(Last Updated On: )
نور ، نور لے آیا جیس دا بڑا چانن
بھل گیاں نوں دیندا اے راہ جو وکھا چانن
آمنہ دے ول کعبہ وجد وچ پیا جھُکدا
بھوئیں ول جھکے تارے کہن آ رہیا چانن
آپ جد ہوئے پیدا نس گیا ہنیرا اے
نعت آکھدی اے دنیا تے آ گیا چانن
خلق نوں جو خالق دے نال ہے ملا دیندا
خُلق آپ دے کیتا جگ نوں اوہ عطا چانن
چاننا تے سورج وی اس جہان تے کردا
کل جہان چمکوندا آپ دا جدا چانن
جد وصال ہویا تے امتیاں لئی چھڈ گئے
آل تے کتاب آلا ویکھ مصطفی چانن
ایہ وصال دا قطعہ کنج میں بھلا کہندا
اعجازؔ دتا اے آپ نعت دا چانن
