تفصیل سے رودادِ سفر یاد نہیں ہے

تفصیل سے رودادِ سفر یاد نہیں ہے
اب لَوٹ کے آئے ہیں تو گھر یاد نہیں ہے
تو عہد فراموش ہے تحریر کا دشمن
میں یاد دلاتا ہوں اگر یاد نہیں ہے
گزری ہوئی یادوں کے جزیروں کے سفر میں
لگتا ہے کہ سب یاد ہے پر یاد نہیں
دستک پہ ہمارے لئے کھولا ہو کسی نے
اس شہر میں ایسا کوئی در یاد نہیں ہے
حالات نے پتھرا دیا مخلوقِ خدا کو
ہونٹوں پہ کسی شخص کے فریاد نہیں ہے
یلغار میں جو کچھ بھی ہوا ،یاد ہے کچھ کچھ
دستار بچا لائے تھے،سر یاد نہیں ہے
پھرتے ہیں بھٹکتے ہوئے طوفان میں نجمیؔ
معصوم پرندوں کو شجر یاد نہیں ہے
۔۔۔۔۔۔۔۔۔۔۔۔۔۔۔۔۔۔۔۔