ﺍﻭﻻﺩ ﮐﯽ ﺍﺻﻞ ﺷﻨﺎﺧﺖ

ﻭﮦ ﺍﺳﮯ ﻟﮯ ﮐﺮ ﮔﮭﺮ ﺁﮔﯿﺎ ﺗﮭﺎ ‘ ﺍﻣﯽ ﺑﺎﺑﺎ ﮐﮯ ﭘﺎﺱ۔ ﺩﻥ ﭘﺮ ﻟﮕﺎ ﮐﺮ ﮔﺰﺭﻧﮯ ﻟﮕﮯ ﺗﮭﮯ ‘ ﺳﺐ ﮐﭽﮫ ﺟﯿﺴﮯ ﺍﯾﮏ ﺩﻡ ﭨﮭﯿﮏ ﮨﻮﮔﯿﺎ ﺗﮭﺎ۔ ﻋﺒﺪﺍﻟﺒﺎﺭﯼ ‘ ﺍﺱ ﮐﺎ ﺭﻭﯾﮧ ‘ ﺍﻧﺪﺍﺯ ﻭ ﺍﻃﻮﺍﺭ ‘ ﺳﺐ ﮐﭽﮫ ﯾﮑﺴﺮ ﺑﺪﻝ ﮔﯿﺎ ﺗﮭﺎ۔ ﺳﺐ ﮨﯽ ﺍﺱ ﮐﯽ ﺍﺱ ﮐﺎﯾﺎﭘﻠﭧ ﭘﺮ ﺑﮩﺖ ﺧﻮﺵ ﺗﮭﮯ ‘ ﺑﮯ ﭘﻨﺎﮦ ﺧﯿﺎﻝ ﺭﮐﮭﻨﮯ ﻟﮕﮯ ﺗﮭﮯ۔ ﺭﺍﺑﯿﻞ ﮐﮯ ﻟﺌﮯ ﯾﮧ ﺳﺐ ﮐﭽﮫ ﺣﯿﺮﺍﻥ ﮐﻦ ﺗﮭﺎ ﻣﮕﺮ ﮐﺒﮭﯽ ﮐﺒﮭﺎﺭ ﻭﮦ ﺍﻟﺠﮭﻦ ﮐﺎ ﺷﮑﺎﺭ ﮨﻮﺟﺎﺗﯽ ﺗﮭﯽ۔ ﮐﻮﺋﯽ ﻃﻨﺰ ‘ ﮐﮍﻭﯼ ﮐﺴﯿﻠﯽ ﺑﺎﺕ ‘ ﮐﻮﺋﯽ ﺯﻭﺭ ﻭ ﺯﺑﺮﺩﺳﺘﯽ ‘ ﮐﭽﮫ ﺑﮭﯽ ﺑﺎﻗﯽ ﻧﮩﯿﮟ ﺭﮨﺎ ﺗﮭﺎ۔ ﻭﮦ ﺍﺱ ﮐﮯ ﺭﻭﯾﻮﮞ ﮐﯽ ﻋﺎﺩﯼ ﮨﻮﭼﮑﯽ ﺗﮭﯽ ‘ ﺍﺏ ﯾﮧ ﺍﻧﺪﺍﺯ ﮨﻀﻢ ﻧﮩﯿﮟ ﮨﻮﺭﮨﮯ ﺗﮭﮯ۔ ﻭﮦ ﺑﮩﺖ ﺣﻠﯿﻢ ﻭ ﻣﮩﺮﺑﺎﻥ ﺳﺎ ﺍﻧﺴﺎﻥ ﺑﻦ ﮔﯿﺎ ﺗﮭﺎ۔ ﺣﺘﯽٰ ﮐﮧ ﺍﺳﯽ ﺣﺎﻟﺖ ﻣﯿﮟ ﺩﻭ ﻣﺎﮦ ﭘﺮ ﻟﮕﺎﮐﺮ ﮔﺰﺭ ﮔﺌﮯ ﺗﮭﮯ۔
ﺁﺝ ﺭﺍﺕ ﻭﮦ ﮐﺘﻨﮯ ﺩﻧﻮﮞ ﺑﻌﺪ ﮔﮭﺮ ﻟﻮﭨﺎ ﺗﮭﺎ ‘ ﺟﮩﺎﮞ ﻭﮦ ﯾﮑﺴﺮ ﺑﺪﻻ ﺗﮭﺎ ﺍﺱ ﮐﯽ ﯾﮧ ﻋﺎﺩﺕ ﻧﮩﯿﮟ ﺑﺪﻟﯽ ﺗﮭﯽ ﺑﻐﯿﺮ ﮐﭽﮫ ﺑﺘﺎﺋﮯ ﻏﺎﺋﺐ ﮨﻮﺟﺎﻧﮯ ﻭﺍﻟﯽ۔ ﺭﺍﺕ ﮐﮯ ﺍﺱ ﭘﮩﺮ ﺳﺐ ﮨﯽ ﺍﭘﻨﮯ ﮐﻤﺮﻭﮞ ﻣﯿﮟ ﺳﻮﻧﮯ ﺟﺎﭼﮑﮯ ﺗﮭﮯ۔ ﺭﺍﺑﯿﻞ ﮐﻮ ﻧﯿﻨﺪ ﻧﮩﯿﮞﺂﺭﮨﯽ ﺗﮭﯽ۔ ﺑﺴﺘﺮ ﭘﺮ ﮐﺮﻭﭨﯿﮟ ﺑﺪﻝ ﺭﮨﯽ ﺗﮭﯽ ‘ ﺟﺐ ﺍﺱ ﮐﯽ ﮔﺎﮌﯼ ﮐﺎ ﮨﺎﺭﻥ ﺳﻨﺎﺋﯽ ﺩﯾﺎ ﺗﮭﺎ۔ ﻭﮦ ﺍﭨﮫ ﺑﯿﭩﮭﯽ۔ ﮐﭽﮫ ﺩﯾﺮ ﺑﻌﺪ ﻭﮦ ﮐﻤﺮﮮ ﻣﯿﮟ ﺩﺍﺧﻞ ﮨﻮﺍ ﺗﮭﺎ ‘ ﺍﺳﮯ ﺟﺎﮔﺘﮯ ﮨﻮﺋﮯ ﺩﯾﮑﮫ ﮐﺮ ﭼﻮﻧﮑﺎ ﺗﮭﺎ۔
’’ ﺗﻢ ﺳﻮﺋﯽ ﻧﮩﯿﮟ ‘‘… ﮔﮭﮍﯼ ﺩﯾﮑﮭﺘﮯ ﮨﻮﺋﮯ ﺍﺱ ﻧﮯ ﭘﻮﭼﮭﺎ ﺗﮭﺎ۔ ﺭﺍﺕ ﮐﮯ ﺑﺎﺭﮦ ﺑﺞ ﺭﮨﮯ ﺗﮭﮯ۔ ﻭﮦ ﺑﺴﺘﺮ ﮐﯽ ﻃﺮﻑ ﺁﮔﯿﺎ۔ ﻭﮦ ﺟﺐ ﺑﮭﯽ ﮔﮭﺮ ﻟﻮﭨﺘﺎ ﺗﮭﺎ ﮐﺎﻓﯽ ﮔﺮﻡ ﺟﻮﺷﯽ ﮐﺎ ﻣﻈﺎﮨﺮﮦ ﮐﺮﺗﺎ ﺗﮭﺎ۔ ﺁﺝ ﮐﭽﮫ ﺑﮭﯽ ﻧﮧ ﺗﮭﺎ۔ ﺭﺍﺑﯿﻞ ﺟﻮ ﻋﺎﺩﯼ ﮨﻮﭼﮑﯽ ﺗﮭﯽ ‘ ﮐﭽﮫ ﺣﯿﺮﺍﻥ ﮨﻮﺋﯽ ﺗﮭﯽ۔ ﺟﻮﺍﺑﺎً ﺻﺮﻑ ﺳﺮ ﮨﻼﺩﯾﺎ ﺟﺐ ﮐﮧ ﺩﻝ ﭼﺎﮦ ﺭﮨﺎ ﺗﮭﺎ ﮐﮧ ﮐﭽﮫ ﺑﮭﯽ ﺧﯿﺎﻝ ﮐﺌﮯ ﺑﻐﯿﺮ ﺍﺱ ﺳﮯ ﺍﻟﺠﮫ ﭘﮍﮮ۔ ﻭﮦ ﺍﺗﻨﮯ ﺩﻧﻮﮞ ﺳﮯ ﮐﮩﺎﮞ ﺗﮭﺎ؟ ﮐﯿﻮﮞ ﺗﮭﺎ؟ ﯾﮧ ﺟﺎﻧﻨﺎ ﺍﺱ ﮐﺎ ﺣﻖ ﺗﮭﺎ ﻣﮕﺮ ﻭﮦ ﻣﺼﻠﺤﺘﺎً ﺧﺎﻣﻮﺵ ﺗﮭﯽ۔ ﻋﺒﺪﺍﻟﺒﺎﺭﯼ ﻧﮯ ﺑﺴﺘﺮ ﮐﮯ ﻗﺮﯾﺐ ﮨﯽ ﮐﮭﮍﮮ ﮐﮭﮍﮮ ﭨﻮﭘﯽ ‘ ﺑﯿﻠﭧ ﺍﻭﺭ ﺍﻭﭘﺮﯼ ﻗﻤﯿﺺ ﺍﺗﺎﺭ ﮐﺮ ﺑﺴﺘﺮ ﭘﺮ ﭘﮭﯿﻨﮑﯽ ﺗﮭﯽ۔ ﻭﮦ ﮐﺎﻓﯽ ﺣﺪ ﺗﮏ ﭨﯿﻨﺲ ﻟﮓ ﺭﮨﺎ ﺗﮭﺎ۔ ﭼﮩﺮﮮ ﭘﺮ ﺟﺎﻣﺪ ﺗﺎﺛﺮﺍﺕ ﺭﻗﻢ ﺗﮭﮯ۔ ﻭﮦ ﮐﭽﮫ ﺑﮭﯽ ﻧﺘﯿﺠﮧ ﺍﺧﺬ ﻧﮧ ﮐﺮﺳﮑﯽ۔ ﺷﺮﭦ ﺍﺗﺎﺭﻧﮯ ﮐﮯ ﺑﻌﺪ ﻭﮦ ﻭﺍﺭﮈﺭﻭﺏ ﺳﮯ ﻟﺒﺎﺱ ﻧﮑﺎﻟﻨﮯ ﻟﮕﺎ ﺗﮭﺎ۔
’’ ﮐﮭﺎﻧﺎ ﮐﮭﺎﺋﯿﮟ ﮔﮯ؟ ‘‘ ﻭﻗﺖ ﺗﻮ ﮐﮭﺎﻧﮯ ﮐﺎ ﻧﮩﯿﮟ ﺗﮭﺎ ﻣﮕﺮ ﭘﻮﭼﮫ ﮔﺌﯽ۔ ’’ ﻧﮩﯿﮟ ‘ ﻣﯿﮟ ﮐﮭﺎ ﺁﯾﺎ ﮨﻮﮞ … ﺗﻢ ﺳﻮﺟﺎﺅ۔ ﺁﺭﺍﻡ ﮐﺮﻭ۔ ‘‘ ﻭﮦ ﭘﺮﺳﮑﻮﻥ ﺗﮭﺎ ﻣﮕﺮ ﻭﮦ ﭼﻮﻧﮏ ﮔﺌﯽ ﺗﮭﯽ ‘ ﺍﺗﻨﺎ ﭨﮭﮩﺮﺍ ﮨﻮﺍ ﻟﮩﺠﮧ ﮐﺒﮭﯽ ﺑﮭﯽ ﻧﮩﯿﮟ ‘ ﮐﭽﮫ ﺗﺸﻮﯾﺶ ﺳﮯ ﺍﺳﮯ ﺩﯾﮑﮭﺎ ﺗﮭﺎ۔ ﻭﮦ ﮐﭙﮍﮮ ﻟﮯ ﮐﺮ ﺑﺎﺗﮫ ﺭﻭﻡ ﻣﯿﮟ ﭼﻼ ﮔﯿﺎ ﺗﮭﺎ۔ ﺍﺱ ﻧﮯ ﺍﭨﮫ ﮐﺮ ﺍﺱ ﮐﯽ ﭨﻮﭘﯽ ‘ ﺑﯿﻠﭧ ﺍﻭﺭ ﺷﺮﭦ ﺍﺗﺎﺭ ﮐﺮ ﺍﻥ ﮐﯽ ﺟﮕﮧ ﭘﺮ ﺭﮐﮭﯿﮟ ﭘﮭﺮ ﺑﺴﺘﺮ ﮐﮯ ﮐﻨﺎﺭﮮ ﮨﯽ ﭨﮏ ﮐﺮ ﺍﺱ ﮐﺎ ﺍﻧﺘﻈﺎﺭ ﮐﺮﻧﮯ ﻟﮕﯽ۔ ﮐﭽﮫ ﺩﯾﺮ ﺑﻌﺪ ﻭﮦ ﻧﮩﺎﮐﺮ ﻧﮑﻼ ﺗﮭﺎ۔
’’ ﺗﻢ ﺍﺑﮭﯽ ﺗﮏ ﻧﮩﯿﮟ ﺳﻮﺋﯿﮟ … ﻃﺒﯿﻌﺖ ﺧﺮﺍﺏ ﮨﻮﺟﺎﺋﮯ ﮔﯽ ﺗﻤﮩﺎﺭﯼ۔ ‘‘ ﻭﮦ ﭘﺮﯾﺸﺎﻧﯽ ﺳﮯ ﮔﻮﯾﺎ ﺗﮭﺎ۔
’’ ﭘﻮﭼﮫ ﺳﮑﺘﯽ ﮨﻮﮞ ﮐﮧ ﺍﺗﻨﮯ ﺩﻥ ﺟﻨﺎﺏ ﮐﮩﺎﮞ ﺭﮨﮯ ﺟﺐ ﮐﮧ ﺁﻓﺲ ﺳﮯ ﺑﮭﯽ ﭼﮭﭩﯽ ﻟﯽ ﮨﻮﺋﯽ ﺗﮭﯽ۔ ‘‘
ﻭﮦ ﺗﻮﻟﯿﮯ ﺳﮯ ﺑﺎﻝ ﺭﮔﮍ ﺭﮨﺎ ﺗﮭﺎ ﺟﺐ ﺍﺱ ﻧﮯ ﭘﻮﭼﮭﺎ ﺗﮭﺎ۔ ﻭﮦ ﺗﻮﻟﯿﮧ ﺻﻮﻓﮯ ﭘﺮ ﭘﮭﯿﻨﮏ ﮐﺮ ﺑﺴﺘﺮ ﭘﺮ ﺁﮔﯿﺎ۔
’’ ﯾﮩﯿﮟ ﺗﮭﺎ ﺍﺳﯽ ﺷﮩﺮ ﻣﯿﮟ … ﮐﭽﮫ ﻣﻌﺎﻣﻼﺕ ﺗﮭﮯ۔ ﺩﻭﺳﺮﮮ ﮔﮭﺮ ﭘﺮ ﮨﯽ ﺗﮭﺎ۔ ‘‘
’’ ﺟﮭﻮﭦ ﺑﻮﻝ ﺭﮨﮯ ﮨﯿﮟ ﺁﭖ … ﮐﺴﮯ ﺑﮩﻼﺭﮨﮯ ﮨﯿﮟ ‘ ﻣﺠﮭﮯ ﯾﺎ ﺧﻮﺩ ﮐﻮ … ﺁﭖ ﺍﺱ ﺷﮩﺮ ﻣﯿﮟ ﺗﮭﮯ ﮨﯽ ﻧﮩﯿﮟ۔ ﺟﺐ ﺑﮭﯽ ﺍﺱ ﮔﮭﺮ ﻣﯿﮟ ﭘﺘﮧ ﮐﺮﻭﺍﯾﺎ ﻋﻠﻢ ﮨﻮﺍ ﮐﮧ ﺟﻨﺎﺏ ﻧﮯ ﮐﺌﯽ ﺩﻥ ﺳﮯ ﺍﺩﮬﺮ ﻗﺪﻡ ﺑﮭﯽ ﻧﮩﯿﮟ ﺭﮐﮭﺎ۔ ﺁﭖ ﮐﮯ ﺁﻓﺲ ﺍﻭﺭ ﮔﮭﺮ ﮐﮯ ﻓﺮﻗﺎﻥ ﺑﮭﺎﺋﯽ ﮐﺘﻨﮯ ﭼﮑﺮ ﻟﮕﺎﭼﮑﮯ ﮨﯿﮟ۔ ﮐﺘﻨﯽ ﻣﺮﺗﺒﮧ ﺁﭖ ﮐﮯ ﺳﯿﻞ ‘ ﮨﺮ ﺟﮕﮧ ﭨﺮﺍﺋﯽ ﮐﺮﭼﮑﯽ ﮨﻮﮞ۔ ‘‘
’’ ﺗﻮ ﭘﮭﺮ؟ ‘‘ ﺭﺍﺑﯿﻞ ﮐﮯ ﯾﻮﮞ ﺟﺮﺡ ﮐﺮﻧﮯ ﭘﺮ ﺍﺱ ﻧﮯ ﮐﭽﮫ ﺗﻠﺨﯽ ﺳﮯ ﭘﻮﭼﮭﺎ ﺗﮭﺎ۔
’’ ﺗﻮ ﭘﮭﺮ ﯾﮧ ﮐﮧ ﻣﯿﮟ ﺟﺎﻧﻨﺎ ﭼﺎﮨﺘﯽ ﮨﻮﮞ ﺁﭖ ﮐﯽ ﺍﺻﻠﯿﺖ ﮐﯿﺎ ﮨﮯ؟ ﺍﺻﻞ ﺳﺮﮔﺮﻣﯿﻮﮞ ﮐﺎ ﭘﺲ ﻣﻨﻈﺮ ﮐﯿﺎ ﮨﮯ؟ ﮐﻦ ﻟﻮﮔﻮﮞ ﮐﮯ ﻟﺌﮯ ﺍﻭﺭ ﮐﯿﺎ ﮐﺎﻡ ﮐﺮﺗﮯ ﮨﯿﮟ ﺁﭖ؟ ‘‘ ﻭﮦ ﭘﮩﻠﮯ ﺳﮯ ﺯﯾﺎﺩﮦ ﺑﮯ ﺧﻮﻑ ﻭ ﻧﮉﺭ ﮨﻮﮔﺌﯽ ﺗﮭﯽ۔ ﺩﻭ ﭨﻮﮎ ﺍﻧﺪﺍﺯ ﺗﮭﺎ۔
’’ ﺗﻢ ﺍﭘﻨﮯ ﮐﺎﻡ ﺳﮯ ﮐﺎﻡ ﺭﮐﮭﺎ ﮐﺮﻭ … ﮨﺮ ﻭﻗﺖ ﺍﺩﮬﺮ ﺍﺩﮬﺮ ﭨﺎﻧﮕﯿﮟ ﻣﺖ ﺍﮌﺍﯾﺎ ﮐﺮﻭ۔ ﺁﺋﻨﺪﮦ ﺍﺱ ﮔﮭﺮ ﺳﮯ ﻭﮨﺎﮞ ﮐﻮﺋﯽ ﺑﮭﯽ ﻧﮩﯿﮟ ﺟﺎﺋﯿﮕﺎ … ﺑﯿﭻ ﺩﯾﺎ ﮨﮯ ﻣﯿﮟ ﻧﮯ ﻭﮦ ﮔﮭﺮ … ﺍﺏ ﻣﯿﺮﺍ ﻭﮨﺎﮞ ﺳﮯ ﮐﻮﺋﯽ ﺗﻌﻠﻖ ﻧﮩﯿﮟ … ﻣﯿﮟ ﮐﯿﺎ ﮐﺮﺗﺎ ﮨﻮﮞ ﺍﻭﺭ ﮐﯿﺎ ﻧﮩﯿﮟ ‘ ﺗﻤﮩﺎﮮ ﻟﺌﮯ ﯾﮧ ﺟﺎﻧﻨﺎ ﺿﺮﻭﺭﯼ ﻧﮩﯿﮟ … ﺳﮑﻮﻥ ﺳﮯ ﺁﺭﺍﻡ ﺳﮯ ﺍﺱ ﮔﮭﺮ ﻣﯿﮟ ﺭﮨﻮ ﻭﺭﻧﮧ ﭘﮭﻨﺴﺎﺩﻭﮔﯽ ﻣﺠﮭﮯ ﺑﮭﯽ … ﺍﻭﺭ ﻧﮧ ﺟﺎﻧﮯ ﮐﯿﺎ ﭼﺎﮨﺘﯽ ﮨﻮ ﺗﻢ ‘‘… ﻗﻄﻌﯽ ﻟﮩﺠﮧ ﺗﮭﺎ ‘ ﻭﮦ ﻟﺐ ﮐﺎﭦ ﮔﺌﯽ۔
’’ ﻣﯿﺮﮮ ﻟﺌﮯ ﯾﮧ ﺳﺐ ﺟﺎﻧﻨﺎ ﺑﮩﺖ ﺿﺮﻭﺭﯼ ﮨﮯ … ﺑﯿﻮﯼ ﮨﻮﮞ … ﺣﻖ ﺭﮐﮭﺘﯽ ﮨﻮﮞ ‘‘… ﺍﮔﻠﮯ ﮨﯽ ﭘﻞ ﻭﮦ ﭘﮭﺮ ﭼﻮﭦ ﮐﺮ ﮔﺌﯽ ﺗﮭﯽ۔ ﻋﺒﺪﺍﻟﺒﺎﺭﯼ ﮐﻮ ﺑﮯ ﭘﻨﺎﮦ ﻏﺼﮧ ﺁﯾﺎ۔
’’ ﮐﯿﺎ ﭼﺎﮨﺘﯽ ﮨﻮ ﺗﻢ … ﯾﮧ ﺟﻮ ﻣﯿﮟ ﺍﺗﻨﮯ ﺩﻧﻮﮞ ﺑﻌﺪ ﮔﮭﺮ ﻟﻮﭨﺎ ﮨﻮﮞ ﻭﮦ ﺑﮭﯽ ﻧﮧ ﺁﯾﺎ ﮐﺮﻭﮞ ‘‘… ﺍﻧﺪﺍﺯ ﺧﻮﻧﺨﻮﺍﺭ ﺗﮭﺎ۔ ﻭﮦ ﻗﻄﻌﯽ ﻣﺘﺎﺛﺮ ﻧﮧ ﮨﻮﺋﯽ ﺗﮭﯽ ﺟﺐ ﮐﮧ ﺁﺝ ﻭﮦ ﮐﺘﻨﮯ ﺩﻧﻮﮞ ﺑﻌﺪ ﯾﮧ ﭘﺮﺍﻧﺎ ﻣﺮﻧﮯ ﻣﺎﺭﻧﮯ ﻭﺍﻻ ﺍﻧﺪﺍﺯ ﺩﯾﮑﮫ ﺭﮨﯽ ﺗﮭﯽ۔
’’ ﯾﮩﺎﮞ ﺳﺐ ﮐﻮ ﺍﯾﮏ ﻓﮑﺮ ﮨﻮﺗﯽ ﮨﮯ … ﺳﺐ ﻣﺠﮫ ﺳﮯ ﭘﻮﭼﮭﺘﮯ ﺭﮨﺘﮯ ﮨﯿﮟ ﮐﮧ ﮐﮩﺎﮞ ﮨﻮﺗﮯ ﮨﻮ ﺗﻢ … ﺟﺐ ﮐﮧ ﻣﯿﺮﮮ ﻓﺮﺷﺘﻮﮞ ﮐﻮ ﺑﮭﯽ ﺗﻤﮩﺎﺭﯼ ﺳﺮﮔﺮﻣﯿﻮﮞ ﮐﺎ ﻋﻠﻢ ﻧﮩﯿﮟ ﮨﻮﺗﺎ … ﭘﮭﺮ ﻣﯿﮟ ﺍﻧﮩﯿﮟ ﮐﯿﺎ ﺟﻮﺍﺏ ﺩﻭﮞ۔ ’‘‘ ﮐﻮﺋﯽ ﻧﺌﯽ ﺑﺎﺕ ﺗﻮﻧﮩﯿﮟ ﮨﻮﺋﯽ ﺟﻮ ﺳﺐ ﻓﮑﺮﻣﻨﺪ ﮨﻮﺗﮯ ﮨﯿﮟ … ﻣﺠﮭﮯ ﻣﯿﺮﮮ ﺣﺎﻝ ﭘﺮ ﭼﮭﻮﮌ ﮐﯿﻮﮞ ﻧﮩﯿﮟ ﺩﯾﺘﮯ۔ ‘‘
’’ ﮐﺘﻨﮯ ﺑﮯ ﺣﺲ ﺍﻭﺭ ﺑﮯ ﺿﻤﯿﺮ ﮨﯿﮟ ﺁﭖ ﺑﺎﺭﯼ ‘ ﺫﺭﺍ ﺑﮭﯽ ﺍﺣﺴﺎﺱ ﻧﮩﯿﮟ ﮐﺴﯽ ﮐﺎ ﺣﺘﯽٰ ﮐﮧ ﺍﭘﻨﯽ ﺁﻧﮯ ﻭﺍﻟﯽ ﺍﻭﻻﺩ ﮐﺎ ﺑﮭﯽ ﻧﮩﯿﮟ۔ ‘‘ ﺍﺱ ﮐﯽ ﺁﻭﺍﺯ ﺭﻧﺪﮪ ﮔﺌﯽ ﺗﮭﯽ۔ ﻋﺒﺪﺍﻟﺒﺎﺭﯼ ﺍﺏ ﮐﮯ ﮐﭽﮫ ﺑﮭﯽ ﻧﮧ ﺑﻮﻝ ﺳﮑﺎ۔
’’ ﺗﯿﻦ ﺩﻥ ﭘﮩﻠﮯ ﺑﮍﮮ ﺑﺎﺑﺎ ﮐﯽ ﻃﺒﯿﻌﺖ ﺍﭼﺎﻧﮏ ﺳﺨﺖ ﺧﺮﺍﺏ ﮨﻮﮔﺌﯽ ﺗﮭﯽ ﺳﻮ ﺁﭖ ﮐﺎ ﭘﺘﮧ ﮐﺮﻭﺍﯾﺎ ﺗﮭﺎ۔ ﺁﻓﺲ ﺳﮯ ﻋﻠﻢ ﮨﻮﺍ ﮐﮧ ﭼﮭﭩﯽ ﭘﺮ ﮨﯿﮟ ﺍﻭﺭ ﺑﺎﻗﯽ ﺟﮕﮩﻮﮞ ﭘﺮ ﺑﮭﯽ ﮐﻮﺋﯽ ﻧﺎﻡ ﻭ ﻧﺸﺎﻥ ﻧﮩﯿﮟ ﺗﮭﺎ … ﺁﭖ ﮐﯽ ﺫﺍﺕ ﭘﺮ ﺻﺮﻑ ﺗﻨﮩﺎ ﺁﭖ ﮐﺎ ﺣﻖ ﺗﻮ ﻧﮩﯿﮟ … ﺻﺮﻑ ﯾﮧ ﺍﻧﺪﺍﺯ ﺍﭘﻨﺎﮐﺮ ﺧﻮﺩ ﺍﭘﻨﯽ ﺫﺍﺕ ﮐﻮ ﭨﺎﺭﭼﺮ ﺗﻮ ﻧﮩﯿﮟ ﮐﺮﺭﮨﮯ … ﺯﺑﺮﺩﺳﺘﯽ ﮨﯽ ﺳﮩﯽ ﮐﻮﺋﯽ ﺍﻭﺭ ﺑﮭﯽ ﺁﭖ ﮐﮯ ﺳﻔﺮ ﻣﯿﮟ ﮨﻢ ﺭﺍﮦ ﮨﮯ۔ ﺍﺑﮭﯽ ﺗﻮ ﻣﯿﮟ ﺗﻨﮩﺎ ﮨﻮﮞ ‘ ﮐﻞ ﮐﻮ ﺍﯾﮏ ﺍﻭﺭ ﻭﺟﻮﺩ ﺁﺟﺎﺋﮯ ﮔﺎ … ﭘﮭﺮ ﮐﯿﺎ ﮐﺮﻭﮞ ﮔﯽ ‘ ﮐﺒﮭﯽ ﺗﻮ ﺩﯾﮑﮫ ﻟﯿﺎ ﮐﺮﯾﮟ … ﺍﺱ ﭘﮩﻠﻮ ﺳﮯ ﺑﮭﯽ ﺳﻮﭺ ﻟﯿﺎ ﮐﺮﯾﮟ۔ ‘‘ ﺍﺱ ﮐﯽ ﺁﻧﮑﮭﯿﮟ ﺁﻧﺴﻮﺅﮞ ﺳﮯ ﺑﮭﺮﮔﺌﯽ ﺗﮭﯿﮟ۔ ﻭﮦ ﮐﯿﺎ ﮐﮩﻨﺎ ﭼﺎﮨﺘﯽ ﺗﮭﯽ ‘ ﺳﻤﺠﮭﺎﻧﮯ ﮐﮯ ﺍﺻﻞ ﻣﻘﺼﺪ ﮐﮯ ﭘﯿﭽﮭﮯ ﮐﯿﺎ ﮐﺎﺭﻓﺮﻣﺎ ﺗﮭﺎ ‘ ﻭﮦ ﺑﻐﻮﺭ ﺩﯾﮑﮭﮯ ﮔﯿﺎ۔
’’ ﺟﻦ ﻟﻮﮔﻮﮞ ﮐﮯ ﻟﺌﮯ ﺁﺝ ﺁﭖ ﮐﺎﻡ ﮐﺮﺗﮯ ﮨﯿﮟ … ﺟﻦ ﮐﯽ ﺧﺎﻃﺮ ﺁﭖ ﺍﺱ ﻭﻃﻦ ﮐﯽ ﺟﮍﯾﮟ ﮐﮭﻮﮐﮭﻠﯽ ﮐﺮﺭﮨﮯ ﮨﯿﮟ ‘ ﮐﺒﮭﯽ ﯾﮧ ﺍﻧﺪﺍﺯﮦ ﻟﮕﺎﯾﺎ ﮨﮯ ﻭﮦ ﮐﻮﻥ ﮨﯿﮟ؟ ﺍﻥ ﮐﺎ ﺩﯾﻦ ﺍﯾﻤﺎﻥ ﮐﯿﺎ ﮨﮯ؟ ﺭﻭﭘﮯ ﮐﯽ ﮨﻮﺱ ﺍﺗﻨﯽ ﻧﮩﯿﮟ ﮨﻮﻧﯽ ﭼﺎﮨﺌﮯ ﮐﮧ ﺍﻧﺴﺎﻥ ﺟﺎﺋﺰ ﻭ ﻧﺎﺟﺎﺋﺰ ‘ ﺣﻼﻝ ﻭ ﺣﺮﺍﻡ ‘ ﺻﺤﯿﺢ ﺍﻭﺭ ﻏﻠﻂ ﮐﺎ ﻓﺮﻕ ﺑﮭﯽ ﻧﮧ ﺟﺎﻥ ﭘﺎﺋﮯ۔ ﺟﺲ ﻃﺮﺡ ﮨﺮ ﮐﻠﻤﮧ ﮔﻮ ﻣﺴﻠﻤﺎﻥ ﻧﮩﯿﮟ ‘ ﮨﺮ ﺍﻧﺴﺎﻥ ﺍﻧﺴﺎﻥ ﻧﮩﯿﮟ ﮨﮯ۔ ﯾﮧ ﺣﻘﯿﻘﺖ ﻣﺖ ﺑﮭﻮﻟﯿﮟ ‘ ﺍﯾﮏ ﻧﮧ ﺍﯾﮏ ﺩﻥ ﺍﻧﺴﺎﻥ ﮐﻮ ﻣﺮﻧﺎ ﺑﮭﯽ ﮨﮯ ‘ ﺩﻧﯿﺎ ﮐﮯ ﺑﺎﺩﺷﺎﮨﻮﮞ ﮐﮯ ﺳﺎﻣﻨﮯ ﻧﮩﯿﮟ۔ ﮐﻞ ﮐﺎﺋﻨﺎﺕ ﮐﮯ ﺭﺏ ﮐﮯ ﺳﺎﻣﻨﮯ ﺟﻮﺍﺏ ﺩﮦ ﮨﻮﻧﺎ ﮨﮯ۔ ﺍﺱ ﺩﻥ ﯾﮧ ﺳﺎﺗﮭﯽ ‘ ﯾﮧ ﻏﻠﻂ ﮐﺎﺭﯾﺎﮞ ‘ ﯾﮧ ﺣﻠﻘﮧٔ ﺍﺣﺒﺎﺏ ﮐﺴﯽ ﮐﺎﻡ ﻧﮩﯿﮟ ﺁﺋﯿﮟ ﮔﮯ ﺣﺘﯽٰ ﮐﮧ ﻧﺼﯿﺤﺘﯿﮟ ﮐﺮﻧﮯ ﻭﺍﻟﮯ ‘ ﺭﻭ ﺭﻭ ﮐﺮ ﺩﻋﺎﺋﯿﮟ ﻣﺎﻧﮕﻨﮯ ﻭﺍﻟﮯ ‘ ﺳﺎﺭﯼ ﺳﺎﺭﯼ ﺭﺍﺕ ﺁﭖ ﮐﯽ ﻓﮑﺮ ﻣﯿﮟ ﺩﺑﻠﮯ ﮨﻮﻧﮯ ﻭﺍﻟﮯ ﻣﺎﮞ ﺑﺎﭖ ﺍﻭﺭ ﯾﮧ ﺩﻧﯿﺎﻭﯼ ﺭﺷﺘﮯ ﺑﮭﯽ ﮐﺎﻡ ﻧﮩﯿﮟ ﺁﺋﯿﮟ ﮔﮯ۔ ﺍﮔﺮ ﺍﺱ ﺩﻥ ﮐﭽﮫ ﮐﺎﻡ ﺁﺋﯿﮟ ﮔﮯ ﺗﻮ ﻭﮦ ﺍﻧﺴﺎﻥ ﮐﮯ ﺍﭘﻨﮯ ﺍﻋﻤﺎﻝ ﮨﯿﮟ۔ ﺍﺱ ﺩﻥ ﺑﺘﺎﺋﯿﮟ ﺁﭖ ﺟﯿﺴﮯ ﻟﻮﮒ ﮐﯿﺎ ﮐﺮﯾﮟ ﮔﮯ۔ ﺟﺐ ﺩﻭﻧﻮﮞ ﮨﺎﺗﮭﻮﮞ ﺳﮯ ﺧﺎﻟﯽ ﮨﻮﮞ ﮔﮯ ‘ ﮨﺎﺗﮭﻮﮞ ﻣﯿﮟ ﮔﻨﺎﮨﻮﮞ ﮐﯽ ﺍﯾﮏ ﻟﻤﺒﯽ ﻓﮩﺮﺳﺖ ﮐﮯ ﺳﻮﺍ ﮐﭽﮫ ﻧﮩﯿﮟ ﮨﻮﮔﺎ۔ ‘‘ ﺍﺗﻨﯽ ﺳﯽ ﻋﻤﺮ ﻣﯿﮟ ﺳﻮﭺ ﺍﺱ ﺣﺪ ﺗﮏ ﭘﺨﺘﮧ ﻭﺭﺍﺳﺦ ﺗﮭﯽ۔ ﺳﻤﺠﮭﺎﻧﮯ ﮐﺎ ﺍﻧﺪﺍﺯ ﮐﺘﻨﺎ ﺳﺤﺮ ﻃﺎﺭﯼ ﮐﺮﻧﮯ ﻭﺍﻻ ﺗﮭﺎ ‘ ﻭﮦ ﮐﭽﮫ ﺟﻮﺵ ﺍﻭﺭ ﮐﭽﮫ ﺟﺬﺑﮯ ﺳﮯ ﺳﺐ ﮐﮩﺘﯽ ﮔﺌﯽ ﺗﮭﯽ۔ ﺩﻝ ﻧﺸﯿﻦ ﻟﮩﺠﮧ ﺳﻤﺎﻋﺘﻮﮞ ﻣﯿﮟ ﺟﯿﺴﮯ ﺭﺱ ﮔﮭﻮﻟﺘﺎ ﮔﯿﺎ ﺗﮭﺎ۔ ﻭﮦ ﺟﻮ ﯾﮏ ﭨﮏ ﺍﺳﮯ ﺩﯾﮑﮫ ﺭﮨﺎ ﺗﮭﺎ ﺍﺱ ﮐﮯ ﺍﺱ ﻃﺮﺡ ﺳﺮﺍﭘﺎ ﺳﻮﺍﻝ ﺑﻨﻨﮯ ﭘﺮ ﻣﺴﮑﺮﺍﺩﯾﺎ ﺗﮭﺎ۔ ﻭﮦ ﺍﻭﺭ ﭼﮍ ﮔﺌﯽ ﺗﮭﯽ۔
’’ ﭘﺘﮧ ﻧﮩﯿﮟ ﮐﯿﺴﮯ ﺑﮯ ﺣﺲ ﺍﻧﺴﺎﻥ ﮨﯿﮟ … ﻣﯿﮟ ﮨﯽ ﭘﺎﮔﻞ ﮨﻮﮞ ﺟﻮ ﭘﺘﮭﺮ ﺳﮯ ﺳﺮ ﭘﮭﻮﮌ ﺭﮨﯽ ﮨﻮﮞ۔ ‘‘ ﻭﮦ ﺑﮍﺑﮍﺍﮐﺮ ﺑﺴﺘﺮ ﺳﮯ ﺍﺗﺮﻧﮯ ﻟﮕﯽ ﺗﮭﯽ۔ ﺍﺱ ﻧﮯ ﺍﺱ ﮐﺎ ﮨﺎﺗﮫ ﺗﮭﺎﻣﺎ ﺗﮭﺎ۔ ﺍﺱ ﻧﮯ ﺧﻮﻧﺨﻮﺍﺭ ﮨﻮﮐﺮ ﺩﯾﮑﮭﺎ۔
’’ ﮐﯿﺎ ﮨﮯ … ؟ ‘‘ ﻟﮩﺠﮧ ﺍﺱ ﺳﮯ ﺯﯾﺎﺩﮦ ﺧﻮﻧﺨﻮﺍﺭ ﺗﮭﺎ۔
’’ ﺟﺐ ﻣﯿﮟ ﻗﯿﺎﻣﺖ ﮐﮯ ﺭﻭﺯ ﺩﻭﻧﻮﮞ ﮨﺎﺗﮭﻮﮞ ﺳﮯ ﺧﺎﻟﯽ ﮨﻮﮞ ﮔﺎ ﻧﺎ ﺗﻮ ﮐﮩﻮﮞ ﮔﺎ ﯾﮧ ﺟﻮ ﻟﮍﮐﯽ ﮨﮯ ﯾﮧ ﻣﯿﺮﯼ ﺑﯿﻮﯼ ﮨﮯ … ﺯﺑﺮﺩﺳﺘﯽ ﮨﯽ ﺳﮩﯽ ﺍﭘﻨﮯ ﻧﮑﺎﺡ ﻣﯿﮟ ﻟﯿﺎ ﺗﮭﺎ ‘ ﺍﮔﺮ ﻣﯿﮟ ﻧﮯ ﺩﻧﯿﺎ ﻣﯿﮟ ﮐﻮﺋﯽ ﻧﯿﮏ ﮐﺎﻡ ﮐﯿﺎ ﮨﮯ ﺗﻮ ﻭﮦ ﯾﮩﯽ ﮨﮯ۔ ﺑﮭﺌﯽ ﻣﺎﮞ ﭘﺮ ﮨﯽ ﺑﭽﮯ ﺟﺎﺗﮯ ﮨﯿﮟ ‘ ﻣﺎﮞ ﺟﯿﺴﯽ ﮨﻮﮔﯽ ﺍﻭﻻﺩ ﺑﮭﯽ ﻭﯾﺴﯽ ﮨﻮﮔﯽ ‘ ﮐﻞ ﻗﯿﺎﻣﺖ ﮐﮯ ﺩﻥ ﺗﻤﮩﺎﺭﺍ ﺳﺮﺑﻠﻨﺪ ﮨﻮﮔﺎ۔ ﻧﯿﮏ ﺻﺎﻟﺢ ﺑﯿﻮﯼ ﺑﮭﯽ ﺍﺱ ﮐﺎ ﺑﮍﺍ ﺍﻧﻌﺎﻡ ﮨﻮﺗﯽ ﮨﮯ۔ ‘‘ ﺣﺪ ﮨﮯ ﺍﺱ ﭘﺮ ﺗﻮ ﺭﺍﺑﯿﻞ ﮐﮯ ﮐﭽﮫ ﺳﻤﺠﮭﺎﻧﮯ ﮐﺎ ﺑﮭﯽ ﺍﺛﺮ ﻧﮩﯿﮟ ﮨﻮﺍ ﺗﮭﺎ۔ ﮨﺎﺗﮫ ﮐﮭﯿﻨﭻ ﮐﺮ ﺍﯾﮏ ﺩﻡ ﻣﻮﮈ ﻣﯿﮟ ﺁﯾﺎ ﺗﮭﺎ۔ ﺁﻧﮑﮭﯿﮟ ﺷﺮﺍﺭﺕ ﭘﺮ ﺁﻣﺎﺩﮦ ﺗﮭﯿﮟ۔ ’’ ﺑﺎﺭﯼ ﭘﻠﯿﺰ … ﻣﯿﮟ ﺍﺏ ﯾﮧ ﺳﺐ ﺑﺮﺩﺍﺷﺖ ﻧﮩﯿﮟ ﮐﺮﻭﮞ ﮔﯽ۔ ﺍﻭﻻﺩ ﮐﯽ ﺍﺻﻞ ﺷﻨﺎﺧﺖ ﻣﺎﮞ ﻧﮩﯿﮟ ﮨﻮﺗﯽ ﺑﺎﭖ ﮨﻮﺗﺎ ﮨﮯ۔ ﺑﺎﭖ ﮐﺎ ﮐﺮﺩﺍﺭ ﺍﻭﺭ ﺍﻋﻤﺎﻝ ﺍﺳﮯ ﺗﺮﺑﯿﺖ ﺩﯾﺘﮯ ﮨﯿﮟ۔ ‘‘ ﻋﺒﺪﺍﻟﺒﺎﺭﯼ ﮐﯽ ﺑﺎﺗﻮﮞ ﺳﮯ ﺭﺍﺑﯿﻞ ﮐﺎ ﺩﻣﺎﻍ ﺑﮭﯽ ﺑﮭﻨﺎ ﮔﯿﺎ ﺗﮭﺎ۔ ﺁﺝ ﺍﺱ ﮐﺎ ﯾﮧ ﻣﻮﮈ ﻓﯿﺼﻠﮧ ﮐﻦ ﺗﮭﺎ۔
’’ ﺁﺝ ﻓﯿﺼﻠﮧ ﮨﻮﮔﺎ … ﯾﺎ ﺗﻮ ﺍﭘﻨﯽ ﺳﺮﮔﺮﻣﯿﺎﮞ ﺗﺮﮎ ﮐﺮﺩﯾﮟ ﯾﺎ ﭘﮭﺮ ﻣﺠﮭﮯ ﭼﮭﻮﮌ ﺩﯾﮟ۔ ﻣﯿﮟ ﺁﭖ ﺟﯿﺴﮯ ﮐﺮﭘﭧ ‘ ﺩﮬﻮﮐﮯ ﺑﺎﺯ ‘ ﻏﺪﺍﺭِ ﻭﻃﻦ ﮐﮯ ﺳﺎﺗﮫ ﮐﺒﮭﯽ ﺯﻧﺪﮔﯽ ﻧﮩﯿﮟ ﮔﺰﺍﺭ ﺳﮑﺘﯽ … ﺳﺎﺭﯼ ﺯﻧﺪﮔﯽ ﺭﻭﻧﮯ ﺳﮯ ﺑﮩﺘﺮ ﮨﮯ ﺁﺝ ﮨﯽ ﻓﯿﺼﻠﮧ ﮐﺮﻟﯿﮟ۔ ‘‘ ﺍﭘﻨﺎ ﮨﺎﺗﮫ ﮐﮭﯿﻨﭽﺘﮯ ﮨﻮﺋﮯ ﻭﮦ ﭘﮩﻠﮯ ﺳﮯ ﺯﯾﺎﺩﮦ ﺍﺷﺘﻌﺎﻝ ﻣﯿﮟ ﺗﮭﯽ۔ ﺑﺎﺭﯼ ﻣﺴﮑﺮﺍﺩﯾﺎ۔
’’ ﺭﺍﺑﯿﻞ ﻣﯿﺮﯼ ﺟﺎﻥ ! ﯾﮧ ﮨﻤﯿﺸﮧ ﺗﻢ ﮐﺎ ﺻﯿﻐﮧ ﺍﺳﺘﻌﻤﺎﻝ ﮐﺮﻧﮯ ﻭﺍﻟﯽ ﺯﺑﺎﻥ ﮐﻮ ﺍﺏ ﮐﭽﮫ ﻋﺮﺻﮯ ﺳﮯ ﮐﯿﺎ ﮨﻮﮔﯿﺎ ﮨﮯ۔ ﺍﺏ ﻣﺠﮭﮯ ’’ ﺁﭖ ‘‘ ﮐﺎ ﯾﮧ ﺻﯿﻐﮧ ﮨﻀﻢ ﻧﮩﯿﮟ ﮨﻮﺭﮨﺎ … ﺍﺗﻨﺎ ﺍﺩﺏ ‘ ﺭﺍﺑﯿﻞ ﮈﯾﺌﺮ ‘ ﺍﺗﻨﺎ ﺍﺣﺘﺮﺍﻡ۔ ﺍﻭ ﻣﺎﺋﯽ ﮔﺎﮈ … ﭘﻠﯿﺰ ﭼﯿﮏ ﻣﺎﺋﯽ ﮨﺎﺭﭦ ﭘﻠﯿﺰ۔ ﮐﮩﯿﮟ ﻓﯿﻞ ﮨﯽ ﻧﮧ ﮨﻮﺟﺎﺋﮯ۔ ‘‘ ﻭﮦ ﺍﭘﻨﮯ ﻣﻮﮈ ﻣﯿﮟ ﻭﺍﭘﺲ ﺁﭼﮑﺎ ﺗﮭﺎ۔ ﻭﮦ ﺟﻮ ﺳﺮ ﮐﮭﭙﺎﺭﮨﯽ ﺗﮭﯽ ﺩﯾﮑﮭﺘﯽ ﺭﮦ ﮔﺌﯽ۔ ﮐﺘﻨﮯ ﺩﻧﻮﮞ ﮐﯽ ﺳﻨﺠﯿﺪﮔﯽ ﻭ ﺧﺎﻣﻮﺷﯽ ﮐﯽ ﺭﺩﺍ ﭼﮭﭧ ﮔﺌﯽ ﺗﮭﯽ۔ ﻭﮦ ﻟﺐ ﮐﺎﭨﻨﮯ ﻟﮕﯽ۔ ﻭﮦ ﺍﺱ ﮐﺎ ﮨﺎﺗﮫ ﺍﭘﻨﮯ ﺳﯿﻨﮯ ﭘﺮ ﺭﮐﮫ ﭼﮑﺎ ﺗﮭﺎ۔ ﺭﺍﺑﯿﻞ ﮐﮯ ﮨﺎﺗﮫ ﮐﮯ ﻧﯿﭽﮯ ﻋﺒﺪﺍﻟﺒﺎﺭﯼ ﮐﺎ ﺩﻝ ﺗﮭﺎ ﺟﻮ ﺧﻮﺏ ﺻﻮﺭﺕ ﻟﮯ ﻣﯿﮟ ﺩﮬﮍﮎ ﺭﮨﺎ ﺗﮭﺎ۔ ﻭﮦ ﻧﻈﺮﯾﮟ ﭘﮭﯿﺮﮔﺌﯽ۔
’’ ﭼﮭﻮﮌﯾﮟ ﻣﺠﮭﮯ ‘‘… ﺧﻮﺍﻣﺨﻮﺍﮦ ﺟﮭﻨﺠﻼﻧﮯ ﻟﮕﯽ ﺟﺐ ﮐﮧ ﻭﮦ ﻣﺨﻤﻮﺭ ﻟﮩﺠﮯ ﻣﯿﮟ ﮐﮩﮧ ﺭﮨﺎ ﺗﮭﺎ۔
’’ ﺍﮮ ﺭﺍﺑﯿﻞ … ﺁﺝ ﯾﮧ ﺩﻝ ﮐﺎ ﻣﮑﯿﻦ ﮐﺘﻨﮯ ﺩﻧﻮﮞ ﺑﻌﺪ ﻟﻮﭨﺎ ﮨﮯ ‘ ﮐﭽﮫ ﻧﻈﺮﮐﺮﻡ ﻧﮩﯿﮟ ﮐﺮﻭﮔﯽ … ﯾﮧ ﻟﮩﺠﮧ ‘ ﯾﮧ ﺍﻧﺪﺍﺯ ﭼﮭﻮﮌﻭ۔ ﯾﮧ ﺗﻮ ﺯﻧﺪﮔﯽ ﮐﮯ ﺳﺎﺗﮫ ﭼﻠﺘﺎ ﺭﮨﺘﺎ ﮨﮯ۔ ﮐﭽﮫ ﺍﯾﺴﺎ ﺧﺎﺹ ﮨﻮﮐﮧ ﺩﻝ ﻭ ﺭﻭﺡ ﺳﯿﺮﺍﺏ ﮨﻮﺟﺎﺋﮯ۔ ‘‘ ﻭﮦ ﻟﻔﻈﻮﮞ ﮐﺎ ﮐﮭﻼﮌﯼ ﭘﻞ ﻣﯿﮟ ﺍﺳﮯ ﭘﺎﻧﯽ ﭘﺎﻧﯽ ﮐﺮﮔﯿﺎ ﺗﮭﺎ۔ ﺍﺱ ﮐﮯ ﺍﻧﺪﺭ ﺑﺎﮨﺮ ﺍﯾﮏ ﮨﻠﭽﻞ ﺳﯽ ﻣﭽﺎﮔﯿﺎ ﺗﮭﺎ۔ ﻭﮦ ﺭﻭﮨﺎﻧﺴﯽ ﮨﻮﮔﺌﯽ۔
’’ ﺍﻟﻠﮧ ﮨﯽ ﺁﭖ ﺟﯿﺴﮯ ﺑﻨﺪﻭﮞ ﺳﮯ ﻧﻤﭩﮯ ‘‘… ﺳﺎﺭﺍ ﺍﻋﺘﻤﺎﺩ ‘ ﺳﺎﺭﯼ ﺟﺮﺍٔﺕ ﻋﺒﺪﻝ ﮐﯽ ﺍﯾﮏ ﻧﮕﺎﮦ ﮐﯽ ﻧﺬﺭ ﮨﻮﮔﺌﯽ ﺗﮭﯽ۔ ﺍﺏ ﺗﻮ ﺻﺮﻑ ﺑﮯ ﺑﺴﯽ ﻭ ﻻﭼﺎﺭﯼ ﺑﺎﻗﯽ ﺗﮭﯽ۔
’’ ﺁﺋﯽ ﻟﻮ ﯾﻮ … ﺭﺋﯿﻠﯽ ﺁﺋﯽ ﻟﻮ ‘‘… ﻋﺒﺪﻝ ﮐﯽ ﺳﺮﮔﻮﺷﯿﺎﻧﮧ ﺁﻭﺍﺯ ﺍﺱ ﮐﮯ ﮐﺎﻥ ﮐﮯ ﻗﺮﯾﺐ ﮔﻮﻧﺠﯽ ﺗﮭﯽ۔ ﺍﺱ ﻧﮯ ﺁﮨﺴﺘﮕﯽ ﻭ ﻧﺮﻣﯽ ﺳﮯ ﺍﺱ ﮐﮯ ﮔﺮﺩ ﮔﮭﯿﺮﺍ ﺗﻨﮓ ﮐﯿﺎﺗﮭﺎ ‘ ﺟﯿﺴﮯ ﻭﮦ ﺑﮩﺖ ﻗﯿﻤﺘﯽ ﺷﮯ ﮨﻮ۔ ﺑﻠﻮﺭ ﮐﯽ ﻣﺎﻧﻨﺪ ﻧﺎﺯﮎ ﻭ ﺣﺴﺎﺱ۔
ﺅ … ﺅ … ﺅ
ﻧﺎﺷﺘﮧ ﺳﺠﺎﮐﺮ ﮐﻤﺮﮮ ﻣﯿﮟ ﻟﻮﭨﯽ ﺗﻮ ﻋﺒﺪﻝ ﺍﺑﮭﯽ ﺑﮭﯽ ﺑﮯ ﺧﺒﺮ ﺗﮭﺎ۔
’’ ﺑﺎﺭﯼ ﺍﭨﮭﯿﮯ … ﻧﺎﺷﺘﮧ ﺗﯿﺎﺭ ﮨﮯ۔ ‘‘ ﺍﺳﮯ ﮨﻼﮐﺮ ﻭﮦ ﺟﻠﺪﯼ ﺟﻠﺪﯼ ﮐﻤﺮﮮ ﮐﯽ ﭼﯿﺰﯾﮟ ﺳﻤﯿﭩﻨﮯ ﻟﮕﯽ۔ ﻭﮦ ﺍﭨﮭﻨﮯ ﮐﯽ ﺑﺠﺎﺋﮯ ﮐﺮﻭﭦ ﺑﺪﻝ ﮐﺮ ﭘﮭﺮ ﻏﺎﻓﻞ ﮨﻮﮔﯿﺎ ﺗﮭﺎ۔ ﮈﺭﯾﺴﻨﮓ ﮐﯽ ﭼﯿﺰﯾﮟ ﺩﺭﺳﺖ ﮐﺮﮐﮯ ﺑﯿﮉ ﮐﮯ ﻗﺮﯾﺐ ﺁﺋﯽ ﺗﻮ ﻋﺒﺪﻝ ﮐﮯ ﻣﻮﺑﺎﺋﻞ ﮐﯽ ﺑﭗ ﺑﺠﻨﮯ ﻟﮕﯽ۔ ﺍﯾﮏ ﻧﻈﺮ ﮔﮩﺮﯼ ﻧﯿﻨﺪ ﻣﯿﮟ ﻏﺮﻕ ﻋﺒﺪﻝ ﭘﺮ ﮈﺍﻝ ﮐﺮ ﺍﺱ ﻧﮯ ﻣﻮﺑﺎﺋﻞ ﺍﭨﮭﺎﻟﯿﺎ۔
’’ ﺗﻮﺑﮧ ﮨﮯ … ﺳﻮﻧﺎ ﮨﻮﺗﺎ ﮨﮯ ﺗﻮ ﺳﺎﺭﯼ ﺩﻧﯿﺎ ﮐﯽ ﺧﺒﺮ ﺑﮭﻮﻝ ﺟﺎﺗﮯ ﮨﯿﮟ۔ ﺍﮔﺮ ﺭﯾﺴﯿﻮ ﮐﺮﻟﻮﮞ ﺗﻮ ﭘﮭﺮ ﺟﺎﻥ ﮐﻮ ﺁﺟﺎﻧﺎ ﮨﮯ۔ ‘‘ ﻋﺒﺪﻝ ﭘﺮ ﮐﭽﮫ ﺍﺛﺮ ﻧﮧ ﺗﮭﺎ۔ ﻭﮦ ﺑﮍﺑﮍﺍﺭﮨﯽ ﺗﮭﯽ۔
’’ ﻋﺒﺪﺍﻟﺒﺎﺭﯼ ﺍﭼﮭﺎ ﻧﮩﯿﮟ ﮐﯿﺎ ﺗﻢ ﻧﮯ ﮨﻤﺎﺭﮮ ﺳﺎﺗﮫ۔ ‘‘ ﯾﺲ ﮐﺎ ﺑﭩﻦ ﭘﺶ ﮐﺮﮐﮯ ﻭﮦ ﺍﺑﮭﯽ ﮨﯿﻠﻮ ﺑﮭﯽ ﻧﮧ ﮐﮩﮧ ﭘﺎﺋﯽ ﺗﮭﯽ ﺟﺐ ﮐﻮﺋﯽ ﺍﺟﻨﺒﯽ ﻣﺮﺩﺍﻧﮧ ﺁﻭﺍﺯ ﺳﻨﺎﺋﯽ ﺩﯼ ﺗﮭﯽ۔ ﻭﮦ ﻟﺐ ﺳﯽ ﮔﺌﯽ۔
’’ ﮨﻤﺎﺭﮮ ﺍﻋﺘﻤﺎﺩ ‘ ﮨﻤﺎﺭﮮ ﺑﮭﺮﻭﺳﮯ ﮐﺎ ﻧﺎﺟﺎﺋﺰ ﻓﺎﺋﺪﮦ ﺍﭨﮭﺎﯾﺎ ﮨﮯ ﺗﻢ ﻧﮯ۔ ﺳﺐ ﮐﭽﮫ ﮐﺮﻧﮯ ﮐﮯ ﺑﻌﺪ ﺍﺏ ﮨﻢ ﺳﮯ ﺗﻌﻠﻖ ﺗﻮﮌ ﮐﺮ ﺗﻢ ﺳﮑﻮﻥ ﺳﮯ ﻧﮩﯿﮟ ﺟﯿﻮ ﮔﮯ … ﻗﺒﺮ ﮐﯽ ﺗﺎﺭﯾﮑﯿﻮﮞ ﻣﯿﮟ ﻧﮧ ﭘﮩﻨﭽﺎﯾﺎ ﺗﻮ ﮐﮩﻨﺎ۔ ﺯﻧﺪﮔﯽ ﮐﺎ ﮔﮭﯿﺮﺍ ﺗﻨﮓ ﮐﺮﺩﯾﮟ ﮔﮯ ﮨﻢ ﺗﻢ ﭘﺮ … ﭘﺎﻧﭻ ﮐﺮﻭﮌ ﺑﮩﺖ ﺑﮍﯼ ﺭﻗﻢ ﮨﻮﺗﯽ ﮨﮯ۔ ﺗﻢ ﻧﮧ ﺳﮩﯽ ﺍﻭﺭ ﺑﮑﻨﮯ ﻭﺍﻟﮯ ﺑﮩﺖ ﮨﯿﮟ۔ ﺗﻢ ﺳﻤﺠﮭﺘﮯ ﮨﻮ ﮐﮧ ﺭﻗﻢ ‘ ﮔﮭﺮ ‘ ﮔﺎﮌﯼ ﺍﻭﺭ ﺩﻭﺳﺮﯼ ﺁﺳﺎﺋﺸﯿﮟ ﻭﺍﭘﺲ ﮐﺮﮐﮯ ﮨﻢ ﺳﮯ ﮐﭧ ﮔﺌﮯ ﮨﻮ۔ ﺍﮔﺮ ﺗﻢ ﮨﻤﯿﮟ ﺩﮬﻮﮐﮧ ﺩﮮ ﺭﮨﮯ ﺗﮭﮯ ﺗﻮ ﺍﻧﺎﮌﯼ ﮨﻢ ﺑﮭﯽ ﻧﮩﯿﮟ ﺗﮭﮯ۔ ﮨﻤﺎﺭﮮ ﭘﺎﺱ ﺑﮭﯽ ﺗﻤﮩﺎﺭﯼ ﺍﯾﮏ ﺍﯾﮏ ﺣﺮﮐﺖ ‘ ﺍﯾﮏ ﺍﯾﮏ ﻣﻼﻗﺎﺕ ﮐﯽ ﻧﮧ ﺻﺮﻑ ﻓﻮﭨﻮﮔﺮﺍﻓﺲ ﻣﻮﺟﻮﺩ ﮨﯿﮟ ﺑﻠﮑﮧ ﺁﺝ ﺗﮏ ﺗﻢ ﺟﻮ ﺑﮭﯽ ﮨﻤﺎﺭﮮ ﻟﺌﮯ ﮐﺮﺗﮯ ﺭﮨﮯ ﮨﻮ ﺍﻥ ﺳﺐ ﮐﮯ ﻭﺍﺿﺢ ﺛﺒﻮﺕ ﮨﯿﮟ ﮨﻤﺎﺭﮮ ﭘﺎﺱ ﺑﻤﻌﮧ ﻭﯾﮉﯾﻮ ﮐﯿﺴﭩﺲ۔ ﮨﻤﺎﺭﮮ ﺭﺍﺳﺘﮯ ﺳﮯ ﮨﭧ ﺟﺎﺅ ﻭﺭﻧﮧ ﻧﺘﺎﺋﺞ ﮐﮯ ﺫﻣﮧ ﺩﺍﺭ ﺗﻢ ﮨﻮﮔﮯ … ﯾﮧ ﺁﺧﺮﯼ ﻭﺍﺭﻧﻨﮓ ﺗﮭﯽ ﺍﺏ ﮐﻮﺋﯽ ﺭﻋﺎﯾﺖ ﻧﮩﯿﮟ ﺩﻭﮞ ﮔﺎ ‘‘… ﻭﮦ ﺳﺎﮐﺖ ﮐﮭﮍﯼ ﺗﮭﯽ ﻣﻮﺑﺎﺋﻞ ﺍﺳﯽ ﻃﺮﺡ ﮐﺎﻥ ﺳﮯ ﻟﮕﺎﺋﮯ ﺟﺐ ﮐﮧ ﻓﻮﻥ ﮐﺮﻧﮯ ﻭﺍﻻ ﻓﻮﻥ ﺑﻨﺪ ﮐﺮﭼﮑﺎ ﺗﮭﺎ۔
ﻋﺒﺪﺍﻟﺒﺎﺭﯼ ﻧﮯ ﮐﺮﻭﭦ ﺑﺪﻟﯽ ‘ ﺁﻧﮑﮫ ﮐﮭﻠﯽ ﺗﻮ ﺑُﺖ ﺑﻨﯽ ﺭﺍﺑﯿﻞ ﭘﺮ ﭨﮭﮩﺮ ﮔﺌﯽ۔ ﻣﻮﺑﺎﺋﻞ ﺍﺱ ﮐﮯ ﮨﺎﺗﮫ ﻣﯿﮟ ﺗﮭﺎ۔ ﻭﮦ ﭨﮭﭩﮑﺎ ‘ ﮐﻤﺒﻞ ﮨﭩﺎﮐﺮ ﻓﻮﺭﺍً ﺍﭨﮫ ﮐﮭﮍﺍ ﮨﻮﺍ۔
’’ ﮐﯿﺎ ﺑﺎﺕ ﮨﮯ … ﺍﯾﺴﮯ ﮐﯿﻮﮞ ﮐﮭﮍﯼ ﮨﻮ … ﮐﺲ ﮐﺎ ﻓﻮﻥ ﺗﮭﺎ؟ ‘‘ ﻣﻮﺑﺎﺋﻞ ﺍﺱ ﮐﮯ ﮨﺎﺗﮫ ﺳﮯ ﺟﮭﭙﭩﻨﮯ ﻭﺍﻟﮯ ﺍﻧﺪﺍﺯ ﻣﯿﮟ ﭼﮭﯿﻨﺘﮯ ﮨﻮﺋﮯ ﺍﺱ ﻧﮯ ﭘﻮﭼﮭﺎ ﺗﮭﺎ۔ ﻭﮦ ﺍﺳﮯ ﺩﯾﮑﮭﻨﮯ ﻟﮕﯽ ‘ ﭘﮩﻠﮯ ﺗﻮ ﻋﺒﺪﺍﻟﺒﺎﺭﯼ ﻧﮯ ﻣﻮﺑﺎﺋﻞ ﮐﯽ ﺍﺳﮑﺮﯾﻦ ﺩﯾﮑﮭﯽ ﻭﮦ ﺁﻑ ﺗﮭﯽ ﭘﮭﺮ ﺍﺳﮯ ﺩﯾﮑﮭﺎ۔
’’ ﺑﺘﺎﺗﯽ ﮐﯿﻮﮞ ﻧﮩﯿﮟ ‘ ﮐﺲ ﮐﯽ ﮐﺎﻝ ﺗﮭﯽ؟ ‘‘ ﻣﻮﺑﺎﺋﻞ ﭼﯿﮏ ﮐﺮﻧﮯ ﺳﮯ ﭘﮩﻠﮯ ﺍﺱ ﻧﮯ ﭘﮭﺮ ﺩﺭﺷﺘﯽ ﺳﮯ ﭘﻮﭼﮭﺎ۔ ﻭﮦ ﭘﮭﺮ ﺑﮭﯽ ﭼﭗ ﺭﮨﯽ ﺟﺐ ﮐﮧ ﭼﮩﺮﮮ ﮐﯽ ﺭﻧﮕﺖ ﺳﻔﯿﺪ ﮨﻮﭼﮑﯽ ﺗﮭﯽ۔ ﻭﮦ ﻣﺲ ﮐﺎﻟﺰ ﺍﻭﺭ ﺭﯾﺴﯿﻮ ﮐﺎﻟﺰ ﭼﯿﮏ ﮐﺮﻧﮯ ﻟﮕﺎ ﺗﮭﺎ۔ ﺁﺧﺮﯼ ﺭﯾﺴﯿﻮ ﮐﺎﻝ ﭘﺮ ﻭﮦ ﭨﮭﭩﮑﺎ۔
’’ ﻣﯿﮟ ﻧﮯ ﺗﻤﮩﯿﮟ ﭘﮩﻠﮯ ﺑﮭﯽ ﻭﺍﺭﻥ ﮐﯿﺎ ﺗﮭﺎ ﮐﮧ ﻣﯿﺮﺍ ﺳﯿﻞ ﺭﯾﺴﯿﻮ ﻧﮩﯿﮟ ﮐﺮﻧﺎ … ﻣﯿﮟ … ﮐﯿﺎ ﺑﺎﺕ ﮨﻮﺋﯽ ﮨﮯ۔ ‘‘ ﻧﻤﺒﺮ ﺩﯾﮑﮫ ﮐﺮ ﻭﮦ ﺁﭘﮯ ﺳﮯ ﺑﺎﮨﺮ ﮨﻮﮔﯿﺎ ﺗﮭﺎ۔ ﻭﮦ ﺳﮩﻢ ﮐﺮ ﭘﯿﭽﮭﮯ ﮨﭩﯽ۔ ﮐﺎﻝ ﮐﺮﻧﮯ ﻭﺍﻟﮯ ﮐﯽ ﮔﻔﺘﮕﻮ ﺧﺎﺹ ﻃﻮﺭ ﭘﺮ ﺩﮬﻤﮑﯽ ﺁﻣﯿﺰ ﺍﻧﺪﺍﺯ ﺍﺳﮯ ﺍﭘﻨﮯ ﺯﯾﺮ ﺍﺛﺮ ﻟﺌﮯ ﮨﻮﺋﮯ ﺗﮭﺎ ﺍﻭﺭ ﺍﺏ ﻋﺒﺪﻝ ﮐﺎ ﻟﮩﺠﮧ ’’… ﮐﯿﺎ ﺑﺎﺕ ﮨﻮﺋﯽ ﮨﮯ … ﺍﺱ ﻗﺪﺭ ﺷﺎﮎ ﻣﯿﮟ ﮐﯿﻮﮞ ﮨﻮ … ؟ ﺑﺘﺎﺅ ‘‘… ﻋﺒﺪﺍﻟﺒﺎﺭﯼ ﮐﯽ ﺯﯾﺮﮎ ﻧﮕﺎﮨﯿﮟ ﺭﺍﺑﯿﻞ ﮐﯽ ﮐﯿﻔﯿﺖ ﻟﻤﺤﻮﮞ ﻣﯿﮟ ﺑﮭﺎﻧﭗ ﮔﺌﯽ ﺗﮭﯿﮟ۔ ﮐﻨﺪﮬﻮﮞ ﺳﮯ ﺗﮭﺎﻡ ﮐﺮ ﭘﻮﭼﮭﺎ ﺗﮭﺎ۔ ﻭﮦ ﻧﻔﯽ ﻣﯿﮟ ﮔﺮﺩﻥ ﮨﻼﮔﺌﯽ۔ ﺳﻤﺠﮫ ﻣﯿﮟ ﻧﮩﯿﮟ ﺁﺭﮨﯽ ﺗﮭﯽ ﮐﮧ ﮐﯿﺎ ﺑﺘﺎﺋﮯ۔
’’ ﮐﯿﺎ ﺟﺎﻧﻨﺎ ﭼﺎﮨﺘﮯ ﮨﯿﮟ ﻣﺠﮫ ﺳﮯ … ﺟﺲ ﻧﮯ ﮐﺎﻝ ﮐﯽ ﮨﮯ ﺍﺱ ﺳﮯ ﭘﻮﭼﮭﯿﮟ ﯾﺎ ﺧﻮﺩ ﺳﮯ۔ ‘‘ ﺍﺱ ﮐﮯ ﮨﺎﺗﮭﻮﮞ ﮐﻮ ﺟﮭﭩﮏ ﮐﺮ ﻭﮦ ﺻﻮﻓﮯ ﭘﺮ ﺟﺎﺑﯿﭩﮭﯽ۔ ﺍﯾﮏ ﺩﻡ ﺑﮩﮧ ﺁﻧﮯ ﻭﺍﻟﮯ ﺁﻧﺴﻮﺅﮞ ﮐﻮ ﺻﺎﻑ ﮐﯿﺎ ‘ ﻋﺒﺪﺍﻟﺒﺎﺭﯼ ﭘﺮﯾﺸﺎﻧﯽ ﺳﮯ ﺩﯾﮑﮭﺘﮯ ﭘﺎﺱ ﺁﮔﯿﺎ۔
’’ ﭘﻠﯿﺰ ﺭﺍﺑﯿﻞ ﺑﺘﺎﺅ … ﻣﯿﮟ ﮐﭽﮫ ﭘﻮﭼﮫ ﺭﮨﺎ ﮨﻮﮞ۔ ‘‘ ﻭﮦ ﺍﺱ ﻭﻗﺖ ﺑﮩﺖ ﺑﮯ ﺑﺲ ﺳﺎ ﻣﺤﺴﻮﺱ ﮨﻮﺭﮨﺎ ﺗﮭﺎ۔ ﺭﺍﺑﯿﻞ ﻧﮯ ﺍﺳﮯ ﻣﺨﺘﺼﺮﺍً ﺳﺐ ﺑﺘﺎﺩﯾﺎ۔ ﻭﮦ ﺧﺎﻣﻮﺷﯽ ﺳﮯ ﺳُﻨﺘﺎ ﺭﮨﺎ ‘ ﻟﺐ ﺑﮭﯿﻨﭽﮯ ‘ ﻣﭩﮭﯿﻮﮞ ﮐﻮ ﮐﮭﻮﻟﺘﮯ ﺑﻨﺪ ﮐﺮﺗﮯ ﺍﺱ ﮐﯽ ﺣﺎﻟﺖ ﺩﯾﮑﮭﻨﮯ ﮐﮯ ﻗﺎﺑﻞ ﺗﮭﯽ۔
’’ ﺍﺏ ﺗﻮ ﺑﺘﺎﺩﯾﮟ … ﯾﮧ ﺳﺐ ﮐﯿﺎ ﮨﮯ … ؟ﮐﯿﺎ ﮐﺮﺭﮨﮯ ﮨﯿﮟ ﺁﭖ؟ ﺍﻭﺭ ﮐﻮﻥ ﮨﯿﮟ ﯾﮧ ﻟﻮﮒ … ؟ ‘‘ ﻭﮦ ﺍﺱ ﮐﮯ ﺳﺎﻣﻨﮯ ﭘﮭﺮ ﺁﮐﮭﮍﯼ ﮨﻮﺋﯽ ﺗﮭﯽ۔
’’ ﺑﺘﺎﺩﻭﮞ ﮔﺎ ﺗﻤﮩﯿﮟ ﺑﮭﯽ … ﺑﮍﺍ ﺷﻮﻕ ﮨﮯ ﺗﻤﮩﯿﮟ ﻣﯿﺮﮮ ﮨﺮ ﮐﺎﻡ ﻣﯿﮟ ﭨﺎﻧﮓ ﺍﮌﺍﻧﮯ ﮐﺎ … ﮐﺮﻭﮞ ﮔﺎ ﺗﻤﮩﺎﺭﺍ ﯾﮧ ﺷﻮﻕ ﺑﮭﯽ ﭘﻮﺭﺍ … ﺍﺑﮭﯽ ﮐﭽﮫ ﺩﻥ ﺍﻧﺘﻈﺎﺭ ﮐﺮﻟﻮ۔ ‘‘ ﺍﺳﮯ ﺍﯾﮏ ﻃﺮﻑ ﮨﭩﺎﮐﺮ ﻭﮦ ﺑﺎﺗﮫ ﺭﻭﻡ ﻣﯿﮟ ﺟﺎﮔﮭﺴﺎ ﺗﮭﺎ۔ ﻭﮦ ﺍﺱ ﮐﮯ ﺍﻟﻔﺎﻅ ﮐﻮ ﺗﻮﻟﻨﮯ ﮐﯽ ﮐﻮﺷﺶ ﮐﺮﻧﮯ ﻟﮕﯽ۔
ﻭﮦ ﺁﻓﺲ ﻣﯿﮟ ﺗﮭﺎ ﺟﺐ ﺍﺱ ﮐﺎ ﭘﺮﺳﻨﻞ ﺳﯿﻞ ﺑﺞ ﺍﭨﮭﺎ ﺗﮭﺎ۔ ﺍﺱ ﭘﺮ ﺁﻧﮯ ﻭﺍﻻ ﻧﻤﺒﺮ ﺑﮩﺖ ﺧﺎﺹ ﺗﮭﺎ ‘ ﻭﮦ ﺍﯾﮏ ﺩﻡ ﭼﻮﻧﮏ ﮔﯿﺎ ﺗﮭﺎ۔ ﺍﺭﺩﮔﺮﺩ ﻧﻈﺮ ﮈﺍﻟﯽ ﭘﮭﺮ ﻓﻮﺭﺍً ﺑﺎﺗﮫ ﺭﻭﻡ ﻣﯿﮟ ﮔﮭﺲ ﮔﯿﺎ۔ ﮐﺘﻨﮯ ﺩﻧﻮﮞ ﺳﮯ ﺍﺳﮯ ﺍﺱ ﮐﺎﻝ ﮐﺎ ﺍﻧﺘﻈﺎﺭ ﺗﮭﺎ ﺍﻭﺭ ﺁﺝ ﺍﻧﺘﻈﺎﺭ ﺧﺘﻢ ﮨﻮﮔﯿﺎ ﺗﮭﺎ۔
’’ ﮨﯿﻠﻮ … ﺍﯾﺲ ﭘﯽ ﻋﺒﺪﺍﻟﺒﺎﺭﯼ ﺍﺯ ﺍﺳﭙﯿﮑﻨﮓ ‘‘!
’’ ﺳﺮ … ﻣﯿﮟ۔ ﺍﺭﻗﻢ … ﺍﯾﮏ ﺧﺎﺹ ﺍﻃﻼﻉ ﮨﮯ ‘‘…
’’ ﮨﺎﮞ ﺑﻮﻟﻮ … ﻣﯿﮟ ﺳﻦ ﺭﮨﺎ ﮨﻮﮞ۔ ‘‘
’’ ﺳﺐ ﺣﺎﻻﺕ ﺑﮩﺖ ﺑﮕﮍ ﭼﮑﮯ ﮨﯿﮟ ‘ ﺩﺷﻤﻨﻮﮞ ﮐﻮ ﮨﻤﺎﺭﯼ ﺳﺎﺭﯼ ﭘﻼﻧﻨﮓ ﮐﯽ ﺧﺒﺮ ﮨﻮﭼﮑﯽ ﮨﮯ۔ ﺣﺎﻻﺕ ﺳﺎﺯﮔﺎﺭ ﻧﮩﯿﮟ … ﻭﮦ ﺁﭖ ﮐﮯ ﻣﺘﻌﻠﻖ ﮐﻮﺋﯽ ﺍﯾﮑﺸﻦ ﻟﯿﻨﮯ ﮐﯽ ﺳﻮﭺ ﺭﮨﮯ ﮨﯿﮟ۔ ﺍﻥ ﻟﻮﮔﻮﮞ ﮐﺎ ﻧﯿﭧ ﻭﺭﮎ ﺍﺏ ﺳﻤﭩﻨﮯ ﻟﮕﺎ ﮨﮯ … ﮨﻮﺳﮑﺘﺎ ﮨﮯ ﺟﻠﺪ ﮨﯽ ﻭﮦ ﮐﻮﺋﯽ ﻗﺪﻡ ﺑﮭﯽ ﺍﭨﮭﺎﻟﯿﮟ۔ ﺁﭖ ﮐﻮ ﺟﻠﺪ ﮨﯽ ﮐﻮﺋﯽ ﺍﯾﮑﺸﻦ ﻟﯿﻨﺎ ﮨﻮﮔﺎ ﻭﺭﻧﮧ ﯾﮧ ﻣﻠﮏ ﺑﮩﺖ ﺧﻄﺮﮮ ﻣﯿﮟ ﮨﮯ۔ ‘‘
’’ ﮨﻮﮞ … ﮐﻮﺋﯽ ﺍﻭﺭ ﺑﺎﺕ؟ ‘‘ ﺍﺱ ﻧﮯ ﭘﻮﭼﮭﺎ ﺗﮭﺎ۔
’’ ﯾﺲ ﺳﺮ ! ﻣﯿﮟ ﻧﮯ ﮐﭽﮫ ﺧﺎﺹ ﻧﻘﺸﮯ ﺗﯿﺎﺭ ﮐﺌﮯ ﮨﯿﮟ ﻭﮦ ﮨﻤﺎﺭﯼ ﺧﺎﺹ ﺭﮨﻨﻤﺎﺋﯽ ﮐﺮﯾﮟ ﮔﮯ۔ ﺍﺱ ﮐﮯ ﻋﻼﻭﮦ ﮐﭽﮫ ﺑﮩﺖ ﺍﮨﻢ ﺛﺒﻮﺕ ﺑﮭﯽ ﮨﺎﺗﮫ ﻟﮕﮯ ﮨﯿﮟ۔ ’‘‘ ﺗﻮ ﭘﮭﺮ ﭨﮭﯿﮏ ﮨﮯ … ﺗﻢ ﺍﭘﻨﯽ ﺟﮕﮧ ﭘﺮ ﺭﮨﻨﺎ ﻣﯿﮟ ﺧﻮﺩ ﺗﻢ ﺳﮯ ﻣﻠﻨﮯ ﮐﯽ ﮐﻮﺷﺶ ﮐﺮﻭﮞ ﮔﺎ۔ ﻣﯿﮏ ﺍﭖ ﻣﯿﮟ ﮨﻮﮞ ﮔﺎ ‘ ﮐﻮﮈ ﻭﺭﮈﺯ ﮐﺎ ﺍﺳﺘﻌﻤﺎﻝ ﮐﺮﻭﮞ ﮔﺎ ‘ ﺧﯿﺎﻝ ﺭﮐﮭﻨﺎ۔ ﺍﺏ ﻓﻮﻥ ﺑﻨﺪ ﮐﺮﻭ … ﻣﯿﮞﮑﺴﯽ ﺑﮭﯽ ﻭﻗﺖ ﺗﻢ ﺳﮯ ﻣﻠﻮﮞ ﮔﺎ۔ ‘‘
’’ ﯾﺲ ﺳﺮ ‘‘… ﺩﻭﺳﺮﯼ ﻃﺮﻑ ﺳﮯ ﻓﻮﻥ ﺑﻨﺪ ﮐﺮﺩﯾﺎ ﮔﯿﺎ ﺗﮭﺎ۔ ﻭﮦ ﺭﻭﻡ ﻣﯿﮟ ﺁﮔﯿﺎ۔ ﺍﺱ ﮐﺎ ﺑﮩﺖ ﺑﮍﺍ ﻣﺴﺌﻠﮧ ﺟﯿﺴﮯ ﺣﻞ ﮨﻮﮔﯿﺎ ﺗﮭﺎ۔ ﺍﺏ ﺍﺳﮯ ﻓﺎﺋﻨﻞ ﺍﯾﮑﺸﻦ ﻟﯿﻨﮯ ﮐﯽ ﺿﺮﻭﺭﺕ ﺗﮭﯽ۔ ﺳﺎﺭﯼ ﮐﺎﺭﺭﻭﺍﺋﯽ ﻣﮑﻤﻞ ﺗﮭﯽ۔ ﺍﺱ ﻧﮯ ﺧﻔﯿﮧ ﻻﮐﺮﺯ ﻣﯿﮟ ﺳﮯ ﺿﺮﻭﺭﯼ ﮈﺍﮐﻮﻣﻨﭩﺲ ﻧﮑﺎﻟﮯ ﺗﮭﮯ ﺍﻧﮩﯿﮞﺎﭼﮭﯽ ﻃﺮﺡ ﭼﯿﮏ ﮐﯿﺎ ﺗﮭﺎ ‘ ﺍﯾﮏ ﻓﺎﺋﻞ ﺑﻨﺎﺋﯽ ﺗﮭﯽ ‘ ﭘﮭﺮ ﻻﮐﺮﺯ ﺑﮭﯽ ﺑﻨﺪ ﮐﺮﺩﯾﺌﮯ ﺗﮭﮯ۔
ﺍﺏ ﺍﺳﮯ ﺍﺭﻗﻢ ﺳﮯ ﻣﻠﻨﺎ ﺗﮭﺎ ‘ ﮐﭽﮫ ﺳﻮﭼﺘﮯ ﮨﻮﺋﮯ ﻭﮦ ﺁﻓﺲ ﺳﮯ ﻧﮑﻞ ﺁﯾﺎ۔ ﮨﺎﺗﮫ ﻣﯿﮟ ﺍﯾﮏ ﻓﺎﺋﻞ ﺗﮭﯽ ﺟﻮ ﺑﮩﺖ ﺿﺮﻭﺭﯼ ﺗﮭﯽ۔ ﺍﺭﺍﺩﮦ ﺍﺱ ﮐﻮ ﮔﮭﺮ ﻣﯿﮟ ﺭﮐﮭﻨﮯ ﮐﺎ ﺗﮭﺎ ‘ ﮔﮭﺮ ﺁﯾﺎ ﺗﻮ ﺭﺍﺑﯿﻞ ﻻﻥ ﻣﯿﮟ ﭘﻮﺩﻭﮞ ﮐﮯ ﺳﺎﺗﮫ ﻣﺼﺮﻭﻑ ﺗﮭﯽ۔ ﺍﺳﮯ ﺩﯾﮑﮫ ﮐﺮ ﺳﺐ ﮐﺎﻡ ﭼﮭﻮﮌ ﭼﮭﺎﮌ ﻣﺎﻟﯽ ﺑﺎﺑﺎ ﮐﻮ ﭼﻨﺪ ﮨﺪﺍﯾﺎﺕ ﺩﮮ ﮐﺮ ﺍﺱ ﮐﯽ ﻃﺮﻑ ﺁﮔﺌﯽ۔ ﺧﻮﺏ ﺻﻮﺭﺕ ﺳﺮﺍﭘﮯ ﻣﯿﮟ ﺍﯾﮏ ﻭﺍﺿﺢ ﺗﺒﺪﯾﻠﯽ ﺑﺎﺁﺳﺎﻧﯽ ﻣﺤﺴﻮﺱ ﮐﯽ ﺟﺎﺳﮑﺘﯽ ﺗﮭﯽ۔ ﻋﺒﺪﺍﻟﺒﺎﺭﯼ ﮐﮯ ﮨﻮﻧﭩﻮﮞ ﭘﺮ ﻣﺴﮑﺮﺍﮨﭧ ﺁﭨﮭﮩﺮﯼ ﺗﮭﯽ۔ ﺍﺳﮯ ﺩﯾﮑﮫ ﮐﺮ ﺩﻝ ﻣﯿﮟ ﺧﻮﺩﺑﺨﻮﺩ ﺍﯾﮏ ﺗﺮﺍﻭﭦ ﺳﯽ ﺍﺗﺮﻧﮯ ﻟﮕﯽ ﺗﮭﯽ۔ ﻣﻦ ﭼﺎﮨﯽ ‘ ﺑﺎﮐﺮﺩﺍﺭ ‘ ﺑﺎﺣﯿﺎ ﺑﯿﻮﯼ ﮐﺎ ﻧﺸﮧ ﺷﺎﯾﺪ ﺍﯾﺴﺎ ﮨﯽ ﮨﻮﺗﺎ ﮨﮯ ‘ ﻭﮦ ﺭﻭﺡ ﺗﮏ ﺳﺮﺷﺎﺭ ﺳﺎ ﮨﻮﮔﯿﺎ ﺗﮭﺎ۔
’’ ﺍﻟﺴﻼﻡ ﻋﻠﯿﮑﻢ … ﺧﯿﺮﯾﺖ … ﺁﺝ ﺍﺱ ﻭﻗﺖ ﮔﮭﺮ ﭘﺮ؟ ‘‘ ﺍﺱ ﻓﻮﻥ ﮐﺎﻝ ﮐﮯ ﺑﻌﺪ ﻭﮦ ﮐﺎﻓﯽ ﺑﮩﺘﺮ ﮨﻮﮔﺌﯽ ﺗﮭﯽ۔ ﻋﺒﺪﺍﻟﺒﺎﺭﯼ ﮐﮯ ﺳﺎﺗﮫ ﺍﺱ ﮐﺎ ﺭﻭﯾﮧ ﺧﻮﺩﺑﺨﻮﺩ ﺑﺪﻝ ﮔﯿﺎ ﺗﮭﺎ۔ ﺩﺭﻣﯿﺎﻥ ﻣﯿﮟ ﮐﺘﻨﮯ ﺩﻥ ﮔﺰﺭ ﮔﺌﮯ ﺗﮭﮯ ‘ ﺗﻘﺮﯾﺒﺎً ﺍﯾﮏ ﮈﯾﮍﮪ ﻣﺎﮦ ﮐﺎ ﻋﺮﺻﮧ ﺍﻭﺭ ﺍﺱ ﺩﻭﺭﺍﻥ ﺍﺱ ﻧﮯ ﺍﺳﮯ ﺍﺏ ﮐﺒﮭﯽ ﻧﮩﯿﮟ ﭨﻮﮐﺎ ﺗﮭﺎ ﻣﮕﺮ ﺍﯾﮏ ﺧﻠﺶ ﺳﯽ ﭘﮭﺮ ﺑﮭﯽ ﺑﺮﻗﺮﺍﺭ ﺗﮭﯽ۔ ﻭﮦ ﺍﭘﻨﺎ ﺁﭖ ﮐﮭﻞ ﮐﺮ ﮐﮭﻮﻝ ﮨﯽ ﻧﮩﯿﮟ ﺭﮨﺎ ﺗﮭﺎ ‘ ﻭﮦ ﻣﻨﺘﻈﺮ ﺗﮭﯽ ﻣﮕﺮ ﻣﺠﺎﻝ ﮨﮯ ﺟﻮ ﺍﺛﺮ ﮨﻮﺍ ﮨﻮ۔
’’ ﻭﻋﻠﯿﮑﻢ ﺍﻟﺴﻼﻡ … ﮨﺎﮞ ﺑﺲ ﺍﯾﮏ ﮐﺎﻡ ﺗﮭﺎ ‘ ﻣﯿﮟ ﮐﻤﺮﮮ ﻣﯿﮞﮩﻮﮞ ﮐﻮﺋﯽ ﮈﺳﭩﺮﺏ ﻧﮧ ﮐﺮﮮ ﻣﺠﮭﮯ۔ ‘‘ ﺍﺳﮯ ﮨﺪﺍﯾﺖِ ﺧﺎﺹ ﮐﺮﮐﮯ ﻭﮦ ﮐﻤﺮﮮ ﻣﯿﮟ ﺟﺎﮔﮭﺴﺎ۔ ﻭﮦ ﮐﭽﻦ ﻣﯿﮟ ﺁﮔﺌﯽ۔ ﻋﺒﺪﻝ ﻧﮯ ﮈﺳﭩﺮﺏ ﻧﮧ ﮐﺮﻧﮯ ﮐﺎ ﮐﮩﺎ ﺗﮭﺎ ﺳﻮ ﻭﮦ ﮐﭽﻦ ﻣﯿﮟ ﺁﮐﺮ ﮐﺒﺎﺏ ﺗﻠﻨﮯ ﻟﮕﯽ۔ ﺻﺒﺢ ﺍﺱ ﻧﮯ ﻗﯿﻤﮧ ﺍﺑﺎﻝ ﮐﺮ ﺁﻣﯿﺰﮦ ﺗﯿﺎﺭ ﮐﺮﺭﮐﮭﺎ ﺗﮭﺎ۔ ﺳﺎﺗﮫ ﻣﯿﮟ ﺁﻟﻮ ﮐﮯ ﺗﯿﺎﺭ ﮐﺌﮯ ﮔﺌﮯ ﺧﺴﺘﮧ ﺍﻭﺭ ﮐﺮﺍﺭﮮ ﺭﻭﻟﺰ ﺗﮭﮯ۔ ﭼﺎﺋﮯ ﺑﻨﺎﮐﺮ ﭨﺮﮮ ﺳﺠﺎﮐﺮ ﻭﮦ ﮐﻤﺮﮮ ﻣﯿﮟ ﭼﻠﯽ ﺁﺋﯽ۔
ﻋﺒﺪﺍﻟﺒﺎﺭﯼ ﺑﺴﺘﺮ ﭘﺮ ﺑﯿﭩﮭﺎ ﮨﻮﺍ ﺗﮭﺎ۔ ﺳﺎﻣﻨﮯ ﮐﭽﮫ ﮐﺎﻏﺬﺍﺕ ﺗﮭﮯ۔ ﮐﻮﺋﯽ ﭼﺎﺭﭦ ﭘﮭﯿﻼﺋﮯ ﭘﯿﻨﺴﻞ ﺳﮯ ﻧﺸﺎﻥ ﻭﻏﯿﺮﮦ ﻟﮕﺎﺭﮨﺎ ﺗﮭﺎ۔ ﺍﺳﮯ ﺩﯾﮑﮫ ﮐﺮ ﺍﺱ ﮐﮯ ﭼﮩﺮﮮ ﭘﺮ ﻧﺎﭘﺴﻨﺪﯾﺪﮔﯽ ﮐﮯ ﺗﺎﺛﺮﺍﺕ ﺁﭨﮭﮩﺮﮮ۔
’’ ﻣﯿﮟ ﻧﮯ ﮐﮩﺎ ﺗﮭﺎ ﮐﮧ ﻣﺠﮭﮯ ﮐﻮﺋﯽ ﮈﺳﭩﺮﺏ ﻧﮧ ﮐﺮﮮ۔ ‘‘ ﺟﯿﺴﮯ ﮨﯽ ﺍﺱ ﻧﮯ ﭨﺮﮮ ﺑﺴﺘﺮ ﭘﺮ ﺭﮐﮭﯽ ‘ ﻋﺒﺪﺍﻟﺒﺎﺭﯼ ﻧﮯ ﮐﮩﺎ۔
’’ ﺁﭖ ﻧﮯ ﮐﻮﺋﯽ ﮐﮯ ﻟﺌﮯ ﮐﮩﺎ ﺗﮭﺎ ‘ ﻣﯿﺮﮮ ﻟﺌﮯ ﻧﮩﯿﮟ ‘‘… ﮐﯿﺴﺎ ﭘﺮﺍﻋﺘﻤﺎﺩ ﻣﺎﻥ ﺑﮭﺮﺍ ﺍﻧﺪﺍﺯ ﺗﮭﺎ ‘ ﺍﺱ ﮐﮯ ﮨﺎﺗﮫ ﺭﮎ ﮔﺌﮯ۔
’’ ﯾﮧ ﮐﯿﺎ ﮨﮯ؟ ‘‘ ﺍﺱ ﻧﮯ ﻧﻘﺸﮧ ﺍﭨﮭﺎﻟﯿﺎ۔ ﻋﺒﺪﺍﻟﺒﺎﺭﯼ ﻧﮯ ﺍﺱ ﮐﮯ ﮨﺎﺗﮫ ﺳﮯ ﻟﮯ ﻟﯿﺎ۔
’’ ﻣﯿﺮﮮ ﮐﺎﻣﻮﮞ ﻣﯿﮟ ﭨﺎﻧﮓ ﺍﮌﺍﻧﮯ ﻭﺍﻟﯽ ﺗﻤﮩﺎﺭﯼ ﯾﮧ ﻋﺎﺩﺕ ﻧﮩﯿﮟ ﺟﺎﺋﮯ ﮔﯽ … ﺭﮨﻨﮯ ﺩﻭ ﺗﻤﮩﺎﺭﯼ ﺳﻤﺠﮫ ﻣﯿﮟ ﻧﮩﯿﮟ ﺁﺋﮯ ﮔﺎ۔ ‘‘ ﻣﺴﮑﺮﺍﮐﺮ ﮐﮩﺎ ﺗﮭﺎ۔ ﮐﺎﻏﺬﺍﺕ ﻓﻮﻟﮉ ﮐﺮﮐﮯ ﺍﯾﮏ ﻃﺮﻑ ﺭﮐﮭﮯ۔
’’ ﮐﯿﻮﮞ … ؟ ‘‘ ﻏﺼﮧ ﺗﻮ ﺑﮩﺖ ﺁﯾﺎ ﻣﮕﺮ ﮐﻨﭩﺮﻭﻝ ﮐﺮﮔﺌﯽ۔ ﺁﺧﺮ ﻭﮦ ﮐﭽﮫ ﺑﺘﺎﺗﺎ ﮐﯿﻮﮞ ﻧﮩﯿﮟ۔
’’ ﮐﯿﻮﮞ ﮐﮧ ﻋﻘﻞ ﻣﻮﭨﯽ ﮨﮯ … ﺑﻤﺸﮑﻞ ﮨﯽ ﮐﭽﮫ ﺳﻤﺠﮫ ﭘﺎﺗﯽ ﮨﻮ … ﺳﺎﻣﻨﮯ ﮐﯽ ﺑﺎﺕ ﻧﻈﺮ ﻧﮩﯿﮟ ﺁﺗﯽ ﺍﻭﺭ ﻟﮕﯽ ﮨﻮ ﺍﺩﮬﺮ ﺍُﺩﮬﺮ ﭨﺎﻧﮕﯿﮟ ﺍﮌﺍﻧﮯ۔ ‘‘ ﺍﻧﺪﺍﺯ ﺍﺏ ﺷﺮﺍﺭﺗﯽ ﺗﮭﺎ۔ ﻭﮦ ﺣﻘﯿﻘﺘﺎً ﺑﺮﺍ ﻣﺎﻥ ﮔﺌﯽ۔
’’ ﺁﭖ ﺳﮯ ﺯﯾﺎﺩﮦ ﻋﻘﻞ ﻣﻨﺪ ﮨﻮﮞ … ﭘﮭﺮ ﺁﭖ ﻧﮯ ﮐﺒﮭﯽ ﮐﻮﻥ ﺳﺎ ﮐﭽﮫ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﯽ ﮨﮯ ﺟﻮ ﻣﺠﮭﮯ ﺳﻤﺠﮫ ﻧﮩﯿﮟ ﺁﺋﯽ … ﮨﻤﯿﺸﮧ ﺗﻮ ﺧﻮﺩ ﮐﻮ ﺍﯾﮏ ﺭﺍﺯ ﮐﯽ ﻃﺮﺡ ﺭﮐﮭﺎ ﮨﮯ ‘ ﮐﻮﺋﯽ ﻻﮐﮫ ﺳﺮ ﭘﮭﻮﮌﮮ ﻣﮕﺮ ﺍﺛﺮ ﮐﮩﺎﮞ ﮨﮯ۔ ‘‘ ﻭﮦ ﻧﺎﺭﺍﺽ ﺳﯽ ﮨﻮﮔﺌﯽ ﺗﮭﯽ ﭘﮭﺮ ﭼﺎﺋﮯ ﮈﺍﻝ ﮐﺮ ﺟﺎﻧﮯ ﻟﮕﯽ ﺗﻮ ﺍﺱ ﻧﮯ ﺑﺎﺯﻭ ﺗﮭﺎﻡ ﻟﯿﺎ۔
’’ ﮐﺪﮬﺮ ﭼﻠﯽ ﮨﻮ ﮈﯾﺌﺮ … ﺑﯿﭩﮭﻮ۔ ‘‘ ﺗﻮﺟﮧ ﺧﺎﺹ ﺗﮭﯽ ﻣﮕﺮ ﻭﮦ ﻣﺘﺎﺛﺮ ﻧﮧ ﮨﻮﺋﯽ۔ ’’ ﺳﻮﺭﯼ … ﻣﯿﮟ ﻧﮯ ﺁﭖ ﮐﻮ ﮈﺳﭩﺮﺏ ﮐﯿﺎ۔ ‘‘ ﭼﮩﺮﮦ ﭘﮭﺮ ﺑﮭﯽ ﻧﮩﯿﮟ ﻣﻮﮌﺍ۔ ﺍﻧﺪﺍﺯ ﻟﻮﭦ ﻟﯿﻨﮯ ﻭﺍﻻ ﺗﮭﺎﻭﮦ ﮐﮭﻞ ﮐﺮ ﻣﺴﮑﺮﺍﯾﺎ۔
’’ ﺟﺐ ﮐﮩﺎ ﺗﮭﺎ ﻋﻘﻞ ﻣﯿﮟ ﺑﺎﺕ ﻧﮩﯿﮟ ﺁﺋﯽ ﺗﮭﯽ ﺍﻭﺭ ﺍﺏ ﮈﺳﭩﺮﺏ ﮨﻮﮔﯿﺎ ﮨﻮﮞ ﺗﻮ ﻣﯿﺮﮮ ﺁﺗﺸﯿﮟ ﺷﻮﻕ ﮐﻮ ﺑﮍﮬﺎﮐﺮ ﺟﺎﺭﮨﯽ ﮨﻮ … ﺍﺏ ﺍﺩﮬﺮ ﺁﺅ۔ ‘‘ ﺟﮭﭩﮑﺎﺩﯾﺎ ﺗﮭﺎ ‘ ﻭﮦ ﺍﺱ ﮐﮯ ﺳﺎﺗﮫ ﺟﺎﻟﮕﯽ۔ ﺫﻭﻣﻌﻨﯽ ﺑﺎﺕ ﺳﮯ ﭘﻮﺭﮮ ﺑﺪﻥ ﻣﯿﮟ ﺍﯾﮏ ﺳﻨﺴﻨﯽ ﺧﯿﺰ ﻟﮩﺮ ﺩﻭﮌ ﮔﺌﯽ ﺗﮭﯽ۔
’’ ﺁﺝ ﺗﻤﮩﯿﮟ ﭼﯿﮏ ﺍﭖ ﮐﮯ ﻟﺌﮯ ﺟﺎﻧﺎ ﺗﮭﺎ ‘ ﻭﺯﭦ ﮐﯿﺴﯽ ﺭﮨﯽ؟ ‘‘ ﻧﺎﺭﺍﺽ ﺳﮯ ﭼﮩﺮﮮ ﮐﻮ ﺍﭘﻨﯽ ﻃﺮﻑ ﭘﮭﯿﺮﺗﮯ ﺑﮩﺖ ﻟﮕﺎﻭﭦ ﺳﮯ ﭘﻮﭼﮭﺎ ﺗﻮ ﻭﮦ ﮐﺎﭦ ﮐﮭﺎﻧﮯ ﻭﺍﻟﯽ ﻧﻈﺮﻭﮞ ﺳﮯ ﺩﯾﮑﮭﮯ ﮔﺌﯽ۔
’’ ﺟﺐ ﺁﭖ ﮐﻮ ﻣﺠﮫ ﺳﮯ ﯾﺎ ﻣﯿﺮ ﯼ ﺫﺍﺕ ﺳﮯ ﮐﻮﺋﯽ ﺩﻟﭽﺴﭙﯽ ﻧﮩﯿﮟ ﺗﻮ ﭘﮭﺮ ﯾﮧ ﺯﺑﺎﻧﯽ ﺑﻨﺎﻭﭨﯽ ﻣﻈﺎﮨﺮﮮ ﺑﮭﯽ ﻣﺖ ﮐﯿﺎ ﮐﺮﯾﮟ … ﺑﮩﺖ ﮐﮭﻮﮐﮭﻠﮯ ﺍﻭﺭ ﺑﮩﺖ ﺑﺮﮮ ﻟﮕﺘﮯ ﮨﯿﮟ ﻣﺠﮭﮯ ﺍﯾﺴﮯ ﻟﻮﮒ۔ ‘‘ ﮐﮍﻭﯼ ﺗﻮ ﻭﮦ ﺷﺮﻭﻉ ﺳﮯ ﮨﯽ ﺗﮭﯽ ﺍﺏ ﺑﮭﯽ ﮐﻮﺋﯽ ﻟﺤﺎﻅ ﻭ ﻣﺮﻭﺕ ﺭﮐﮭﮯ ﺑﻐﯿﺮ ﺍﺱ ﮐﮯ ﮨﺎﺗﮭﻮﮞ ﮐﻮ ﭘﯿﭽﮭﮯ ﮨﭩﺎﮐﺮ ﺍﭘﻨﺎ ﺗﻮﺍﺯﻥ ﺑﺤﺎﻝ ﮐﺮﮐﮯ ﮐﺎﭦ ﺩﺍﺭ ﻟﮩﺠﮯ ﻣﯿﮟ ﮐﮩﺎ ﺗﮭﺎ۔ ﻋﺒﺪﺍﻟﺒﺎﺭﯼ ﮐﻮ ﺻﺒﺢ ﮐﺎ ﻭﺍﻗﻌﮧ ﯾﺎﺩ ﺁﮔﯿﺎ ﺟﺐ ﺍﺱ ﻧﮯ ﺍﺳﮯ ﺟﻠﺪﯼ ﮔﮭﺮ ﺁﻧﮯ ﺍﻭﺭ ﺳﺎﺗﮫ ﭼﻠﻨﮯ ﮐﻮ ﮐﮩﺎ ﺗﮭﺎ ﭼﻮﻧﮑﮧ ﺁﺝ ﺍﺳﮯ ﮐﭽﮫ ﺿﺮﻭﺭﯼ ﮐﺎﻡ ﺗﮭﺎ ‘ ﻋﺠﻠﺖ ﻣﯿﮟ ﺗﮭﺎ ﺳﻮ ﺍﻧﮑﺎﺭ ﮐﺮﺩﯾﺎ ﺗﮭﺎ ﺗﺐ ﺗﻮ ﺭﺍﺑﯿﻞ ﭼﭗ ﮨﻮﮔﺌﯽ ﺗﮭﯽ ﻣﮕﺮ ﺍﺏ ﺍﺱ ﮐﯽ ﯾﮧ ﻧﺎﺭﺍﺿﮕﯽ ﮐﺎﻓﯽ ﺗﻠﺦ ﺳﯽ ﺗﮭﯽ۔
’’ ﺑﺘﺎﯾﺎ ﻧﮩﯿﮟ ﺗﻢ ﻧﮯ ﮐﯿﺎ ﮐﮩﺎ ﮈﺍﮐﭩﺮ ﻧﮯ … ﮔﺌﯽ ﺑﮭﯽ ﺗﮭﯿﮟ ﯾﺎ ﻧﮩﯿﮟ؟ ‘‘ ﭼﺎﺋﮯ ﺍﭨﮭﺎﮐﺮ ﺳﭗ ﻟﯿﺘﮯ ﮨﻮﺋﮯ ﺍﺱ ﻧﮯ ﺩﻭﺑﺎﺭﮦ ﭘﻮﭼﮭﺎ ﺗﻮ ﻭﮦ ﻣﻨﮧ ﭘﮭﻼﺋﮯ ﺑﺘﺎﻧﮯ ﻟﮕﯽ۔
’’ ﮔﺌﯽ ﺗﮭﯽ ﺑﮭﺎﺑﯽ ﮐﮯ ﺳﺎﺗﮫ۔ ﮐﭽﮫ ﺧﺎﺹ ﻧﮩﯿﮟ ﮐﮩﺎ ﮈﺍﮐﭩﺮ ﻧﮯ ‘ ﻭﮨﯽ ﭘﺮﺍﻧﯽ ﺑﺎﺗﯿﮟ ﮐﮧ ﺍﻥ ﺩﻧﻮﮞ ﮐﭽﮫ ﺧﺎﺹ ﺍﺣﺘﯿﺎﻁ ﮐﺮﻧﺎ ﮨﻮﮔﯽ ﻭﻏﯿﺮﮦ ﻭﻏﯿﺮﮦ۔ ﻣﻨﺘﮭﻠﯽ ﭼﯿﮏ ﺍﭖ ﺿﺮﻭﺭ ﮐﺮﻭﺍﯾﺎ ﮐﺮﻭﮞ ﺍﻭﺭ ﺍﺩﮬﺮ ﺍُﺩﮬﺮ ﮐﯽ ﮨﺪﺍﯾﺎﺕ ﺗﮭﯿﮟ۔ ‘‘ ﻭﮦ ﻧﻈﺮﯾﮟ ﺟﮭﮑﺎﺋﮯ ﺑﺘﺎﺭﮨﯽ ﺗﮭﯽ ‘ ﻭﮦ ﮐﭽﮫ ﺳﻮﭼﺘﺎ ﺭﮨﺎ۔
’’ ﺭﺍﺑﯿﻞ ! ﯾﮧ ﮐﭽﮫ ﺿﺮﻭﺭﯼ ﮈﺍﮐﻮﻣﻨﭩﺲ ﮨﯿﮟ ﺁﻓﺲ ﻣﯿﮟ ﯾﮧ ﻣﺤﻔﻮﻅ ﻧﮩﯿﮟ ﺗﮭﮯ ﮔﮭﺮ ﻟﮯ ﺁﯾﺎ ﮨﻮﮞ ‘ ﻻﮐﺮﺯ ﻣﯿﮟ ﺭﮐﮫ ﻟﯿﻨﺎ۔ ﮐﺴﯽ ﺑﮭﯽ ﻟﻤﺤﮯ ﻣﺠﮭﮯ ﺍﻥ ﮐﯽ ﺿﺮﻭﺭﺕ ﭘﮍﺳﮑﺘﯽ ﮨﮯ۔ ‘‘ ﺑﯿﮓ ﻣﯿﮟ ﺳﺐ ﮐﺎﻏﺬﺍﺕ ﺭﮐﮫ ﮐﺮ ﺍﺱ ﻧﮯ ﭼﻤﮍﮮ ﮐﺎ ﺑﯿﮓ ﺍﺳﮯ ﺗﮭﻤﺎﺩﯾﺎ۔
’’ ﺣﯿﺮﺕ ﮨﮯ … ﻣﺠﮫ ﭘﺮ ﺍﻋﺘﻤﺎﺩ ﮐﺮﺭﮨﮯ ﮨﯿﮟ … ﺍﮔﺮ ﻣﯿﮟ ﺍﻥ ﮐﻮ ﮐﮭﻮﻝ ﮐﺮ ﺩﯾﮑﮫ ﻟﻮﮞ ﺗﻮ ﮐﮩﯿﮟ ﮔﮯ ﮐﮧ ﻣﯿﮟ ﭨﺎﻧﮓ ﺍﮌﺍﺗﯽ ﮨﻮﮞ ﮨﺮ ﮐﺎﻡ ﻣﯿﮟ … ﻭﯾﺴﮯ ﺑﺘﺎﮨﯽ ﺩﯾﮟ … ﮐﯿﺎ ﮨﯿﮟ ﯾﮧ ﮐﺎﻏﺬﺍﺕ۔ ‘‘ ﺍﻧﺪﺍﺯ ﺍﮔﺮﭼﮧ ﭼﮍﺍﻧﮯ ﻭﺍﻻﺗﮭﺎ ﻣﮕﺮ ﺍﺏ ﺑﮭﯽ ﺗﺠﺴﺲ ﺳﮯ ﺑﮭﺮﭘﻮﺭ ﺗﮭﺎ۔ ﻭﮦ ﻣﺤﻈﻮﻅ ﮨﻮﺍ ﺗﮭﺎ۔
’’ ﺑﮯ ﻓﮑﺮ ﺭﮨﻮ … ﺩﯾﮑﮫ ﻟﯿﻨﺎ ‘ ﺳﻤﺠﮫ ﻣﯿﮟ ﻧﮩﯿﮟ ﺁﺋﯿﮟ ﮔﮯ۔ ﺑﺲ ﮐﭽﮫ ﺿﺮﻭﺭﯼ ﮐﺎﻏﺬﺍﺕ ﮨﯿﮟ۔ ‘‘ ﮐﺒﺎﺏ ﺍﻭﺭ ﺭﻭﻟﺰ ﭘﺮ ﮨﺎﺗﮫ ﺻﺎﻑ ﮐﺮﺗﮯ ﻋﺒﺪﺍﻟﺒﺎﺭﯼ ﻧﮯ ﮐﮩﺎ ﺗﻮ ﻭﮦ ﭼﭗ ﮨﻮﮔﺌﯽ۔
’’ ﻭﯾﺴﮯ ﯾﺎﺭ ﺭﺍﺑﯿﻞ ! ﯾﮧ ﮐﺒﺎﺏ ﺍﻭﺭ ﺭﻭﻟﺰ ﺗﻢ ﻧﮯ ﺑﻨﺎﺋﮯ ﮨﯿﮟ … ﺗﻤﮩﺎﺭﮮ ﮨﺎﺗﮫ ﮐﯽ ﺑﻨﯽ ﮨﻮﺋﯽ ﭼﯿﺰﻭﮞ ﮐﺎ ﺫﺍﺋﻘﮧ ﮨﯽ ﺍﻟﮓ ﺳﺎ ﮨﻮﺗﺎ ﮨﮯ۔ ﺧﻮﺩﺑﺨﻮﺩ ﭘﮩﭽﺎﻥ ﮨﻮﺟﺎﺗﯽ ﮨﮯ۔ ‘‘ ﻭﮦ ﺗﻌﺮﯾﻒ ﮐﺮﺭﮨﺎ ﺗﮭﺎ ‘ ﻭﮦ ﺑﻤﺸﮑﻞ ﻣﺴﮑﺮﺍﺳﮑﯽ ﭘﮭﺮ ﺍﺳﮯ ﺑﻐﻮﺭ ﺩﯾﮑﮭﻨﮯ ﻟﮕﯽ۔
’’ ﮐﯿﺎ ﺑﺎﺕ ﮨﮯ ﺑﯿﮕﻢ ﺻﺎﺣﺒﮧ ! ﺍﯾﺴﮯ ﮐﯿﻮﮞ ﺩﯾﮑﮫ ﺭﮨﯽ ﮨﻮ … ﮐﯿﺎ ﮐﭽﮫ ﺯﯾﺎﺩﮦ ﮨﯽ ﺍﭼﮭﺎ ﻟﮓ ﺭﮨﺎ ﮨﻮﮞ ﯾﺎ ﺑﮩﺖ ﭘﯿﺎﺭ ﺁﺭﮨﺎ ﮨﮯ ﻣﺠﮫ ﭘﺮ ‘‘… ﻭﮦ ﺳﺮ ﺟﮭﮑﺎﺋﮯ ﮨﻮﺋﮯ ﺗﮭﺎ ﻣﮕﺮ ﺍﭼﺎﻧﮏ ﺳﺮ ﺍﭨﮭﺎﮐﺮ ﺳﻮﺍﻝ ﺩﺍﻏﺎ ﺗﮭﺎ ‘ ﻭﮦ ﺑﻮﮐﮭﻼ ﺳﯽ ﮔﺌﯽ ﻓﻮﺭﺍً ﻧﻔﯽ ﻣﯿﮟ ﺳﺮ ﮨﻼﯾﺎ ﺗﮭﺎ۔
’’ ﻧﮩﯿﮟ … ﻣﯿﮟ ﺗﻮ ﺑﺲ ﻭﯾﺴﮯ ﮨﯽ ﯾﻮﮞ ﮨﯽ ‘‘… ﺍﺱ ﺳﮯ ﮐﻮﺋﯽ ﺑﺎﺕ ﮨﯽ ﻧﮧ ﺑﻦ ﭘﮍﯼ۔ ﻭﮦ ﮐﮭﻞ ﮐﺮ ﻣﺴﮑﺮﺍﯾﺎ۔ ﻭﮦ ﺟﮭﯿﻨﭗ ﮔﺌﯽ۔ ﺑﺪﻝ ﺗﻮ ﻭﮦ ﺑﮭﯽ ﮔﺌﯽ ﮨﺮ ﮨﺮ ﺍﻧﺪﺍﺯ ‘ ﮨﺮ ﺭﻧﮓ ﻧﺮﺍﻻ ﺗﮭﺎ۔ ﺩﻥ ﺑﮧ ﺩﻥ ﻧﮑﮭﺮﺗﯽ ﭼﻠﯽ ﺁﺭﮨﯽ ﺗﮭﯽ۔ ﺧﻮﺏ ﺻﻮﺭﺕ ﺗﻮ ﭘﮩﻠﮯ ﺑﮭﯽ ﺣﺪ ﺳﮯ ﺳﻮﺍ ﺗﮭﯽ ﻣﮕﺮ ﺍﺏ ﯾﻮﮞ ﻟﮕﺘﺎ ﺗﮭﺎ ﮐﮧ ﺟﯿﺴﮯ ﮐﺎﺋﻨﺎﺕ ﮐﺎ ﺳﺎﺭﺍ ﺣُﺴﻦ ﺍﺱ ﮐﮯ ﻭﺟﻮﺩ ﻣﯿﮟ ﺁﺳﻤﺎﯾﺎ ﮨﻮ۔ ﺷﺎﯾﺪ ﻣﺎﮞ ﺑﻨﻨﮯ ﮐﺎ ﺍﻋﺰﺍﺯ ﺗﮭﺎ ﯾﮧ۔
’’ ﺳﻨﻮ ﺭﺍﺑﯿﻞ ! ﺗﻢ ﺧﻮﺵ ﮨﻮ ﻧﺎ … ﭼﻨﺪ ﻣﺎﮦ ﺑﻌﺪ ﺑﮭﯿﺎ ﺑﮭﺎﺑﯽ ﮐﯽ ﻃﺮﺡ ﮨﻤﺎﺭﯼ ﺑﮭﯽ ﺍﻭﻻﺩ ﮨﻮﮔﯽ۔ ﮨﯿﮟ ﻧﺎﮞ … ﻭﮦ ﺩﻥ ﮐﺘﻨﺎ ﺧﻮﺏ ﺻﻮﺭﺕ ﮨﻮﮔﺎ ‘‘… ﻭﮦ ﭼﺸﻢ ﺗﺼﻮﺭ ﻣﯿﮟ ﻧﮧ ﺟﺎﻧﮯ ﮐﮩﺎﮞ ﮔﻢ ﺗﮭﺎ۔ ﺍﺱ ﺧﯿﺎﻝ ﺳﮯ ﮨﯽ ﺧﻮﺵ ﮨﻮﺭﮨﺎ ﺗﮭﺎ۔ ﻭﮦ ﻣﺴﮑﺮﺍﺩﯼ۔
’’ ﻇﺎﮨﺮ ﮨﮯ ‘ ﻣﺎﮞ ﺑﻨﻨﮯ ﮐﯽ ﺧﻮﺷﯽ ﮐﺲ ﻋﻮﺭﺕ ﮐﻮ ﻧﮩﯿﮟ ﮨﻮﺗﯽ … ﺍﺳﯽ ﺧﯿﺎﻝ ﺳﮯ ﻣﯿﺮﯼ ﺭﻭﺡ ﺳﺮﺷﺎﺭ ﮨﻮﻧﮯ ﻟﮕﺘﯽ ﮨﮯ ﮐﮧ ﺟﻨﺖ ﻟﻤﺤﮧ ﺑﮧ ﻟﻤﺤﮧ ﻣﯿﺮﮮ ﻗﺪﻣﻮﮞ ﺗﻠﮯ ﺳﺮﮐﺘﯽ ﺁﺭﮨﯽ ﮨﮯ۔ ’’ ﻭﺟﻮﺩِ ﺯﻥ ﺳﮯ ﮨﮯ ﺗﺼﻮﯾﺮ ﮐﺎﺋﻨﺎﺕ ﻣﯿﮟ ﺭﻧﮓ ‘‘ ﺷﺎﯾﺪ ﺍﺳﯽ ﻟﺌﮯ ﮐﮩﺎ ﮔﯿﺎ ﮨﮯ ﻣﮕﺮ ﮈﺭ ﺑﮭﯽ ﻟﮕﺘﺎ ﮨﮯ ‘ ﺍﺱ ﻧﺎﻣﻌﻠﻮﻡ ﻭﻗﺖ ﺳﮯ۔ ﯾﮧ ﻣﻘﺎﻡ ‘ ﯾﮧ ﺭﺗﺒﮧ ‘ ﮐﯿﺎ ﺍﺱ ﮐﮯ ﻻﺋﻖ ﮨﻮﮞ؟ ﺍﻟﻠﮧ ﺑﮩﺖ ﺭﺣﯿﻢ ﻭ ﮐﺮﯾﻢ ﮨﮯ۔ ﮐﮩﯿﮟ ﺯﻧﺪﮔﯽ ﮐﯽ ﺑﺴﺎﻁ ﻣﯿﮟ ﮐﻮﺋﯽ ﻣﮩﺮﮦ ﺍﻟﭩﺎ ﻧﮧ ﭼﻞ ﺟﺎﺋﮯ ﮨﻢ ﺳﮯ۔ ﻧﮧ ﺟﺎﻧﮯ ﻭﻗﺖ ﮐﮯ ﺩﺍﻣﻦ ﻣﯿﮟ ﮨﻤﺎﺭﮮ ﻟﺌﮯ ﮐﯿﺎ ﮨﮯ۔ ﺍﻭﻻﺩ ﭘﯿﺪﺍ ﮐﺮﻧﺎ ﺷﺎﯾﺪ ﺍﺗﻨﺎ ﻣﺸﮑﻞ ﺍﻣﺮ ﻧﮩﯿﮟ ‘ ﺍﺱ ﮐﯽ ﺑﮩﺘﺮ ﺗﺮﺑﯿﺖ ﮐﺮﻧﺎ ﻣﺸﮑﻞ ﻣﺮﺣﻠﮧ ﮨﮯ۔ ﻣﺎﮞ ﺑﺎﭖ ﮐﯽ ﺫﺭﺍﺳﯽ ﭼﻮﮎ ‘ ﺗﮭﻮﮌﯼ ﺳﯽ ﻏﻔﻠﺖ ﺍﻭﻻﺩ ﮐﻮ ﮐﯿﺎ ﺳﮯ ﮐﯿﺎ ﺑﻨﺎﺩﯾﺘﯽ ﮨﮯ۔ ‘‘ ﻋﺒﺪﺍﻟﺒﺎﺭﯼ ﭼﭗ ﮐﺎ ﭼﭗ ﺭﮦ ﮔﯿﺎ ﺗﮭﺎ ‘ ﺻﺮﻑ ﺍﺱ ﮐﻮ ﺩﯾﮑﮭﺘﺎ ﺭﮨﺎ ﺗﮭﺎ ﺟﺲ ﮐﺎ ﺍﯾﻤﺎﻥ ﺑﮩﺖ ﭘﺨﺘﮧ ﺗﮭﺎ ‘ ﯾﻘﯿﻦ ﺑﮩﺖ ﺭﺍﺳﺦ ﺗﮭﺎ ‘ ﺳﻮﭺ ﺑﮩﺖ ﺷﻔﺎﻑ ﺍﻭﺭ ﭘﺎﮐﯿﺰﮦ ﺗﮭﯽ ﻭﺭﻧﮧ ﺍﺗﻨﯽ ﮐﻢ ﻋﻤﺮﯼ ﻣﯿﮟ ﻭﮦ ﺑﮭﯽ ﺍﺱ ﺗﺠﺮﺑﮯ ﺳﮯ ﮔﺰﺭﺗﮯ ﮨﻮﺋﮯ ﻟﮍﮐﯿﺎﮞ ﺍﺗﻨﯽ ﭘﺨﺘﮕﯽ ﺍﻭﺭ ﮔﮩﺮﺍﺋﯽ ﺳﮯ ﺑﮭﻼ ﮐﺐ ﺳﻮﭼﺘﯽ ﮨﯿﮟ۔ ﺭﺍﺑﯿﻞ ﮐﯽ ﯾﮩﯽ ﺧﻮﺑﯽ ﺗﻮ ﺍﺳﮯ ﻣﺘﺎﺛﺮ ﮐﺮﺗﯽ ﺗﮭﯽ۔