(Last Updated On: )
تیڈا وطن چھوڑیندے پئے آں توں شالا آباد راہویں
اساں جگیان پٹیندے پئے آں توں شالا آباد راہویں
تیں جو آکھیا اتھ نہ راوہ، نیڑے تڑیڑے نظر نہ آووہ
حکم منیدے پئے آں توں شالا آباد راہویں
تیڈیاں خیراں منگسوں ہر دم، اپنی بربادی دا ماتم
آپ سوہیندے پئے آں آں توں شالا آباد راہویں
ظلم دا چرچا عام نہ تھیوے، تیڈا ناں بدنام نہ تھیوے
زخم لُکیندے پئے آں توں شالا آباد راہویں
شاکرؔ تھی تاں پہ ہاں راہی، پر ساکوں اے خبر نہیں ماہی
کنتے ویندے پہ آں آں توں شالا آباد راہویں
