سچا اور حقیقی عاشق

صبح صبح کا وقت تھا۔۔۔ ابھی اجالے نے سہی سے آنکھ نہیں کھولی تھی۔۔۔۔ ہلکے ہلکے اندھیرے کے ساتھ پھوٹتا ہوا اجالا جنگل میں ایک حسین سا منظر پیش کر رہا تھا۔۔۔
وہ پلنگ پے سکڑی سمٹی سی سوئی ہوئی تھی۔۔۔۔
اسکا کمرہ ایک عجیب طرز کا بنا ہوا تھا۔۔۔۔
جو دیکھنے والے کو خوف کے ساتھ اٹریکٹ بھی کرتا تھا۔۔۔۔
یہ نہایت کشادہ کمرہ تھا۔۔۔۔ جس کی بڑی بڑی دیواروں پر سیاہ رنگ کا پینٹ کیا ہوا تھا۔۔۔۔ 
سیاہ رنگ کا ۔۔۔۔!!
اس سیاہ رنگ کے پینٹ کے درمیان نہایت خوبصورتی سے کسی کی تصویر کو پینٹ کیا گیا تھا۔۔۔۔
آہن کی۔۔۔!!!
وہ اسکی محبت تھا۔۔۔ انکی محبّت بھی عجیب تھی۔۔۔۔
نا جنس کا تعلق۔۔۔ نا کوئی رشتہ قریب کا۔۔۔۔۔!!!
وہ اس سے عمر میں اتنا بڑا تھا۔۔۔۔ کہ وہ اسکا اندازہ بھی نہیں کر سکتی تھی۔۔۔۔
وہ نہیں جانتی تھی اسے آہن سے محبّت کیسے ہوئی۔۔۔ کب سے اسکی محبّت نے اسکے دل میں چپکے سے جگہ بنائی۔۔۔ بس یہ ایک حصار تھا جس میں وہ قید تھا۔۔۔۔
زبردستی کا حصار۔۔۔!!
وہ اسے اپنا سچا اور حقیقی عاشق سمجھتی تھی۔۔۔۔
نا سمجھ۔۔۔۔۔!!!
چھت پر دیوار کے ہم رنگ فانوس لٹکا تھا ۔۔۔۔
سیاہ رنگ کا۔۔۔۔!!
سیاہ چادر والے پلنگ پر وہ سیاہ فراک نما گاؤن پہنے ہوئے اس میں سیاہ رات میں سیاہ رنگ کے بادلوں میں چمکتے چاند کی طرف لگ رہی تھی۔۔۔۔
اسکے گھنے گہرے سیاہ بال تھے۔۔۔۔
جب کہ آنکھیں سنہری تھیں۔۔۔۔
ملائی جیسی رنگت اور گلابی ہونٹ۔۔۔۔
وہ اس وقت سوئ حسن کا مجسمہ لگ رہی تھی۔۔۔۔
مورے (ماں) اسے ہمیشہ سیاہ رنگ ہی پہناتی تھی۔۔۔۔
اسکے نزدیک سیاہ رنگ اسکی بیٹی کے قریب آنے والی ساری بلاؤں کو ٹال دیتا تھا۔۔۔۔
ایک دن جب وہ گلابی رنگ پہن کر نکلی تھی۔۔۔ تب ہی اس پر کسی بھوکے وحشی بھیڑیے نے حملہ کر دیا تھا۔۔۔۔۔
اس دن کے بعد مورے اسے ہمیشہ سیاہ لباس پہناتی تھی۔۔۔۔
اسنے نیند میں ہی کروٹ لی۔۔۔۔ 
او۔۔۔ او۔۔۔او۔۔۔ آاا۔۔۔۔ 
آواز پر اسنے مندی مندی آنکھوں سے سامنے دیکھا۔۔۔
جہاں راجو اسے اٹھا رہا تھا۔۔۔۔۔۔
وہ تھا تو ایک جانور۔۔۔۔
اور جنس میں وہ ایک بندر تھا۔۔ 
مگر سحر کا گہرا دوست تھا۔۔۔ اس جنگل سے تو اسکا بچپن کا گہرا رشتہ تھا
اور راجو اسکے سب سے گہرے دوستوں میں سے تھا۔۔۔۔ انکی بولی بولنا اور سمجھنا وہ بچپن سے سیکھ گئی تھی۔۔۔ 
مگر مورے نے اسکے ساتھ اسے انسانوں کی بولی بولنا بھی سیکھا دی تھی۔۔۔ 
وہ حیران ہوتی۔۔۔۔ ایک دن اسنے مورے سے پوچھا تو انہوں نے اسے بتایا۔۔۔ کہ وہ۔۔۔
ایک انسان ہے۔۔۔۔۔۔!
کئ دن تو وہ یقین ہی نہیں کر پائی تھی۔۔۔
آہن کے پاس وہ اس بات کو غلط ثابت کروانے کے لئے گئی تھی۔۔۔۔
مگر اسنے اپنے انداز سے اسے ایسا بہلایا۔۔۔ کہ وہ سب کچھ بھول بھال گئی اسے یاد تھا تو صرف یہ۔۔۔۔
کہ وہ ایک جن زادی ہے۔۔۔۔۔!!
کیا ہے سونے دو۔۔۔۔!!
اسنے منہ بناتے ہوئے رخ پلٹا
۔۔
مورے ناراض ہو جائیں گی۔۔۔ سحر۔۔۔۔۔!!
راجو نے ڈرانا چاہا۔۔۔۔۔
مگر وہ ڈھیٹ بنی سوئ رہی۔۔۔۔
سنو۔۔۔۔۔!!
اسنے اسے دوبارہ بلایا۔۔۔۔
رات بارش آئ تھی۔۔۔
دھنک نہیں دیکھو گی۔۔۔؟؟
وہ کہتا ہوا چھلانگ مار کر کھڑکی کی طرف بڑھ گیا۔۔۔۔
وہ جھٹکے سے اٹھ بیٹھی۔۔۔۔
دھنک۔۔۔۔۔؟؟ وہ خوشی سے چلّائ۔۔۔ قدرتی مناظر کی خوبصورتی میں اسے دھنک دیکھنا بہت پسند تھا۔۔۔۔
وہ چھلانگ لگا کر بستر سے اٹھی۔۔۔۔
اسکے سیاہ گاؤن کی گہری لہریں سی اٹھی تھیں۔۔۔۔
وہ کھڑکی کے پاس گئی جہاں سے راجو باہر نکلا تھا۔۔۔ اسنے اپنے ہاتھ اس پر رکھا۔۔۔۔۔
اچانک سے کھڑکی ایک دروازے جتنی کھلی ہو گئی۔۔۔۔
وہ مزے سے اچھلتی ہوئی باہر نکل گئی۔۔۔۔
ہو۔۔۔ ہو۔۔۔۔۔!!
وہ خوشی سے زور سے آوازیں نکالتی درختوں کے ساتھ لٹکتی اچھلتی آگے بڑھ رہی تھی۔۔۔۔
بارش کی وجہ سے آج جنگل کے موسم کی خوبصورتی ہی الگ تھی۔۔۔۔
وہ ایک درخت کے تنے پر ٹک کہ بیٹھ گئی۔۔۔۔
سامنے دھنک دیکھ کر اسکو ویسے ہی وہیں بریک لگ گئی تھی۔۔۔۔
درخت کے تنے کے ساتھ ٹیک لگاۓ وہ مکمّل اس منظر میں کھوئی ہوئی لگ رہی تھی۔۔۔۔
اس سے تھوڑا دور کھڑی مورے نے محبّت بھری نظروں سے اسے دیکھا۔۔۔۔۔
اچانک انکی نظر کسی پر پڑی۔۔۔
گھبرا کر وہ سحر کی طرف لپکیں۔۔۔۔
اور اسے جلدی سے خود میں چھپاۓ جھٹکے سے وہاں سے غائب ہو گئی تھیں۔۔۔۔
راجو نے اوپر کی طرف دیکھا۔۔۔۔
مگر سحر کو غائب پا کر وہ سمجھ گیا۔۔۔ کہ اسے مورے وہاں سے لے گئی ہے۔۔۔۔
اور اسکی وجہ کسی کی وہاں آمد تھی۔۔۔۔
انسان کی۔۔۔۔۔۔۔۔۔!!
      
وہ چیختا چلاتا کمرے میں توڑ پھوڑ کر رہا تھا۔۔۔۔ غصّے سے اسکی آنکھیں انگارہ ہو گئ تھیں۔۔۔
وجہ آج اسکے لئے آنے والا ایک اور رشتہ تھا۔۔۔۔
بابا اور مما کے فورس کرنے کے بعد اسے لگا تھا اسکے دماغ کی شریانیں پھٹ جائیں گی۔۔۔
مما بابا جاننے کے باوجود اسے کسی اور سے شادی کے لئے فورس کر رہے تھے۔۔۔ جب کہ اس کے دل میں تو ایک ہی لڑکی بستی تھی۔۔۔۔
جس کی تصویر کو وہ سینے سے لگا کر سو جایا کرتا تھا۔۔۔۔ جو اسکے حواسوں پر بری طرح طاری تھی۔۔۔۔
پر کون سمجھتا اسے۔۔۔۔۔!!
اسنے صوفے کے ساتھ پڑی شیشے کی چھوٹی ٹیبل اٹھائی۔۔
اور پوری قوت سے اسے دیوار پر دے مارا۔۔۔۔ شیشے کی کرچیاں پورے کمرے میں پھیل گئ تھیں۔۔۔۔
وہ غصّے سے پاگل ہو چکا تھا۔۔۔ اور جب اسے یہ غصّے کا دورا پڑتا تھا۔۔۔۔
تو سب خاموش ہو جاتے تھے۔۔۔۔
آج بھی سب خاموش تھے۔۔۔۔
اسے اگنور کر رہے تھے۔۔۔۔۔!!
تھوڑی دیر بعد وہ چیزوں کو ٹھوکریں مارتا گاڑی کی کیز اٹھاتا گھر سے نکل چکا تھا۔۔۔۔۔
      
مورے آپ مجھے وہاں سے کیوں لے آئیں ہیں۔۔۔۔؟؟ مجھے ابھی اور مزے کرنے تھے۔۔۔
وہ مورے کی گود میں سر رکھے شکوہ کر رہی تھی۔۔۔۔
وہ پیار سے اسکے بالوں میں انگلیاں پھیر رہی تھی ۔۔۔۔
میری جان۔۔۔ سحر۔۔۔ وہاں تمھارے لئے خطرہ تھا تو تمہاری مورے تمہیں خطرے میں کیسے رہنے دیتی۔۔۔۔۔
وہ محبّت سے اسے اپنے ساتھ لپٹاۓ بولیں۔۔۔۔
سحر نے انکی طرف دیکھا۔۔۔ وہ ہمیشہ اسکے سامنے انسانوں کے روپ میں آتی تھیں۔۔۔۔ انکا روپ بہت بھلا تھا۔۔۔۔
انہوں نے کبھی اسے اپنا اصلی روپ نہیں دکھایا تھا۔۔۔۔ وہ ان سے ضد کرتی تھی مگر وہ ہمیشہ اسے ٹال دیتی تھیں۔۔۔۔
انسانوں سے بے حد محبّت کرنے والی مورے پانچ وقت کی نمازی بھی تھیں۔۔۔۔ سحر دیکھتی تھی انکے قبیلے کے باقی جنّات گندے کام کرتے تھے۔۔۔ غلاظت کھاتے تھے۔۔۔ اکثر انسانوں کو بھی تنگ کرتے تھے۔۔۔۔
مگر مورے ہمیشہ انھیں شفقت سے منع کرتی تھیں۔۔۔۔
مورے۔۔۔۔۔!! وہ زور سے انکے ساتھ لپٹ گئی۔۔۔۔
وہ خوشی سے اسکو بوسہ دینے لگی۔۔۔۔
ارے بڑے لاڈ اٹھاے جا رہے ہیں شہزادی کے۔۔۔۔
آہن کی آواز پر سحر مسکراتی ہوئی اسکی طرف پلٹی۔۔۔۔۔۔
وہ مسکراتے ہوئے پلٹی۔۔۔ آہن کھڑا اسے مسکراتے ہوئے دیکھ رہا تھا۔۔۔۔
تیکھی ناک والا آہن جس کی آنکھیں سبز تھیں۔۔۔۔ اس کی آنکھوں میں عجیب سی چمک تھی۔۔۔۔ وہ مورے کا بیٹا تھا۔۔۔۔
ہاں تو میں ہوں ہی اس قابل۔۔۔۔ کہ میرے نخرے اٹھاۓ جائیں۔۔۔۔
وہ ادا سے بال جھٹکتے ہوئے بولی۔۔۔۔
آہاں۔۔۔۔۔!!
وہ مسکرایا۔۔۔۔
بات میں دم تو ہے۔۔۔۔
ہاں نا۔۔۔۔ وہ پھولی۔۔۔۔
مورے مسکراتے ہوئے انکی باتیں سن رہی تھی۔۔۔۔ اللّه کرے یہ صدا ایسے ہی خوش رہیں۔۔۔۔ انکے دل سے بے اختیار دعا نکلی تھی۔۔۔ ۔
         
ارے بہت بہت مبارک ہو بھائی جان اللّه پاک نے آپکو بیٹی سے نوازا۔۔۔۔ علی صاحب اپنے بڑے بھائی کے گلے ملتے ہوئے بولے۔۔۔ جن کو اللّه پاک نے شادی کے پندرہ سال بعد اولاد کی دولت سے نوازا تھا۔۔۔۔
خیر مبارک۔۔۔۔۔!! تمہیں پتا ہے میں بہت خوش ہوں۔۔۔۔ وہ زور سے اپنے بھائی سے لپٹ گئے انکی خوشی کا کوئی ٹھکانہ نہیں تھا۔۔۔۔
تو پھر کر لیں ڈن۔۔۔ آپکی بیٹی میری بہو بنے گی اپنے عالم کے لئے۔۔۔۔
انہوں نے اپنے اکلوتے بیٹے عالم کا کہا۔۔۔۔
ارے بھائی۔۔۔۔ یہ بھی کوئی کرنے والی بات ہے۔۔۔۔ میں اپنی بیٹی غیروں میں تھوڑی دوں گا آپ بے فکر رہو۔۔۔۔ احسن صاحب مسکراتے ہوئے بولے۔۔۔۔
تو ٹھیک ہے پہلی سالگرہ پر نکاح ڈن ہے۔۔۔۔ علی صاحب نے ہاتھ آگے بڑھایا۔۔۔۔ احسن صاحب نے مسکراتے ہوئے انکے ہاتھ پہ ہاتھ رکھ دیا تھا۔۔
اور گڑیا کی پہلی سالگرہ پر اسکا نکاح عالم سے کر دیا گیا تھا۔۔۔۔۔
     
مجھے چھوڑ دو۔۔۔ میں کہتی ہوں مجھے چھوڑ دو۔۔۔ وہ چڑیل لوہے کے جال میں پھنسی بری طرح چیخ چلّا رہی تھی۔۔۔۔
اسکے گہرے سیاہ بال بکھرے ہوئے تھے۔۔۔۔ گہری کالی آنکھوں میں جہاں پہلے شیطانیت ہوتی تھی۔۔۔۔ آج وہاں بے بسی تھی۔۔۔۔
چھوڑ دو مجھے۔۔۔ !! 
وہ ایک بار پھر اپنے سامنے بیٹھے عامل بابا کو دیکھ کر غرائ۔۔۔۔
جو آگ کے سامنے بیٹھا کسی سفوف پر کچھ پڑھ پڑھ کر پھوک رہا تھا۔۔۔۔
اسنے اپنی غضب ناک نگاہیں دوسری طرف دوڑائیں۔۔۔
جہاں پر دو مرد دو عورتیں ایک تین سالہ بچہ اور ایک سالہ بچی کھڑی تھی۔۔۔
وہ سہمی ہوئی نظروں سے اس طرف دیکھ رہے تھے۔۔۔ جہاں سے اسکی غراہٹ سنائی دے رہی تھی۔۔۔ وہ اسے دیکھ نہیں سکتے تھے۔۔۔۔
عالم بیٹا پیچھے ہو جاؤ۔۔۔۔ سدرہ بیگم نے عالم کو آگ کی طرف بڑھتا دیکھ کر اسے جلدی سے پیچھے ہٹایا۔۔۔
مگر اگلے لمحے آنے والی آواز پر وہ سب کانپ گئے تھے۔۔۔۔
ہاہا۔۔۔ عالم ۔۔۔۔۔!!!
اب دیکھنا میں اسکی زندگی کو بھی ختم کر دوں گی۔۔۔۔۔
یہ تو ختم۔۔۔۔۔۔!!
ہاہا ہاہاہا۔۔۔۔ وہ اپنی بات پر خود ہی ہنسی سے لوٹ پوٹ ہوئے جا رہی تھی۔۔۔۔
دونوں بچے خوف سے چیخنے لگے۔۔۔۔ لے جاؤ انہیں۔۔۔۔
بابا نے دم پورا کرنے کے بعد کہا۔۔۔۔
کیسے کرے گی تو یہ سب۔۔۔۔ جب کہ تیری زندگی کا چراغ تو میں آج ہی بجھا دوں گا۔۔۔۔
بابا غضب ناک ہو کر دھاڑا۔۔۔۔ 
ہاہا۔۔۔ میری زندگی ختم۔۔۔۔؟ ہاہاہاہا۔۔۔۔ وہ پاگلوں کی طرح ہنسنے لگی ۔۔ 
اچانک بابا نے اس پر وہ پڑھا ہوا سفوف پھینکا۔۔۔۔ 
آااااااااا۔۔۔۔ اسکی ہولناک چیخ سے درو دیوار لرز اٹھے تھے۔ 
وہ بری طرح سے تڑپنے لگی۔۔۔۔ بابا مسلسل اس پر کچھ پڑھ پڑھ کر پھوک رہا تھا۔۔۔ اس کا جسم آہستہ آہستہ راکھ کا ڈھیر بنتا جا رہا تھا۔۔۔ چند لمحوں کا کھیل تھا۔۔۔۔۔ تھوڑی دیر میں وہ مکمّل راکھ بن چکی تھی۔۔۔۔ 
آخری بار وہ کسی کا نام لے کر چلّائ تھی۔۔۔۔ 
وہ کون تھی ۔ ۔۔۔ ایک خطرناک چڑیل ۔۔۔!! جو اپنی بھوک مٹانے کے لئے انسانوں کے معصوم بچوں کا خون پیتی تھی ۔۔۔۔ کتنے معصوم بچوں کی زندگی اس ظالم کی سفاکیت کی بھینت چڑھ چکی تھی۔۔۔۔۔
گڑیا کے پیچھے بھی وہ اپنی بھوک مٹانے کے لئے پڑی تھی۔۔۔۔
مگر افسوس۔۔۔ وہ خود مٹ گئی تھی۔۔ اس جہاں سے۔۔۔۔۔!!
اس راکھ کو دفنا دینا۔۔۔۔
بابا ہدایات دے رہا تھا۔۔۔ 
دروازے کی جھری سے ڈبڈبائ آنکھوں سے دیکھتے وجود نے اپنی آنکھوں سے ان بے مول آنسوؤں کو صاف کیا۔۔۔۔ اسکی آنکھوں میں انتقام کے شعلے بھڑک رہے تھے۔۔۔۔۔
وہ واپس پلٹ گیا۔۔۔۔۔ اسکے ذہن میں اسکی(چڑیل) کی آخری آوازگونج رہی تھی۔۔۔۔۔
مورے۔۔۔۔۔۔۔!!
       
سنو۔۔۔۔!!
سحر درخت کے ساتھ جھولتی ہوئی آہن سے بولی۔۔۔
جی سناؤ۔۔۔۔
وہ شوخ ہوا۔۔۔۔
کیا تم مجھے انسانوں کی بستی لے کر جا سکتے ہو۔۔۔۔
کیوں کہ مورے کہتی ہیں کہ میں ایک انسان ہوں۔۔۔۔ میں دیکھنا چاہتی ہوں وہ کیسے ہوتے ہیں۔۔۔۔
وہ امید سے بولتی گئی۔۔۔۔
کیا۔۔۔۔۔۔؟؟؟
وہ غضب ناک ہوا۔۔۔ اسکی آنکھوں کا رنگ ایک لمحے میں ہی بدل گیا تھا۔۔۔۔
گہرا نیلا۔۔۔۔۔!!!
وہ گھبرا گئی۔۔۔۔
کیا تمھیں میری بات سمجھ نہیں آئ۔۔۔ کہ تم ایک جن زادی ہو۔۔۔۔
مطلب تمھیں مجھ سے زیادہ مورے کی بات پر یقین ہے۔۔۔۔
اسکی آنکھوں سے تپش نکل رہی تھی۔۔۔ جو سحر کے وجود کو جھلسا رہی تھی۔۔۔۔
مم۔۔۔۔ میرا وہ مطلب نہیں تھا۔۔۔ 
مگر مورے۔۔۔۔۔!!
بھاڑمیں گئیں مورے۔۔۔۔!!!
وہ چلایا۔۔۔۔۔
آہن۔۔۔۔!!
وہ اس سے زیادہ اونچی آواز میں چلائ تھی۔۔۔۔
تم مورے کے بارے میں ایسا کیسے کہ سکتے ہو۔۔۔۔
وہ حیران ہونے کے ساتھ سخت خفا بھی تھی۔۔۔۔
آج پہلی بار اسنے مورے کے بارے میں ایسا کہا تھا۔۔۔ دوبارہ ایسا کچھ مت بولنا۔۔۔۔ 
وہ کہتی ہوئی غصّے سے جانے کے پلٹی۔۔۔۔
مگر اسکی کلائ آہن کی گرفت میں آ گئی۔۔۔۔
اسکو لگا جیسے اسے کسی انگارے نے چھو لیا ہو۔۔۔۔۔
اور اسکی تپش اسکو پگھلاۓ جا رہی ہو۔۔۔۔۔
رفتہ رفتہ وہ گہری نیند میں جا رہی تھی۔۔۔۔
اور کچھ ہی لمحوں میں وہ ہوش و خروش سے بے گانہ ہو گئی تھی۔۔۔۔۔
بس پانچ سال اور سحر۔۔۔۔۔!!!
بس پانچ سال۔۔۔۔!!!
اسے اپنے کندھے پر ڈالے وہ بولا۔۔۔۔
وہ اپنا روپ بدل رہا تھا۔۔۔۔
اسکی پیشانی نیلی پڑ گئی تھی۔۔۔۔ دو نوکیلے دانت باہر کو نکل اے تھے۔۔۔۔۔ جن سے لہو ٹپک رہا تھا تھا۔۔۔۔
گہرا سیاہ۔۔۔۔۔!! 
وہ اسے اٹھاۓ “موہن قلعہ” کی طرف بڑھ گیا۔۔۔۔
جو کہ انکے تمام قبیلے کا ٹھکانہ تھا۔۔۔۔ 
اور جسکی مالکن مورے تھیں۔۔۔۔۔
سحر اسکے کندھے پر جھولتی جا رہی تھی۔۔۔۔۔
      
آج وہ بہت دور نکل آیا۔۔۔۔ گھر جانے کو اسکا بلکل دل نہیں چاہ رہا تھا ۔۔۔۔۔
اسکا دل چاہ رہا تھا کہ وہ دوبارہ کبھی اپنے گھر نا لوٹے۔۔۔۔
کہیں دور نکل جائے۔۔۔۔۔
وہ مر چکی ہے بیٹا۔۔۔۔۔!! بھول جاؤ اسے۔۔۔۔۔ 
اسکے کانوں میں بابا کی آواز گونجی۔۔۔۔
نہیں۔۔۔۔۔۔!!!
اسنے بے اختیار سٹیرنگ پر مکاّ مارا۔۔۔۔
وہ نہیں مر سکتی۔۔۔۔
وہ مجھے چھوڑ کر نہیں جا سکتی۔۔۔۔
اس سنسان سڑک پر وہ اکیلا گاڑی میں بیٹھا چلّا رہا تھا۔۔۔۔
دل ہلکا کر لینے کے بعد اسنے نگاہ شیشے سے باہر دوڑائ۔۔۔۔
سامنے ایک گھنا خوبصورت سا جنگل تھا۔۔۔۔ شاید وہ جنگل کی پچھلی سائڈ تھی۔۔۔۔
اس میں کچھ عجیب سی کشش تھی۔۔۔۔
وہ بے اختیار اسکی طرف کھنچا چلا جا رہا تھا۔۔۔۔۔
اسکے پیر بے اختیار اس طرف ہوگئے۔۔۔۔
میکانی انداز میں اسنے دروازہ کھولا۔۔۔۔
اور جنگل کی طرف بڑھ گیا ۔۔۔۔۔
کسی روبوٹ کی طرح تابع۔۔۔۔۔۔!!!!