(Last Updated On: )
سوامی کشنانند۔ سوختہ
پینشن لینے خزانے میں گئے کوئی بزرگ
ان کو لینا تھا وہاں سے دو مہینے کا حساب
مل گئی چالو مہینے کی انھیں پوری رقم
اور ملا پچھلے مہینے کے متعلق یہ جواب
کیجئے داخل سول سرجن کا اک سرٹیفکٹ
یہ کہ اب سے تیس دن پہلے بھی تھے زندہ جناب
آپ کے جینے کا مل جائے گاتحریری ثبوت
پھر تو کیا ہو جائے گا فوراً بقائے کا حساب
پینشنر بوڑھا بیچارہ گھر کو واپس آ گیا
سوچتا ہے کس طرح دیں اس حماقت کا جواب
