تلاشِ سکوں

کوئی انجان سی خواہش میں
نہ جانے کیوں مرا دل
ہر گھڑی، ہر لمحہ
دھڑکتا ہی رہتا ہے
اس کا یوں دھڑکنا
مجھے مبتلائے خوف کرتا ہے
ہاں ! یہ مچلتا بھی رہتا ہے
اس کا یوں مچلنا
مجھے سرشار کرتا ہے۔۔۔۔
تذبذب کے اس عالم سے
نکلنا چاہتا ہوں میںَ
تبھی ان قدرتی نظاروں کا
سہارا لے لیا کرتا ہوں میںَ
یہ دریائوں کا پانی
جب بھی سر پٹکتا ہے
چٹانوں سے
مجھے محسوس ہوتا ہے
شاید اس کا بھی دل ہے
جو مچلتا ہی رہتا ہے
میری طرح
تلاشِ سکوں میں
یہ بھی سرگرداں ہے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔