فیاض احمد وجیہہ(نئی دہلی)
شاید سب لوگ نیند میں ہیں․․․․․․․․․․․․․․،
خاموشی طویل ہوتی جارہی ہے․․․․․․․․․․․،
اور آنکھیں جل رہی ہیں․․․․․․․․․․․․․․․․․․،
شاید دعائیں بے اثر ہو چکی ہیں․․․․․․․․․․،
سیاہ رات پھن کاڑھے سائیں سائیں کر رہی ہے․․․․․․․․، اور اس کی دو آنکھوں میں کسی کی بے چہر گی کا کرب نمایاں ہے۔ہاں․․․․․․․․․․․․شاید․․․․․․․․․․ستم انگیز ہواؤں کی اتھاہ گہرائیوں میں کسی کی نبض ڈوب رہی ہے ۔شاید……سناٹے جاگ رہے ہیں․․․․․․․․․․․، اور ․․․․․․․․․․․․کسی ویرانے میں پرچھائیوں کے مقبرے بن چکے ہیں․․․․․․․․، لیکن ․․․․․․․․․ان سناٹوں میں کتناشورہے،شاید کوئی چیخ رہا ہے․․․․․․․․ہاں․․․․․․․․․․شاید․․․․․․․․․․اپنے ہی بدن کی قیدمیں کوئی تڑپ رہا ہے․․․․․․․․․․․․․لہو میں تر پرندہ ․․․․․․شاید بیکل روح کی ہجرت کا یہ آخری منظر ہے،․․․․․․․․․․․لیکن․․․․․․․․․،
کسی نے سرگوشی کی․․․․․․․․․․․․تم شنکر ہو۔
․․․․․․․میں․․․․․․․․․․میں․․․․․․․․․․․،شاید اس کو اپنے آپ سے وحشت ہو رہی ہے ۔
وہ اتنے شنکر کیسے پیدا کر سکتا ہے․․․․․․․․․․؟
بے شک وہ عظیم ہے․․․․․․․․․،
اور ہر شے پر قادر ہے․․․․․․․․․․․
اس کی آنکھیں پر سکون تھیں․․․․․․․․شاید نالہء شب․․․․․․․․․نہیں․․․․․․․․․․․،اس کے یاقوتی لب مخصوص انداز میں ہل رہے تھے۔ شاید کوئی مقدس نہر سناٹوں کو بھید رہی تھی․․․․․․․․․․، ہاں․․․․․․․․․شاید․․․․․․․․․کوئی بے بس انسان خدا کے حضور․․․․․․․․․․․، گرم آنسوؤں میں زمین سلگ رہی تھی۔ ہاں․․․․․․․․․․شاید․․․․․․․․․․․آنسوؤں کے قطرے خشک ہورہے تھے، اور اس کی آنکھیں زمین پر رینگ رہی تھیں۔
’’کیاان سب باتوں کا کوئی مطلب نہیں ہے‘‘․․․․․․․․․․․․؟
نہیں․․․․․․․․․․،سب لوگ ایسے نہیں ہیں․․․․․․․․․․
’’ویداہ،وبھناہ،اسمرتیووربھناہ،ناسومنیرسیہ متم نبھنم،
دھرمسیہ تت وم نہتم گہایام،مہاجنوین گتہ سپنتھہ‘‘٭
ویرانے میں یہ مقدس نہر․․․․․․․․․․، شاید کوئی چشمہء حیواں ہے۔ جو اس کے کانوں میں رس گھول رہی ہے․․․․․․․․․․لیکن․․․․․․․․․․․․․، اس کے ہاتھ سخت ہو چکے تھے۔ شاید کسی بے رحم نے اپنے جلتے ہوئے ہونٹ بڑی بے دردی سے اس کے کانوں میں پگھلا دیے․․․․․․․اور․․․․․․، وہ چیخ رہاتھا․․․․․․․شاید اس کے بھیتر کوئی کراہ رہا ہے․․․․․ہاں․․․․․․․شاید․․․․․․لہو میں تر کوئی پرندہ ․․․․․، اس کی رگیں تن چکی تھیں․․․․․․اس نے یاد کرنے کی کوشش کی․․․․․․شاید اس دن جو شیرینی تقسیم ہوئی تھی․․․․․․نہیں․․․․․․نہیں․․․․․کوئی اپنے بارے میں․․․․نہیں․․․․․․․،شاید لفظ ناستک نہیں ہوتے……. ہاں شاید …..لیکن بھیڑیے،اس کی پوترتا کو نوچ کر کیسے خوش ہوتے ہیں …..اور دین دھرم کو سرِ بازار رسوا کر کے اپنے کوٹھوں پر چراغاں کرتے ہیں …..شاید کوئی چھنال،نہیں رنڈی…..!
اچانک کوئی شئے اس کے جسم پر رینگ گئی․․․․․․․، لاتعداد آنکھیں اس کو گھوررہی تھیں․․․․․․، اس نے اپنی بوجھل پلکیں پھیر لیں، اور مسکرانے کی کوشش کی․․․․جیسے کوئی دو شیزہ ․․․․․․نہیں․․․․․․․جیسے کوئی رنڈی․․․․․اپنے ہی نازوادا پر فریفتہ ہو، اور ضدی گر اہک، ․․․․․اس کی سانسیں اکھڑ رہی تھیں․․․․․․․․․․․،
کوئی مقدس آواز بلند ہو رہی تھی․․․․․․․․شاید کوئی بلار ہا ہے․․․․․․، نیکی کی طرف․․․․․․․کا میابی کی طرف ․․․،اچانک اس کی آنکھیں وسعت افلاک میں تیرنے لگیں․․․․․․․․․،کتنا اندھیرا ہے ․․․․․․․․ہاں ․․․․․․․، ․شاید ․․․․ ․․․․․رات کی زبان بھی کالی ہے․․․․․․․․․، شاید بہت دیر ہوگئی․․․․․․امّاں․․․․․․ہاں․․․․․․․شاید․․․․․․․․،
کسی نے سر گوشی کی․․․․․،بھارت ماتا کی جئے․․․․․․․․
اس کی آنکھیں بھن رہی تھیں․․․․․․․․․․․،
ترشول پرٹنگی لاشیں․․․․․․․․․․․،
یزیدوں کا لشکر․․․․․․․․․․،خون سے لت پت بوٹیاں․․․․․․، اور امّاں کی بہتی آنکھیں․․․․․․․․، شاید آسمان بہرہ ہو چکا ہے․․․․․․، نہیں․․․․․․اندھا نہیں ہو سکتا ․․․․․․مانوتا․․․․․مذہب ․․․․․․،چھلاوہ․․․․․․․نہیں․․․․․․․․․․․؟
شاید راستوں کی بے بسی زمین کا مقدرہے،․․․․․․لیکن․․․․․․اچانک اس کی رگیں پھٹنے لگیں․․․․․شاید پھر کوئی آواز شور مچا رہی تھی․․․․․․،
پاپا․․․․․․پاپا․․․․․․’’پولیس انتل تے ہات میں تیاتا‘‘․․․․․․’’وہ تیا دھوندرے تے‘‘․․․․․․چپ․․․․․شاید وہ ناراض ہو گیاتھا․․․․․‘مما․․․․․وہ اتنابھی نہیں سمجھتا․․․․․بدھّو….․،چپ․․․․کیوں …..مما․․․․․میں․․․․․․میں․․․․․․․․․،پھر اس کے معصوم لبوں پر ہنسی رینگ گئی․․․․․لیکن اس کی آنکھیں بہت دور تک کسی کا پیچھا کر رہی تھیں، اور کئی آوازیں ایک ساتھ گونج رہی تھیں․․․․․نعرۂ تکبیر․․․․․اﷲاکبر․․․․․․․․،جئے شری رام․․․․․گرو سے کہوہم ہندو ہیں․․․․․․بھارت ماتا کی جئے․․․․․اور پھر آوازیں گڈ مڈ ہو گئیں․․․․شایدا ﷲ․․․․․․اور ․․․․․․․رام․․․․․․․․․وہ پوری قوت سے چیخ رہاتھا․․․․․․․اور رات کی آنکھیں جل رہی تھیں․․․․شاید کوئی مقدس کتاب ․․․․․․․اس کی آنکھوں میں دھوا ں بھر رہاتھا․․․․․․، اچانک کسی نے سر گوشی کی․․․․․․․لاوارث و ستوبم ہو سکتی ہے․․․․․،
لاوارث…..
اس کا سر بھاری ہو رہا تھا․․․․․شاید کوئی چیز اس کے گلے میں اٹک رہی تھی․․․․․․․․، اس کی آنکھیں اُبل کر باہر آنے کو تیار تھیں․․․․․․․․اس نے پوری قوت سے اپنے سر کودبایا اور وہیں بیٹھ گیا․․․․․شاید زمین اندھیرے میں بھی سورج کا طواف کر رہی تھی․․․․!ہاں․․․․․شاید․․․․․!وہ کسی مقدس آواز کو صدا دے رہا تھا․․․․ایک بار پھر اس کی آنکھیں پر سکون تھیں․․․․․،قریب سے گزررہے رکشہ کو اس نے اشارے سے روکا، شاید اس کے حواس دم توڑ چکے تھے․․․․․اوروحشت پاؤں میں ناچ رہی تھی․․․․․․․، رکشہ والا پیڈل چلا رہاتھا اور اس کی طبیعت سنبھل رہی تھی․․․․․،
لیکن․․․․․․
اس کی آواز․․․․․، شاید بہت دور سے آرہی تھی․․․․اور وہ چیخ رہاتھا․․․․کا بھیا․․․․․اتنی رات گئے․․․․․․بے خیالی میں اپنی داڑھی پر ہاتھ پھیرتے ہوئے وہ ٹھٹھک گیا․․․․․․․․وہ․․․․․وہ ․․․․․․کسی نے سر گوشی کی․․․․․․،کیوں․․․․․؟میں خواہ مخواہ اپنی صفائی دینے کی کوشش کر رہا ہوں․․․․․․،
وہ بھی․․․․․․․
کیا اس نے بھی مجھے پہچان لیا․․․․․․،میں ․․․․․․میں کون ہوں․․․․؟
ہاں․․․․․تم شنکر ہو․․․․․کسی نے سر گوشی کی۔وہ بے چین ہونے لگا، اپنے کانوں پر ہاتھ دھرتے ہوئے اس نے آنکھیں موندنے کی کوشش کی․․․․․․․شاید کئی آوازیں اس کے تعاقب میں تھیں اور بار بار․․․․․․، رکشہ والا گردن ٹیڑھی کر تے ہوئے بولا․․․․․ہم لوگوں کا بھی بر احال ہے․․․․․․․، نہیں․․․․․․․اس نے مجھے نہیں پہچانا․․․․․․، لیکن ․․․․․میں کون ہوں․․․․․؟اب کا بتائیں․․․․․․، شاید چین اتر گیاتھا․․․․․․․،وہ راستہ بدل چکا تھا․․․․․، زندگی بھی ایک پٹری پر کہاں چلتی ہے بھیا․․․․․پیٹ سب سے بڑا پاپی ہے․․․․․․․ویسے چنتا کی کونو بات نہیں․․․․․․․، اچانک سامنے کی اندھیری گلی سے تین نوجوان نمودارہوئے․․․․․․، باتونی رکشہ والے نے بہت تیز بریک لیا․․․․․وہ سب نشے میں دھت تھے․․․․․ہینڈل کو اپنی گرفت میں لیتے ہوئے ان میں سے ایک بولا․․․․․کا میاں جی․․․․بھارت ماتا کی جئے․․․․․ارے ہٹو ہٹو․․․․․جناح پاکستان جا رہے ہیں․․․․․․،وہ بڑی تیزی سے پیڈل چلا رہاتھا․․․․․․ان کی دور ہوتی ہوئی آواز آئی․․․․․․سالا ․․․․حرامی․․․․․، اور ایک خوفناک ہنسی فضا میں گونج گئی․․․․․․، نہ جانے کتنی کڑیاں آپس میں جڑ رہی تھیں، اور وہ کسی نا معلوم زنداں میں جکڑ دیا گیاتھا․․․․․․،اور رکشہ والا بھی تقریباًہانپ رہاتھا․․․․․، ان کی آنکھیں سرخ ہورہی تھیں․․․․․شاید سانسوں کی جھلستی تتلیاں بے قابو ہو چکی تھیں․․․․․․․․ایک بار پھروہ کسی مقدس آواز کو صدا دے چکاتھا․․․․․․اس کے لب ہل رہے تھے․․․․․․․،شاید خدا کے حضور․․․․․․․، رکشہ بہت دور نکل چکا تھا․․․․․لیکن شور میں چیختی آوازیں اب تک اس کے تعاقب میں تھیں․․․․․․․شایدننھی کی کم سن آنکھیں اور اُس ہنسی کی بزرگی بھی․․․․․․․․، چپ ․․․․․․․کیوں․․․․․․․سالے پی کر ایسے ہی․․․․․․․․شاید اس کے سانسوں کی تتلیاں قابو میں آچکی تھیں، پھر اپنے گندے دانت کھولتے ہوئے بولا․․․․․․․بھیّا․․․․․․․․ہماراتو ایسے بھی کو نو ذات اور گوت نہیں ہوتا․․․․․․․․،کوئی سرد لہر اس کی انگلیوں کی پور میں سرایت کر گئی․․․․․․․․، ہاں پیٹ سے فرصت ملے تو متھا بھی ٹیک لیتے ہیں․․․․․․ویسے ان سالوں کی․․․․․․کسی گندی گالی کو اپنی زبان پر تازہ کرتے ہوئے اس نے گردن ٹیڑھی کی․․․․․، اس کے لب ہل رہے تھے اور آنکھوں سے آنسو جاری تھے۔ وہ سہم گیا․․․․․․․اور اس کے ہونٹ سل گئے ․․․․․․شاید اس کے آنسو اس کے ہونٹوں پر جل رہے تھے․․․․․․․․ایک بار پھر سناٹا جاگ رہاتھا․․․․․․․․، اور آنکھیں سورہی تھیں․․․․․ہاں․․․․․․شاید․․․․․․سب لوگ نیند میں ہیں․․․․، اورخاموشی طویل ہوتی جارہی ہے․․․․․․
لو بھیا․․․․آپ کا محلہ آگیا․․․․․․ہا․․․․․آں․․․․․․اس نے گردن ٹیڑھی کی اور پیڈل پر پاؤں دھرتے ہوئے بولا․․․․․بھیا․․․․․․․اوپر والے سے دعا کرو․․․․․․․․، اس کی آوازبدلی ہوئی تھی․․․․․․․․․اپنا خیال رکھا کرو․․․․․ہا․․․․․․․․آں․․․․․بے خیالی میں اس نے رکشہ والے کی طرف دیکھا ․․․․․․، ویسے چنتا کی کونو بات نہیں ہے․․․․․، شاید اس کا خدا اس کے پیٹ سے باہر آچکا تھا․․․․․،
لیکن․․․․․․․․․،
وہ خلامیں تیر رہی آوازوں میں ڈوب رہاتھا․․․․․․․، اور کوئی آوازرہ رہ کر اس کے اندر بھی گونج رہی تھی․․․․․شاید اس کے اندر کوئی کنواں ہے․․․․․
کہیں یہ وہ کنواں تو نہیں․․․․․․
نہیں ……نہیں ……
کڑیاں اتنی سخت نہیں ہو سکتں․․․․․․
بھیڑ یے تو․․․․․․، لیکن لہو میں تر پرندہ․․․․․․
اس کی آنکھیں رو رہی تھیں، اور نہ جانے کتنے منظرسسک رہے تھے ․․․․․’’پاپا پولیس انتل تے ہات میں تیاتا‘‘․․․․’’وہ تیا دھوند رے تے‘‘․․․․․․چپ․․․․․․․، انسانوں نے کیااوڑھ لیا ہے․․․․․وہ کتنے سکون سے اپنی صفائی دیتے ہیں․․․․․․اور ان کے چہرے پر شکن تک پیدا نہیں ہوتی․․․․․․، شاید یہ بھی․․․․․کسی نے سر گوشی کی․․․․․ہاں تم شنکر ہو․․․․․،ایک بار پھر لہومیں تر پرندہ پر تول رہا تھا․․․․․، اچانک اس کے دونوں ہاتھ اوپر کی جانب اٹھ گئے اور چہرہ گردن سمیت مخصوص انداز میں تن گیا․․․․․، میں ․․․․․میں․․․․․․․
لاوارث و ستوبم ہو سکتی ہے․․․․․․․کسی نے سر گوشی کی۔
نہیں․․․․․․․․،
یہ․․․․․․․․․․، شاید․․․․․․․
لیکن ضروری تو بہت کچھ ہے․․․․․․․شاید ․․․․․․، نہیں ․․․․․․، نہیں․․․․․․․․
میڑو․․․․․․․․․،
اکشر دھام․․․․․․․․،
جامع مسجد․․․․․․․․،
ہوٹل تاج․․․․․․․․․،
اور․․․․․․․․․، اور․․․․․،
وہاں تو․․․․․․․․، لیکن وسعت افلاک میں پھیلے خدا کا کچھ بگڑا اور نہ․․․․․․․․․،
یہ کون کفر بک رہا ہے․․․․․․․․․․،
میں ․․․․․․․․، نہیں․․․․․․․․․،نہیں․․․․․․․․․
اے خدا تو رحمان ہے․․․․․․․․رحیم ہے۔مشرق و مغرب کے خداؤں کا خدا ہے․․․․․․،
شب کی سیاہی آنکھوں میں اتر چکی تھی․․․․․․․، اور خاموشی طویل ہوتی جارہی تھی․․․․․․، شاید اس کی آنکھیں نیند میں تھیں․․․․․․․․لیکن․․․․․․․اس کا چہرا․․․․․․․․شاید بھبھوت ․․․․․․․․،رات کی ویران آنکھیں اس کے چہرے سے جھانک رہی تھیں․․․․․․․․․، وہ غسل خانے میں رات کی سیاہی دھو رہا تھا۔ پانی کے زبر دست شورمیں بھی اس کی آنکھیں پر سکون تھیں․․․․․․، اچانک اس کی نگاہ آئینے سے چار ہوئی․․․․․․کوئی مقدس داڑھی مسکرا رہی تھی․․․․․اس کے لبوں پر ہنسی رینگ گئی․․․․․شاید اس کے لب جل رہے تھے․․․․․․، اور کہیں دور کوئی پہلو بدل رہا تھا․․․․․
کئی دن بیت گئے ․․․․آج اپنے ہی گھر میں قدم دھرتے ہوئے خود بہ خود اس کے دونوں ہاتھ اوپر کی جانب اٹھ گئے اور چہرہ گردن سمیت مخصوص انداز میں تن گیا․․․․․․شاید کوئی کمان ․․․․․․․
اس کے دونوں ہاتھ اوپر کی جانب اٹھے ہوئے تھے اور چہرہ گردن سمیت مخصوص انداز میں․․․․شاید کوئی کمان․․․․ہاں․․․․شاید پورے دھڑکا بوجھ ایک جگہ اکٹھا ہو گیا تھا․․․․․․، لیکن․․․․․․، اس کی جامہ تلاشی کے دوران ڈیوٹی پرتعینات افسر محتاط نہیں تھا․․․․․، اس کی آنکھیں بھی کسی خاص قسم کی چمک سے بے پروا تھیں․․․․․اس نے مسکرا تے ہوئے پلیٹ فارم پر قدم رکھا․․․․․، اور ایک مخصوص جگہ پر بیٹھتے ہوئے اس نے تھیلے کو فرش پر پھیلا دیا․․․․․․․․․،
پہچان پتر․․․․․․․․،
کسی مظلوم زبان کی کوئی کتاب․․․․․․․،
سرٹی فیکٹ․․․․․․․․․․․،
راشن کارڈ․․․․․․․․․․․،
پین کارڈ․․․․․․․․․․․،
موبائل․․․․․․․․․․․․،
اور․․․․․․․․․․،اور․․․․․․․․․․
اس کی آنکھیں سرخ ہو رہی تھیں․․․․․․․․، وہ اپنی جگہ پر پہلو بدل رہاتھا․․․․․شاید ․․․․، لہو میں تر کوئی پرندہ اپنے پر تول رہا ہو․․․․․․․․نہیں․․․․․․․․․نہیں میں شنکر نہیں ہوں․․․․․․․․․اس کے ہونٹ ہل رہے تھے۔ اس نے چاروں طرف اچٹتی سی نگاہ ڈالی اور وحشیوں کی طرح رقص کرنے لگا․․․․․․․․، اس کے پاؤں دھرتے ہی زمین لرز رہی تھی․․․․․شایدتانڈونرتیہ․․․․․․․․، فرش پر اس کے کئی چہرے بکھرے ہوئے تھے اور کسی کی بے چہرگی پر سسک رہے تھے۔ اس کے لبوں پر ہنسی رینگ رہی تھی․․․․․․․․
شاید وہ تھک چکاتھا․․․․․، لیکن اس کے چہرے کی دوشیزگی ․․․․․․․․،ہاں ….. دوشیزگی….. ،اس نے اپنے چاروں طرف نگاہ دوڑائی․․․․․․․․، اور گٹھری نما ٹوپی کوخلا میں اچھال دیا․․․․․․․․، کوئی آواز فضا میں چاروں طرف گونج گئی․․․․․․․․مر گیا․․․․․․․سالا․․․․․․․․
ڈیوٹی پرتعینات افسر کی آواز آئی․․․․․پاگل ہے․․․․․․سالا، وہ قہقہہ لگا رہاتھا․․․․․، وہاں موجود لوگوں نے صاف سنا ․․․․․․، خدا نے کتنے پاگل پیدا کر دیے ہیں․․․․․․․
لیکن سب لوگ نیند میں تھے․․․․․، اور خاموشی طویل ہوتی جارہی تھی․․․․․․نہیں․․․․․․، سمٹ رہی تھی․․․․․․․
آج اسی جگہ پر․․․․․․․، شاید اس کا ہم شکل تھا․․․․․․ماتھا اور کان کی لویں’’تلک‘‘ سے چمک رہی تھیں․․․․،گلے میں رودراکش کی مالا جھول رہی تھی․․․․․․جنیو بھی کہیں کہیں سے نظر آرہا تھا․․․․․․، چندن کی مالا بھی اس کے میلے پیٹ کو چھورہی تھی․․․.. ہاتھوں میں کلا وہ آگے پیچھے ہو رہے تھے․․․․․اور وہ مادر زاد ننگا اسی جگہ پر ․․․․․․، اس کے یاقوتی لب ہل رہے تھے․․․․․․شاید کوئی پاگل کسی مقدس عبادت میں ہمہ تن مشغول تھا․․․․․․اور وسعت افلاک سے کوئی جھانک رہاتھا․․․․․،
اب پلیٹ فارم پر اس کی جگہ مخصوص ہوگئی تھی․․․․․․کئی بے چہرہ عورتیں وہاں بیٹھ کر اپنا دکھرا روتیں․․․․․․، اور وہ خلامیں ٹکٹکی لگائے زمین پر ہاتھ پھیر تار ہتا․․․․․شاید ان کے لیے کوئی روٹی اترنے والی تھی․․․․․
آج کئی دنوں کے بعد اس نے قہقہہ لگانا شروع کیا․․․․․․، وہاں موجود لوگوں نے اچٹتی سی نگاہ ڈالی اور اپنے آپ میں مصروف ہوگئے․․․․․․․ڈیوٹی پر تعینات افسربڑی دیر سے اس کو گھور رہا تھا․․․․․اچانک ٹوپی اور داڑھی اس کی آنکھوں میں روشن ہو گئے․․․․․اس نے اپنی زبان تازہ کی․․․․․․․سالا․․․․․․حرامی․․․․․․اتنے میں ایک نوجوان نمود ارہوا․․․․․․، اور وہ چونکنا ہوگیا․․․․․،اس نے مسکراتے ہوئے سفید چادر تان لی اور وہیں سو گیا ․․․․لیکن․․․․․․․
’’خدا کی سانسیں چل رہی ہیں اور شنکر زندہ ہے‘‘۔ہاں شنکر زندہ ہے،کیوں کہ……؟
٭٭٭
٭وید اور اسمرتیاں ہی نہیں رشیوں اور منیوں کے مت اور وچار بھی الگ الگ ہیں۔دھرم اور دھرم کے عناصر انسانی اعمال وافعال میں مضمر ہیں۔ان کے اعمال و افعال میں،جنہوں نے انسانیت کو مساوات اور عدل کی راہ دکھائی۔یعنی دھرم کی بنیاد میں خارجی اعمال اور مجہول اعتقادات کے لیے کوئی جگہ نہیں ہے۔(مہابھارت میں یکشیہ کے ایک سوال کا جواب دیتے ہوئے یدھشٹر نے یہ باتیں کہی تھیں۔)
