سوجی سرخ انکھیں

ٹیبل لگا کر وہ چھت پہ چلی آئی۔۔۔۔۔
تنہائی ملتے ہی آنسووں نے رستہ دیکھ لیا ۔۔۔۔۔
درراب نے ایک دفعہ بھی اسے نہ بلایا۔۔۔۔۔۔۔
یعنی اس کی اپنی کوئی حیثیت ہی نہیں تھی ۔۔۔۔۔۔۔ اتنا عرصہ تو کسی جانور کو بھی پالو تو اس سے بھی لگاو ہوجاتا ہے نجانے اسکا نصیب کیسا تھا۔۔۔ دو سال گزارنے کہ بعد بھی اس شخص کو اس سے محبت نہیں ہوئی۔۔۔۔ ۔۔۔۔ “دانی تمہاری محبت اتنی طاقتور تھی کہ تمہارے جانے کہ بعد بھی ختم نہ ہوسکی۔۔۔۔”
وہ آج دانی سے بھی شکوہ کناں ہے۔ ۔۔۔۔۔۔۔
آدھے گھنٹے سے زیادہ ہوگیا ۔۔۔۔۔۔۔۔۔۔
تھک ہار کر وہ خود ہی نیچے چلی آئی بھوکی پیاسی اکر بیٹھ گئی۔۔۔۔ تبھی درراب چلا آیا ۔۔۔۔۔۔
یہ کیا حرکت کی ہے تم نے ؟؟؟؟
درراب نے کڑے تیور سے اسے گھورا۔۔۔۔
عنایہ نے انکھیں اٹھائیں تو درراب کو اپنا آپ اس جھیل سے گہرے پانی میں ڈوبتا ہوا محسوس ہوا۔۔۔۔۔۔۔۔۔۔
سوجی سرخ انکھیں مسلسل گریہ و زاری کی کہانی سنا رہیں تھیں۔۔۔۔۔۔
“مجھے بھوک نہیں ہے۔۔۔۔۔”
بے وجہ ہی انگلیوں کو مڑوڑ رہی تھی۔۔۔۔
“چلو چل کر کھانا کھاو۔۔۔”
درراب نے اس کہ سراپہ سے نگاہیں چراتے ہوئے کہا:
“میں نے کہا نا مجھے بھوک نہیں ہے ۔۔۔”
عنایہ کے تیور ہر گز بھی نظر انداز کرنے والے نہ تھے درراب کو بخوبی اندازہ ہوگیا کہ وہ سب سن چکی ہے۔۔۔۔۔
غصہ تو بہت آیا اس کہ اس لہجہ پر لیکن ضبط کرتا ہوا نرم لہجہ میں گویا ہوا۔۔۔
“دیکھو عنایہ بھوکے رہنا ٹھیک نہیں ہے ویسے ہی اتنی کمزور ہو یوں بھوکا رہو گی تو اور کمزور ہوجاو گی۔۔۔۔”
درراب نے اس کہ سامنے بیٹھتے ہوئے اسکا ہاتھ تھاما۔۔۔۔
عنایہ نے جھٹکہ سے اس کا ہاتھ پرے کیا۔۔۔
“نہیں چاہیئے یہ نام نہاد ہمدردی ۔۔۔۔ میں اپنی حیثیت بہت اچھے سے پہچانتی ہوں ۔۔۔ آپ کو اپنے مقام سے نیچے دیکھنے کی ضرورت نہیں ہے درراب شاہ۔۔۔۔”
“میں بھی کتنی پاگل ہوں تمہاری ہمدردی کو محبت سمجھتی رہی ۔۔۔۔۔ ہوں نہ عورت ایک کمزور سی ۔۔۔۔”
آنسو تواتر سے گررہے تھے۔۔۔۔۔ لیکن اسے پرواہ نہیں تھی۔۔۔۔
“لیکن میں یہ بھول گئی تھی کہ درراب شاہ تو کم قیمت شئہ کبھی استعمال بھی نہیں کرتا کجا کہ بدلہ میں لائی گئی عورت کو کیسے اپنی شریک حیات تسلیم کرسکتا ہے ۔۔۔۔۔۔”
“خاموش ہوجاو عنایہ ۔۔۔۔”
درراب نے سرد تاثرات کہ ساتھ اسے چپ کروانا چاہا۔۔۔۔۔ صرف چاہا لیکن وہ ہوئی نہیں ۔۔۔۔۔
“نہیں درراب شاہ نہیں وہ وقت گیا جب خاموش رہ کر سارے ظلم برداشت کرگئئ تھی اب جبکہ تم اپنی زندگی کا فیصلہ کرنے لگے ہو تو میرا بھی فیصلہ کرتے جاو۔۔۔۔۔”
“مطلب کی بات کرو عنایہ درراب ۔۔۔۔”
درراب نے دانت پیستے ہوئے کہا:
“کتنے چالاک ہو تم کہاں تو میرا نام لینا گوارہ نہیں تھا تمھیں اور اب عنایہ درراب شاہ ۔۔۔ واہ واہ پینترے بدلنا تو کوئی تم سے سیکھے۔۔۔۔”
“بکواس بند کرو اگر میں چپ ہوں تو میری خاموشئ کو میری کمزوری مت جانو۔۔۔۔”
“تم اور کمزور کوئی تک کی بات کرو ۔۔۔ ”
عنایہ نے گویا ناک سے مکھی اڑائی۔۔۔۔
“بصدشوق تم شادی کرو چاہے تو تیسری اور چوتھی بھی کرڈالو ۔۔۔ لیکن مجھے آزادی چاہیئے تم سمیت تمہاری حویلی سے ۔۔۔ طلاق چاہیئے مجھے بہت سزا کاٹ لی نہ کردہ گناہ کی بس اب اور نہیں ۔۔۔۔ تمھیں حق حاصل ہے اپنی زندگی نئے سرے سے شروع کرنے کا تو مجھے بھی یہ حق ہے کہ میں اپنی مرضی سے زندگی ۔۔۔۔”
“چپ بلکل چپ ۔۔۔۔”
درراب نے اگے بڑھ کر اس کہ لبوں پہ انگلی رکھی ۔۔۔۔ وہ آنکھیں پھاڑے اسے اپنے قریب دیکھے گئی۔۔۔۔ سانسیں تھم سی گئیں تھیں۔۔
“آزادی چاہیئے تمھیں ہاں مجھ سے !!!!!
تو کان کھول کر سن لو عنایہ درراب شاہ تم تاعمر میرے ساتھ جڑی رہو گی اور رہی بات بیوی کی تو وہ بہت جلد بن جاوگی۔۔۔۔۔۔ دن گننا شروع کردو۔۔۔۔۔۔”
واضح لفظوں میں وہ اسے بہت کچھ جتاگیا تھا۔۔۔ سارا خون سمٹ کر اس کہ چہرہ پہ جما ہوگیا۔۔۔
شعلہ بار انکھیں اس کہ چہرہ پہ گاڑ کر جھٹکہ سے پرے کیا اور تن فن کرتا باہر نکل گیا ۔۔۔۔۔۔
وہ ایک بار پھر بڑی شدت سے رودی ۔۔ اپنی کم مائیگی پر ۔۔۔ اسکا کوئی حق نہیں تھا زندگی پر تو پھر وہ زندہ ہی کیوں ہے ؟؟؟؟؟
“میں نے پرکھا ہے اپنی سیاہ بختی کو
میں جسے اپنا کہدوں وہ پھر میرا نہیں رہتا۔۔”
___________________________
“لغزشوں سے ماورا
تو بھی نہیں میں بھی نہیں
دونوں انسان ہیں
خدا تو بھی نہیں میں بھی نہیں ”
کیسا درد تھا اس کی انکھوں میں جو چیخ چیخ کر اپنا دکھ واضح کررہا تھا ۔۔۔۔۔
“میں کب تک اس کہ وجود سے نظریں چراتا رہوں گا ۔۔۔۔۔ جب میں جانتا ہوں کہ وہ بے قصور ہے سزا وار تو راحب ہے تو کیوں میں اسے سزا دینے پہ تلا ہوا ہوں۔۔۔۔۔۔۔۔ کیوں میں منہ زور خیال کو دباتا آیا ہوں ۔۔۔ کیا مجھے اس سے کبھی محبت ہوئی ہی نہیں یا میں اسے اس قابل ہی نہیں گردانتا؟؟،
“وہ بے قصور ہوکر ساری زیادتیاں برداشت کرتی آئی ہے میں اب اس کہ ساتھ کوئی زیادتی نہیں ہونے دوں گا۔۔۔ ”
اور ماہم اسکا کیا ؟؟؟ جب تم اس کو ٹھکرادو گے تو کون اسے قبولے گا۔۔۔ پورے گاوں کو علم ہے تمہارے اور اس کہ رشتے کا ۔۔۔ کیا اسے ذلت کی زندگی دے کر تم خوش رہوگے؟؟؟
دل کی تعویل کو دماغ نے بڑے بے دردی سے رد کرتے ہوئے اپنا قبضہ جمایا تھا۔۔۔۔۔۔
یہ کوئی پانچویں سگریٹ تھی جو اس کی سپید انگلیوں کہ بیچ سلگ رہی تھی ۔۔۔ ماحول کی خنکی بھی اس پر اثر انداز نہ ہو پائی تھی۔۔۔۔۔۔۔۔
دل و دماغ کی اس جنگ میں وہ اپنا آپ ہارتا جارہا تھا۔۔۔۔۔۔۔۔۔۔۔۔۔۔۔۔۔۔
اور افسوس کی بات تو یہ تھی کہ اس کا سگا باپ اسے آگ کہ شعلوں کی جانب دھکیل رہا تھا ۔۔۔۔۔۔۔۔۔۔۔
“ہر شخص ناراض ہے ،
میری باتوں سے ،
میرے لہجے سے ،
اور مجھے منانا بھی نہیں آتا۔۔۔”
ادھے گھنٹے سے رف ڈرائیونگ کررہا تھا آج اسے ایک اہم کیس پہ میٹنگ کرنی تھی لیکن دماغ ایک دم مفلوج ہوگیا تھا۔۔۔۔۔۔۔۔
سڑک پر گاڑی دوڑا دوڑا کر تھک گیا تو واپسی کی راہ لی ادھ جلا سگریٹ کھڑکی کی جانب اچھال دیا اور گھر کہ راستے پہ گاڑی دال دی۔ ۔۔۔۔۔۔۔۔
____________________________
چٹختی لکڑیوں کی آواز ماحول میں عجیب سا ارتعاش پیدا کررہی تھی ۔۔۔۔۔ پانچ چھ لوگ گھیرا بنا کر شراب نوشی میں مصروف تھے۔۔۔۔ بیچ میں کچھ لکڑیاں جلائی گئیں تھیں تاکہ خنکی کم محسوس ہو ۔۔۔۔۔ تھوڑی تھوڑی دیر بعد سب کہ سب کسی نہ کسی بات پر بے ہنگم قہقہہ لگاتے ۔۔۔۔۔۔۔ باو آرام سے پلنگ پر بیٹھا چرس سے بھری ہوئی سگریٹ پی رہا تھا۔۔۔۔۔۔۔
مستیوں میں لگے نشہ میں دھت ایک دوجے پہ فقرہ کس رہے تھے کہ پولیس موبائل کی آواز سناٹوں کو چیرتی ہوئی اس جھونپڑی کہ قریب سنائی دی۔۔۔ ۔۔۔۔۔۔۔۔۔
باو جو مکمل طور پر ہوش و حواس سے بیگانہ پڑا تھا ۔۔۔۔ سائرن کی آواز پر سارا نشہ ہوا ہوگیا ۔۔۔ تبھی ان کہ بیچ میں بیٹھے ایک شخض نے ان سب پر بندوق تان لی۔۔۔۔
اوئے سالے تو پولیس کا آدمی ہے ؟؟؟
شیدے نے کہتے ساتھ ہی شراب کی بوتل اس آدمی کی جانب ماری ۔۔۔۔۔ فوری طور پر جھکنے سے وہ بچ گیا۔۔۔ تبھی اہلکاروں نے اکر انھیں چاروں طرف سے گھیر لیا ۔۔۔۔۔۔۔۔۔
شاہ سول ڈریس میں گن تانے ہونق بنے باو کی جانب آیا ۔۔۔۔ اور گریبان پکڑ کر اسے زمین پہ دھکیلا۔۔۔۔۔ اس سے پہلے کہ وہ بائیں ٹانگ کا نشانہ لیتا دین کی آواز پر گھونسا اس کہ منہ پہ رسید کیا۔۔۔
“سر آپ سول ڈریس میں ہیں اسے میں دیکھ لوں گا۔۔۔”
شاہ اثبات میں سر ہلا کر پیچھے بنے پرانے گھر میں داخل ہوگیا۔۔۔۔۔۔۔
وہاں رکھی چیزوں کا باریک بنی سے جائزہ لینے لگا۔۔۔ اتنے میں دین محمد بھی وہیں چلا آیا ۔۔۔۔ “سر رات بہت ہوگئی ہے اب ہمیں چلنا چاہیئے۔۔۔۔”
“ہممم تم اس جگہ کو سیل کروادو۔۔۔”
وہ موبائل کان سے لگاتا ہوا پولیس جیپ کی جانب بڑھ گیا۔۔۔۔۔۔۔۔۔۔۔
___________________________
“اوئے خبیث کے بچہ تم یہاں بیٹھے عیاشیاں کررہے ہو وہاں باو کو پولیس پکڑ کر لے گئی۔۔۔۔۔۔”
کیا بک رہا ہے تو ؟؟؟
“سچ کہہ رہا ہوں باو نے اگر زبان کھول دی تو ہم کہیں کہ نہیں رہیں گے وہ ڈی ایس پی ہمیں زندہ درگور کردیگا۔۔۔۔۔”
لیکن اس ڈی ایس پی کو پتا کیسے چلا اس جھونپڑی کا؟؟؟
بہت ہی چلاک اور مکار ہے ڈی ایس پی نجانے کب سے گھاٹ لگائے بیٹھا تھا۔۔۔۔
“ٹھیک ہے تو جاکر بوریا بستر سمیٹ میں دیکھ لوں گا اسے ۔۔۔۔۔۔”
لیکن تم کیسے دیکھو گے وہ پوری نفری کہ ساتھ دھاوا بولے گا۔ ؟؟؟
“زیادہ چے چے نہ کر اور دفان ہوجا یہاں سے تیری وجہ سے کوئی گربڑ ہوئی تو ڈی ایس پی سے پہلے تو قبر میں جائے گا۔۔۔۔”
“میں تمرے فائدے کا سوچ رہا تھا ۔۔۔”
“تو جارہا ہے یا میں آوں۔۔۔”
رندھاوا نے گھور کر دیکھا۔۔۔۔۔۔
________________
رندھاوا اور باو بہت بڑی گینگ چلا رہے تھے ۔۔۔ باو اپنے چیلوں کہ ساتھ معصوم نوجوانوں کو پھنسا کر اپنی گینگ میں شامل کرتا تھا جبکہ کچھ غریبی کا رونا رو کر خود قربان ہونے چلے آتے تھے۔۔۔۔۔ دین محمد بھی انہی میں سے ایک کا لبادہ اوڑھ کر ان پر نظر رکھے ہوئے تھا۔۔۔۔۔
دین محمد کی بروقت خبر سے شاہ نے فوری ایکشن لیا اور جائے وقوعہ پر پہنچ کر ان کو اریسٹ کیا ساتھ اس جھونپڑی کو بھی سیل کروادیا تاکہ تفتیش میں آسانی ہو ۔۔۔۔۔۔۔۔۔۔۔۔
___________________________
شاہ عینو کو چیک اپ کروا کر لایا تھا۔۔۔۔ جسم پہ جگہ جگہ نیل پڑے ہوئے تھے ڈاکٹر نے برہمی سے عینو کا خیال رکھنے کو کہا تھا۔۔۔۔۔۔۔۔۔۔
بتاو مجھے کس نے دئیے ہیں یہ نشان؟؟؟
شاہ غصہ سے استفسار کرنے لگا۔۔۔۔
جبکہ عینو خاموش رہی تھی ۔۔۔۔۔۔
جب عینو کچھ نہ بولی تو شاہ نے بھی دوبارہ نہ پوچھا ۔۔۔۔
جبکہ عینو خاموشی سے آنسو بہارہی تھی۔۔۔۔
تبھی دھڑ کی آواز پر دروازہ کھلا۔۔۔ وہ کھڑکی میں کھڑا گہری گہری سانس لے کر اپنے آپ کو نارمل کررہا تھا۔۔۔ ۔۔۔۔ صائمہ کا بے ڈھڑک کمرہ میں آنا شاہ کو ایک آنکھ نہ بھایا۔۔۔۔۔۔۔۔۔۔
“اس کہ گھر والے آئے ہیں ملنے ۔۔۔”
صائمہ کی بات پر وہ بے یقینی کی کیفیت میں اٹھی اور باہر کی جانب جانے لگی۔۔۔۔۔
تبھی صائمہ نے سرعت سے اس کا ہاتھ پکڑ کر اسے روکا ۔۔۔۔۔۔۔۔۔
“کہاں ؟؟؟ تم خون بہا میں آئی ہو یہاں راہ و رسم بڑھانے نہیں۔۔۔”
عینو نے پر امید نظروں سے شاہ کو دیکھا شاہ غصہ سے قریب آیا۔ اور صائمہ کی مضبوط گرفت سے عینو کا نازک ہاتھ چھڑایا۔۔۔۔
“اپ جائیں بھابھی۔۔۔”
شاہ تم اس کیلئے مجھے جانے کا کہہ رہے ہو ؟؟؟
“بھابھی آپ جائیں اور ان سے کہیں یہاں کوئی عنایہ نہیں رہتی۔۔۔”
شاہ کہ پتھریلہ تاثرات پر صائمہ کہ بھینچے ہونٹ کھل اٹھے۔۔۔۔۔ جبکہ عینو نے ناسمجھی سے شاہ کو دیکھا جس کہ چہرہ پر کوئی رعایت نہیں تھی۔۔۔۔۔۔۔۔۔۔
صائمہ کہ جاتے قدموں میں خوشی کی شرساریت تھی۔۔۔۔۔۔۔
جبکہ شاہ عینو کی جانب دیکھے بنا واش روم میں گھس گیا تھا ۔۔۔۔۔۔۔۔۔۔۔۔
____________________________
تم کہاں ہو شاہ ؟؟؟
“بھائی میں ایک انجری کیلئے نکلا ہوا تھا بس گھر ہی آرہا ہوں ۔۔۔۔”
درراب نے مصروف سے انداز میں کہا:
“میں حویلی میں ہوں ابھی تھوری دیر پہلے ہی پہنچا ہوں۔۔۔”
خیریت بھائی اتنی جلدی ؟؟؟
“ہاں بس ایک ضروری کام تھا۔۔۔۔ تم ایسا۔ کرو عنایہ کو لے کر جمعرات تک حویلی پہنچ جاو ۔۔۔۔”
“جی بھائی ۔۔۔ ”
درراب نے دھیرے سے کہا اس کا دہیمہ پن صعود نے بری شدت سے محسوس کیا تھا۔۔۔۔
“اوکے پھر بات ہوگی۔۔۔۔”
موبائل ڈش بورڈ پر رکھا اور سامنے ونڈ اسکرین کو گھورنے لگا۔۔۔۔
نظروں کہ سامنے سہمی سہمی سی روئی روئی سی عنایہ کا چہرہ جھلملایا۔۔۔ تو بے اختیار ہی مکہ اسٹیرنگ وہیل پہ مارا ۔۔۔۔۔۔۔۔
“وہ تو اتنی نازک ہے کہ اسے چھوتے ہوئے بھی ڈر لگتا تھا کہاں وہ اس کا غصہ برداشت کرسکتی تھی۔۔۔ مزاج کہ بر خلاف اس نے تشدد سہے اب وہ اس پر انچ بھی آنے نہیں دے گا۔۔۔ پختہ ارداہ کرتا ہوا وہ گاڑی فل اسپید سے ڈورانے لگا۔۔۔۔۔۔۔۔”
__________________________
“سکندر تمہاری اس بتمیزی پر ہم تمھیں معاف کرتے ہیں ہماری عنایہ کا نکاح ہوا ہے ۔۔۔ اور پورے پنچائیت کہ سامنے تم نے اسے اپنے بیٹے کی بیوی بنایا تھا “۔۔۔۔
تم اس طرح کیسے انکھیں پھیر سکتے ہو؟؟؟
سعیدہ بیگم نے اپنے لہجہ میں زرا بھی لرزاہٹ پیدا نہ ہونے دی۔۔۔۔
“ماں جی میں اپکی عزت کرتا ہوں ۔۔۔ آپ کو اپنی پوتی عزیز ہے تو مجھے بھی میری بیٹی دل و جان سے عزیز تھی ۔۔۔۔۔ ”
“آپ کہ پوتے کو صحیح سالم چھوڑ دیا اسے غنیمت جانیں۔۔۔ جس دن آپ میری دانیہ کو لے آئیں گی اسی دن میں آپ کی بیٹی اپ کہ حوالے کردوں گا۔۔۔۔۔۔”
وہ جانتے تھے کہ مرے ہوئے لوگ کبھی زندہ نہیں ہوا کرتے لیکن پھر بھی اپنی بیٹی کو مہرا بنا کر وہ چاروں طرف سے سعیدہ بیگم کو گھیر رہے تھے۔۔۔۔۔
“چلو عنبرین اللہ کہ حوالے میری عنایہ۔۔۔”
اس عمر میں بھی سعیدہ بیگم رعب دار تھیں۔۔۔۔ شاید یہ ہی وجہ تھی کہ تمام اولادیں دور رہنے کہ باوجود بھی ایک ساتھ تھیں ۔۔۔۔۔۔۔
ایک گناہ ہوا تھا ان سے جو ان کی خوشیوں کو نگل گیا۔۔ ۔۔۔
“کیوں کہ معافیاں تو غلطی کی ہوا کرتی ہے لیکن گناہوں کی صرف اور صرف سزا ہوتی ہے ۔۔۔”
نجانے کب تک یہ سزا انھیں سہنی تھی ۔۔۔۔۔۔۔۔۔
اس کا فیصلہ قدرت نے کرنا۔ تھا۔۔۔۔
________________________
صائمہ شاہ کا رویہ دیکھ کر اندر اندر لکڑی کی طرح سلگ رہی تھی وہ کیسے برداشت کرلیتی کہ اس کی بہن کی جگہ کوئی لے۔۔۔۔ جب شاہ کا تلخ لہجہ سنا تو اس کہ سلگتے دل پر اوس پڑی ۔۔۔۔۔۔۔۔۔۔۔
وہ جو سوچ رہی تھی کہ شاہ نے اسے بیوی تسلیم کرلیا ہے وہ سراسر غلط تھا شاہ کی بیوی صرف اور ماہم ہی بنے گی ۔۔۔۔۔۔۔۔
________________________
رات کہ گیارہ بج رہے تھے جب وہ گھر میں داخل ہوا۔۔۔۔
ہاتھ میں کھانے کی شوپر تھامے وہ کچن میں آیا ۔۔۔ بریانی اور سیلڈ پلیٹ میں نکالے اور کمرہ کی جانب چل دیا۔۔۔۔۔
وہ کمرہ میں آیا تو عنایہ سکڑی سمٹی سی بائیں کروٹ لئے ہوئے تھی۔۔۔۔۔۔۔۔
وہ پلیٹیں ٹیبل پر رکھ کر اس کہ قریب آیا۔
وہ جو رونے کا شغل فرمارہی تھی اس کی آہٹ سن کر انکھیں میچ گئی۔۔۔۔
“اٹھو عنایہ کھانا ٹھنڈا ہورہا ہے ۔۔”
ساکت وجود میں جنبش نہ ہوئی تو اس نے عنایہ کا کندھا ہلایا۔۔۔۔
عنایہ جھٹکہ سے اٹھ بیٹھی۔۔۔ اور خوف ناک نظروں سے اسے دیکھنے لگی۔۔۔
درراب پہلے تو حیران ہوا پھر اپنی کی جانے والی بات ازبر ہوئی تو مسکرا دیا۔۔ لیکن ہونٹوں کو دبا۔ کر مسکراہٹ روکی تھی ۔۔۔۔۔۔
“ممجھے ببھوک ننہیں ہے۔۔”
سوکھے لبوں پہ زبان پھیری ۔۔۔۔
“اگر تم نے اب میری بات نہیں سنی تو تم جانتی ہو مجھے۔۔۔”
عنایہ نے اس کی انکھوں میں دیکھا جو کچھ اور ہی داستان رقم کئے ہوئے تھیں وہ فٹ سے اٹھ کر صوفہ پہ جا کر بیٹھی تھی۔۔۔۔۔
درراب اس کی پھرتی دیکھ کر منہ موڑ کر مسکرا دیا۔۔۔۔۔۔۔
خاموشی کہ ساتھ کھانا کھایا گیا۔۔۔
عنایہ پلیٹیں سمیٹ کر کچن میں چلی گئی۔۔۔۔۔۔۔۔
تھوڑی دیر بعد وہ چائے بنا کر دو کپ ٹرے میں لئے چلی آئی۔۔ درراب لیب ٹاپ ہر میل چیک کررہا تھا۔۔۔۔۔۔۔۔
ایک نظر اس کہ الجھے بکھرے سراپہ پہ ڈالی پھر سے اپنے کام کی جانب متوجہ ہوگیا۔۔۔۔
وہ اپنا کپ اٹھائے بالکنی کی جانب چلی آئی ۔۔۔
ٹھنڈی ٹھنڈی ہوا اس کہ اعصاب پر اچھا اثر کررہی تھی۔۔۔۔۔۔
وہ ارد گرد سے بے خبر اپنی ہی سوچوں میں غلطاں تھی کہ درراب کو اپنے قریب محسوس کرکہ حال میں آئی ۔۔۔۔
“کل ہم حویلی جائیں گے تم پیکنگ کرلینا۔۔۔”
درراب کی آواز پر وہ جہاں تھی وہیں ساکت ہو گئی۔۔۔
تو کیا وہ شادی کرنے جارہا تھا ؟؟؟
____________________________