سو بار ہوا ہے یہ تَماشا مِرے آگے

سو بار ہوا ہے یہ تَماشا مِرے آگے
مُجھ میں ہی سَمائی ہے یہ دُنیا مِرے آگے
شَبنَم میں چَمک اُٹھتا ہے خُورشِید دَمِ دِید
کُوزے میں سَما جاتا ہے دَریا مِرے آگے
رَقصاں ہیں مِرے سامنے میرے ہی خَیالات
اک خواب کی صُورت ہے یہ دُنیا مِرے آگے
بُت خانے میں جو بُت ہیں وہ میرا ہیں تَصَوُّر
آباد ہوئے کَعبہ کلِیسا مِرے آگے
ذَرّوں کو بَچاتا ہوں کہ ٹَھوکر میں فَنا ہے
اور کوہ سے کہتا ہوں کہ آ جا مِرے آگے
مَہتاب دمِ صُبح تو خُورشِید سرِ شام
دَونوں ہی ادا کرتے ہیں سَجدہ مِرے آگے
کُھلتی ہے ہر اِک بَند کلی میری نَظر سے
اُٹھتا ہے ہر ایک راز سے پَردہ مِرے آگے
مَہتاب پہ ہر رات بَسر ہوتی ھے میری
بہتا ھے جَہاں نُور کا دَریا مِرے آگے
میں دِیدۂ ساقی کو فلک چُومتا پہروں
رکھتا نہ اگر ساغِر و مِینا مِرے آگے