سہما سا شجر ،آج ادھر بھی ہے ادھر بھی

سہما سا شجر ،آج ادھر بھی ہے ادھر بھی
راوی میں بھنور ،آج ادھر بھی ہے ادھر بھی
کب امن کی آزاد فضا کو کرے مسموم
بارودی خبر ،آج ادھر بھی ہے ادھر بھی
ہرچندکہ ایک جسم کودولخت کیاہے
چاہت کاثمر ،آج ا دھر بھی ہے ادھر بھی
کاندھے پہ گراں بار جوانی کا جنازہ
دکھیارا پدر آج ادھر بھی ہے ادھر ۔بھی
ہر چند کہ بانٹا ہے سمندر کو زمیں کو
الفت کا نگر ،آج ادھربھی ہے ادھر بھی
یورپ کی حسیں دھند کی آغوش میں لپٹا
سیاس کا گھر ،آج ادھر بھی ہے ادھر بھی
انسان ادھر بھی ہیں تو انسان ادھر بھی
شیطاں بھی مگر آج ادھر بھی ہے ادھر بھی
کچھ امن کے حامی ،کبھی چھوڑے جو کبوتر
زہریلا اثر آج ادھر بھی ہے ادھر بھی
ارشاد کہومغربی ظلمت سے یہ جاکر
الفت کی سحر ،آج ادھر بھی ہے ادھر بھی