سیاہ رات میں کوئی اِدھر سے گُزرے تو

سیاہ رات میں کوئی اِدھر سے گُزرے تو
بتاؤں کَرب، کوئی رہگُزَر سے گُزرے تو
نجانے کِتنے مناظر نظَر میں جاگ اُٹھے
زمانے بعد تُمھارے نَگَر سے گُزرے تو
ہمارا خَوف ہے جو، اُس کو جان پائے گا
کبھی وہ ہِجر کےاِک بار ڈَر سےگُزرے تو
یہ سَنگ ایک نئی شَکل پا بھی سکتا ہے
تراش میں کِسی دَستِ ہُنَرسے گُزرے تو
وہاں تواب بھی اُداسی تھی،بعدمُدّت کے
جُداہُوئےتھےجہاں ہم ،اُدھر سے گزرے تو
رفاقتوں میں جوراحَت ہےاُس کوتَب جانا
غَمِ فِراق کے جَب ہَم اَثَر سے گًزرے تو
اُمَڈ کے آئے گی زریاب شَکل پَر رَونَق
وہ ایک بار ہماری نَظَر سے گُزرے تو