں
ایویں لگ کے آکھے لوکاں دے تسیں کنڈھ نہ میتھوں کر جانڑاں
تُوں ٹُر گہیوں دُور جے اَکھیاں توں میں سب کچھ اَپنڑاں ہر جا نٹراں
مینوں ٹور کے ایس جہان اُتوں جتھے دِل آکھی ٹُر جاویں
میں یار پر اونڑ آں دو دن دا مینوں ایویں ہور ناں تڑپاویں
اوتھے جا کے کوئی وِی آندا نہیں میں سجنڑاں جہڑے گھر جانڑاں
تُوں ٹُر گہیوں دُور جے اَکھیاں توں میں سب کچھ اَپنڑاں ہر جانٹراں
تیرے باہجوں سجناں صادقؔ توں حق جین دِے ساہواں کھوہ لینے
توں اک پل جے نہ دِسیوں تے اَکھیاں نے بوہے ٹو لینے
سوں رَب دِی تیریاں دُکھاں نے میری زندگی دَ ا گھٹ بھر جانڑاں
تُوں ٹُر گہیوں دُور جے اَکھیاں توں میں سب کچھ اَپنڑاں ہر جانٹراں
