بھاویں جتنا ساحل ن یڑے ہووے مقسوم کنارے لیندن
ہووے قسمت نیک تاں دُنیا تے بنڑ نیک وسیلے ویندن
جیندے عزم ارادہ پختہ ہوونڑ اوہ کوں راہ طوفان وی دیندن
گل بیوسؔ صدق یقین دِی اِے سچ آپے توڑ چڑہیندن
رُت چولا بدلایا سانول نئیں آیا بدلاں مینہ برسایا سانول نئیں آیا
آساں مکیاں تک تک تیڈیاں راہواں وے حصے میڈے ہوکے ہنجوں ہاواں وے
رو رو حال وِنجایا سانول نئیں آیا رُت چولا بدلایا سانول
اللہ جانے مینڈے کولوں تھئییاں تقصیراں کے اِنج لگدا اے رُس پئیاں تقدیراں وے
سوچاں مار مکایا سانول نئیں آیا رُت چولا بدلایا سانول
صبراں دی حد مک گئی بہوں میں کیتا وے اڈ ونج کانواں توں وی چپ چپیتا وے
اِیویں شور مچایا سانول نئیں آیا رُت چولا بدلایا سانول
کھل گئے مینڈے وال تے کجلا ڈلیا وے شک پوندا اے پیار میڈا توں بھلیا وے
روح میڈا گھبرایا سانول نئیں آیا رُت چولا بدلایا سانول
دل کملے دے بھید کتھے ونج کھولاں دے کس اَگے فاروق ؔمیں دُکھڑے پھولاں وے
دشمن سایا سایا سانول نئیں آیا رُت چولا بدلایا سانول
