(Last Updated On: )
رکھ لوو لج مِری سرکار تسیں ہو لجپال
میں گنہگار ، گنہگار تسیں ہو لجپال
اک وفا دی دیو آن پُڑی نئیں تے مرنا
بے وفاواں دا میں سردار تسیں ہو لجپال
آپ دے در تے صدا آن کے پھل کر دے نیں
دے دیو دید دی مہکار تسیں ہو لجپال
دل کرے جیویں نوازو، کدی سفنے وچ
تے کدی جاگدے دیدار تسیں ہو لجپال
’’قبض‘‘ دی جیل ہوئی مینوں مِرے جرماں توں
’’بسط‘‘ منگناں میں خطاکار تسیں ہو لجپال
میں نہ ناسوت، مَلَکُوت، جَبَرُوت دا جانو
دیو لا ہوت دے انوار تسیں ہو لجپال
میں نکمے توں منیجی نہ کدی اک گل وی
مِرا اعجازؔ میں بے کار تسیں ہو لجپال
