ﭘﺘﮭﺮ ﮐﯽ ﻣﻮﺭﺕ

ﺳﻮﯾﺪ ﺑﮭﺎﺋﯽ!“ ﮨﻠﮑﯽ ﭘﮭﻠﮑﯽ ﮐﮍﮬﺎﺋﯽ ﮐﮯ ﺳﺎﺩﮦ ﺳﮯ ﭘﻨﮏ ﺳﻮﭦ ﻣﯿﮟ ﺗﯿﺎﺭ، ﺑﮍﯼ ﺳﯽ ﺳﯿﺎﮦ ﭼﺎﺩﺭ ﻣﯿﮟ ﻟﭙﭩﯽ ﺩﻝ ﺁﻭﯾﺰ ﺟﻌﻔﺮﯼ ﺭﺧﺼﺘﯽ ﮐﮯ ﻟﺌﮯ ﺗﯿﺎﺭ ﺗﮭﯽ ﺟﺐ ﻭﮦ ﮐﺴﯽ ﮐﯽ ﭘﮑﺎﺭ ﭘﺮ ﭨﮭﭩﮏ ﮐﺮ ﺭُﮎ ﮔﯿﺎ۔
”ﺟﯽ“ ﻓﻮﺭﺍً ﭘﻠﭧ ﮐﺮ ﭘﯿﭽﮭﮯ ﺩﯾﮑﮭﺘﮯ ﮨﻮﺋﮯ ﺍُﺱ ﮐﯽ ﻧﮕﺎﮦ ﺑﮩﺖ ﺩﻝ ﮐﺶ ﭼﮩﺮﮮ ﻭﺍﻟﯽ ﺍﯾﮏ ﺧﻮﺏ ﺻﻮﺭﺕ ﺳﯽ ﻟﮍﮐﯽ ﺳﮯ ﭨﮑﺮﺍﺋﯽ ﺗﮭﯽ۔
”ﻣﻢ ﻣﯿﺮﺍ ﻧﺎﻡ ﻣﺮﯾﻢ ﮨﮯ۔ ﻣﺮﯾﻢ ﻋﺒﺎﺱ۔ ﺩﻝ ﺁﻭﯾﺰ ﮐﯽ ﺑﮩﻦ ﺍﻭﺭ ﺑﮩﺖ ﺍﭼﮭﯽ ﺩﻭﺳﺖ ﮨﻮﮞ۔ ﺁﭖ ﺳﮯ کچھ ﮐﮩﻨﺎ ﺗﮭﺎ۔“
”ﺟﯽ ﻓﺮﻣﺎﯾﺌﮯ۔“ ﺑﮯ ﮔﺎﻧﮕﯽ ﻟﺌﮯ ﺍﺱ ﮐﮯ ﻟﮩﺠﮯ ﻣﯿﮟ ﻋﺠﯿﺐ ﺳﺎ ﺭُﻭﮐﮭﺎ ﭘﻦ ﺗﮭﺎ۔
ﻣﺮﯾﻢ ﻋﺒﺎﺱ ﺳﮯ ﺍﭘﻨﺎ ﻣﺪﻋﺎ ﺑﯿﺎﻥ ﮐﺮﻧﺎ ﻣﺸﮑﻞ ﮨﻮ ﮔﯿﺎ۔
”ﻭﮦ ﻣﯿﮟ ﺁﭖ ﮐﻮ ﺑﺘﺎﻧﺎ ﭼﺎﮨﺘﯽ ﺗﮭﯽ ﮐﮧ ﺩﻝ ﺁﻭﯾﺰ ﭘﺎﮔﻞ ﻧﮩﯿﮟ ﮨﮯ ﻭﮦ ﺻﺮﻑ ﺍﯾﮏ ﺻﺪﻣﮯ ﮐﮯ ﺣﺼﺎﺭ ﻣﯿﮟ ﮨﮯ۔ ﮈﺍﮐﭩﺮﺯ ﮐﮯ ﻣﻄﺎﺑﻖ ﻣﺎﺣﻮﻝ ﮐﺎ ﺑﺪﻻﺅ ﺍﻭﺭ ﮈﮬﯿﺮ ﺳﺎﺭﯼ ﻣﺤﺒﺘﯿﮟ ﺍُﺳﮯ ﺍﺱ ﺻﺪﻣﮯ ﮐﮯ ﺣﺼﺎﺭ ﺳﮯ ﻧﮑﺎﻝ ﺳﮑﺘﯽ ﮨﯿﮟ۔“
”ﺗﻮ“ ﺳﻮﯾﺪ ﮐﻮ ﺫﺭﺍ ﺑﺮﺍﺑﺮ ﺍﺱ ﻗﺼﮯ ﺳﮯ ﺩﻟﭽﺴﭙﯽ ﻧﮩﯿﮟ ﺗﮭﯽ۔
”ﺗﻮ ﺗﻮ ﺁﭖ ﺍﺱ ﮐﺎ ﺑﮩﺖ ﺧﯿﺎﻝ ﺭﮐﮭﺌﮯ ﮔﺎ۔ ﺍﺳﮯ ﺑﮩﺖ ﺳﺎﺭﺍ ﭘﯿﺎﺭ ﺩﯾﺠﺌﮯ ﮔﺎ۔ ﺍﻧﮑﻞ ﻧﮯ ﺍﮔﺮ ﺍﺱ ﮐﮯ ﻟﺌﮯ ﺁﭖ ﮐﺎ ﺍﻧﺘﺨﺎﺏ ﮐﯿﺎ ﮨﮯ ﺗﻮ ﯾﻘﯿﻨﺎ ﺑﮩﺖ ﺳﻮﭺ ﺳﻤﺠﮫ ﮐﺮ ﮐﯿﺎ ﮨﻮ ﮔﺎ۔ ﻭﮦ ﮔﻮﮨﺮِ ﻧﺎﯾﺎﺏ ﮨﮯ، ﺻﺪﻑ ﮨﮯ۔ ﺍﺳﮯ ﮐﺒﮭﯽ دکھ ﻣﺖ ﺩﯾﺠﺌﮯ ﮔﺎ ﭘﻠﯿﺰ۔“ ﺳﺎﻣﻨﮯ ﮐﮭﮍﯼ ﺧﻮﺏ ﺻﻮﺭﺕ ﻟﮍﮐﯽ ﮐﯽ ﺑﮭﯿﮕﯽ ﭘﻠﮑﯿﮟ دیکھ ﮐﺮ ﻭﮦ ﮐﮩﺘﮯ ﮐﮩﺘﮯ ﺭﮦ ﮔﯿﺎ ﺗﮭﺎ۔
”ﺍﯾﺴﺎ ﮨﯽ ﮔﻮﮨﺮ ﺗﮭﺎ ﺗﻮ ﮔﮭﺮ ﻣﯿﮟ ﺭﮐﮭﺘﮯ۔ ﻣﯿﺮﯼ ﺯﻧﺪﮔﯽ ﮐﯿﻮﮞ ﻋﺬﺍﺏ ﮐﺮ ﺭﮨﮯ ﮨﻮ؟“
ﻣﮕﺮ ﮐﮩﮧ ﻧﮧ ﺳﮑﺎ۔
”ﭨﮭﯿﮏ ﮨﮯ۔ ﺍﻭﺭ کچھ؟“
”ﻧﮩﯿﮟ۔“ ﺁﻧﺴﻮ ﭘﯿﻨﮯ ﮐﯽ ﻧﺎﮐﺎﻡ ﮐﻮﺷﺶ ﮐﺮﺗﯽ ﻭﮦ ﻟﮍﮐﯽ ﻧﻔﯽ ﻣﯿﮟ ﺳﺮ ﮨﻼ ﮐﺮ ﻓﻮﺭﺍً ﻭﺍﭘﺲ ﭘﻠﭩﯽ ﺗﮭﯽ ﺍﻭﺭ ﺗﻘﺮﯾﺒﺎً ﺑﮭﺎﮔﺘﮯ ﮨﻮﺋﮯ ﺳﯿﮍﮬﯿﺎﮞ ﭼﮍﮪ ﮐﺮ ﺍﻭﭘﺮ ﮐﺴﯽ ﮐﻤﺮﮮ ﻣﯿﮟ ُﮔﻢ ﮨﻮ ﮔﺌﯽ ﺗﮭﯽ۔
ﺳﻮﯾﺪ ﺳﺮ ﺟﮭﭩﮏ ﮐﺮ، ﺑِﻨﺎ ﮐﺴﯽ ﺳﮯ ﻣﻠﮯ ﮐﻤﺮﮮ ﺳﮯ ﻧﮑﻞ ﺁﯾﺎ۔
ﺗﮭﮑﻦ ﺳﮯ ﺑﮯ ﺣﺎﻝ ﺟﺲ ﻭﻗﺖ ﻭﮦ ﮔﮭﺮ ﻭﺍﭘﺲ ﻟﻮﭨﺎ، ﻋﺒﯿﺮﮦ ﺍﺱ ﮐﮯ ﺍﻧﺘﻈﺎﺭ ﻣﯿﮟ ﺟﻠﮯ ﭘﯿﺮ ﮐﯽ ﺑﻠﯽ ﮐﯽ ﻣﺎﻧﻨﺪ ﺍِﺩﮬﺮ ﺳﮯ ﺍُﺩﮬﺮ ﭼﮑﺮ ﻟﮕﺎ ﺭﮨﯽ ﺗﮭﯽ۔ ﺩﻝ ﺁﻭﯾﺰ ﮐﻮ ﮔﺎﮌﯼ ﺳﮯ ﺭﺍﺣﯿﻞ ﺟﻌﻔﺮﯼ ﺻﺎﺣﺐ ﺑﺎﮨﺮ ﻧﮑﺎﻝ ﮐﺮ ﮔﮭﺮ ﮐﮯ ﺍﻧﺪﺭ ﻻﺋﮯ ﺗﮭﮯ۔ ﻭﮦ ﯾﻮﮞ ﺳﺮﺩ ﺍﻭﺭ ﮔﻢ ﺳﻢ ﺗﮭﯽ، ﺟﯿﺴﮯ ﺑﺮﻑ ﺳﮯ ﻧﮑﺎﻝ ﮐﺮ ﻻﺋﯽ ﮔﺌﯽ ﮨﻮ۔ ﺭﺍﺣﯿﻠﮧ ﺑﯽ ﺍﯾﮏ ﺳﺮﺳﺮﯼ ﺳﯽ ﻧﮕﺎﮦ ﺍﺱ ﭘﺮ ﮈﺍﻝ ﮐﺮ ﺍﭘﻨﮯ ﮐﻤﺮﮮ ﻣﯿﮟ ﻗﯿﺪ ﮨﻮ ﮔﺌﯽ ﺗﮭﯿﮟ۔ ﺍﯾﺴﮯ ﻣﯿﮟ ﺭﺍﺣﯿﻞ ﺟﻌﻔﺮﯼ ﺻﺎﺣﺐ ﮐﻮ ﻣﺠﺒﻮﺭﺍً ﺳﻮﯾﺪ ﮐﻮ ﺁﻭﺍﺯ ﺩﯾﻨﯽ ﭘﮍﯼ، ﺟﻮ ﺍﻧﺪﺭ ﮐﻤﺮﮮ ﻣﯿﮟ ﻋﺒﯿﺮﮦ ﮐﮯ ﭘﺎﺱ ﺑﯿﭩﮭﺎ، ﺍﺳﮯ ﮈﮬﯿﺮﻭﮞ ﻭﻋﺪﮮ ﺍﻭﺭ ﺗﺴﻠﯿﺎﮞ ﺗﮭﻤﺎ ﺭﮨﺎ ﺗﮭﺎ۔
”ﺟﯽ ﺑﺎﺑﺎ!“ ﺭﺍﺣﯿﻞ ﺟﻌﻔﺮﯼ ﮐﯽ ﮐﮍﮎ ﭘﮑﺎﺭ ﭘﺮ ﻭﮦ ﻓﻮﺭﺍً ﻧﯿﭽﮯ ﺁﯾﺎ ﺗﮭﺎ۔
”ﺑﯿﭩﯽ ﮐﻮ ﮐﻤﺮﮮ ﺗﮏ ﺗﻮ ﻟﮯ ﺟﺎﺅ۔ ﯾﺎ ﯾﮧ ﻓﺮﺽ ﺑﮭﯽ ﻣﺠﮭﮯ ﺳﺮ ﺍﻧﺠﺎﻡ ﺩﯾﻨﺎ ﭘﮍﮮ ﮔﺎ؟“
ﮐﻮﺋﯽ ﺍﻭﺭ ﻣﻮﻗﻊ ﮨﻮﺗﺎ ﺗﻮ ﺷﺎﯾﺪ ﻭﮦ ﺟﻮﺍﺏ ﻣﯿﮟ کچھ ﮐﮩﺘﺎ ﻣﮕﺮ ﺍﺱ ﻭﻗﺖ ﺗﮭﮑﻦ ﺳﮯ ﺑﮯ ﺣﺎﻝ ﻭﮦ کچھ ﺑﮭﯽ ﮐﮩﻨﮯ ﺳﻨﻨﮯ ﮐﯽ ﭘﻮﺯﯾﺸﻦ ﻣﯿﮟ ﻧﮩﯿﮟ ﺗﮭﺎ۔ ﻟﮩٰﺬﺍ ﺧﺎﻣﻮﺷﯽ ﺳﮯ ﺩﻝ ﺁﻭﯾﺰ ﮐﺎ ہاتھ ﺗﮭﺎﻡ ﮐﺮ ﺍﺳﮯ ﺍﻭﭘﺮ ﺍﺱ ﮐﮯ ﻟﺌﮯ ﻣﺨﺼﻮﺹ ﮐﺌﮯ ﮔﺌﮯ ﮐﻤﺮﮮ ﻣﯿﮟ ﻟﮯ ﺁﯾﺎ۔
”ﺑﯿﭩﮫ ﺟﺎﺅ ﺁﺭﺍﻡ ﺳﮯ۔ ﺍﮔﺮ ﺑﮭﻮﮎ ﻟﮕﮯ ﺗﻮ ﺑﺘﺎ ﺩﯾﻨﺎ، ﮐﮭﺎﻧﺎ ﻻ ﺩﻭﮞ ﮔﺎ۔“ ﺍﺳﮯ ﺑﯿﮉ ﭘﺮ ﺑﭩﮭﺎ ﮐﺮ ﻭﮦ ﭘﻠﭧ ﺭﮨﺎ ﺗﮭﺎ، ﺟﺐ ﺩﻝ ﺁﻭﯾﺰ ﺟﻌﻔﺮﯼ ﺳﮑﮍ ﮐﺮ ﺧﻮﺩ ﮐﻮ ﺳﻤﯿﭩﺘﯽ، ﺩﻭﻧﻮﮞ ﭘﺎﺅﮞ ﺑﯿﮉ ﮐﮯ ﺍﻭﭘﺮ ﺭﮐﮫ ﮐﺮ ﺑﯿﭩﮫ ﮔﺌﯽ۔ ﻭﮦ ﯾﻮﮞ ﺧﻮﻑ ﺯﺩﮦ ﺗﮭﯽ، ﺟﯿﺴﮯ ﺟﻨﮕﻞ ﺳﮯ ﭘﮑﮍ ﮐﺮ ﺷﮩﺮ ﮐﮯ ﭼﻮﺭﺍﮨﮯ ﭘﺮ ﻻ ﮐﺮ ﮐﮭﮍﯼ ﮐﺮ ﺩﯼ ﮔﺌﯽ ﮨﻮ۔ ﺳﻮﯾﺪ ﺳﺮ ﺟﮭﭩﮏ ﮐﺮ ﺑِﻨﺎ ﺍُﺱ ﮐﺎ ﺩﯾﺪﺍﺭ ﮐﺌﮯ ﮐﻤﺮﮮ ﺳﮯ ﻧﮑﻞ ﺁﯾﺎ ﺗﮭﺎ۔
۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔
ﺭﺍﺕ ﻋﺒﯿﺮﮦ ﮐﮯ ﺍﻃﻤﯿﻨﺎﻥ ﺳﮯ ﺳﻮ ﺟﺎﻧﮯ ﮐﮯ ﺑﻌﺪ ﻭﮦ ﺑﮯ ﺩﻟﯽ ﺳﮯ ﺍُﭨﮫ ﮐﺮ ﺩﻝ ﺁﻭﯾﺰ ﺟﻌﻔﺮﯼ ﮐﮯ ﮐﻤﺮﮮ ﮐﯽ ﻃﺮﻑ ﺁﯾﺎ ﺗﮭﺎ۔
ﺩﺭﻭﺍﺯﮦ ﺁﮨﺴﺘﮧ ﺳﮯ ﺩﮬﮑﯿﻞ ﮐﺮ ﺟﺲ ﻭﻗﺖ ﻭﮦ ﮐﻤﺮﮮ ﻣﯿﮟ ﺩﺍﺧﻞ ﮨﻮﺍ، ﭨﮭﭩﮏ ﮐﺮ ﺭﮎ ﮔﯿﺎ۔ ﺩﻝ ﺁﻭﯾﺰ ﺟﻌﻔﺮﯼ، ﮐﻤﺮﮮ ﻣﯿﮟ ﮈﺭﯾﺴﻨﮓ ﭨﯿﺒﻞ ﮐﮯ ﺳﺎﻣﻨﮯ ﮐﮭﮍﯼ ﻋﺠﯿﺐ ﺩﻟﭽﺴﭙﯽ ﺳﮯ ﺁﺋﯿﻨﮯ ﮐﻮ دیکھ ﺭﮨﯽ ﺗﮭﯽ۔ ﺧﻮﺏ ﺻﻮﺭﺕ ﻧﮕﺎﮨﻮﮞ ﻣﯿﮟ ﻋﺠﯿﺐ ﺳﺎ ﺧﺎﻟﯽ ﭘﻦ ﺗﮭﺎ، ﮐﺴﯽ ﺑﮭﯽ ﻗﺴﻢ ﮐﮯ ﺩﺍﻍ ﺳﮯ ﭘﺎﮎ، ﻣﻮﻡ ﺳﮯ ﮈﮬﻼ ﺳﺮﺥ ﻭ ﺳﭙﯿﺪ ﭼﮩﺮﮦ ﺍﭘﻨﮯ ﺗﯿﮑﮭﮯ ﻧﻘﻮﺵ ﮐﯽ ﺗﻤﺎﻡ ﺗﺮ ﺩﻝ ﮐﺸﯽ ﮐﮯ ساتھ ﺍﺳﮯ ﻣﺒﮩﻮﺕ ﮐﺮ ﮔﯿﺎ ﺗﮭﺎ۔ ﭼﺎﮐﻠﯿﭧ ﮐﻠﺮ ﺳﻨﮩﺮﯼ ﺑﺎﻝ ﺷﺎﻧﻮﮞ ﭘﮧ ﺑﮑﮭﺮﮮ، ﺍﺳﮯ ﺩﯾﻮ ﻣﺎﻻﺋﯽ ﺣُﺴﻦ ﮐﯽ ﻧﮕﺮﯼ ﮐﺎ ﺑﺎﺳﯽ ﺛﺎﺑﺖ ﮐﺮ ﺭﮨﮯ ﺗﮭﮯ۔ ﻭﮦ ﺍﺗﻨﯽ ﻧﺎﺯﮎ ﺍﻭﺭ ﺧﻮﺏ ﺻﻮﺭﺕ ﺗﮭﯽ ﮐﮧ ﺳﻮﯾﺪ ﮐﻮ ﺑﮯ ﺳﺎﺧﺘﮧ ﺍﺱ ﮐﺎ ﭘﯿﮑﺮ ﻣﭩﯽ ﮐﮯ ﺑﺠﺎﺋﮯ ﻣﻮﻡ ﺍﻭﺭ ﮐﺎﻧﭻ ﻣﯿﮟ ﮈﮬﻼ ﻣﺤﺴﻮﺱ ﮨﻮﺍ ﺗﮭﺎ۔
ﻭﮦ ﺍﺱ ﮐﯽ ﭼﭽﺎ ﺯﺍﺩ ﮐﺰﻥ ﺗﮭﯽ ﻣﮕﺮ ﻋﺠﯿﺐ ﺍﺗﻔﺎﻕ ﺗﮭﺎ ﮐﮧ ﺑﭽﭙﻦ ﻣﯿﮟ ﺍﯾﮏ ﺩﻭ ﺑﺎﺭ ﺳﻼﻡ ﺩﻋﺎ ﮐﮯ ﻋﻼﻭﮦ ﺍﺱ ﺳﮯ ﮐﺒﮭﯽ ﻧﮩﯿﮟ ﻣﻼ ﺗﮭﺎ۔ ﺷﺎﯾﺪ ﯾﮧ ﺩﺩﮬﯿﺎﻟﯽ ﺭﺷﺘﮧ ﺩﺍﺭﻭﮞ ﺳﮯ ﻧﻔﺮﺕ ﺗﮭﯽ ﯾﺎ کچھ ﺍﻭﺭ ﮐﮧ ﻭﮦ ﮐﺒﮭﯽ ﺍﭘﻨﮯ ﺩﯾﮕﺮ ﮐﺰﻧﺰ ﺳﮯ ﺑﮭﯽ ﻧﮩﯿﮟ ﻣﻞ ﺳﮑﺎ ﺗﮭﺎ۔
ﺳﻮﯾﺪ ﮐﻮ ﻟﮕﺎ ﺍﮔﺮ ﻭﮦ ﺍﺱ ﮐﮯ ﻧﺰﺩﯾﮏ ﺟﺎﺋﮯ ﮔﺎ ﺗﻮ ﯾﻘﯿﻨﺎ ﮐﺎﻧﭻ ﮐﺎ ﻭﮦ ﻣﺠﺴﻤﮧ ﭨﻮﭦ ﮐﺮ ﺑﮑﮭﺮ ﺟﺎﺋﮯ ﮔﺎ۔ ﻟﮩٰﺬﺍ ﮔﻢ ﺳﻢ ﺳﺎ ﺩﮨﻠﯿﺰ ﭘﺮ ﮐﮭﮍﺍ ﻭﮦ ﺍﺳﮯ ﺗﮑﺘﺎ ﺭﮨﺎ ﺗﮭﺎ۔ ﺟﻮ ﮐﺎﻓﯽ ﺩﯾﺮ ﺁﺋﯿﻨﮯ ﮐﮯ ﺳﺎﻣﻨﮯ ﮐﮭﮍﯼ ﺭﮨﻨﮯ ﮐﮯ ﺑﻌﺪ ﺍﺏ ﺍﺱ ﮐﯽ ﺳﻄﺢ ﭘﺮ ﺁﮨﺴﺘﮧ ﺁﮨﺴﺘﮧ ہاتھ ﭘﮭﯿﺮ ﮐﺮ ﻧﮧ ﺟﺎﻧﮯ ﮐﯿﺎ ﭼﯿﮏ ﮐﺮ ﺭﮨﯽ ﺗﮭﯽ۔ کچھ ﮨﯽ ﺩﯾﺮ ﻣﯿﮟ ﺍﺱ ﻧﮯ ﮈﺭﯾﺴﻨﮓ ﭨﯿﺒﻞ ﭘﺮ ﭘﮍﯼ ﺍﺩﮪ ﮐﮭﻠﯽ ﻟﭗ ﺍﺳﭩﮏ ﺍﭨﮭﺎﺋﯽ ﺗﮭﯽ، ﺍﻭﺭ ﺍﺳﮯ ﮨﻮﻧﭩﻮﮞ ﮐﮯ ساتھ ﭘﻮﺭﮮ ﭼﮩﺮﮮ ﭘﺮ ﻣﻞ ﻟﯿﺎ ﺗﮭﺎ۔
”ﺩﻝ ﺁﻭﯾﺰ!“ ﻗﻄﻌﯽ ﺑﮯ ﺧﻮﺩﯼ ﮐﮯ ﻋﺎﻟﻢ ﻣﯿﮟ ﺳﻮﯾﺪ ﻧﮯ ﺍﺳﮯ ﭘﮑﺎﺭﺍ ﺗﮭﺎ ﺍﻭﺭ ﻭﮦ ﭼﻮﻧﮏ ﮐﺮ ﭘﻠﭩﯽ ﺗﮭﯽ۔
”ﺁﺯﺭ!“ ﻧﮕﺎﮨﯿﮟ ﺳﻮﯾﺪ ﮐﮯ ﭘُﺮﺗﮭﮑﻦ ﭼﮩﺮﮮ ﭘﺮ ﺟﻤﺎﺋﮯ ﺍﺱ ﮐﮯ ﻟﺒﻮﮞ ﺳﮯ ﺑﮯ ﺳﺎﺧﺘﮧ ﻧﮑﻼ ﺗﮭﺎ۔ ﺳﻮﯾﺪ ﭘﮭﺮ ﺑﮭﻮﻧﭽﮑﺎ ﺳﺎ ﺭﮦ ﮔﯿﺎ۔
ﺩﻝ ﺁﻭﯾﺰ ﺟﻌﻔﺮﯼ ﺍﺏ ﺍﺳﮯ ﻣﺸﮑﻮﮎ ﻧﮕﺎﮨﻮﮞ ﺳﮯ دیکھ ﺭﮨﯽ ﺗﮭﯽ۔
”ﮐﻮﻥ ﮨﻮ ﺗﻢ؟“ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺧﻮﻑ ﺍﻭﺭ ﻏﺼﮧ ﺗﮭﺎ۔ ﻭﮦ ﺑﮯ ﻣﻘﺼﺪ ﺍﺱ ﮐﯽ ﻃﺮﻑ ﺑﮍﮪ ﺁﯾﺎ۔
”ﻭﮨﯽ ﺟﺲ ﮐﮯ ساتھ ﻧﺼﯿﺐ ﭘﮭﻮﭨﮯ ﮨﯿﮟ ﺗﻤﮩﺎﺭﮮ۔“
”ﺟﺎﺅ ﭼﻠﮯ ﺟﺎﺅ ﯾﮩﺎﮞ ﺳﮯ۔“ ﺍﯾﮏ ﻟﻤﺤﮯ ﻣﯿﮟ ﺭﻧﮓ ﺑﺪﻻ ﺗﮭﺎ۔ ﺍﺱ ﺳﮯ ﺳﻮﯾﺪ ﮐﻮ کچھ ﺳﻤﺠﮭﻨﮯ ﮐﺎ ﻣﻮﻗﻊ ﮨﯽ ﻧﮧ ﻣﻞﺳﮑﺎ ﺍﻭﺭ ﺩﻝ ﺁﻭﯾﺰ ﺟﻌﻔﺮﯼ ﻧﮯ ﺩﯾﮑﮭﺘﮯ ﮨﯽ ﺩﯾﮑﮭﺘﮯ ﺑﯿﮉ ﺳﮯ ﺗﮑﯿﮧ ﺍُﭨﮭﺎ ﮐﺮ ﺍُﺳﮯ ﺩﮮ ﻣﺎﺭﺍ۔
”ﭼﻠﮯ ﺟﺎﺅ ﻣﯿﮟ ﺟﺎﻥ ﻟﮯ ﻟﻮﮞ ﮔﯽ ﺗﻤﮩﺎﺭﯼ۔ ﺟﺎﺅ ﭼﻠﮯ ﺟﺎﺅ ﯾﮩﺎﮞ ﺳﮯ۔“
ﺑﺮﯼ ﻃﺮﺡ ﭼﻠّﺎﺗﮯ ﮨﻮﺋﮯ ﺍﺱ ﺳﮯ ﭘﮩﻠﮯ ﮐﮧ ﻭﮦ ﺩﻭﺳﺮﺍ ﺗﮑﯿﮧ ﺑﮭﯽ ﺍُﭨﮭﺎ ﮐﺮ ﺍﺳﮯ ﺩﮮ ﻣﺎﺭﺗﯽ، ﺳﻮﯾﺪ ﻧﮯ ﭘﮭﺮﺗﯽ ﺳﮯ ﻟﭙﮏ ﮐﺮ ﺍﺳﮯ ﻗﺎﺑﻮ ﮐﺮ ﻟﯿﺎ۔ ﺍﺱ ﮐﺎ ﺑﮭﺎﺭﯼ ہاتھ ﺍﺱ ﮐﮯ ﻣﻨﮧ ﭘﺮ ﺟﻢ ﮐﺮ ﺍﺱ ﮐﯽ ﺁﻭﺍﺯ ﮐﺎ ﮔﻼ ﮔﮭﻮﻧﭧ ﭼﮑﺎ ﺗﮭﺎ۔ ﻭﮦ ﺍﺱ ﮐﯽ ﻣﻀﺒﻮﻁ ﮔﺮﻓﺖ ﻣﯿﮞﻤﭽﮭﻠﯽ ﮐﯽ ﻃﺮﺡ ﭘﮭﺴﻞ، ﺗﮍﭖ ﺭﮨﯽ ﺗﮭﯽ۔
”ﻣﯿﮟ ﺟﺎﻧﺘﺎ ﮨﻮﮞ ﺗﻢ ﭘﺎﮔﻞ ﮨﻮ۔ ﻣﮕﺮ ﻣﯿﮟ ﺗﻢ ﺳﮯ ﺑﮍﺍ ﭘﺎﮔﻞ ﮨﻮﮞ۔ ﺩﻣﺎﻍ ﮔﮭﻮﻡ ﮔﯿﺎ ﺗﻮ ﺳﺎﺭﺍ ﻣﺎﺿﯽ ﺑﮭﻼ ﺩﻭﮞ ﮔﺎ، ﺳﻤﺠﮭﯿﮟ ﺗﻢ؟“ ﻣﺮﯾﻢ ﻋﺒﺎﺱ ﮐﯽ ﺁﺧﺮﯼ ﻟﻤﺤﻮﮞ ﻣﯿﮟ ﮐﯽ ﮔﺌﯽ ﺩﺭﺧﻮﺍﺳﺖ ﻭﮦ ﻗﻄﻌﯽ ﺑﮭﻼ ﭼﮑﺎ ﺗﮭﺎ۔
ﺩﻝ ﺁﻭﯾﺰ ﺟﻌﻔﺮﯼ ﮐﯽ ﺣﺎﻟﺖ ﺍﺱ ﻟﻤﺤﮯ ﻏﯿﺮ ﮨﻮﻧﺎ ﺷﺮﻭﻉ ﮨﻮ ﮔﺌﯽ ﺗﮭﯽ۔ ﺍﺱ ﮐﺎ ﺟﺴﻢ ﺍﺏ ﺳﺮﺩ ﭘﮍ ﺭﮨﺎ ﺗﮭﺎ۔ ہاتھ ﭘﺎﺅﮞ ﻣﮍﻧﮯ ﻟﮕﮯ ﺗﮭﮯ۔ ﺳﻮﯾﺪ ﮐﮯ ﮨﺎﺗﮭﻮﮞ ﻣﯿﮟ ﮨﯽ ﺍﺱ ﮐﺎ ﺧﻮﺷﺒﻮﺅﮞ ﺳﮯ ﻣﮩﮑﺘﺎ ﻭﺟﻮﺩ ﮨﻮﺵ ﻭ ﺣﻮﺍﺱ ﺳﮯ ﺑﮯ ﮔﺎﻧﮧ ﮨﻮ ﭼﮑﺎ ﺗﮭﺎ۔
ﺳﻮﯾﺪ ﺍﺱ ﻧﺌﯽ ﺍﻓﺘﺎﺩ ﮐﮯ ﻟﺌﮯ ﻗﻄﻌﯽ ﺗﯿﺎﺭ ﻧﮩﯿﮟ ﺗﮭﺎ، ﺗﺒﮭﯽ ﺍﺳﮯ ﺑﯿﮉ ﭘﺮ ﺳﻼ ﮐﺮ ﻧﯿﭽﮯ ﺁﯾﺎ ﺍﻭﺭ ﭘﮭﺮ ﺭﺍﺣﯿﻠﮧ ﺑﯽ ﮐﯽ ﻣﻨﺖ ﮐﺮ ﮐﮯ ﺍﻧﮩﯿﮟ ﺍﻭﭘﺮ ﺩﻝ ﺁﻭﯾﺰ ﮐﮯ ﭘﺎﺱ ﻟﮯ ﺁﯾﺎ۔
ﺍﮔﻠﮯ ﭘﻨﺪﺭﮦ ﻣﻨﭧ ﮐﮯ ﺑﻌﺪ ﻭﮦ ﻋﺒﯿﺮﮦ ﮐﮯ ﭘﮩﻠﻮ ﻣﯿﮟ ﻟﯿﭩﺎ ﺳﻮﻧﮯ ﮐﯽ ﻧﺎﮐﺎﻡ ﮐﻮﺷﺶ ﮐﺮ ﺭﮨﺎ ﺗﮭﺎ۔
۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔
ﺩﻝ ﺁﻭﯾﺰ ﮐﻮ ﻣﺤﻔﻮﻅ ﮨﺎﺗﮭﻮﮞ ﻣﯿﮟ ﺳﻮﻧﭙﻨﮯ ﮐﮯ ﺑﻌﺪ ﻋﻘﯿﻞ ﺟﻌﻔﺮﯼ ﺍﭘﻨﯽ ﺑﯿﮕﻢ ﮐﮯ ساتھ ﺩﻭﺑﺎﺭﮦ ﺑﯿﺮﻭﻥ ﻣﻠﮏ ﻭﺍﭘﺴﯽ ﮐﯽ ﺗﯿﺎﺭﯼ ﮐﺮ ﺭﮨﮯ ﺗﮭﮯ۔ ﻓﻀﯿﻠﮧ ﺑﯽ ﮐﯽ ﺭﺣﻠﺖ ﮐﮯ ﺑﻌﺪ ﺍﻧﮩﯿﮟ ﺍﺱ ﻣﺎﺣﻮﻝ ﻣﯿﮟ ﺍﭘﻨﺎ ﺩﻡ ﮔﮭﭩﺘﺎ ﮨﻮﺍ ﻣﺤﺴﻮﺱ ﮨﻮ ﺭﮨﺎ ﺗﮭﺎ۔ ﺍﻧﮩﯽ ﮐﯽ ﺧﻮﺍﮨﺶ ﭘﺮ ﺭﺍﺣﯿﻞ ﺟﻌﻔﺮﯼ ﺻﺎﺣﺐ ﻧﮯ ﺩﻝ ﺁﻭﯾﺰ ﮐﻮ ﺍﻥ ﺳﮯ ﻣﻠﻮﺍﻧﮯ ﮐﮯ ﻟﺌﮯ ﺳﻮﯾﺪ ﮐﮯ ساتھ ”ﻋﻘﯿﻞ ﻣﻨﺰﻝ“ ﺑﮭﯿﺠﺎ ﺗﮭﺎ۔
ﻋﺒﯿﺮﮦ ﮐﺎ ﺣﺎﻝ ﺩﯾﮑﮭﻨﮯ ﻭﺍﻻ ﺗﮭﺎ۔ ﻭﮦ ﺍﺱ ﮐﮯ ساتھ ﺟﺎﻧﺎ ﭼﺎﮨﺘﯽ ﺗﮭﯽ ﻣﮕﺮ ﺳﻮﯾﺪ ﻧﮯ ﻣﻨﻊ ﮐﺮ ﺩﯾﺎ۔ ﮐﯿﻮﻧﮑﮧ ﻭﮦ ﺍﺱ ﮐﮯ ﻣﻌﺎﻣﻠﮯ ﻣﯿﮟ ﺫﺭﺍ ﺳﯽ ﻻﭘﺮﻭﺍﺋﯽ ﮐﺎ ﻣﺘﺤﻤﻞ ﮨﻮﻧﺎ ﺑﮭﯽ ﻧﮩﯿﮟ ﭼﺎﮨﺘﺎ ﺗﮭﺎ۔ ﻭﮦ ﮔﺎﮌﯼ ﻣﯿﮟ ﺑﯿﭩﮭﺎ ﺗﮭﺎ ﺟﺐ ﺭﺍﺣﯿﻞ ﺟﻌﻔﺮﯼ ﺻﺎﺣﺐ، ﺩﺍﺋﯿﮟ ﺑﺎﺯﻭ ﮐﮯ ﺣﻠﻘﮯ ﻣﯿﮟ ﺩﻝ ﺁﻭﯾﺰ ﮐﻮ ﻟﺌﮯ ﮔﺎﮌﯼ ﮐﮯ ﻗﺮﯾﺐ ﭼﻠﮯ ﺁﺋﮯ۔ ﭘﮭﺮ ﺧﻮﺩ ﺍﭘﻨﮯ ﮨﺎﺗﮭﻮﮞ ﺳﮯ ﮔﺎﮌﯼ ﮐﺎ ﺩﺭﻭﺍﺯﮦ ﮐﮭﻮﻝ ﮐﺮ ﺍﺳﮯ ﺳﻮﯾﺪ ﮐﮯ ﺑﺮﺍﺑﺮ ﻓﺮﻧﭧ ﺳﯿﭧ ﭘﺮ ﺑﭩﮭﺎﯾﺎ ﺗﮭﺎ ﺍﻭﺭ ﯾﮧ ﺳﺐ ﺍﻭﭘﺮ ﺳﻮﯾﺪ ﮐﮯ ﮐﻤﺮﮮ ﮐﮯ ﭨﯿﺮﺱ ﭘﺮ ﮐﮭﮍﯼ ﻋﺒﯿﺮﮦ ﺑﺨﻮﺑﯽ دیکھ ﺭﮨﯽ ﺗﮭﯽ۔
ﺩﻝ ﺁﻭﯾﺰ ﮐﮯ ﮨﻮﺵ ﺭُﺑﺎ ﺣُﺴﻦ ﮐﮯ ﺑﺎﻭﺟﻮﺩ ﺳﻮﯾﺪ ﺁﺯﺭ ﮐﯽ ﺍﺱ ﻻﺗﻌﻠﻘﯽ ﻧﮯ ﺍﺳﮯ ﻗﺪﺭﮮ ﺍﻃﻤﯿﻨﺎﻥ ﺑﺨﺸﺎ ﺗﮭﺎ۔ ﺭﺍﺣﯿﻞ ﺟﻌﻔﺮﯼ، ﺳﻮﯾﺪ ﮐﻮ ﺩﻝ ﺁﻭﯾﺰ ﮐﺎ ﺧﺎﺹ ﺧﯿﺎﻝ ﺭﮐﮭﻨﮯ ﮐﯽ ﺗﻠﻘﯿﻦ ﮐﺮﺗﮯ ﻭﺍﭘﺲ ﭘﻠﭩﮯ ﺗﮭﮯ ﮐﮧ ﺍﺑﮭﯽ ﺗﮭﻮﮌﯼ ﺩﯾﺮ ﻣﯿﮟ ﺍﻧﮩﯿﮟ ﺑﮭﯽ ﮔﺎﺅﮞ ﮐﮯ ﻟﺌﮯ ﺭﻭﺍﻧﮧ ﮨﻮﻧﺎ ﺗﮭﺎ۔
ﺳﻮﯾﺪ، ﺩﻝ ﺁﻭﯾﺰ ﮐﯽ ﮨﻤﺮﺍﮨﯽ ﻣﯿﮟ ﺍﺑﮭﯽ ﭼﻨﺪ ﻓﺮﻻﻧﮓ ﮐﺎ ﻓﺎﺻﻠﮧ ﮨﯽ ﻃﮯ ﮐﺮ ﭘﺎﯾﺎ ﺗﮭﺎ ﮐﮧ ﻭﮦ ﺟﻮ ﭘﺘﮭﺮ ﮐﯽ ﻣﻮﺭﺕ ﺑﻨﯽ، ﮔﻢ ﺳﻢ ﺳﯽ ﮐﮭﮍﮐﯽ ﮐﮯ ﺍﺱ ﭘﺎﺭ ﺑﺎﮨﺮ ﮐﮯ ﻧﻈﺎﺭﻭﮞ ﻣﯿﮟ ﮐﮭﻮﺋﯽ ﺗﮭﯽ، ﺍﭼﺎﻧﮏ ﺑﻮﻝ ﺍُﭨﮭﯽ۔
”ﺭُﮐﻮ ﺭُﮎ ﺟﺎﺅ ﭘﻠﯿﺰ ﺭُﮎ ﺟﺎﺅ۔“
ﺳﻮﯾﺪ ﮐﺎ ﭘﺎﺅﮞ ﺍﺱ ﮐﯽ ﺻﺪﺍ ﭘﺮ ﻓﻮﺭﺍً ﺳﮯ ﭘﯿﺸﺘﺮ ﺑﺮﯾﮏ ﭘﺮ ﺟﺎ ﭘﮍﺍ ﺗﮭﺎ۔ ﮔﺎﮌﯼ ﺭُﮐﺘﮯ ﮨﯽ ﺍﺱ ﻧﮯ ﺗﮭﻮﮌﯼ ﺳﯽ ﺗﮓ ﻭ ﺩﻭ ﮐﮯ ﺑﻌﺪ ﺍﭘﻨﯽ ﺳﺎﺋﯿﮉ ﮐﺎ ﺩﺭﻭﺍﺯﮦ ﮐﮭﻮﻻ ﺍﻭﺭ ﺳﺮﭘﭧ ﺳﮍﮎ ﭘﺮ ﺑﮭﺎﮒ ﮐﮭﮍﯼ ﮨﻮﺋﯽ۔
”ﺁﺯﺭ! ﺁﺯﺭ ﺭﮎ ﺟﺎﺅ۔ ﻣﯿﺮﯼ ﺑﺎﺕ ﺳﻨﻮ ﺁﺯﺭ!
ﭘﻠﯿﺰ۔“ ﺑﮭﺎﮔﻨﮯ ﮐﮯ ساتھ ساتھ ﻭﮦ ﺍﺏ ﭼﻠّﺎ ﺑﮭﯽ ﺭﮨﯽ ﺗﮭﯽ۔ ﺳﻮﯾﺪ ﮨﮑﺎ ﺑﮑﺎ ﺍُﺳﮯ ﺩﯾﮑﮭﺘﺎ ﺭﮦ ﮔﯿﺎ۔ ﺳﮍﮎ ﭘﺮ ﻟﻮﮒ ﺍﺏ ﺭُﮎ ﺭُﮎ ﮐﺮ ﺍُﺱ ﮐﯽ ﻋﺰﺕ ﮐﺎ ﺗﻤﺎﺷﺎ دیکھ ﺭﮨﮯ ﺗﮭﮯ۔ ﺗﺎﮨﻢ ﺍﺱ ﺳﮯ ﭘﮩﻠﮯ ﮐﮧ ﻭﮦ ﻟﭙﮏ ﮐﺮ ﺍﺱ ﮐﮯ ﭘﯿﭽﮭﮯ ﺑﮭﺎﮔﺘﮯ ﮨﻮﺋﮯ ﺍﺳﮯ ﻗﺎﺑﻮ ﮐﺮﺗﺎ، ﻭﮦ ﺍﺱ ﮐﮯ ﺩﯾﮑﮭﺘﮯ ﮨﯽ ﺩﯾﮑﮭﺘﮯ ﺩﯾﻮﺍﻧﮧ ﻭﺍﺭ ﮐﺴﯽ ﮔﺎﮌﯼ ﮐﮯ ﭘﯿﭽﮭﮯ ﺑﮭﺎﮔﺘﮯ ﮨﻮﺋﮯ ﺍﯾﮏ ﻣﻮﭨﺮ ﺳﺎﺋﯿﮑﻞ ﮐﯽ ﺯﺩ ﻣﯿﮟ ﺁ ﮔﺌﯽ۔
ﺣﺎﺩﺛﮧ ﺍﺱ ﻗﺪﺭ ﺍﭼﺎﻧﮏ ﺗﮭﺎ ﮐﮧ ﺳﻮﯾﺪ ﮐﻮ کچھ ﮐﺮﻧﮯ ﮐﺎ ﻣﻮﻗﻊ ﮨﯽ ﻧﮧ ﻣﻞ ﺳﮑﺎ۔ ﻭﮦ ﺗﻮ ﻣﻮﭨﺮ ﺳﺎﺋﯿﮑﻞ ﻭﺍﻟﮯ ﮐﯽ ﺳﭙﯿﮉ ﺁﮨﺴﺘﮧ ﺗﮭﯽ، ﺟﺲ ﮐﯽ ﻭﺟﮧ ﺳﮯ ﺑﭽﺖ ﮨﻮ ﮔﺌﯽ ﻭﺭﻧﮧ ﭘﺘﻨﮕﮯ ﮐﯽ ﻃﺮﺡ ﺟﺲ ﻃﺮﺡ ﺳﮯ ﻭﮦ ﭨﮑﺮﺍﺋﯽ ﺗﮭﯽ، ﺍﺳﮯ ﺧﺎﺻﯽ ﺷﺪﯾﺪ ﻗﺴﻢ ﮐﯽ ﭼﻮﭨﯿﮟ ﺑﮭﯽ ﻟﮓ ﺳﮑﺘﯽ ﺗﮭﯿﮟ، ﺟﻮ ﺟﺎﻥ ﻟﯿﻮﺍ ﺛﺎﺑﺖ ﮨﻮﺗﯿﮟ۔ ﺳﻮﯾﺪ ﻓﻮﺭﺍً ﺳﮯ ﭘﯿﺸﺘﺮ ﮔﺎﮌﯼ ﺳﮯ ﻧﮑﻞ ﮐﺮ ﺍﺱ ﮐﯽ ﻃﺮﻑ ﺑﮍﮬﺎ ﺗﮭﺎ، ﺟﻮ ﺳﮍﮎ ﭘﺮ ﺍﻭﻧﺪﮬﮯ ﻣﻨﮧ ﭘﮍﯼ ﺗﮭﯽ۔ ﯾﻘﯿﻨﺎ ﺍﺱ ﮐﮯ ﭼﮩﺮﮮ ﺍﻭﺭ ﭘﯿﺸﺎﻧﯽ ﭘﺮ ﺯﺧﻢ ﺁﺋﮯ ﺗﮭﮯ۔
ﻭﮦ ﺳﺮﺳﺮﯼ ﺍﺱ ﮐﺎ ﺟﺎﺋﺰﮦ ﻟﯿﻨﮯ ﮐﮯ ﺑﻌﺪ ﺍﺱ ﮐﺎ ﻧﺎﺯﮎ ﺳﺎ ﻭﺟﻮﺩ ﺑﺎﻧﮩﻮﮞ ﻣﯿﮟ ﺳﻤﯿﭧ ﮐﺮ ﺍﺳﮯ ﺳﺴﺮﺍﻝ ﻟﮯ ﺟﺎﻧﮯ ﮐﮯ ﺑﺠﺎﺋﮯ ﺳﯿﺪﮬﺎ ﮨﺎﺳﭙﭩﻞ ﻟﮯ ﺁﯾﺎ ﺗﮭﺎ۔ ﺗﮭﻮﮌﯼ ﺩﯾﺮ ﻣﯿﮟ ﻋﻘﯿﻞ ﺟﻌﻔﺮﯼ ﺍﻭﺭ ﺍﻥ ﮐﯽ ﻣﺴﺰ ﮐﮯ ساتھ ﻣﺮﯾﻢ ﻋﺒﺎﺱ ﺑﮭﯽ ﺍﺱ ﮐﯽ ﺍﻃﻼﻉ ﭘﺮ ﻭﮨﺎﮞ ﻣﻮﺟﻮﺩ ﺗﮭﯽ۔
ﮈﺍﮐﭩﺮﺯ ﮐﮯ ﺍﭼﮭﯽ ﻃﺮﺡ ﺍﻃﻤﯿﻨﺎﻥ ﺩﻻﻧﮯ ﮐﮯ ﺑﻌﺪ ﻣﺴﭩﺮ ﺍﻭﺭ ﻣﺴﺰ ﻋﻘﯿﻞ ﮐﻮ ﺩﻝ ﺁﻭﯾﺰ ﮐﮯ ﭘﺎﺱ ﭼﮭﻮﮌ ﮐﺮ ﻭﮦ ﻣﺮﯾﻢ ﻋﺒﺎﺱ ﮐﮯ ساتھ ﺍﺱ ﮐﮯ ﮐﻤﺮﮮ ﺳﮯ ﺑﺎﮨﺮ ﺁﯾﺎ ﺗﮭﺎ۔
”ﻣﺲ ﻣﺮﯾﻢ! ﺍﮔﺮ ﺁﭖ ﻣﺤﺴﻮﺱ ﻧﮧ ﮐﺮﯾﮟ ﺗﻮ ﻣﯿﮟ ﺁﭖ ﺳﮯ کچھ ﺟﺎﻧﻨﺎ ﭼﺎﮨﺘﺎ ﮨﻮﮞ۔“
”ﮐﯿﺎ ﺟﺎﻧﻨﺎ ﭼﺎﮨﺘﮯ ﮨﯿﮟ؟“ ﺍﺱ ﮐﮯ ﭼﮩﺮﮮ ﭘﺮ ﺍﺏ ﺑﮭﯽ ﯾﺎﺳﯿﺖ ﭘﮭﯿﻠﯽ ﺗﮭﯽ۔ ﻭﮦ ﺍﺱ ﮐﮯ ساتھ ﭼﻠﺘﮯ ﭼﻠﺘﮯ ﺭﮎ ﮔﯿﺎ۔
”ﺁﺯﺭ! ﮐﻮﻥ ﮨﮯ؟“ ﻣﺮﯾﻢ ﺍﺱ ﺳﮯ ﺟﺲ ﺳﻮﺍﻝ ﮐﯽ ﺗﻮﻗﻊ ﻧﮩﯿﮟ ﮐﺮ ﺭﮨﯽ ﺗﮭﯽ، ﻭﮨﯽ ﭘﻮﭼﮫ ﻟﯿﺎ ﺗﮭﺎ ﺍﺱ ﻧﮯ۔ ﻭﮦ ﭼﭗ ﭼﺎﭖ ﺳﯽ ﭼﻨﺪ ﻟﻤﺤﻮﮞ ﺗﮏ ﺧﻮﺩ ﺳﮯ ﺍُﻟﺠﮭﺘﯽ ﺭﮨﯽ، ﭘﮭﺮ ﺑﻮﻟﯽ۔
”ﺑﮭﺎﺋﯽ ﺗﮭﺎ ﻣﯿﺮﺍ کچھ ﻋﺮﺻﮧ ﭘﮩﻠﮯ ﺍﯾﮏ ﺣﺎﺩﺛﮯ ﻣﯿﮟ ﮈﯾﺘﮫ ﮨﻮ ﮔﺌﯽ ﺍﻥ ﮐﯽ۔“
”ﺍﻭ ﻭﯾﺮﯼ ﺳﯿﮉ۔ ﮐﯿﺎ ﺁﭖ ﺑﺘﺎ ﺳﮑﺘﯽ ﮨﯿﮟ ﮐﮧ ﺩﻝ ﺁﻭﯾﺰ ﮐﺎ ﺍﺱ ﺳﮯ ﮐﯿﺎ ﺭﺷﺘﮧ ﺗﮭﺎ؟“
”ﺑﭽﭙﻦ ﮐﺎ ﺩﻭﺳﺖ ﺗﮭﺎ ﺍﺱ ﮐﺎ ﺍﻭﺭ ﻓﯿﺎﻧﺴﯽ ﺑﮭﯽ۔“
”ﺑﺲ ﻣﯿﺮﺍ ﻣﻄﻠﺐ ﮨﮯ، ﺩﻭﺳﺖ ﺍﻭﺭ ﻓﯿﺎﻧﺴﯽ ﺗﮭﺎ ﺗﻮ ﻻﺯﻣﯽ ﻃﻮﺭ ﭘﺮ ﺩﻝ ﺍﺱ ﺳﮯ ﻣﺤﺒﺖ ﺑﮭﯽ ﮐﺮﺗﯽ ﮨﻮ ﮔﯽ۔“
”ﭘﺘﮧ ﻧﮩﯿﮟ۔ ﻣﯿﺮﮮ ﻋﻠﻢ ﻣﯿﮟ ﺍﯾﺴﯽ ﮐﻮﺋﯽ ﺑﺎﺕ ﻧﮩﯿﮟ ﮨﮯ۔ ﻣﯿﮟ ﺑﺲ ﺻﺮﻑ ﺍﺗﻨﺎ ﺟﺎﻧﺘﯽ ﮨﻮﮞ ﮐﮧ ﻭﮦ ﺍﺱ ﮐﺎ ﺑﮩﺖ ﺧﯿﺎﻝ ﺭﮐﮭﺘﮯ ﺗﮭﮯ۔ ﺑﮩﺖ ﭘﯿﺎﺭ ﺗﮭﺎ ﺍﻧﮩﯿﮟ ﺩﻝ ﺁﻭﯾﺰ ﺳﮯ۔“
”ﮨﻮﮞ ﮐﯿﺎ ﯾﮩﯽ ﻭﮦ ﺻﺪﻣﮧ ﮨﮯ ﺟﺲ ﮐﺎ ﺫﮐﺮ ﺁﭖ ﺍﺱ ﺩﻥ ﮐﺮ ﺭﮨﯽ ﺗﮭﯿﮟ؟“
”ﺟﯽ ﮨﺎﮞ۔“ ﺍﺏ ﮐﮯ ﻣﺮﯾﻢ ﻧﮯ ﺍﭘﻨﮯ ﺁﻧﺴﻮ ﭼﮭﭙﺎﻧﮯ ﮐﮯ ﻟﺌﮯ ﺫﺭﺍ ﺳﺎ ﺭﺥ ﭘﮭﯿﺮ ﻟﯿﺎ ﺗﮭﺎ۔
ﺩﻝ ﺁﻭﯾﺰ ﮐﺴﯽ ﻃﻮﺭ ﺍﺱ ﺣﻘﯿﻘﺖ ﮐﻮ ﺗﺴﻠﯿﻢ ﮐﺮﻧﮯ ﮐﮯ ﻟﺌﮯ ﺗﯿﺎﺭ ﻧﮩﯿﮟ ﺗﮭﯽ ﮐﮧ ﺁﺯﺭ ﺑﮭﺎﺋﯽ ﺍﺏ ﺍﺱ ﺩﻧﯿﺎ ﻣﯿﮟ ﻧﮩﯿﮟ ﺭﮨﮯ، ﺍﺳﯽ ﻟﺌﮯ ﻭﮦ ﺟﻮ ﺑﮭﯽ ﺍﻥ ﺳﮯ ﻣﻠﺘﺎ ﺟﻠﺘﺎ ﺍﻧﺴﺎﻥ ﺩﯾﮑﮭﺘﯽ ﮨﮯ، ﺍﺱ ﮐﮯ ﭘﯿﭽﮭﮯ ﺑﮭﺎﮔﺘﯽ ﮨﮯ، ﺍﺳﮯ ﺁﺯﺭ ﺑﮭﯿﺎ ﺳﻤﺠﮫ ﮐﺮ ﺍﺱ ﺳﮯ ﺑﺎﺗﯿﮟ ﮐﺮﺗﯽ ﮨﮯ۔ ﺍﮔﺮ ﮐﺒﮭﯽ ﮐﻮﺋﯽ ﺍﺳﮯ ﮨﺮﭦ ﮐﺮﮮ، ﺗﺐ ﺯﯾﺎﺩﮦ ﯾﺎﺩ ﺁﺗﮯ ﮨﯿﮟ ﻭﮦ ﺍﺳﮯ۔ ﺍﺳﯽ ﻟﺌﮯ ﻣﯿﮟ ﻧﮯ ﺁﭖ ﺳﮯ ﮔﺰﺍﺭﺵ ﮐﯽ ﺗﮭﯽ ﮐﮧ ﺁﭖ ﮐﺎ ﺑﮭﺮﭘﻮﺭ ﺧﯿﺎﻝ ﺭﮐﮭﮯ ﮔﺎ۔“
”ﺁﭖ ﺷﺎﯾﺪ ﻣﺠﮭﮯ ﮐﺮﺍﺋﮯ ﮐﺎ ﺍﻧﺴﺎﻥ ﺳﻤﺠﮭﺘﯽ ﮨﯿﮟ ﻣﺲ ﻣﺮﯾﻢ! ﺟﺲ ﮐﯽ ﺍﭘﻨﯽ ﮐﻮﺋﯽ ﺯﻧﺪﮔﯽ، ﮐﻮﺋﯽ ﭘﺴﻨﺪ ﻭ ﻧﺎﭘﺴﻨﺪ ﻧﮩﯿﮟ۔“
ﻣﺮﯾﻢ ﻋﺒﺎﺱ ﮐﯽ ﺭﻭﺩﺍﺩ ﺳﻨﻨﮯ ﮐﮯ ﺑﻌﺪ ﺍﺱ ﻧﮯ ﺍﭘﻨﮯ ﺧﯿﺎﻻﺕ ﮐﺎ ﺍﻇﮩﺎﺭ ﮐﯿﺎ ﺗﮭﺎ۔
ﻭﮦ ﮔﻢ ﺳﻢ ﺳﮯ ﺍﻧﺪﺍﺯ ﻣﯿﮟ ﺳﺮ ﺍﭨﮭﺎ ﮐﺮ ﺍﺳﮯ ﺩﯾﮑﮭﻨﮯ ﻟﮕﯽ۔
”ﻣﯿﺮﯼ ﮐﺰﻥ ﮨﮯ ﻋﺒﯿﺮﮦ۔ ﺑﭽﭙﻦ ﺳﮯ ﺩﻭﻧﻮﮞ ساتھ ﭘﻠﮯ ﺑﮍﮬﮯ ﮨﯿﮟ ﻣﯿﮟ ﺍﺱ ﺳﮯ ﺑﮩﺖ ﻣﺤﺒﺖ ﮐﺮﺗﺎ ﮨﻮﮞ ﻣﺲ ﻣﺮﯾﻢ! ﺍﻭﺭ ﻭﮦ ﺑﮭﯽ ﺑﮩﺖ ﺧﯿﺎﻝ ﺭﮐﮭﺘﯽ ﮨﮯ ﻣﯿﺮﺍ۔ ﺁﭖ ﮐﻮ ﺷﺎﯾﺪ ﯾﮧ ﺟﺎﻥ ﮐﺮ ﺷﺎﮎ ﻟﮕﮯ ﮐﮧ ﻣﯿﮟ ﺁﻝ ﺭﯾﮉﯼ ﺍﺱ ﮐﺎ ﺷﻮﮨﺮ ﮨﻮﮞ ﺍﯾﺴﺎ ﺷﻮﮨﺮ ﺟﺲ ﮐﯽ ﺗﻘﺴﯿﻢ ﮐﮯ ﻟﺌﮯ ﻭﮦ ﺩﻟﯽ ﻃﻮﺭ ﭘﺮ ﮐﺴﯽ ﻃﻮﺭ ﺭﺍﺿﯽ ﻧﮩﯿﮟ ﺗﮭﯽ۔“ ﺍُﺱ ﮐﺎ ﺭﺥ ﻣﺮﯾﻢ ﻋﺒﺎﺱ ﮐﯽ ﻃﺮﻑ ﻧﮩﯿﮟ ﺗﮭﺎ ﻭﺭﻧﮧ ﻭﮦ ﺍﺱ ﮐﮯ ﭼﮩﺮﮮ ﭘﺮ ﺑﮑﮭﺮﻧﮯ ﻭﺍﻟﯽ ﺯﺭﺩﯼ ﮐﻮ ﺿﺮﻭﺭ دیکھ ﻟﯿﺘﺎ۔ ﺗﺎﮨﻢ ﺍﺱ ﮐﮯ ﺳﻔﯿﺪ ﺩﻭﺩﮬﯿﺎ ﮨﺎﺗﮭﻮﮞ ﮐﯽ ﮔﺮﻓﺖ ﮐﻮﺭﯾﮉﻭﺭ ﻣﯿﮟ ﺩﮬﺮﮮ ﻟﮑﮍﯼ ﮐﮯ ﺑﯿﻨﭻ ﭘﺮ ﻣﻀﺒﻮﻁ ﮨﻮﺋﯽ ﺗﮭﯽ۔
”ﺁﺯﺭ ﺑﮭﯿﺎ ﮐﯽ ﺭﺣﻠﺖ ﮐﮯ ﺑﻌﺪ ﻣﯿﺮﮮ ﻟﺌﮯ ﯾﮧ ﺩﻭﺳﺮﯼ ﺑﮍﮮ دکھ ﮐﯽ ﺧﺒﺮ ﮨﮯ۔“ ﺍﺱ ﮐﯽ ﺑﮭﯿﮕﯽ ﺁﻭﺍﺯ ﭘﺮ ﻭﮦ ﺍﺱ ﮐﯽ ﻃﺮﻑ ﭘﻠﭩﺎ ﺗﮭﺎ۔ ﻣﮕﺮ ﻣﺮﯾﻢ ﻋﺒﺎﺱ ﺑِﻨﺎ ﺍﺱ ﮐﯽ ﻃﺮﻑ ﺩﯾﮑﮭﮯ ﭘﯿﭽﮭﮯ ﭘﻠﭩﺘﮯ ﮨﻮﺋﮯ ﺗﯿﺰ ﺗﯿﺰ ﭼﻠﺘﯽ ﮐﻮﺭﯾﮉﻭﺭ ﺳﮯ ﻧﮑﻞ ﮔﺌﯽ ﺗﮭﯽ۔ ﻭﮦ ﺩﻭﺭ ﺗﮏ ﺑﺠﺘﮯ ﺳﯿﻞ ﺳﮯ ﺑﮯ ﻧﯿﺎﺯ ﺍُﺱ ﮐﮯ ﺗﯿﺰﯼ ﺳﮯ ﺍُﭨﮭﺘﮯ ﮨﻮﺋﮯ ﻗﺪﻣﻮﮞ ﮐﻮ ﺩﯾﮑﮭﺘﺎ ﺭﮦ ﮔﯿﺎ ﺗﮭﺎ۔
۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔
ﺩﻝ ﺁﻭﯾﺰ ﺟﻌﻔﺮﯼ ﮐﯽ ﺣﺎﻟﺖ ﻗﺪﺭﮮ ﺳﻨﺒﮭﻞ ﮔﺌﯽ ﺗﮭﯽ۔
ﺳﻮﯾﺪ ﻧﮧ ﭼﺎﮨﺘﮯ ﮨﻮﺋﮯ ﺑﮭﯽ ﺍﺱ ﮐﯽ دیکھ ﺑﮭﺎﻝ ﮐﺮ ﺭﮨﺎ ﺗﮭﺎ۔ ﺍﯾﮏ ﻋﺮﺻﮯ ﮐﮯ ﺑﻌﺪ ﺑﮩﺖ ﺳﺎ ﻭﻗﺖ ﺍﺱ ﻧﮯ ﻋﻘﯿﻞ ﺟﻌﻔﺮﯼ ﮐﮯ ساتھ ﺑِﺘﺎﯾﺎ ﺗﮭﺎ، ﺟﻮ ﻣﺎﺿﯽ ﮐﮯ ﺩﮬﻨﺪﻟﮑﻮﮞ ﻣﯿﮟ ﮐﮭﻮﺋﮯ، ﺑﮩﺖ ﺩﯾﺮ ﺗﮏ ﺍﺳﮯ ﺍﺱ ﮐﯽ ﺑﭽﭙﻦ ﮐﯽ ﺑﮩﺖ ﺳﯽ ﺑﺎﺗﻮﮞ ﮐﮯ ساتھ ساتھ ﺧﻮﺩ ﺳﮯ ﺍﺱ ﮐﯽ ﺍُﻧﺴﯿﺖ ﮐﮯ ﻗﺼﮯ ﺑﮭﯽ ﺳﻨﺎﺗﮯ ﺭﮨﮯ ﺗﮭﮯ۔
ﺳﻮﯾﺪ ﮐﻮ ﭘﮩﻠﯽ ﺑﺎﺭ ﺍﺣﺴﺎﺱ ﮨﻮ ﺭﮨﺎ ﺗﮭﺎ ﮐﮧ ﻧﻔﺮﺕ ﮐﮯ ﭼﮑﺮ ﻣﯿﮟ ﺩﺩﮬﯿﺎﻟﯽ ﺭﺷﺘﮧ ﺩﺍﺭﻭﮞ ﺳﮯ ﻗﻄﻊ ﺗﻌﻠﻖ ﮐﻮﺋﯽ ﺍﯾﺴﺎ ﺑﮭﯽ ﺍﺣﺴﻦ ﺍﻗﺪﺍﻡ ﻧﮩﯿﮟ ﺗﮭﺎ۔
ﻋﻘﯿﻞ ﺻﺎﺣﺐ ﺍﻭﺭ ﺍﻥ ﮐﯽ ﺑﯿﮕﻢ ﮐﮯ ساتھ ﻣﺮﯾﻢ ﻋﺒﺎﺱ ﺑﮭﯽ ﻟﻨﺪﻥ ﻭﺍﭘﺲ ﺍﭘﻨﮯ ﻭﺍﻟﺪﯾﻦ ﮐﮯ ﭘﺎﺱ ﺟﺎ ﺭﮨﯽ ﺗﮭﯽ۔ ﺳﻮﯾﺪ ﮐﯽ ﻧﮕﺎﮨﯿﮟ ﺑﺎﺭ ﺑﺎﺭ ﺍﺱ ﮐﯽ ﮔﻮﺩ ﻣﯿﮟ ﺳﺮ ﺭﮐﮭﮯ ﻟﯿﭩﯽ ﺩﻝ ﺁﻭﯾﺰ ﺟﻌﻔﺮﯼ ﮐﯽ ﺳﻤﺖ ﺍُﭨﮫ ﺭﮨﯽ ﺗﮭﯿﮟ۔ ﺟﻮ ﺟﺎﻧﮯ ﮐﺲ ﺍﺣﺴﺎﺱ ﮐﮯ ﺗﺤﺖ ﯾﮏ ﭨﮏ ﭨﮑﭩﮑﯽ ﺑﺎﻧﺪﮬﮯ ﺍﺳﯽ ﮐﯽ ﻃﺮﻑ دیکھ ﺭﮨﯽ ﺗﮭﯽ۔
ﻣﺴﺰ ﻋﻘﯿﻞ ﮐﮭﺎﻧﺎ ﻟﮕﻮﺍ ﺭﮨﯽ ﺗﮭﯿﮟ ﺟﺒﮑﮧ ﻋﻘﯿﻞ ﺻﺎﺣﺐ ﺍﺏ ﺍﺱ ﺳﮯ ﮐﮩﮧ ﺭﮨﮯ ﺗﮭﮯ۔
”ﻣﺠﮭﮯ ﺗﻤﮩﺎﺭﮮ ﺟﺬﺑﺎﺕ ﻭ ﺍﺣﺴﺎﺳﺎﺕ ﮐﺎ ﭘﻮﺭﺍ ﺧﯿﺎﻝ ﮨﮯ ﺳﻮﯾﺪ! ﻣﯿﮟ ﮐﺴﯽ ﻃﻮﺭ ﺗﻤﮩﺎﺭﯼ ﻃﺮﻑ ﺳﮯ ﻋﺒﯿﺮﮦ ﺑﯿﭩﯽ ﮐﮯ ﺣﻘﻮﻕ ﻣﯿﮟ ﺯﯾﺎﺩﺗﯽ ﮐﺎ ﺧﻮﺍﮨﺶ ﻣﻨﺪ ﻧﮩﯿﮟ۔ ﮐﯿﻮﻧﮑﮧ ﻭﮦ ﺑﮭﯽ ﻣﺠﮭﮯ ﺍﺗﻨﯽ ﮨﯽ ﻋﺰﯾﺰ ﮨﮯ ﺟﺘﻨﯽ ﮐﮧ ﻣﻮﻣﯽ۔“
”ﻣﻮﻣﯽ؟“ ﺳﻮﯾﺪ ﮐﮯ ﻟﺌﮯ ﯾﮧ ﻧﺎﻡ ﻗﻄﻌﯽ ﻏﯿﺮ ﺷﻨﺎﺳﺎ ﺗﮭﺎ، ﺗﺒﮭﯽ ﻭﮦ ﭼﻮﻧﮑﮯ ﺑﻐﯿﺮ ﻧﮧ ﺭﮦ ﺳﮑﺎ ﺗﮭﺎ۔ ﻋﻘﯿﻞ ﺟﻌﻔﺮﯼ ﺻﺎﺣﺐ ﺍﺏ ﺍﺳﮯ ﻭﺿﺎﺣﺖ ﺩﮮ ﺭﮨﮯ ﺗﮭﮯ۔
”ﮨﻮﮞ۔ ﻣﻮﻣﯽ، ﺩﻝ ﺁﻭﯾﺰ ﮐﺎ ﻧِﮏ ﻧﯿﻢ ﮨﮯ۔ ﺟﺐ ﯾﮧ ﭼﮭﻮﭨﯽ ﺳﯽ ﺗﮭﯽ ﺗﻮ ﺑﺎﻟﮑﻞ ﻣﻮﻡ ﮐﯽ ﮔﮍﯾﺎ ﺩﮐﮭﺎﺋﯽ ﺩﯾﺘﯽ ﺗﮭﯽ۔ ﺍﺳﯽ ﻟﺌﮯ ﺍﺱ ﮐﯽ ﺁﻧﭩﯽ ﻧﮯ ﭘﯿﺎﺭ ﺳﮯ ﺍﺱ ﮐﺎ ﻧﺎﻡ ﻣﻮﻣﯽ ﺭﮐﮫ ﺩﯾﺎ ﺗﮭﺎ۔ ﮔﮭﺮ ﻣﯿﮟ ﺍﻭﺭ ﮔﮭﺮ ﺳﮯ ﺑﺎﮨﺮ ﺍﭘﻨﯽ ﻓﺮﯾﻨﮉﺯ ﮐﮯ ﻟﺌﮯ ﺩﻝ ﺁﻭﯾﺰ ﺻﺮﻑ ﻣﻮﻣﯽ ﮨﯽ ﮨﮯ۔“ ﺑﮍﮮ ﭘﯿﺎﺭ ﺳﮯ ﺑﺘﺎﺗﮯ ﮨﻮﺋﮯ ﺍﯾﮏ ﺁﺳﻮﺩﮦ ﺳﯽ ﻣﺴﮑﺮﺍﮨﭧ ﻧﮯ ﺍﻥ ﮐﮯ ﻟﺒﻮﮞ ﮐﺎ ﺍﺣﺎﻃﮧ ﮐﺮ ﺭﮐﮭﺎ ﺗﮭﺎ۔
ﺳﻮﯾﺪ ﮐﯽ ﻧﮕﺎﮦ ﺍﯾﮏ ﻣﺮﺗﺒﮧ ﭘﮭﺮ ﻣﻮﻣﯽ ﮐﮯ ﺷﻔﺎﻑ ﭼﮩﺮﮮ ﮐﻮ ﭼﮭﻮ ﮐﺮ ﭘﻠﭧ ﺁﺋﯽ۔
ﻋﯿﻦ ﺍﺳﯽ ﻟﻤﺤﮯ ﺍﺱ ﮐﮯ ﺳﯿﻞ ﭘﺮ ﻋﺒﯿﺮﮦ ﮐﯽ ﮐﺎﻝ ﺁﺋﯽ ﺗﻮ ﻭﮦ ﻋﻘﯿﻞ ﺻﺎﺣﺐ ﺳﮯ ﻣﻌﺬﺭﺕ ﮐﺮ ﮐﮯ ﺳﺎﺋﯿﮉ ﭘﺮ ﭼﻼ ﺁﯾﺎ۔
”ﮨﯿﻠﻮ!“
”ﮨﺎﮞ ﺳﻮﯾﺪ! ﮐﮩﺎﮞ ﮨﻮ؟ ﻣﯿﮟ ﮐﺐ ﺳﮯ ﮐﮭﺎﻧﺎ ﺑﻨﺎ ﮐﺮ ﺗﻤﮩﺎﺭﺍ ﻭﯾﭧ ﮐﺮ ﺭﮨﯽ ﮨﻮﮞ۔
ﺁﺋﮯ ﮐﯿﻮﮞ ﻧﮩﯿﮟ ﺍﺑﮭﯽ ﺗﮏ؟“ ﺍﺱ ﮐﮯ ﮨﯿﻠﻮ ﮐﮩﺘﮯ ﮨﯽ ﻭﮦ ﺷﺮﻭﻉ ﮨﻮ ﮔﺌﯽ ﺗﮭﯽ۔
ﺳﻮﯾﺪ ﮐﻮ ﻣﺠﺒﻮﺭﺍً ﺟﮭﻮﭦ ﮐﺎ ﺳﮩﺎﺭﺍ ﻟﯿﻨﺎ ﭘﮍﺍ۔
”ﺩﻝ ﺁﻭﯾﺰ ﮐﯽ ﻃﺒﯿﻌﺖ ﭨﮭﯿﮏ ﻧﮩﯿﮟ ﮨﮯ ﺑﯿﮧ! ﻣﯿﮟ ﺍﺑﮭﯽ ﻧﮩﯿﮟ ﺁ ﺳﮑﻮﮞ ﮔﺎ۔“
”ﮐﯿﻮﮞ؟ ﺗﻢ ﺍُﺱ ﮐﮯ ﮈﺍﮐﭩﺮ ﮨﻮ ﯾﺎ ﺍﺱ ﮐﮯ ﭘﺎﭘﺎ ﺍﺑﮭﯽ ﺳﮯ ُﮐﻮﭺ ﮐﺮ ﮔﺌﮯ ﮨﯿﮟ ﭘﺎﮐﺴﺘﺎﻥ ﺳﮯ؟“ ﺍُﺳﮯ ﺍُﺱ ﮐﯽ ﻣﻌﺬﺭﺕ ﭼﺒﮭﯽ ﺗﮭﯽ۔ ﺳﻮﯾﺪ ﺩﮬﯿﺮﮮ ﺳﮯ ﻣﺴﮑﺮﺍ ﺩﯾﺎ۔
”ﮈﺍﮐﭩﺮ ﻧﮧ ﺳﮩﯽ، ﺍُﺱ ﮐﺎ ﺷﻮﮨﺮ ﺗﻮ ﮨﻮﮞ۔“
”ﺟﯽ ﻧﮩﯿﮟ۔ ﺗﻢ ﺻﺮﻑ ﺍﻭﺭ ﺻﺮﻑ ﻣﯿﺮﮮ ﮨﻮ ﺍﭼﮭﺎ ﺍﺱ ﮐﮯ ساتھ ﻣﺤﺾ ﮐﺎﻏﺬﯼ ﺗﻌﻠﻖ ﮨﮯ ﺗﻤﮩﺎﺭﺍ۔ ﯾﺎﺩ ﺭﮐﮭﻨﺎ ﺳﻮﯾﺪ! ﺍﮔﺮ ﺗﻢ ﻧﮯ ﺍﺳﮯ ﭘﯿﺎﺭ ﮐﺮﻧﮯ ﯾﺎ ﭼﮭﻮﻧﮯ ﮐﯽ ﮐﻮﺷﺶ ﮐﯽ ﺗﻮ ﻣﯿﮟ ﺍﭘﻨﯽ ﺟﺎﻥ ﺩﮮ ﺩﻭﮞ ﮔﯽ۔“ ﻭﮦ ﺟﺬﺑﺎﺗﯽ ﺗﮭﯽ ﺍﻭﺭ ﺍﺱ ﻭﻗﺖ ﺑﮭﯽ ﺍﺱ ﻧﮯ ﺟﺬﺑﺎﺗﯿﺖ ﮐﺎ ﻣﻈﺎﮨﺮﮦ ﮨﯽ ﮐﯿﺎ ﺗﮭﺎ۔ ﻭﮦ ﭘﮭﺮ ﻣﺴﮑﺮﺍ ﺩﯾﺎ۔
”ﺑﮯ ﻭﻗﻮﻑ ﮨﻮ ﺗﻢ ﺍﻭﺭ کچھ ﻧﮩﯿﮟ۔ ﺍﯾﮏ ﭘﺎﮔﻞ ﻟﮍﮐﯽ ﺳﮯ ﺑﮭﯽ ﺧﺪﺷﺎﺕ ﻻﺣﻖ ﮨﯿﮟ ﺗﻤﮩﯿﮟ؟“
”ﻟﮍﮐﯽ ﭘﺎﮔﻞ ﮨﮯ ﺗﻮ ﮐﯿﺎ ﮨﻮﺍ؟ ﻟﮍﮐﺎ ﺗﻮ ﭘﺎﮔﻞ ﻧﮩﯿﮟ ﮨﮯ ﻧﺎ۔ ﻭﯾﺴﮯ ﺑﮭﯽ ﺗﻢ ﻣﺮﺩﻭﮞ ﮐﯽ ﺭﺍﻝ ﭨﭙﮑﺘﮯ ﺩﯾﺮ ﻧﮩﯿﮟ ﻟﮕﺘﯽ۔“
”ﺍﭼﮭﺎ۔ ﻣﮕﺮ ﺁﭖ ﺑﮭﻮﻝ ﺭﮨﯽ ﮨﯿﮟ ﻣﺤﺘﺮﻣﮧ! ﮐﮧ ﺍﺱ ﻣﺮﺩ ﮐﻮ ﺍﺱ ﺷﺎﺩﯼ ﮐﮯ ﻟﺌﮯ ﻣﺠﺒﻮﺭ ﮐﺮﻧﮯ ﻭﺍﻟﯽ ﺑﮭﯽ ﺁﭖ ﮨﯽ ﺗﮭﯿﮟ۔“
”ﮨﺎﮞ ﺗﻮ ﺷﺎﺩﯼ ﮐﮯ ﻟﺌﮯ ﻣﺠﺒﻮﺭ ﮐﯿﺎ ﺗﮭﺎ ﻧﺎ۔
ﺭﻭﻣﯿﻨﺲ ﺑﮕﮭﺎﺭﻧﮯ ﮐﮯ ﻟﺌﮯ ﻧﮩﯿﮟ۔“ ﻭﮦ ﭘﮭﺮ ﺟﻠﯽ ﺗﮭﯽ۔ ﺳﻮﯾﺪ ﺍﺱ ﺑﺎﺭ ﮨﻨﺲ ﭘﮍﺍ۔
”ﺷﺎﺩﯼ ﮨﻮ ﮔﺌﯽ ﺗﻮ ﺍﺏ ﺷﺮﯾﻌﺖ ﮐﯽ ﺭُﻭ ﺳﮯ ﺭﻭﻣﯿﻨﺲ ﺑﮭﯽ ﺿﺮﻭﺭﯼ ﮨﮯ۔ ﻭﺭﻧﮧ ﺍﻟﻠﮧ ﮐﺎ ﮔﻨﮩﮕﺎﺭ ﮨﻮﮞ ﮔﺎ۔“
”ﺍﻭﮐﮯ ﮐﺮﻭ ﺭﻭﻣﯿﻨﺲ ﺟﺐ ﻓﺎﺭﻍ ﮨﻮ ﺟﺎﺅ ﺗﻮ ﺁ ﮐﺮ ﻣﯿﺮﯼ ﻗﺒﺮ ﭘﺮ ﻓﺎﺗﺤﮧ ﺑﮭﯽ ﭘﮍﮪ ﺟﺎﻧﺎ۔“ ﺍﺱ ﺑﺎﺭ ﺳﻠﮓ ﮐﺮ ﮐﮩﺘﮯ ﮨﻮﺋﮯ ﺍﺱ ﻧﮯ ﻻﺋﻦ ﮈﺱ ﮐﻨﮑﭧ ﮐﺮ ﺩﯼ ﺗﮭﯽ۔ ﺳﻮﯾﺪ ﮨﻨﺲ ﭘﮍﺍ۔ ﺩﻝ ﺁﻭﯾﺰ ﺍﺏ ﺑﮭﯽ ﺍﺳﮯ ﺩﻟﭽﺴﭗ ﻧﮕﺎﮨﻮﮞ ﺳﮯ ﮨﻨﺴﺘﮯ ﮨﻮﺋﮯ دیکھ ﺭﮨﯽ ﺗﮭﯽ۔
”ﮐﺘﻨﯽ ﭘﯿﺎﺭﯼ ﻟﮍﮐﯽ ﮨﻮ ﺗﻢ۔ ﺫﺭﺍ ﺟﯿﻠﺲ ﻧﮩﯿﮟ ﮨﻮﺗﯿﮟ ﺍﭘﻨﯽ ﺳﻮﺗﻦ ﺳﮯ۔ ﺧﯿﺮ، ﮨﻮ ﺑﮭﯽ ﮐﯿﺴﮯ ﺳﮑﺘﯽ ﮨﻮ؟ ﻣﯿﮟ ﮐﻮﻥ ﺳﺎ ﺗﻤﮩﺎﺭﺍ ﺁﺯﺭ ﻋﺒﺎﺱ ﮨﻮﮞ۔“ ﭘﻠﭧ ﮐﺮ ﻋﻘﯿﻞ ﺻﺎﺣﺐ ﮐﯽ ﻃﺮﻑ ﺑﮍﮬﺘﮯ ﮨﻮﺋﮯ ﺍﺱ ﮐﯽ ﻧﮕﺎﮦ ﭘﮭﺮ ﺩﻝ ﺁﻭﯾﺰ ﮐﯽ ﻧﮕﺎﮦ ﺳﮯ ﭨﮑﺮﺍﺋﯽ ﺗﮭﯽ ﺍﻭﺭ ﺍﺱ ﻧﮯ ﺩﻝ ﮨﯽ ﺩﻝ ﻣﯿﮟ ﺟﯿﺴﮯ ﺍﺱ ﺳﮯ ﻣﺨﺎﻃﺐ ﮨﻮ ﮐﺮ ﮐﮩﺎ ﺗﮭﺎ۔ ﻋﺒﯿﺮﮦ ﺳﮯ ﺑﺎﺕ ﮨﻮﻧﮯ ﮐﮯ ﺑﻌﺪ ﺍﺱ ﮐﯽ ﮐﻮﺷﺶ ﻓﻮﺭﺍً ﮔﮭﺮ ﻭﺍﭘﺴﯽ ﮐﯽ ﺗﮭﯽ۔
ﻣﮕﺮ ﻋﻘﯿﻞ ﺻﺎﺣﺐ ﻧﮯ ﺍﺳﮯ ﮐﮭﺎﻧﺎ ﮐﮭﺎﺋﮯ ﺑﻐﯿﺮ ﺍُﭨﮭﻨﮯ ﮨﯽ ﻧﮩﯿﮟ ﺩﯾﺎ۔ ﮐﮭﺎﻧﺎ ﮐﮭﺎﻧﮯ ﮐﮯ ﺑﻌﺪ ﻭﮦ ﺍُﭨﮭﻨﮯ ﻟﮕﺎ ﺗﻮ ﻣﺮﯾﻢ ﻧﮯ ﺩﻝ ﺁﻭﯾﺰ ﮐﻮ ﺑﮭﯽ ساتھ ﺗﯿﺎﺭ ﮐﺮ ﺩﯾﺎ۔
”ﻣﻮﻣﯽ ﺑﮭﯽ ﺁﭖ ﮐﮯ ساتھ ﺟﺎﺋﮯ ﮔﯽ ﺳﻮﯾﺪ ﺑﮭﺎﺋﯽ! ﺍﺏ ﺍﺱ ﮐﯽ ﻃﺒﯿﻌﺖ ﺑﺎﻟﮑﻞ ﭨﮭﯿﮏ ﮨﮯ۔“ ﻭﮦ ﭨﮭﭩﮑﺎ ﺗﮭﺎ، ﺍﯾﮏ ﻧﻈﺮ ﻋﻘﯿﻞ ﺻﺎﺣﺐ ﺍﻭﺭ ﻣﺴﺰ ﻋﻘﯿﻞ ﭘﺮ ﺑﮭﯽ ﮈﺍﻟﯽ ﺗﮭﯽ، ﻣﮕﺮ ﺍﻥ ﮐﯽ ﻧﮕﺎﮨﯿﮟ ﺑﮭﯽ ﻣﺮﯾﻢ ﮐﮯ ﺍﻟﻔﺎﻅ ﮐﯽ ﺗﺮﺟﻤﺎﻧﯽ ﮐﺮ ﺭﮨﯽ ﺗﮭﯿﮟ۔ ﻭﮦ ﺧﺎﻣﻮﺷﯽ ﺳﮯ ﺍﺛﺒﺎﺕ ﻣﯿﮟ ﺳﺮ ﮨﻼ ﮐﺮ ﺑﺎﮨﺮ ﮐﯽ ﻃﺮﻑ ﺑﮍﮪ ﮔﯿﺎ۔ ﻣﺮﯾﻢ ﻧﮯ ﺍﺳﮯ ﺷﺎﻧﻮﮞ ﺳﮯ ﺗﮭﺎﻣﮯ ﺗﮭﺎﻣﮯ ﺳﻮﯾﺪ ﮐﮯ ﺑﺮﺍﺑﺮ ﮔﺎﮌﯼ ﻣﯿﮟ ﻓﺮﻧﭧ ﺳﯿﭧ ﭘﺮ ﻻ ﺑﭩﮭﺎﯾﺎ ﺗﮭﺎ۔ ﻭﮦ ﺗﻤﺎﻡ ﺭﺍﺳﺘﮯ ﺧﺎﻣﻮﺵ ﺳﯽ ﯾﻮﮞ ﺑﯿﭩﮭﯽ ﺭﮨﯽ ﺗﮭﯽ، ﺟﯿﺴﮯ ﮔﺎﮌﯼ ﻣﯿﮟ ﺑﺎﻟﮑﻞ ﺍﮐﯿﻠﯽ ﮨﻮ۔ ﺟﺲ ﻭﻗﺖ ﻭﮦ ﮔﮭﺮ ﭘﮩﻨﭽﮯ، ﺧﺎﺻﯽ ﺩﯾﺮ ﮨﻮ ﭼﮑﯽ ﺗﮭﯽ۔ ﻋﺒﯿﺮﮦ ﺑﮯ ﭼﯿﻦ ﺳﯽ ﭨﯽ ﻭﯼ ﻻﺅﻧﺞ ﻣﯿﮟ ﺑﯿﭩﮭﯽ ﺑﻈﺎﮨﺮ ﻧﯿﻮﺯ دیکھ ﺭﮨﯽ ﺗﮭﯽ ﻣﮕﺮ ﺍﺻﻞ ﻣﯿﮟ ﺍُﺳﮯ ﺳﻮﯾﺪ ﮐﯽ ﻭﺍﭘﺴﯽ ﮐﺎ ﺍﻧﺘﻈﺎﺭ ﺗﮭﺎ۔ ﺍﺏ ﺟﻮ ﮔﺎﮌﯼ ﮐﮯ ﮨﺎﺭﻥ ﭘﺮ ﻭﮦ ﺍﻟﺮﭦ ﮨﻮ ﮐﺮ ﺑﯿﭩﮭﯽ ﺗﮭﯽ، ﺳﻮﯾﺪ ﮐﮯ ساتھ ﺩﻝ ﺁﻭﯾﺰ ﮐﻮ دیکھ ﮐﺮ ﺍﺱ ﮐﺎ ﺩﻝ ﺟﯿﺴﮯ ﺟﻞ ﮐﺮ ﺭﺍﮐﮫ ﮨﻮ ﮔﯿﺎ۔
ﺳﻮﯾﺪ ﮐﮯ ﻣﻄﺎﺑﻖ ﺍﮔﺮ ﺍﺱ ﮐﯽ ﻃﺒﯿﻌﺖ ﺑﮩﺖ ﺧﺮﺍﺏ ﺗﮭﯽ ﺗﻮ ﭘﮭﺮ ﻭﮦ ﺍﭘﻨﮯ ﭘﺎﺅﮞ ﭘﺮ ﭼﻞ ﮐﺮ ﺍﺱ ﮐﮯ ساتھ ﮔﮭﺮ ﮐﯿﺴﮯ ﺁ ﮔﺌﯽ ﺗﮭﯽ؟ ﮨﺰﺍﺭ ﻭﺳﻮﺳﮯ ﺗﮭﮯ ﺟﻮ ﺍﺱ ﮐﮯ ﺻﺮﻑ ﺍﯾﮏ ﺟﮭﻮﭦ ﮐﯽ ﺁﮌ ﻣﯿﮟ ﺍﺱ ﮐﮯ ﺩﻣﺎﻍ ﻣﯿﮟ ﮔﮭﺲ ﺁﺋﮯ ﺗﮭﮯ۔
ﺍُﺱ ﮐﺎ ﺷﺪﺕ ﺳﮯ ﺩﻝ ﭼﺎﮨﺎ ﺗﮭﺎ ﮐﮧ ﻭﮦ ﺳﻮﯾﺪ ﮐﻮ ﺩﻭ ﭼﺎﺭ ﺗﮭﭙﮍ ﺭﺳﯿﺪ ﮐﺮ ﮐﮯ ﭘﮭﺮ ﺧﻮﺏ ﺭﻭﺋﮯ۔ ﺳﻮﯾﺪ ﺍُﺳﮯ ﻻﺅﻧﺞ ﻣﯿﮟ ﺑﯿﭩﮭﮯ دیکھ ﮐﺮ ﻓﻮﺭﺍً ﺍﺱ ﮐﯽ ﻃﺮﻑ ﻟﭙﮑﺎ ﺗﮭﺎ۔
”ﺑﯿﮧ! ﺁﺋﯽ ﺍﯾﻢ ﺳﻮﺭﯼ۔ ﻣﯿﮟ“
”ﺟﺴﭧ ﺷﭧ ﺍﭖ ﺳﻮﯾﺪ! ﺟﮭﻮﭦ ﮐﯽ ﺑﮭﯽ ﺣﺪ ﮨﻮﺗﯽ ﮨﮯ ﮐﻮﺋﯽ۔“ ﺍﺱ ﮐﺎ ﭼﮩﺮﮦ ﻏﺼﮯ ﮐﯽ ﺷﺪﺕ ﺳﮯ ﺳﺮﺥ ﮨﻮ ﺭﮨﺎ ﺗﮭﺎ۔ ﺳﻮﯾﺪ ﮐﯽ ﻣﺸﮑﻞ ﺑﮍﮪ ﮔﺌﯽ۔
”ﻣﯿﺮﯼ ﺑﺎﺕ ﺗﻮ ﺳﻨﻮ ﯾﺎﺭ!“
ﻣﺠﮭﮯ کچھ ﮐﮩﻨﺎ ﺳﻨﻨﺎ ﻧﮩﯿﮟ۔ ﺟﺎﺅ ﻋﯿﺶ ﮐﺮﻭ ﺍﭘﻨﯽ ﻧﺌﯽ ﻧﻮﯾﻠﯽ ﺑﯿﮕﻢ ﮐﮯ ساتھ۔“ ﻏﺼﮯ ﺳﮯ ﮐﮩﺘﮯ ﮨﯽ ﻭﮦ ﺳﯿﮍﮬﯿﻮﮞ ﮐﯽ ﻃﺮﻑ ﻟﭙﮑﯽ ﺗﮭﯽ۔ ﺳﻮﯾﺪ ﻧﮯ ﺑﮭﺎﮒ ﮐﺮ ﺍﺱ ﮐﺎ ﺑﺎﺯﻭ ﭘﮑﮍ ﻟﯿﺎ۔
”ﺍﺗﻨﯽ ﺟﻠﺪﯼ ﺑﺪﮔﻤﺎﻥ ﮨﻮ ﮔﺌﯿﮟ ﻋﺒﯿﺮﮦ؟“
”ﺑﺎﺯﻭ ﭼﮭﻮﮌﻭ ﻣﯿﺮﺍ۔“ ﻭﮦ ﺍُﺱ ﮐﯽ ﻃﺮﻑ ﺩﯾﮑﮭﻨﮯ ﮐﯽ ﺭﻭﺍﺩﺍﺭ ﺑﮭﯽ ﻧﮩﯿﮟ ﺗﮭﯽ۔ ﺳﻮﯾﺪ دکھ ﮐﯽ ﺷﺪﺕ ﺳﮯ ﺍﺳﮯ ﺩﯾﮑﮭﺘﺎ، ﺯﺑﺮﺩﺳﺘﯽ ﺍﺱ ﮐﺎ ہاتھ ﺗﮭﺎﻡ ﮐﺮ ﺍﺳﮯ ﺍﻭﭘﺮ ﺍﭘﻨﮯ ﺑﯿﮉ ﺭﻭﻡ ﻣﯿﮟ ﻟﮯ ﺁﯾﺎ ﺗﮭﺎ۔
”ﮨﮯ ﺍﺗﻨﺎ ﺣﻮﺻﻠﮧ ﺗﻢ ﻣﯿﮟ ﮐﮧ ﻣﺠﮭﮯ ﮐﺴﯽ ﺩﻭﺳﺮﯼ ﻋﻮﺭﺕ ﮐﮯ ساتھ ﻋﯿﺶ ﮐﺮﺗﮯ دیکھ ﺳﮑﻮ۔“ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺳﺮﺧﯽ ﺗﮭﯽ۔ ﻋﺒﯿﺮﮦ ﭼﭗ ﭼﺎﭖ ﺭﻭ ﭘﮍﯼ۔
”ﻧﮩﯿﮟ ﮨﮯ ﻧﺎ، ﺍﺳﯽ ﻟﺌﮯ ﮐﮩﺘﺎ ﮨﻮﮞ ﺑﯿﮧ! ﻣﯿﺮﮮ ﺿﺒﻂ ﮐﺎ ﺍﻣﺘﺤﺎﻥ ﻣﺖ ﻟﯿﺎ ﮐﺮﻭ۔ ﮨﺰﺍﺭ ﺑﺎﺭ ﮐﮩﮧ ﭼﮑﺎ ﮨﻮﮞ ﻣﯿﺮﺍ ﺟﺴﻢ، ﻣﯿﺮﯼ ﺭﻭﺡ، ﻣﯿﺮﯼ ﮨﺮ ﺳﻮﭺ ﺻﺮﻑ ﺗﻤﮩﺎﺭﮮ ﻟﺌﮯ ﮨﮯ۔ ﺗﻤﮩﺎﺭﺍ ﭘﯿﺎﺭ ﺍﺗﻨﺎ ﮐﺎﻓﯽ ﮨﮯ ﻣﯿﺮﮮ ﻟﺌﮯ ﮐﮧ ﮐﺴﯽ ﺍﻭﺭ ﮐﮯ ﻟﺌﮯ کچھ ﺳﻮﭼﻨﮯ ﮐﯽ ﺿﺮﻭﺭﺕ ﮨﯽ ﻧﮩﯿﮟ۔“ ﺍﺱ ﺑﺎﺭ ﻧﺮﻣﯽ ﺳﮯ ﮐﮩﺘﮯ ﮨﻮﺋﮯ ﺍﺱ ﻧﮯ ﻋﺒﯿﺮﮦ ﮐﻮ ﺍﭘﻨﮯ ﺣﺼﺎﺭ ﻣﯿﮟ ﻟﯿﺎ ﺗﮭﺎ۔ ﻭﮦ ﮐﺘﻨﯽ ﮨﯽ ﺩﯾﺮ ﺧﻔﺎ ﺧﻔﺎ ﺳﯽ ﺍﺱ ﮐﮯ ﺳﯿﻨﮯ ﺳﮯ ﻟﮕﯽ ﺭﻭﺗﯽ ﺭﮨﯽ ﺗﮭﯽ۔ ﺳﻮﯾﺪ ﺗﻮ ﺑﮭﻮﻝ ﮨﯽ ﮔﯿﺎ ﮐﮧ ﻭﮦ ﻧﯿﭽﮯ ﻻﺅﻧﺞ ﻣﯿﮟ ﺩﻝ ﺁﻭﯾﺰ ﻋﺮﻑ ﻣﻮﻣﯽ ﻧﺎﻣﯽ ﺍﯾﮏ ﺣﺎﺩﺛﺎﺗﯽ ﭘﺎﮔﻞ ﻟﮍﮐﯽ ﮐﻮ ﺍﮐﯿﻼ ﮨﯽ ﭼﮭﻮﮌ ﺁﯾﺎ ﮨﮯ، ﺟﻮ ﺳﮑﮍﯼ ﺳﻤﭩﯽ ﺳﯽ، ﻻﺅﻧﺞ ﻣﯿﮟ ﺩﮬﺮﮮ ﭨﯽ ﻭﯼ ﭘﺮ ﻧﮕﺎﮦ ﭘﮍﺗﮯ ﮨﯽ ﺳﺴﮏ ﺍُﭨﮭﯽ ﺗﮭﯽ۔
”ﺁﺯﺭ!“ ﺑﮯ ﺧﻮﺩﯼ ﻣﯿﮟ ﺍُﺱ ﮐﮯ ﻟﺐ ﺑﺎﺭ ﺑﺎﺭ ﺍﺳﯽ ﻧﺎﻡ ﮐﺎ ﻭِﺭﺩ ﮐﺮ ﺭﮨﮯ ﺗﮭﮯ ﺟﺒﮑﮧ ﺑﺎﮨﺮ ﺷﺐ ﺟﯿﺴﮯ ﺍﺱ ﭘﺮ ﮨﻨﺴﺘﮯ ﮨﻮﺋﮯ ﺁﮨﺴﺘﮧ ﺁﮨﺴﺘﮧ ﺁﮔﮯ ﺳﺮﮐﺘﯽ ﺟﺎ ﺭﮨﯽ ﺗﮭﯽ۔
۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔
ﺍﺏ ﮐﯿﺴﯽ ﻃﺒﯿﻌﺖ ﮨﮯ ﻣﻮﻣﯽ؟“ ﺁﺳﯿﮧ ﺑﯿﮕﻢ، ﻣﻮﻣﯽ ﮐﮯ ﭘﺎﺱ ﺑﯿﭩﮭﯽ ﺍﺱ ﺳﮯ ﺑﺎﺗﯿﮟ ﮐﺮ ﺭﮨﯽ ﺗﮭﯿﮟ۔ ﺟﺐ ﻋﯿﻨﯽ ﻧﮯ ﻣﺮﯾﻢ ﮐﮯ ساتھ ﻭﮨﺎﮞ ﺍﻧﭩﺮﯼ ﺩﯾﺘﮯ ﮨﻮﺋﮯ ﭘﻮﭼﮭﺎ۔
ﻣﻮﻣﯽ ﮐﯽ ﻧﮕﺎﮨﯿﮟ ﺍُﭨﮭﯽ ﺗﮭﯿﮟ ﺍﻭﺭ ﺍﺱ ﮐﮯ ساتھ ﺁﺯﺭ ﮐﻮ ﻧﮧ ﭘﺎ ﮐﺮ ﺩﻭﺑﺎﺭﮦ ﭘﻠﭧ ﮔﺌﯽ ﺗﮭﯿﮟ۔
”ﭨﮭﯿﮏ ﮨﻮﮞ۔“ ﮔﮭﺮ ﮐﮯ ﺳﺐ ﺍﻓﺮﺍﺩ ﮐﮯ ساتھ ساتھ ﻭﮦ ﻋﯿﻨﯽ ﺳﮯ ﺑﮭﯽ ﻋﺠﯿﺐ ﺳﯽ ﺟﮭﺠﮏ ﺍﻭﺭ ﺷﺮﻣﻨﺪﮔﯽ ﻣﺤﺴﻮﺱ ﮐﺮ ﺭﮨﯽ ﺗﮭﯽ۔ ﺟﺎﻧﮯ ﺍُﺱ ﮐﯽ ﺑﺰﺩﻟﯽ ﮐﮯ ﺑﺎﺭﮮ ﻣﯿﮟ ﻭﮦ ﺑﮭﯽ ﮐﯿﺎ ﺳﻮﭼﺘﯽ ﮨﻮ ﮔﯽ۔
ﻣﺮﯾﻢ ﺑﯿﮉ ﭘﺮ ﺍﺱ ﮐﮯ ﭘﮩﻠﻮ ﻣﯿﮟ ﺁ ﺑﯿﭩﮭﯽ ﺗﮭﯽ۔
”ﺗﻢ ﺑﮩﺖ ﺑﺮﯼ ﮨﻮ ﻣﻮﻣﯽ! ﻗﺴﻢ ﺳﮯ۔“ ﻣﻨﮧ ﺍﺱ ﮐﮯ ﮐﺎﻥ ﻣﯿﮟ ﮔﮭﺴﯿﮍﺗﮯ ﮨﻮﺋﮯ ﺍﺱ ﻧﮯ ﮔﻠﮧ ﮐﯿﺎ ﺗﮭﺎ۔ ﻣﻮﻣﯽ ﮐﮯ ﻟﺒﻮﮞ ﭘﺮ ﺍﯾﮏ ﺍﻓﺴﺮﺩﮦ ﺳﯽ ﻣﺴﮑﺎﻥ ﺑﮑﮭﺮ ﮔﺌﯽ۔
”ﮨﻮﮞ ﺻﺤﯿﺢ ﮐﮩﺘﯽ ﮨﻮ ﻣﺮﯾﻢ!“ ﻭﮦ ﻧﮧ ﺟﺎﻧﮯ ﮐﺲ ﺳﻮﭺ ﮐﮯ ﺣﺼﺎﺭ ﻣﯿﮟ ﺗﮭﯽ۔ ﻋﯿﻦ ﺍﺳﯽ ﻟﻤﺤﮯ ﺁﺯﺭ ﻧﮯ ﮐﻤﺮﮮ ﻣﯿﮟ ﻗﺪﻡ ﺭﮐﮭﺎ ﺗﮭﺎ۔ ﭘُﺮﺷﮑﻦ ﮐﭙﮍﻭﮞ ﺍﻭﺭ ﻧﯿﻨﺪ ﮐﯽ ﮐﻤﯽ ﺳﮯ ﺳﺮﺥ ﺗﮭﮑﯽ ﺗﮭﮑﯽ ﺳﯽ ﺁﻧﮑﮭﻮﮞ ﮐﮯ ساتھ ﺍﺱ ﮐﺎ ﺣﺎﻝ ﻣﻮﻣﯽ ﭘﺮ ﺧﻮﺏ ﻭﺍﺿﺢ ﮨﻮ ﺭﮨﺎ ﺗﮭﺎ، ﻣﮕﺮ ﻭﮦ ﺯﯾﺎﺩﮦ ﺩﯾﺮ ﺍﺱ ﭘﺮ ﻧﮕﺎﮦ ﺟﻤﺎ ﮐﺮ ﻧﮧ ﺭﮐﮫ ﺳﮑﯽ ﺗﮭﯽ۔
”ﺁﺯﺭ ﺑﯿﭩﮯ! ﺗﮭﻮﮌﯼ ﺩﯾﺮ ﮔﮭﺮ ﺟﺎ ﮐﺮ ﺁﺭﺍﻡ ﮐﺮ ﻟﻮ۔ ﭘﭽﮭﻠﮯ ﺗﯿﻦ ﺭﻭﺯ ﺳﮯ ﺑﮯ ﺁﺭﺍﻡ ﮨﻮ۔“
ﻣﺴﺰ ﻋﻘﯿﻞ ﺍﺱ ﭘﺮ ﻧﮕﺎﮦ ﭘﮍﺗﮯ ﮨﯽ ﺑﻮﻟﯽ ﺗﮭﯿﮟ۔ ﻣﮕﺮ ﻭﮦ ﺳﺮﺳﺮﯼ ﺳﯽ ﻧﮕﺎﮦ ﻣﻮﻣﯽ ﭘﺮ ﮈﺍﻟﺘﮯ ﮨﻮﺋﮯ ﺍﺱ ﮐﮯ ﺑﯿﮉ ﮐﮯ ﮐﻨﺎﺭﮮ ﭘﺮ ﭨِﮏ ﮔﯿﺎ۔
”ﻣﯿﮟ ﭨﮭﯿﮏ ﮨﻮﮞ ﺁﻧﭩﯽ! ﺍﻟﺒﺘﮧ ﺁﭖ ﮐﻮ ﺁﺭﺍﻡ ﮐﯽ ﺿﺮﻭﺭﺕ ﮨﮯ۔ ﭘﻠﯿﺰ ﺁﭖ ﻟﻮﮒ ﮔﮭﺮ ﺟﺎﯾﺌﮯ۔ ﺻﺮﻑ ﺁﺝ ﮐﯽ ﺭﺍﺕ ﮨﮯ۔ ﮐﻞ ﺍﻟﻠﮧ ﻧﮯ ﭼﺎﮨﺎ ﺗﻮ ﻣﻮﻣﯽ ﮨﻤﺎﺭﮮ ﮔﮭﺮ ﮨﻮ ﮔﯽ۔“
ﮨﻠﮑﯽ ﮨﻠﮑﯽ ﺑﮍﮬﯽ ﮨﻮﺋﯽ ﺷﯿﻮ ﮐﮯ ساتھ ﺭﻑ ﺣﻠﯿﮯ ﻣﯿﮟ ﺑﮭﯽ ﻭﮦ ﺑﮯ ﺣﺪ ﭘﯿﺎﺭﺍ ﻟﮓ ﺭﮨﺎ ﺗﮭﺎ۔ ﻣﻮﻣﯽ ﻧﮯ ﺍﭘﻨﯽ ﺁﻧﮑﮭﯿﮟ ﺳﺨﺘﯽ ﺳﮯ ﻣﯿﭻ ﻟﯿﮟ۔
”ﻣﯿﺮﺍ ﺧﯿﺎﻝ ﮨﮯ، ﻣﯿﮟ ﻣﻮﻣﯽ ﮐﮯ ﭘﺎﺱ ﺭﮎ ﺟﺎﺗﯽ ﮨﻮﮞ۔ ﺁﭖ ﻟﻮﮒ ﺟﺎﺋﯿﮟ۔“ ﻋﯿﻨﯽ ﺑﺮﻭﻗﺖ ﺑﻮﻟﯽ ﺗﮭﯽ ﻣﮕﺮ ﺁﺯﺭ ﻧﮯ ﺍﺱ ﺳﮯ ﺍﺗﻔﺎﻕ ﻧﮩﯿﮟ ﮐﯿﺎ
”ﻧﮩﯿﮟ۔ ﻣﯿﮟ ﻧﮯ ﮐﮩﺎ ﻧﺎ، ﻣﯿﮟ ﯾﮩﺎﮞ ﮨﻮﮞ۔ ﺗﻢ ﮔﺎﮌﯼ ﮈﺭﺍﺋﯿﻮ ﮐﺮ ﺳﮑﺘﯽ ﮨﻮ۔ ﭘﻠﯿﺰ، ﻣﻤﺎ ﺍﻭﺭ ﺁﻧﭩﯽ ﻭﻏﯿﺮﮦ ﮐﻮ ﮔﮭﺮ ﻟﮯ ﺟﺎﺅ۔ ﺍﻧﮩﯿﮟ ﻣﺠﮫ ﺳﮯ ﺯﯾﺎﺩﮦ ﺁﺭﺍﻡ ﮐﯽ ﺿﺮﻭﺭﺕ ﮨﮯ۔“
ﻭﮦ ﺿﺪﯼ ﺗﮭﺎ۔ ﻋﯿﻨﯽ، ﻣﻮﻣﯽ ﮐﮯ ﺳﺎﻣﻨﮯ ﺍﭘﻨﺎ ﺑﮭﺮﻡ ﮐﮭﻮﻧﮯ ﮐﮯ ﮈﺭ ﺳﮯ ﻧﮧ ﭼﺎﮨﺘﮯﮨﻮﺋﮯ ﺑﮭﯽ ﺗﯿﺎﺭ ﮨﻮ ﮔﺌﯽ۔ ﺑﺎﮨﺮ ﺷﺎﻡ ﮔﮩﺮﯼ ﮨﻮ ﺭﮨﯽ ﺗﮭﯽ۔ ﺁﺯﺭ ﺳﺐ ﮐﻮ ﺭﺧﺼﺖ ﮐﺮﻧﮯ ﮐﮯ ﺑﻌﺪ ﮐﻤﺮﮮ ﻣﯿﮟ ﻭﺍﭘﺲ ﺁﯾﺎ ﺗﻮ ﻣﻮﻣﯽ
ﮈﺑﻞ ﺗﮑﯿﮯ ﭘﺮ ﺳﺮ ﺭﮐﮭﮯ ﻟﯿﭩﯽ ﭘﻠﮑﯿﮟ ﻣﻮﻧﺪ ﮔﺌﯽ ﺗﮭﯽ۔ ﻭﮦ ﭼﭗ ﭼﭗ ﺳﺎ ﺍﺱ ﮐﮯ ﭘﺎﺱ ﺑﯿﭩﮫ ﮔﯿﺎ۔
”ﺗﻤﮩﯿﮟ ﭘﺘﮧ ﮨﮯ ﻣﻮﻣﯽ! ﺁﺝ ﺗﻤﮩﺎﺭﺍ ﺑﺮﺗﮫ ﮈﮮ ﮨﮯ؟“ ﺍﭼﺎﻧﮏ ﻭﮦ ﺑﻮﻻ ﺗﻮ ﻣﻮﻣﯽ ﮐﯽ ﺁﻧﮑﮭﯿﮟ ﭘﭧ ﺳﮯ ﮐﮭﻞ ﮔﺌﯿﮟ۔
”ﮐﺒﮭﯽ ﮐﺒﮭﯽ ﻣﺠﮭﮯ ﺗﻢ ﭘﺮ ﺍﺗﻨﺎ ﺷﺪﯾﺪ ﻏﺼﮧ ﺁﺗﺎ ﮨﮯ ﮐﮧ ﺗﻤﮩﺎﺭﺍ ﺣﺸﺮ ﻧﺸﺮ ﮐﺮﻧﮯ ﮐﻮ ﺟﯽ ﭼﺎﮨﺘﺎ ﮨﮯ، ﻣﮕﺮ ﺍﮔﻠﮯ ﮨﯽ ﭘﻞ ﻣﯿﮟ ﺧﻮﺩ ﮐﻮ ﻗﻄﻌﯽ ﺑﮯ ﺑﺲ ﻣﺤﺴﻮﺱ ﮐﺮﺗﺎ ﮨﻮﮞ۔ ﺳﻤﺠﮫ ﻣﯿﮟ ﻧﮩﯿﮟ ﺁﺗﺎ، ﺗﻤﮩﺎﺭﺍ ﮐﯿﺎ ﮐﺮﻭﮞ؟“
”ﺍﯾﻢ ﺳﻮﺭﯼ ﺁﺯﺭ! ﺍﯾﻢ ﺭﺋﯿﻠﯽ ﻭﯾﺮﯼ ﺳﻮﺭﯼ۔“ ﻭﮦ ﺍﺱ ﮐﮯ ﺳﺎﻣﻨﮯ ﭘﮭﺮ ﺭﻭ ﭘﮍﯼ ﺗﮭﯽ۔ ﺁﺯﺭ ﺗﮍﭖ ﺍُﭨﮭﺎ۔
”ﮐﺲ ﺑﺎﺕ ﮐﯽ ﺳﻮﺭﯼ؟“ ﺍﭘﻨﮯ ﮨﺎﺗﮭﻮﮞ ﺳﮯ ﺍﺱ ﮐﮯ ﺁﻧﺴﻮ ﺻﺎﻑ ﮐﺮﺗﮯ ﮨﻮﺋﮯ ﺍﺱ ﻧﮯ ﭘﻮﭼﮭﺎ ﺟﺐ ﻭﮦ ﺑﻮﻟﯽ۔
”ﻣﯿﮟ ﺑﮩﺖ ﺧﻮﺩﻏﺮﺽ ﮨﻮﮞ۔ ﺑﭽﭙﻦ ﺳﮯ ﺍﺏ ﺗﮏ ﻣﯿﮟ ﻧﮯ ﺻﺮﻑ ﺍﭘﻨﮯ ﻟﺌﮯ ﺳﻮﭼﺎ ﮨﮯ۔ ﺍﭘﻨﯽ ﺧﻮﺷﯽ، ﺍﭘﻨﮯ ﻏﻢ ﮐﮯ ﻟﺌﮯ ﻣﯿﮟ ﺟﻮ ﺳﺎﻧﺲ ﺑﮭﯽ ﺗﻤﮩﺎﺭﮮ ﻟﺌﮯ ﻟﯿﺘﯽ ﮨﻮﮞ، ﺗﻤﮩﺎﺭﮮ ﻟﺌﮯ ﺗﻮ ﮐﺒﮭﯽ ﺳﻮﭺ ﮨﯽ ﻧﮩﯿﮟ ﺳﮑﯽ۔ ﺑﮩﺖ ﺗﻨﮓ ﺩﻝ ﮨﻮﮞ ﻣﯿﮟ ﺁﺯﺭ! ﭘﻠﯿﺰ ﻣﺠﮭﮯ ﻣﻌﺎﻑ ﮐﺮ ﺩﻭ۔“ ﻭﮦ ﺍﺏ ﺑﮭﯽ ﺍﭘﻨﯽ ﺳﻮﭺ ﮐﮯ ﺣﺼﺎﺭ ﻣﯿﮟ ﺗﮭﯽ۔ ﺁﺯﺭ ﮐﮯ ﻟﺐ ﮨﻠﮑﮯ ﺳﮯ ﻣﺴﮑﺮﺍ ﺩﯾﺌﮯ۔
”ﺷﮑﺮ ﮨﮯ، ﺗﻤﮩﯿﮟ ﺍﺱ ﺑﺎﺕ ﮐﺎ ﺍﺣﺴﺎﺱ ﺗﻮ ﮨﻮﺍ ﮐﮧ ﺗﻢ ﮐﺘﻨﯽ ﺑﺮﯼ ﮨﻮ۔“ ﻣﻮﻣﯽ ﮐﺎ ﻧﺮﻡ ﻭ ﻧﺎﺯﮎ ﺳﺎ ہاتھ ﺍﺱ ﮐﯽ ﮔﺮﻓﺖ ﻣﯿﮟ ﺗﮭﺎ۔ ﻭﮦ ﺳﺮ ﺟﮭﮑﺎ ﮐﺮ ﺑﮯ ﻭﺟﮧ ﻣﺴﮑﺮﺍ ﺩﯼ۔
”ﮨﻮﮞ ﻣﮕﺮ ﺗﻢ ﺑﮩﺖ ﺍﭼﮭﮯ ﮨﻮ۔ ﺗﺒﮭﯽ ﺗﻮ ﮨﺮ ﻣﺸﮑﻞ ﻣﯿﮟ ﺳﺐ ﺳﮯ ﭘﮩﻠﯽ ﺻﺪﺍ ﻣﯿﮟ ﺗﻤﮩﯿﮟ ﺩﯾﺘﯽ ﮨﻮﮞ۔“
”ﻭﮦ ﺗﻮ ﻣﯿﮟ ﮨﻮﮞ ﺧﯿﺮ ﺁﺋﻨﺪﮦ ﺍﮔﺮ ﺗﻢ ﻧﮯ ﺍﯾﺴﯽ ﮐﻮﺋﯽ ﻓﻀﻮﻝ ﺣﺮﮐﺖ ﮐﺮﻧﮯ ﮐﯽ ﮐﻮﺷﺶ ﮐﯽ ﺗﻮ ﯾﺎﺩ ﺭﮐﮭﻨﺎ ﻣﻮﻣﯽ! ﻣﯿﮟ ﺳﭻ ﻣﭻ ﺗﻤﮩﺎﺭﺍ ﺣﺸﺮ ﻧﺸﺮ ﮐﺮ ﮐﮯ ﺭﮐﮫ ﺩﻭﮞ ﮔﺎ۔“ ﺩﮬﯿﻤﮯ ﺳﮯ ﻣﺴﮑﺮﺍﺗﮯ ﮨﻮﺋﮯ ﻭﮦ ﻓﻮﺭﺍً ﺳﻨﺠﯿﺪﮦ ﮨﻮﺍ ﺗﮭﺎ۔ ﻣﻮﻣﯽ ﻧﻢ ﺁﻧﮑﮭﻮﮞ ﺳﮯ ﺍﺳﮯ ﺩﯾﮑﮭﺘﯽ ﺭﮦ ﮔﺌﯽ۔
”ﻣﯿﮟ ﺗﻤﮩﺎﺭﮮ ﺑﻐﯿﺮ ﻧﮩﯿﮟ ﺟﯽ ﺳﮑﺘﯽ ﺁﺯﺭ! ﺍﯾﮏ ﭘﻞ ﺑﮭﯽ ﻧﮩﯿﮟ۔“ ﺍﺱ ﮐﯽ ﺁﻧﮑﮭﯿﮟ ﺁﺯﺭ ﮐﮯ ﭼﮩﺮﮮ ﭘﺮ ﺟﻤﯽ ﭼﯿﺦ ﭼﯿﺦ ﮐﺮ ﮐﮩﮧ ﺭﮨﯽ ﺗﮭﯿﮟ ﻣﮕﺮ ﮨﻮﻧﭩﻮﮞ ﭘﺮ ﭼﭗ ﮐﺎ ﺑﮭﺎﺭﯼ ﻗﻔﻞ ﭘﮍﺍ ﺗﮭﺎ۔ ﺗﮭﻮﮌﯼ ﺩﯾﺮ ﺑﻌﺪ ﯾﻮﻧﮩﯽ ﺁﺯﺭ ﮐﻮ ﺩﯾﮑﮭﺘﮯ، ﺍﺱ ﺳﮯ ﺑﺎﺗﯿﮟ ﮐﺮﺗﮯ ﺍﺱ ﮐﯽ آنکھ ﻟﮓ ﮔﺌﯽ ﺗﮭﯽ۔ ﻣﮕﺮ ﻭﮦ ﺍﺱ ﺭﺍﺕ ﺑﮭﯽ ﻧﮩﯿﮟ ﺳﻮﯾﺎ ﺗﮭﺎ۔ ﻣﻮﻣﯽ ﮐﺎ ﮐﻤﺒﻞ ﭨﮭﯿﮏ ﮐﺮ ﮐﮯ۔ ﺩﯾﺮ ﺗﮏ ﺍﺱ ﮐﮯ ﺳﺮﮨﺎﻧﮯ ﺑﯿﭩﮭﺎ ﻭﮦ ﺍﺱ ﮐﮯ ﺩﻝ ﮐﺶ ﻣﻮﻣﯽ ﭼﮩﺮﮮ ﮐﻮ ﺩﯾﮑﮭﺘﮯ ﮨﻮﺋﮯ ﺑِﻨﺎ ﺍﭘﻨﯽ ﺗﮭﮑﻦ ﮐﯽ ﭘﺮﻭﺍ ﮐﺌﮯ، ﺟﺎﮔﺘﯽ ﺁﻧﮑﮭﻮﮞ ﺳﮯ ﺟﺎﻧﮯ ﮐﯿﺴﮯ ﮐﯿﺴﮯ ﺧﻮﺍﺏ ﺩﯾﮑﮭﺘﺎ ﺭﮨﺎ ﺗﮭﺎ۔
۔۔۔۔۔۔