تیری دُنیا تے اَکھیاں نوں چار کر کے اَسیں رُل گئے آں رَبا اِیتھے پیار کر کے
تیرے لوکی اِیتھے سُکھاں اُتے ڈاکے مار دے وِیکھاں جہڑے پاسے ڈِسدے نے ویڑی پیار دے
بڑا خوش ہوندے دِلاں اُتے وار کر کے اَسیں رُل گئے آں رَبا اِیتھے پیار کر کے
ماہی ٹُر گیا ساڈا سوچاں ڈنگیاں نئیں پئیاں ساڈے دل دیاں ریجھاں ساڈے دل وچ رئیاں
جیوندے مر گئے کِسے دا اعتبار کر کے اَسیں رُل گئے آں رَبا اِیتھے پیار کر کے
سانوں رول دتتا جگ اُتے ساڈیاں وفاواں ساڈی اَکھیاں اِچ ہنجو ساڈے ہونٹاں اُتے ہاواں
کوئی ٹُر گیا جینا دشوار کر کے اَسیں رُل گئے آں رَبا اِیتھے پیار کر کے
اَساں کسے دِیاں دُکھاں نال سُکھاں نوں وٹایا سانوں بُھل کے وی ساہ کدی سُکھ دا نہ آیا
کھٹے دُکھ اَساں پیار دا بیوپار کر کے اَسیں رُل گئے آں رَبا اِیتھے پیار کر کے
سُکھ صادقؔ دِے لٹے تیرے جگ دِیاں لوکاں توں وی ربا نہ وَسایاں اِیدے پیار دِیاں جھوکاں
مار دِتا وَکھ یار کولوں یار کر کے اَسیں رُل گئے آں رَبا اِیتھے پیار کر کے
