ﻧﻮﻧﮩﺎﻟﻮﮞ ﮐﺎ ﻣﺴﺘﻘﺒﻞ

ﺍﺱ ﺩﻓﻌﮧ ﺑﮭﯽ ﻋﺒﺪﺍﻟﺒﺎﺭﯼ ﺳﺮﺧﺮﻭ ﻭ ﮐﺎﻣﯿﺎﺏ ﻟﻮﭨﺎ ﺗﮭﺎ ‘ ﭘﻮﺭﺍ ﮔﺮﻭﮦ ﮔﺮﻓﺘﺎﺭ ﮐﺮﻟﯿﺎ ﮔﯿﺎ ﺗﮭﺎ ﺻﺮﻑ ﺩﻭ ﺍﻓﺮﺍﺩ ﺑﮭﺎﮔﻨﮯ ﻣﯿﮟ ﮐﺎﻣﯿﺎﺏ ﮨﻮﮔﺌﮯ ﺗﮭﮯ۔ ﻭﮦ ﯾﮧ ﺳﺐ ﺍﭘﻨﮯ ﻃﻮﺭ ﭘﺮ ﮐﺮﺭﮨﺎ ﺗﮭﺎ۔ ﺗﯿﻤﻮﺭ ﺛﻘﻠﯿﻦ ﺳﯽ ﺍﯾﺲ ﭘﯽ ﮐﯽ ﻃﺮﻑ ﺳﮯ ﺍﺱ ﭘﺮ ﺑﮩﺖ ﺩﺑﺎﺅ ﺗﮭﺎ ﻣﮕﺮ ﻭﮦ ﮐﺴﯽ ﮐﯽ ﺑﮭﯽ ﻧﮩﯿﮟ ﺳﻦ ﺭﮨﺎ ﺗﮭﺎ۔ ﮐﺴﯽ ﮐﻮ ﺑﮭﯽ ﺧﺎﻃﺮ ﻣﯿﮟ ﻧﮩﯿﮟ ﻻﺭﮨﺎ ﺗﮭﺎ ﭼﻮﻧﮑﮧ ﺍﺱ ﮐﺎ ﮔﺰﺷﺘﮧ ﺭﯾﮑﺎﺭﮈﺑﮯ ﺩﺍﻍ ﺗﮭﺎ ﺳﻮ ﺍﺱ ﮐﮯ ﻣﺘﻌﻠﻖ ﮐﻮﺋﯽ ﻋﻤﻠﯽ ﻗﺪﻡ ﺑﮭﯽ ﻧﮩﯿﮟ ﺍﭨﮭﺎﺭﮨﺎ ﺗﮭﺎ۔ ﻭﮦ ﮨﺮ ﮐﯿﺲ ﺑﮩﺖ ﺍﺣﺘﯿﺎﻁ ﺳﮯ ﺣﻞ ﮐﺮﺗﺎ ﺗﮭﺎ۔ ﮔﺰﺷﺘﮧ ﻭﺍﻗﻌﺎﺕ ﮐﯽ ﻃﺮﺡ ﺍﺱ ﻧﮯ ﺍﺱ ﮐﯿﺲ ﮐﯽ ﺑﮭﯽ ﭘﺮﯾﺲ ﻣﯿﮟ ﺍﻭﺭ ﭘﻮﺭﮮ ﻣﯿﮉﯾﺎ ﮐﮯ ﺫﺭﯾﻌﮯ ﮐﻮﺭﯾﺞ ﮐﺮﻭﺍﺩﯼ ﺗﮭﯽ ﺳﻮ ﮐﻮﺋﯽ ﺑﮭﯽ ﺍﺱ ﭘﺮ ﮨﺎﺗﮫ ﮈﺍﻟﺘﮯ ﮨﻮﺋﮯ ﺳﻮ ﺑﺎﺭ ﺳﻮﭺ ﺭﮨﺎ ﺗﮭﺎ ﺟﺐ ﮐﮧ ﺍﺱ ﺩﻓﻌﮧ ﺍﺱ ﻧﮯ ﺟﻦ ﻟﻮﮔﻮﮞ ﮐﻮ ﮔﺮﻓﺘﺎﺭ ﮐﯿﺎ ﺗﮭﺎ ﺍﻧﮩﻮﮞ ﻧﮯ ﮈﯼ ﺁﺋﯽ ﺟﯽ ﺍﮐﺮﺍﻡ ﺭﺣﻤﻦ ﮐﮯ ﻣﺘﻌﻠﻖ ﮐﺎﻓﯽ ﮐﭽﮫ ﺍﮔﻼ ﺗﮭﺎ۔ ﻋﺒﺪﺍﻟﺒﺎﺭﯼ ﮐﺎ ﺍﺏ ﺍﮔﻼ ﭨﺎﺭﮔﭧ ﺍﮐﺮﺍﻡ ﺭﺣﻤﻦ ﺗﮭﺎ ﻣﮕﺮ ﻭﮦ ﺍﺱ ﭘﺮ ﮨﺎﺗﮫ ﮈﺍﻟﻨﮯ ﺳﮯ ﭘﮩﻠﮯ ﮨﺮ ﻃﺮﺡ ﺳﮯ ﺗﺴﻠﯽ ﮐﺮﻟﯿﻨﺎ ﭼﺎﮨﺘﺎ ﺗﮭﺎ۔ ﻣﻀﺒﻮﻁ ﺍﻭﺭ ﭨﮭﻮﺱ ﺷﻮﺍﮨﺪ ﮐﯽ ﺭﻭﺷﻨﯽ ﻣﯿﮟ ﭘﮑﮯ ﮨﺎﺗﮫ ﮈﺍﻟﻨﺎ ﭼﺎﮨﺘﺎ ﺗﮭﺎ۔
ﻭﮦ ﺍﭘﻨﮯ ﺁﻓﺲ ﻣﯿﮟ ﺗﮭﺎ ﺟﺐ ﺍﺭﻗﻢ ﮐﯽ ﮐﺎﻝ ﺁﺋﯽ ﺗﮭﯽ۔ ﻭﮦ ﻓﻮﺭﺍً ﻧﮑﻞ ﮐﮭﮍﺍ ﮨﻮﺍ ﺗﮭﺎ۔ ﺍﺭﻗﻢ ﮐﮯ ﭘﺎﺱ ﺍﮐﺮﺍﻡ ﺭﺣﻤﻦ ﮐﮯ ﻣﺘﻌﻠﻖ ﮐﺎﻓﯽ ﺛﺒﻮﺕ ﺗﮭﮯ۔ ﺍﺩﮬﺮ ﺍُﺩﮬﺮ ﮐﯽ ﺑﮭﺎﮒ ﺩﻭﮌ ﻣﯿﮟ ﻋﺒﺪﺍﻟﺒﺎﺭﯼ ﮐﺎ ﺳﺎﺭﺍ ﺩﻥ ﻧﮑﻞ ﮔﯿﺎ ﺗﮭﺎ۔ ﺷﺎﻡ ﮐﮯ ﻗﺮﯾﺐ ﻭﮦ ﮔﮭﺮ ﻟﻮﭨﺎ ﺗﮭﺎ ‘ ﺳﺎﻣﻨﮯ ﺳﺐ ﮨﯽ ﭘﺮﯾﺸﺎﻥ ﻭ ﻣﺘﻔﮑﺮ ﺩﮐﮭﺎﺋﯽ ﺩﯾﺌﮯ ﺗﮭﮯ۔
’’ ﮐﯿﺎ ﮨﻮﺍ … ؟ ‘‘ ﺑﮭﺎﺑﯽ ‘ ﺍﻣﯽ ﺍﻭﺭ ﺭﺍﺑﯿﻞ ﮐﻮ ﺭﻭﺗﮯ ﺩﯾﮑﮫ ﮐﺮ ﺍﺱ ﻧﮯ ﭘﻮﭼﮭﺎ۔
’’ ﺻﺒﺢ ﻓﮩﺪ ﺍﺳﮑﻮﻝ ﮔﯿﺎ ﺗﮭﺎ ﺍﺳﮯ ﮐﺴﯽ ﻧﮯ ﺍﻏﻮﺍ ﮐﺮﻟﯿﺎ ﮨﮯ … ﺍﺱ ﮐﮯ ﺍﺳﮑﻮﻝ ﺳﮯ ﭘﺘﮧ ﮐﺮﻭﺍﯾﺎ ﺗﻮ ﻋﻠﻢ ﮨﻮﺍ ﮐﮧ ﮐﻮﺋﯽ ﺩﻭ ﺁﺩﻣﯽ ﺗﻤﮩﺎﺭﺍ ﻧﺎﻡ ﻟﮯ ﮐﺮ ﺍﺳﮯ ﻟﮯ ﮔﺌﮯ ﺗﮭﮯ۔ ‘‘ ﺑﺎﺑﺎ ﻧﮯ ﺑﺘﺎﯾﺎ ﻭﮦ ﺣﯿﺮﺍﻥ ﻭ ﺷﺸﺪﺭ ﺭﮦ ﮔﯿﺎ۔ ’’ ﺗﮭﻮﮌﯼ ﺩﯾﺮ ﭘﮩﻠﮯ ﮐﭽﮫ ﻧﺎﻣﻌﻠﻮﻡ ﻟﻮﮔﻮﮞ ﮐﺎ ﻓﻮﻥ ﺁﯾﺎ ﮨﮯ … ﺳﺨﺖ ﺩﮬﻤﮑﯿﺎﮞ ﺩﮮ ﺭﮨﮯ ﺗﮭﮯ۔ ﻭﮦ ﮐﮩﮧ ﺭﮨﮯ ﺗﮭﮯ ﺍﮔﺮ ﮨﻤﯿﮞﻔﮩﺪ ﺯﻧﺪﮦ ﺳﻼﻣﺖ ﭼﺎﮨﺌﮯ ﺗﻮ ﺗﻢ ﺍﻥ ﮐﮯ ﮔﺮﻓﺘﺎﺭ ﮐﺌﮯ ﮨﻮﺋﮯ ﺁﺩﻣﯿﻮﮞ ﮐﻮ ﭼﮭﻮﮌ ﺩﻭ ‘‘… ﻭﮦ ﭼﭗ ﮐﺎ ﭼﭗ ﮐﮭﮍﺍ ﺭﮦ ﮔﯿﺎ۔ ﺭﺍﺑﯿﻞ ﺍﭘﻨﮯ ﺑﭽﮯ ﮐﯽ ﺑﺎﺕ ﮐﺮﺭﮨﯽ ﺗﮭﯽ ﺍﻭﺭ ﯾﮩﺎﮞ ﻭﮦ ﮨﺎﺗﮫ ﺍﻥ ﮐﮯ ﮔﮭﺮ ﺑﮭﯽ ﭘﮩﻨﭻ ﮔﺌﮯ ﺗﮭﮯ۔ ﻓﺮﻗﺎﻥ ﺑﮭﺎﺋﯽ ﻧﮯ ﺑﺘﺎﯾﺎ۔
ﺍﻣﯽ ‘ ﺑﮭﺎﺑﯽ ﮐﺎ ﺭﻭ ﺭﻭ ﮐﺮ ﺑﺮﺍ ﺣﺎﻝ ﮨﻮﺭﮨﺎ ﺗﮭﺎ۔ ﺭﺍﺑﯿﻞ … ﺭﺍﺑﯿﻞ ﺟﺲ ﮐﯽ ﺍﭘﻨﯽ ﺣﺎﻟﺖ ﺍﻥ ﺩﻧﻮﮞ ﮐﭽﮫ ﺍﯾﺴﯽ ﺗﮭﯽ ﮐﮧ ﺍﺳﮯ ﺟﺘﻨﺎ ﺑﮭﯽ ﭨﯿﻨﺸﻦ ﻭﻏﯿﺮﮦ ﺳﮯ ﺩﻭﺭ ﺭﮐﮭﺎ ﺟﺎﺗﺎ ﺍﺗﻨﺎ ﮨﯽ ﺑﮩﺘﺮ ﺗﮭﺎ ﻣﮕﺮ ﻭﮦ ﺍﭘﻨﯽ ﺣﺎﻟﺖ ﮐﯽ ﭘﺮﻭﺍ ﮐﺌﮯ ﺑﻐﯿﺮ ﺑﮭﺎﺑﯽ ﺍﻭﺭ ﺍﻣﯽ ﮐﮯ ﺳﺎﺗﮫ ﻟﮕﯽ ﺩﻝ ﺟﻮﺋﯽ ﮐﺮﺭﮨﯽ ﺗﮭﯽ۔
’’ ﺭﺍﺑﻄﮧ ﮐﺮﻧﮯ ﮐﮯ ﻟﺌﮯ ﺍﻧﮩﻮﮞ ﻧﮯ ﮐﻮﺋﯽ ﻣﯿﺴﺞ ﻭﻏﯿﺮﮦ ﺗﻮ ﭼﮭﻮﮌﺍ ﮨﻮﮔﺎ ‘‘… ﻓﮩﺪ ﺗﻮ ﺍﺳﮯ ﺑﮭﯽ ﺑﮩﺖ ﻋﺰﯾﺰ ﺗﮭﺎ۔ ﯾﮧ ﺍﻭﺭ ﺑﺎﺕ ﺗﮭﯽ ﮐﮧ ﮐﺒﮭﯽ ﺁﮔﮯ ﺑﮍﮪ ﮐﺮ ﻣﻈﺎﮨﺮﮦ ﻧﮩﯿﮟ ﮐﯿﺎ ﺗﮭﺎ ﺍﻭﺭ ﺍﺏ …
’’ ﯾﮧ ﻧﻤﺒﺮﺯ ﻟﮑﮭﻮﺍﺋﮯ ﺗﮭﮯ ﺍﻧﮩﻮﮞ ﻧﮯ۔ ﮨﻢ ﻧﮯ ﺍﯾﮏ ﺩﻭ ﺩﻓﻌﮧ ﺍﻥ ﻧﻤﺒﺮﻭﮞ ﮐﻮ ﭨﺮﯾﺲ ﮐﺮﻭﺍﻧﮯ ﮐﯽ ﮐﻮﺷﺶ ﮐﯽ ﮨﮯ ﻣﮕﺮ ﮐﻮﺋﯽ ﺭﺳﭙﺎﻧﺲ ﮨﯽ ﻧﮩﯿﮟ ﻣﻞ ﺭﮨﺎ ‘‘… ﺑﺎﺑﺎ ﻧﮯ ﺍﺳﮯ ﺍﯾﮏ ﭘﺮﭼﮧ ﺗﮭﻤﺎﯾﺎ ﺗﮭﺎ۔ ﻭﮦ ﺑﻐﻮﺭ ﺩﯾﮑﮭﻨﮯ ﻟﮕﺎ۔
’’ ﺑﮯ ﻓﮑﺮ ﺭﮨﯿﮯ ﺍﻭﺭ ﺣﻮﺻﻠﮧ ﮐﯿﺠﺌﮯ۔ ﻣﯿﮟ ﺩﯾﮑﮭﺘﺎﮨﻮﮞ … ﺍﻧﺸﺎﺀ ﺍﻟﻠﮧ ﻓﮩﺪ ﺯﻧﺪﮦ ﺳﻼﻣﺖ ﮔﮭﺮ ﺁﺋﮯ ﮔﺎ۔ ‘‘ ﭘﺮﭼﮧ ﺟﯿﺐ ﻣﯿﮟ ﮈﺍﻝ ﮐﺮ ﻭﮦ ﺑﺎﮨﺮ ﻧﮑﻞ ﮔﯿﺎ ﺗﮭﺎ۔
’’ ﺑﺎﺭﯼ … ﺭﮐﻮ ‘‘… ﺍﺑﮭﯽ ﻭﮦ ﮔﺎﮌﯼ ﻣﯿﮟ ﺑﯿﭩﮫ ﺭﮨﺎ ﺗﮭﺎ ﺟﺐ ﺭﺍﺑﯿﻞ ﮐﯽ ﺁﻭﺍﺯ ﭘﺮ ﺭﮎ ﮔﯿﺎ۔ ﭘﻠﭧ ﮐﺮ ﺍﺳﮯ ﺩﯾﮑﮭﺎ ‘ ﺭﻭ ﺭﻭ ﮐﺮ ﺁﻧﮑﮭﯿﮟ ﺳﻮﺟﯽ ﮨﻮﺋﯽ ﺗﮭﯿﮟ۔ ﺑﮍﯼ ﺳﯽ ﭼﺎﺩﺭ ﻣﯿﮟ ﺍﭘﻨﮯ ﻭﺟﻮﺩ ﮐﻮ ﭼﮭﭙﺎﺋﮯ ﻭﮦ ﺍﺱ ﮐﮯ ﻗﺮﯾﺐ ﺁﺋﯽ ﺗﮭﯽ۔
’’ ﺧﯿﺎﻝ ﺭﮐﮭﯿﺌﮯ ﮔﺎ … ﮐﺴﯽ ﺑﮭﯽ ﻟﻤﺤﮯ ﺟﺬﺑﺎﺗﯽ ﻧﮧ ﮨﻮﺟﺎﺋﯿﮯ ﮔﺎ … ﺍﯾﮏ ﻃﺮﻑ ﻭﻃﻦ ﮐﮯ ﺩﺷﻤﻦ ﮨﯿﮟ ﺗﻮ ﺩﻭﺳﺮﯼ ﻃﺮﻑ ﻓﮩﺪ … ﺑﺲ ﮨﻤﯿﮟ ﻓﮩﺪ ﭼﺎﮨﺌﮯ ﺯﻧﺪﮦ ﺳﻼﻣﺖ … ﮐﭽﮫ ﺑﮭﯽ ﮐﺮﯾﮟ ﺑﺲ ﻭﮦ ﮨﻤﯿﮟ ﻻﺩﯾﮟ ﻭﺭﻧﮧ ﺑﮭﺎﺑﯽ ﺭﻭ ﺭﻭ ﮐﺮ ﻣﺮﺟﺎﺋﯿﮟ ﮔﯽ ‘‘… ﮨﺎﺗﮭﻮﮞ ﻣﯿﮟ ﭼﮩﺮﮦ ﭼﮭﭙﺎﮐﺮ ﻭﮦ ﺭﻭ ﭘﮍﯼ ﺗﮭﯽ۔ ﻋﺒﺪﺍﻟﺒﺎﺭﯼ ﻧﮯ ﻟﺐ ﺑﮭﯿﻨﭻ ﻟﺌﮯ ﺗﮭﮯ۔
’’ ﺣﻮﺻﻠﮧ ﺭﮐﮭﻮ … ﺍﻧﺸﺎﺀ ﺍﻟﻠﮧ ﻭﮦ ﻣﻞ ﺟﺎﺋﮯ ﮔﺎ۔ ‘‘ ﺁﮒ ﺟﺐ ﮔﮭﺮ ﮐﻮ ﻟﮕﺘﯽ ﮨﮯ ﺗﻮ ﻋﻠﻢ ﮨﻮﺗﺎ ﮨﮯ ﮐﮧ ﺍﺱ ﮐﯽ ﺗﭙﺶ ﮐﯿﺎ ﮨﮯ۔ ﺍﺱ ﻧﮯ ﺍﺱ ﺳﮯ ﺩﻋﻮﯼٰ ﺑﮩﺖ ﺑﮍﺍ ﮐﯿﺎ ﺗﮭﺎ ﺍﻭﺭ ﺁﺝ … ﻋﺒﺪﺍﻟﺒﺎﺭﯼ ﺍﺱ ﮐﺎ ﮐﻨﺪﮬﺎ ﺗﮭﭙﺘﮭﭙﺎ ﮐﺮ ﭼﻼ ﮔﯿﺎ ﺗﮭﺎ۔ ﺧﻮﻥ ﮐﮯ ﺭﺷﺘﻮﮞ ﮐﯽ ﮐﺸﺶ ﺍﻭﺭ ﺩﮐﮫ ﮐﺘﻨﺎ ﮔﮩﺮﺍ ﮨﻮﺗﺎ ﮨﮯ ‘ ﭘﯿﭽﮭﮯ ﻭﮦ ﮈﺑﮉﺑﺎﺋﯽ ﺁﻧﮑﮭﻮﮞ ﺳﻤﯿﺖ ﺍﺳﮯ ﺩﯾﮑﮭﺘﯽ ﺭﮨﯽ۔
ﻋﺒﺪﺍﻟﺒﺎﺭﯼ ﻧﮯ ﺍﻥ ﻟﻮﮔﻮﮞ ﺳﮯ ﺭﺍﺑﻄﮧ ﮐﯿﺎ ‘ ﻣﺼﺎﻟﺤﺖ ﮐﯽ ﮐﻮﺋﯽ ﺭﺍﮦ ﻧﮑﺎﻟﻨﺎ ﭼﺎﮨﯽ ﻣﮕﺮ ﻭﮦ ﮐﺴﯽ ﺑﮭﯽ ﻃﺮﺡ ﺁﻣﺎﺩﮦ ﻧﮧ ﮨﻮﺋﮯ۔ ﻓﮩﺪ ﮐﮯ ﺑﺪﻟﮯ ﺍﻥ ﮐﯽ ﮈﯾﻤﺎﻧﮉ ﺑﮩﺖ ﺑﮍﯼ ﺗﮭﯽ۔ ﺍﺱ ﻧﮯ ﺑﮍﯼ ﺟﺎﻥ ﺟﻮﮐﮭﻮﮞ ﺳﮯ ﯾﮧ ﮐﯿﺲ ﺣﻞ ﮐﯿﺎ ﺗﮭﺎ ‘ ﺑﮩﺖ ﺳﺎ ﺩﺑﺎﺅ ﺑﺮﺩﺍﺷﺖ ﮐﯿﺎ ﺗﮭﺎ ﺣﺘﯽٰ ﮐﮧ ﻣﻮﺕ ﮐﯽ ﺑﮭﯽ ﭘﺮﻭﺍ ﻧﮧ ﮐﺮﺗﮯ ﮨﻮﺋﮯ ﺑﮯ ﺧﻮﻑ ﻭ ﺧﻄﺮ ﺁﮒ ﻣﯿﮟ ﮐﻮﺩ ﭘﮍﺍ ﺗﮭﺎ۔ ﺍﯾﮏ ﻃﺮﻑ ﺍﮔﺮ ﻭﻃﻦ ﮐﯽ ﺑﺎﮒ ﮈﻭﺭ ﺳﻨﺒﮭﺎﻟﻨﮯ ﻭﺍﻟﮯ ﻧﻮﻧﮩﺎﻟﻮﮞ ﮐﺎ ﻣﺴﺘﻘﺒﻞ ﺧﻄﺮﮮ ﻣﯿﮟ ﺗﮭﺎ ‘ ﻣﭩﯽ ﮐﺎ ﻗﺮﺽ ﺗﮭﺎ ﺗﻮ ﺩﻭﺳﺮﯼ ﻃﺮﻑ ﻋﺰﯾﺰﺍﺯﺟﺎﻥ ﮨﺴﺘﯽ ﺗﮭﯽ۔ ﻭﮦ ﮐﺒﮭﯽ ﺑﮭﯽ ﺭﺷﺘﻮﮞ ﮐﮯ ﻣﺘﻌﻠﻖ ﺍﺗﻨﺎ ﺣﺴﺎﺱ ﻧﮩﯿﮟ ﮨﻮﺍ ﺗﮭﺎ ﺳﻮﺍﺋﮯ ﺭﺍﺑﯿﻞ ﮐﮯ ﻣﮕﺮ ﺍﺱ ﻣﻮﮌ ﭘﺮ ﺁﮐﺮ ﻭﮦ ﺍﻟﺠﮫ ﮔﯿﺎ ﺗﮭﺎ۔
’’ ﻭﻃﻦ ﺳﮯ ﺑﮍﮪ ﮐﺮ ﮐﻮﺋﯽ ﭼﯿﺰ ﺍﮨﻢ ﻧﮩﯿﮟ … ﺟﺐ ﯾﮧ ﻭﻃﻦ ﮨﯽ ﻧﮩﯿﮟ ﮨﻮﮔﺎ ‘ ﺍﺱ ﮐﯽ ﺑﺎﮒ ﮈﻭﺭ ﺳﻨﺒﮭﺎﻟﻨﮯ ﻭﺍﻟﮯ ﮨﺎﺗﮫ ﮨﯽ ﻧﮩﯿﮟ ﮨﻮﮞ ﮔﮯ ﺗﻮ ﭘﮭﺮ ﮐﯿﺎ ﮨﻢ ﺍﻭﺭ ﮐﯿﺎ ﮨﻤﺎﺭﮮ ﺑﭽﮯ ‘‘… ﺧﻮﺩ ﺳﮯ ﻟﮍﺗﮯ ﻟﮍﺗﮯ ﺍﯾﮏ ﻓﯿﺼﻠﮧ ﮨﻮﮔﯿﺎ ﺗﮭﺎ۔ ﺧﻮﻥ ﮐﯽ ﮐﺸﺶ ﺳﮯ ﺯﯾﺎﺩﮦ ﻭﻃﻦ ﮐﯽ ﻣﺤﺒﺖ ﺟﯿﺖ ﮔﺌﯽ ﺗﮭﯽ۔ ﺍﯾﮏ ﻧﺌﮯ ﻋﺰﻡ ‘ ﺍﯾﮏ ﻧﺌﮯ ﻭﻟﻮﻟﮯ ﮐﮯ ﺳﺎﺗﮫ ﻭﮦ ﻣﯿﺪﺍﻥ ﻣﯿﮟ ﺍﺗﺮﻧﮯ ﮐﮯ ﻟﺌﮯ ﺗﯿﺎﺭ ﺗﮭﺎ۔ ﺗﯿﺎﺭﯼ ﮨﺮ ﻃﺮﺡ ﺳﮯ ﻣﮑﻤﻞ ﺗﮭﯽ ‘ ﺯﻧﺪﮔﯽ ﺍﻭﺭ ﻣﻮﺕ ﺍﻟﻠﮧ ﮐﮯ ﮨﺎﺗﮫ ﻣﯿﮟ ﮨﮯ۔ ﻭﮦ ﺑﮩﺘﺮ ﺗﺪﺑﯿﺮ ﺗﻮ ﮐﺮﺳﮑﺘﺎ ﺗﮭﺎ ﺍﻭﺭ ﻭﮦ ﺁﺧﺮﯼ ﺩﻡ ﺗﮏ ﺍﻟﻠﮧ ﮐﯽ ﺭﺣﻤﺖ ﺳﮯ ﻣﺎﯾﻮﺱ ﻧﮩﯿﮟ ﺗﮭﺎ۔ﺟﺪﯾﺪ ﺩﻭﺭ ﺗﮭﺎ ‘ ﺳﺐ ﻟﻮﮒ ﺑﮩﺮﻭﭖ ﺑﺪﻟﮯ ﮨﻮﺋﮯ ﺗﮭﮯ۔ ﭘﻮﺭﯼ ﭘﻼﻧﻨﮓ ﮐﯽ ﮔﺌﯽ ﺗﮭﯽ۔ ﮐﻤﯽ ﺗﻮ ﻭﮦ ﭘﮩﻠﮯ ﺑﮭﯽ ﮐﻮﺋﯽ ﻧﮩﯿﮟ ﮨﻮﻧﮯ ﺩﯾﺘﺎ ﺗﮭﺎ ﺍﺱ ﺩﻓﻌﮧ ﺧﺎﺹ ﺗﯿﺎﺭﯼ ﮐﯽ ﺗﮭﯽ۔ ﺑﮩﺖ ﺧﻔﯿﮧ ﭘﯿﻤﺎﻧﮯ ﭘﺮ ﮐﺎﺭﺭﻭﺍﺋﯽ ﮐﯽ ﮔﺌﯽ ﺗﮭﯽ۔ ﺯﻣﯿﻦ ﮐﯽ ﺗﮩﮧ ﺗﮏ ﺟﺎﮐﮭﻨﮕﺎﻻ ﺗﮭﺎ۔ ﻓﮩﺪ ﺻﺤﯿﺢ ﺳﻼﻣﺖ ﻣﻞ ﮔﯿﺎ ﺗﮭﺎ ﻣﮕﺮ ﻭﮦ ﺧﻮﺩ ﺍﺱ ﺭﯾﮉ ﻣﯿﮟ ﺑﺮﯼ ﻃﺮﺡ ﺯﺧﻤﯽ ﮨﻮﺍ ﺗﮭﺎ۔
ﺍﺭﻗﻢ ‘ ﻓﮩﺪ ﮐﻮ ﮔﮭﺮ ﻟﮯ ﮔﯿﺎ ﺗﮭﺎ۔ ﮔﮭﺮ ﮐﮯ ﺍﺭﺩ ﮔﺮﺩ ﭘﻮﻟﯿﺲ ﮐﺎ ﺳﺨﺖ ﭘﮩﺮﺍ ﻟﮕﻮﺍﺩﯾﺎ ﮔﯿﺎ ﺗﮭﺎ۔ ﺧﻮﺩ ﺗﻮ ﻭﮦ ﺍﺱ ﺣﺎﻟﺖ ﻣﯿﮟ ﺑﮭﯽ ﻧﮧ ﺗﮭﺎ ﮐﮧ ﮐﭽﮫ ﮐﺮﺳﮑﺘﺎ۔ ﺍﺭﻗﻢ ﮐﻮ ﺳﺨﺖ ﺗﺎﮐﯿﺪ ﮐﯽ ﺗﮭﯽ ﮐﮧ ﮔﮭﺮ ﻭﺍﻟﻮﮞ ﮐﻮ ﺍﺱ ﮐﮯ ﺯﺧﻤﯽ ﮨﻮﻧﮯ ﺳﮯ ﻗﻄﻌﺎً ﺑﮯ ﺧﺒﺮ ﺭﮐﮭﺎ ﺟﺎﺋﮯ ﺍﻭﺭ ﺍﺭﻗﻢ ﻧﮯ ﺍﻭﺭ ﺩﻭﺳﺮﮮ ﺳﺎﺗﮭﯿﻮﮞ ﻧﮯ ﺍﺱ ﮐﮯ ﮐﺎﻡ ﮐﻮ ﺑﺨﻮﺑﯽ ﺳﺮﺍﻧﺠﺎﻡ ﺩﯾﺎ ﺗﮭﺎ۔ ﭘﯿﭽﮭﮯ ﮔﮭﺮ ﻭﺍﻟﮯ ﻗﻄﻌﯽ ﺑﮯ ﺧﺒﺮ ﺗﮭﮯ ‘ ﺳﺐ ﯾﮩﯽ ﺳﻤﺠﮭﮯ ﮨﻮﺋﮯ ﺗﮭﮯ ﮐﮧ ﻭﮦ ﮐﺴﯽ ﻧﮧ ﮐﺴﯽ ﮐﺎﻡ ﻣﯿﮟ ﺍﻟﺠﮭﺎ ﮨﻮﮔﺎ ﺍﻟﺒﺘﮧ ﻓﻮﻥ ﭘﺮ ﺍﯾﮏ ﺩﻭ ﺩﻓﻌﮧ ﺑﺎﺕ ﮐﯽ ﺗﮭﯽ ﺟﺲ ﺳﮯ ﮔﮭﺮ ﻭﺍﻟﮯ ﻣﻄﻤﺌﻦ ﮨﻮﮔﺌﮯ ﺗﮭﮯ۔
ﺍﺳﮯ ﺍﺳﭙﺘﺎﻝ ﻣﯿﮟ ﺗﯿﺴﺮﯼ ﺭﺍﺕ ﺗﮭﯽ ‘ ﮈﺍﮐﭩﺮ ﻧﮯ ﺍﺳﮯ ﺍﻭﮐﮯ ﮐﺮﺩﯾﺎ ﺗﮭﺎ ﺍﻭﺭ ﺑﯿﮉﺭﯾﺴﭧ ﮐﯽ ﺗﺎﮐﯿﺪ ﮐﯽ ﺗﮭﯽ۔ ﺭﺍﺕ ﺍﺳﭙﺘﺎﻝ ﻣﯿﮟ ﮔﺰﺍﺭﻧﮯ ﮐﯽ ﺑﺠﺎﺋﮯ ﺍﺱ ﻧﮯ ﺍﺭﻗﻢ ﺳﮯ ﭼﮭﭩﯽ ﻟﯿﻨﮯ ﮐﯽ ﺑﺎﺕ ﮐﯽ ﺗﮭﯽ۔ ﺩﻭ ﺑﺠﮯ ﮐﮯ ﻗﺮﯾﺐ ﻭﮦ ﮔﮭﺮ ﭘﮩﻨﭽﺎ ﺗﮭﺎ ‘ ﺍﺭﻗﻢ ﺍﺳﮯ ﮔﮭﺮ ﭼﮭﻮﮌ ﮐﺮ ﭼﻼ ﮔﯿﺎ ﺗﻮ ﻭﮦ ﮐﻤﺮﮮ ﻣﯿﮟ ﺁﮔﯿﺎ۔ ﮔﯿﭧ ﭘﺮ ﭼﻮﮐﯿﺪﺍﺭ ﺗﮭﺎ ‘ ﺍﺱ ﻧﮯ ﺩﺭﻭﺍﺯﮦ ﮐﮭﻮﻻ ﺗﮭﺎ ‘ ﺍﺳﮯ ﺍﯾﮏ ﺩﻭ ﺧﺎﺹ ﺗﺎﮐﯿﺪﯾﮟ ﮐﺮﮐﮯ ﻭﮦ ﺍﻧﺪﺭ ﺁﯾﺎ ﺗﮭﺎ۔ ﺍﺱ ﮐﺎ ﺧﯿﺎﻝ ﺗﮭﺎ ﮐﮧ ﺭﺍﺑﯿﻞ ﺳﻮﺋﯽ ﮨﻮﮔﯽ ﻣﮕﺮ ﺍﺳﮯ ﺟﺎﺋﮯ ﻧﻤﺎﺯ ﭘﺮ ﮐﮭﮍﮮ ﺩﯾﮑﮫ ﮐﺮ ﺭﮎ ﮔﯿﺎ۔ ﻭﮦ ﺷﺮﭦ ﺍﺗﺎﺭ ﮐﺮ ﺻﻮﻓﮯ ﭘﺮ ﻧﯿﻢ ﺩﺭﺍﺯ ﮨﻮﮔﯿﺎ۔ ﺟﻮﻻﺋﯽ ﮐﺎ ﻣﮩﯿﻨﮧ ﭼﻞ ﺭﮨﺎ ﺗﮭﺎ ‘ ﮔﺮﻣﯽ ﺧﺎﺻﯽ ﺯﻭﺭﻭﮞ ﭘﺮ ﺗﮭﯽ۔ ﮈﺍﮐﭩﺮ ﮐﯽ ﺩﯼ ﮔﺌﯽ ﻣﯿﮉﯾﺴﻦ ﺳﮯ ﻏﻨﻮﺩﮔﯽ ﻃﺎﺭﯼ ﮨﻮﺭﮨﯽ ﺗﮭﯽ ﻣﮕﺮ ﻭﮦ ﺍﺗﻨﯽ ﺟﻠﺪﯼ ﺭﺍﺑﯿﻞ ﺳﮯ ﺑﺎﺕ ﮐﺌﮯ ﺑﻐﯿﺮ ﺳﻮﻧﺎ ﻧﮩﯿﮟ ﭼﺎﮨﺘﺎ ﺗﮭﺎ۔ ﺳﻼﻡ ﭘﮭﯿﺮ ﮐﺮ ﭘﻠﭧ ﮐﺮ ﺭﺍﺑﯿﻞ ﻧﮯ ﺩﯾﮑﮭﺎ ‘ ﻋﺒﺪﺍﻟﺒﺎﺭﯼ ﮐﻮ ﺭﻭﻡ ﻣﯿﮟ ﺩﯾﮑﮫ ﮐﺮ ﺣﯿﺮﺍﻥ ﮨﻮﺋﯽ۔ ﻋﺒﺪﺍﻟﺒﺎﺭﯼ ﮐﯽ ﺍﺱ ﻭﻗﺖ ﺟﻮ ﺣﺎﻟﺖ ﺗﮭﯽ ﻭﮦ ﺯﯾﺎﺩﮦ ﺷﺎﮎ ﺯﺩﮦ ﮐﺮﮔﺌﯽ۔ ﺳﯿﻨﮯ ‘ ﺑﺎﺯﻭ ﭘﺮ ﭘﭩﯿﺎﮞ ﺑﻨﺪﮬﯽ ﮨﻮﺋﯽ ﺗﮭﯿﮟ۔ ﻭﮦ ﺑﮩﺖ ﺳﺮﻋﺖ ﺳﮯ ﺍﺱ ﮐﯽ ﻃﺮﻑ ﺁﺋﯽ ﺗﮭﯽ۔ ﺍﺱ ﺩﻥ ﺳﮯ ﻏﺎﺋﺐ ﺗﮭﺎ ‘ ﻓﮩﺪ ﮐﻮ ﺑﮭﯿﺞ ﺩﯾﺎ ﺗﮭﺎ ‘ ﺧﻮﺩ ﻧﮩﯿﮟ ﺁﯾﺎ ﺗﮭﺎ۔ ﻓﻮﻥ ﭘﺮ ﺍﯾﮏ ﺩﻭ ﺩﻓﻌﮧ ﺑﺎﺕ ﮨﻮﺋﯽ ﺗﻮ ﺳﺐ ﺧﯿﺮﯾﺖ ﮨﮯ ﮐﮩﮧ ﮐﺮ ﺗﺴﻠﯽ ﺩﮮ ﺩﯼ ﻣﮕﺮ ﺍﺏ ﯾﮧ ﺣﺎﻟﺖ … ﻭﮦ ﺁﻧﮑﮭﯿﮟ ﺑﻨﺪ ﮐﺌﮯ ﻧﯿﻢ ﺩﺭﺍﺯ ﺗﮭﺎ۔
’’ ﺑﺎﺭﯼ ‘‘!… ﻭﮦ ﮔﮭﭩﻨﻮﮞ ﮐﮯ ﺑﻞ ﺍﺱ ﮐﮯ ﺳﺎﻣﻨﮯ ﺑﯿﭩﮭﯽ ﺗﮭﯽ۔ ﺑﺎﺭﯼ ﻧﮯ ﺑﻮﺟﮭﻞ ﺁﻧﮑﮭﯿﮟ ﮐﮭﻮﻝ ﺩﯼ ﺗﮭﯿﮟ۔
’’ ﯾﮧ ﺳﺐ ﮐﯿﺎ ﮨﮯ ﺑﺎﺭﯼ … ؟ ‘‘ ﺍﺱ ﮐﮯ ﮔﮭﭩﻨﻮﮞ ﭘﺮ ﮨﺎﺗﮫ ﺭﮐﮭﮯ ﻭﮦ ﭘﻮﭼﮫ ﺭﮨﯽ ﺗﮭﯽ ﺟﺐ ﮐﮧ ﺁﻧﮑﮭﯿﮟ ﺑﺲ ﺑﮩﻨﮯ ﮐﻮ ﺑﮯ ﺗﺎﺏ ﺗﮭﯿﮟ۔
’’ ﺍﯾﮏ ﻗﺮﺽ ﺗﮭﺎ ﻣﺤﺒﺘﻮﮞﮑﺎ ‘ ﺭﺷﺘﻮﮞ ﮐﺎ ‘ ﺧﯿﺎﻝ ﮨﯽ ﻧﮧ ﺭﮨﺎ ﺍﻭﺭ ﯾﮧ ﺣﺎﻟﺖ ﮨﻮﮔﺌﯽ۔ ﺍﺏ ﺩﻋﺎ ﮨﮯ ﮐﺴﯽ ﻃﻮﺭ ﻣﭩﯽ ﮐﺎ ﻗﺮﺽ ﺑﮭﯽ ﺍﺗﺎﺭﺩﻭﮞ … ﺻﺪ ﺷﮑﺮ ﻣﯿﮟ ﺧﻮﺩﻏﺮﺽ ﻧﮧ ﺑﻨﺎ ﻭﺭﻧﮧ ﯾﮧ ﻣﺤﺒﺘﯿﮟ ﺑﮩﺖ ﺑﮍﺍ ﺧﺮﺍﺝ ﻣﺎﻧﮓ ﺭﮨﯽ ﺗﮭﯿﮟ۔ ﺑﺲ ﺍﺏ ﺗﻮ ﻭﻃﻦ ﮐﯽ ﺭﺍﮨﻮﮞ ﮐﻮ ﺍﭘﻨﮯ ﺧﻮﻥ ﺳﮯ ﻣﻨﻮﺭ ﮐﺮﻧﺎ ﺑﺎﻗﯽ ﮨﮯ۔ ‘‘ ﻭﮦ ﺑﻮﺟﮭﻞ ﺁﻭﺍﺯ ﻣﯿﮟ ﺑﻮﺟﮭﻞ ﺁﻧﮑﮭﯿﮟ ﻟﺌﮯ ﻧﮧ ﺟﺎﻧﮯ ﮐﯿﺎ ﮐﮩﮧ ﺭﮨﺎ ﺗﮭﺎ۔ ﺍﺱ ﮐﯽ ﺣﺎﻟﺖ ﺭﺍﺑﯿﻞ ﮐﮯ ﻟﺌﮯ ﻧﺎﻗﺎﺑﻞ ﺑﺮﺩﺍﺷﺖ ﺗﮭﯽ۔ ﮐﺐ ﺩﯾﮑﮭﺎ ﺗﮭﺎ ﺍﺱ ﻧﮯ ﮐﺒﮭﯽ ﺍﺱ ﺷﯿﺮﺟﻮﺍﻥ ﻣﺮﺩ ﮐﻮ ﯾﻮﮞ ﺍﺱ ﺣﺎﻟﺖ ﻣﯿﮟ۔ ﻏﻨﻮﺩﮔﯽ ﻃﺎﺭﯼ ﺗﮭﯽ ﺍﺱ ﭘﺮ۔ ﺭﺍﺑﯿﻞ ﻧﮯ ﺍﺳﮯ ﺟﮭﻨﺠﻮﮌ ﮈﺍﻻ ﺗﮭﺎ۔ ’’ ﺑﺎﺭﯼ … ﮨﻮﺵ ﮐﺮﯾﮟ … ﭘﻠﯿﺰ ﺑﺴﺘﺮ ﭘﺮ ﭼﻞ ﮐﺮ ﻟﯿﭩﯿﮟ۔ ‘‘ ﺭﻭﮨﺎﻧﺴﮯ ﻟﮩﺠﮯ ﻣﯿﮟ ﮐﮩﺎ ﮔﯿﺎ ﺗﮭﺎ۔ ﺑﺎﺭﯼ ﺍﭨﮫ ﮐﮭﮍﺍ ﮨﻮﺍ ﺗﮭﺎ۔ ﺭﺍﺑﯿﻞ ﻧﮯ ﺍﭘﻨﮯ ﮐﻤﺰﻭﺭ ﺳﮯ ﻭﺟﻮﺩ ﮐﺎ ﺳﮩﺎﺭﺍ ﺩﯾﺎ ﺗﮭﺎ۔ ﻟﯿﭧ ﮐﺮ ﻭﮦ ﺑﻤﺸﮑﻞ ﺁﻧﮑﮭﯿﮟ ﮐﮭﻮﻝ ﮐﺮ ﻣﺴﮑﺮﺍﯾﺎ۔
’’ ﺍﺳﯽ ﻟﺌﮯ ﻣﯿﮟ ﮔﮭﺮ ﻧﮩﯿﮟ ﺁﺭﮨﺎ ﺗﮭﺎ … ﺟﺎﻧﺘﺎ ﺗﮭﺎ ﺍﺱ ﺣﺎﻟﺖ ﻣﯿﮟ ﺩﯾﮑﮫ ﮐﺮ ﺗﻢ ﺳﺐ ﻟﻮﮒ ﭘﺮﯾﺸﺎﻥ ﮨﻮﺟﺎﺅ ﮔﮯ۔ ‘‘ ﺍﺳﮯ ﻣﺴﻠﺴﻞ ﺁﻧﺴﻮ ﺑﮩﺎﺗﮯ ﺩﯾﮑﮫ ﮐﺮ ﺑﺎﺭﯼ ﻧﮯ ﭨﻮﮐﺎ ﺗﻮ ﻭﮦ ﺿﺒﻂ ﮐﮭﻮﮔﺌﯽ۔
’’ ﺗﻮ ﭘﮭﺮ ﻣﯿﮟ ﮐﯿﺎ ﮐﺮﻭﮞ … ﺑﺘﺎﺋﯿﮟ ﻣﺠﮭﮯ ‘ ﻣﯿﮟ ﮐﯿﺎ ﮐﺮﻭﮞ … ؟ ‘‘ ﻭﮦ ﺍﺱ ﮐﮯ ﮐﻨﺪﮬﮯ ﭘﺮ ﺍﭘﻨﺎ ﺳﺮ ﺭﮐﮫ ﮐﺮ ﭘﮭﻮﭦ ﭘﮭﻮﭦ ﮐﺮ ﺭﻭﺋﯽ ﺗﮭﯽ۔ ﺣﺘﯽٰ ﮐﮧ ﯾﮧ ﺑﮭﯽ ﺧﯿﺎﻝ ﻧﮩﯿﮟ ﺭﮨﺎ ﺗﮭﺎ ﮐﮧ ﺍﺱ ﮐﮯ ﺳﯿﻨﮯ ﭘﺮ ﺯﺧﻢ ﮨﯿﮟ۔
’’ ﺭﺍﺑﯿﻞ ‘‘… ﺩﺭﺩ ﻧﺎﻗﺎﺑﻞ ﺑﺮﺩﺍﺷﺖ ﮨﻮﺍ ﺗﻮ ﺍﺱ ﻧﮯ ﺍﭘﻨﮯ ﮐﻨﺪﮬﮯ ﺳﮯ ﺍﺱ ﮐﺎ ﺳﺮ ﮨﭩﺎﯾﺎ۔ ﻋﺒﺪﺍﻟﺒﺎﺭﯼ ﮐﮯ ﭼﮩﺮﮮ ﭘﺮ ﺗﮑﻠﯿﻒ ﮐﮯ ﺁﺛﺎﺭ ﺩﯾﮑﮫ ﮐﺮ ﻭﮦ ﺧﻮﺩ ﮨﯽ ﻧﺎﺩﻡ ﮨﻮﮔﺌﯽ ﺗﮭﯽ۔
’’ ﺁﺋﻢ ﺳﻮﺭﯼ … ﮐﯿﺴﮯ ﮨﻮﺍ ﯾﮧ ﺳﺐ؟ ‘‘ ﺧﻮﺩ ﭘﺮ ﮐﭽﮫ ﻗﺎﺑﻮ ﭘﺎﮐﺮ ﭘﻮﭼﮭﺎ۔ ﻋﺒﺪﺍﻟﺒﺎﺭﯼ ﻧﮯ ﺁﮨﺴﺘﮧ ﺁﮨﺴﺘﮧ ﺍﺳﮯ ﺳﺎﺭﯼ ﺗﻔﺼﯿﻞ ﮐﮩﮧ ﺳﻨﺎﺋﯽ۔
’’ ﺑﺲ ﺯﺧﻢ ﮨﯿﮟ … ﭼﻨﺪ ﺩﻧﻮﮞ ﻣﯿﮟ ﻧﺎﺭﻣﻞ ﮨﻮﺟﺎﺋﯿﮟ ﮔﮯ … ﺍﺳﭙﺘﺎﻝ ﻣﯿﮟ ﺳﺨﺖ ﺑﮯ ﭼﯿﻨﯽ ﻣﺤﺴﻮﺱ ﮐﺮﺭﮨﺎ ﺗﮭﺎ۔ ﮈﺍﮐﭩﺮﻭﮞ ﮐﯽ ﻣﺴﯿﺤﺎﺋﯽ ﺳﮑﻮﻥ ﻧﮩﯿﮟ ﺩﮮ ﺭﮨﯽ ﺗﮭﯽ۔ ﺗﻤﮩﯿﮟ ﺩﯾﮑﮭﻨﮯ ﮐﯽ ﻃﻠﺐ ﺗﮭﯽ ﺑﺲ ﺭﺍﺕ ﮐﮯ ﺍﺱ ﭘﮩﺮ ﺳﺐ ﭼﮭﻮﮌ ﭼﮭﺎﮌ ﮐﺮ ﺗﻤﮩﺎﺭﯼ ﻣﺴﯿﺤﺎﺋﯽ ﻣﯿﮟ ﭼﻼ ﺁﯾﺎ۔ ‘‘ ﻭﮦ ﮐﮩﮧ ﺭﮨﺎ ﺗﮭﺎ۔ ﮐﺘﻨﯽ ﺷﺪﺕ ﺗﮭﯽ ﺟﺬﺑﻮﮞ ﻣﯿﮟ ‘ ﻭﮦ ﺟﻮﺍﺏ ﻣﯿﮟ ﮐﭽﮫ ﺑﮭﯽ ﻧﮧ ﮐﮩﮧ ﭘﺎﺋﯽ۔ ﺑﺲ ﺍﺱ ﮐﺎ ﺳﺮ ﺍﭘﻨﮯ ﮨﺎﺗﮭﻮﮞ ﺳﮯ ﺩﺑﺎﻧﮯ ﻟﮕﯽ۔ ﺍﺱ ﮐﮯ ﮨﺎﺗﮭﻮﮞ ﮐﯽ ﻧﺮﻣﺎﮨﭧ ﺗﮭﯽ ﺷﺎﯾﺪ ﮐﮧ ﻭﮦ ﺑﮩﺖ ﺟﻠﺪ ﻏﺎﻓﻞ ﮨﻮﮔﯿﺎ ﺗﮭﺎ۔
ﻭﮦ ﺟﺐ ﺗﮏ ﭨﮭﯿﮏ ﻧﮩﯿﮟ ﮨﻮﺍ ﺗﮭﺎ ﭼﮭﭩﯽ ﭘﺮ ﮨﯽ ﺗﮭﺎ۔ ﮔﮭﺮ ﻣﯿﮟ ﺳﺐ ﮨﯽ ﺍﺱ ﮐﮯ ﺁﮔﮯ ﭘﯿﭽﮭﮯ ﺍﺱ ﮐﯽ ﺧﺎﻃﺮ ﻣﺪﺍﺭﺕ ﻣﯿﮟ ﻟﮕﮯ ﮨﻮﺋﮯ ﺗﮭﮯ۔
ﭘﻮﺭﮮ ﺍﯾﮏ ﮨﻔﺘﮯ ﺑﻌﺪ ﺍﺱ ﻧﮯ ﺁﻓﺲ ﮐﺎ ﺩﻭﺑﺎﺭﮦ ﭼﺎﺭﺝ ﺳﻨﺒﮭﺎﻻ ﺗﮭﺎ۔ ﺑﮩﺖ ﺳﮯ ﮐﺎﻡ ﺗﮭﮯ ﻧﻤﭩﺎﻧﮯ ﻭﺍﻟﮯ ﭘﮭﺮ ﺍﺭﻗﻢ ﺍﺱ ﮐﺎ ﺭﺍﺋﭧ ﮨﯿﻨﮉ ﺍﺱ ﮐﮯ ﺳﺎﺗﮫ ﺳﺎﺗﮫ ﺗﮭﺎ۔ ﭼﻨﺪ ﺩﻥ ﻭﮦ ﺑﮩﺖ ﻣﺼﺮﻭﻑ ﺭﮨﺎ ﺗﮭﺎ۔ ﺑﭽﻮﮞ ﮐﻮ ﺍﻏﻮﺍ ﮐﺮﻧﮯ ﻭﺍﻟﮯ ﻣﻠﺰﻣﺎﻥ ﮐﺎ ﺭﯾﻤﺎﻧﮉ ﺟﺎﺭﯼ ﮐﺮﻭﺍﮐﺮ ﭘﻮﭼﮫ ﮔﭽﮫ ﮐﮯ ﺑﻌﺪ ﺍﻥ ﮐﺎ ﮐﯿﺲ ﻋﺪﺍﻟﺖ ﻣﯿﮟ ﭼﻞ ﺭﮨﺎ ﺗﮭﺎ۔ ﻭﮦ ﺑﮩﺖ ﻣﺼﺮﻭﻑ ﺗﮭﺎ ‘ ﺍﻭﭘﺮ ﺳﮯ ﻭﮦ ﺍﮐﺮﺍﻡ ﺭﺣﻤﻦ ﮐﮯ ﭘﯿﭽﮭﮯ ﻟﮕﺎ ﮨﻮﺍ ﺗﮭﺎ۔ ﻭﮦ ﺩﻓﺘﺮ ﻣﯿﮟ ﺗﮭﺎ ﺟﺐ ﺍﺱ ﮐﮯ ﺳﯽ ﺍﯾﺲ ﭘﯽ ﺗﯿﻤﻮﺭ ﺛﻘﻠﯿﻦ ﮐﺎ ﻓﻮﻥ ﺁﮔﯿﺎ ﺗﮭﺎ۔
’’ ﺗﻤﮩﺎﺭﯼ ﮐﺎﺭﺭﻭﺍﺋﯿﺎﮞ ﺩﻥ ﺑﮧ ﺩﻥ ﻧﺎﻗﺎﺑﻞ ﺑﺮﺩﺍﺷﺖ ﮨﻮﺗﯽ ﺟﺎﺭﮨﯽ ﮨﯿﮟ ﺍﯾﺲ ﭘﯽ ﻋﺒﺪﺍﻟﺒﺎﺭﯼ ‘‘! ﺗﯿﻤﻮﺭ ﺛﻘﻠﯿﻦ ﮐﺎﻓﯽ ﺑﺮﮨﻢ ﻟﮩﺠﮯ ﻣﯿﮟ ﻣﺨﺎﻃﺐ ﺗﮭﺎ۔ ’’ ﺧﯿﺮﯾﺖ ﺳﺮ !… ﻣﯿﮟ ﺳﻤﺠﮭﺎ ﻧﮩﯿﮟ ‘‘… ﺍﺱ ﮐﺎ ﺍﻧﺪﺍﺯ ﺍﮔﺮﭼﮧ ﻣﻮٔﺩﺏ ﺗﮭﺎ ﻣﮕﺮ ﮐﺴﯽ ﺑﮭﯽ ﺧﻮﻑ ﺳﮯ ﻋﺎﺭﯼ ﺗﮭﺎ۔
’’ ﺗﻤﮩﺎﺭﮮ ﺧﻼﻑ ﮐﺌﯽ ﺷﮑﺎﯾﺘﯿﮟ ﺁﺭﮨﯽ ﮨﯿﮟ … ﺗﻢ ﺍﭘﻨﮯ ﺍﺧﺘﯿﺎﺭﺍﺕ ﮐﺎ ﻧﺎﺟﺎﺋﺰ ﻓﺎﺋﺪﮦ ﺍﭨﮭﺎﺭﮨﮯ ﮨﻮ۔ ﮨﻢ ﭼﭗ ﮨﯿﮟ ﻭﺭﻧﮧ ﺗﻤﮩﺎﺭﮮ ﮨﺎﺗﮫ ﺑﺎﻧﺪﮬﻨﺎ ﻣﺠﮭﮯ ﺧﻮﺏ ﺁﺗﺎ ﮨﮯ۔ ‘‘
’’ ﺗﻮ ﭘﮭﺮ ﻧﻤﭧ ﻟﯿﮟ ﻧﺎﮞ … ﻣﯿﺮﮮ ﮨﺎﺗﮫ ﺑﺎﻟﮑﻞ ﺻﺎﻑ ﮨﯿﮟ ‘ ﮐﺴﯽ ﺑﺎﺕ ﮐﺎ ﮐﻮﺋﯽ ﺧﻮﻑ ﻧﮩﯿﮟ ﮨﺎﮞ ﺍﻟﺒﺘﮧ ﺁﭖ ﺍﭘﻨﯽ ﻓﮑﺮ ﮐﺮﯾﮟ۔ ﺳﻨﺎ ﮨﮯ ﮐﺮﺳﯽ ﺳﮯ ﺑﮍﺍ ﭘﯿﺎﺭ ﮨﮯ ﺁﭖ ﮐﻮ ‘‘… ﻭﮦ ﺑﮭﻼ ﺍﭘﻨﮯ ﺑﺎﭖ ﺳﮯ ﻧﮩﯿﮟ ﮈﺭﺍ ﺗﮭﺎ ﺍﺏ ﮐﯿﺎ ﺧﺎﮎ ﮈﺭﺗﺎ۔
’’ ﺗﻢ ﻋﺒﺪﺍﻟﺒﺎﺭﯼ ﭘﭽﮭﺘﺎﺅ ﮔﮯ … ﺳﻦ ﻟﻮ … ﮈﯼ ﺁﺋﯽ ﺟﯽ ﺻﺎﺣﺐ ﺁﺝ ﮐﻞ ﻣﯿﮟ ﺗﻤﮩﺎﺭﺍ ﻓﯿﺼﻠﮧ ﮐﺮﻧﮯ ﻭﺍﻟﮯ ﮨﯿﮟ ‘‘… ﻭﮦ ﻏﺮﺍﯾﺎ ﺗﮭﺎ۔ ﻭﮦ ﮨﻨﺲ ﺩﯾﺎ۔
’’ ﺿﺮﻭﺭ ‘ ﻣﯿﮟ ﺑﮭﯽ ﻣﻨﺘﻈﺮ ﮨﻮﮞ ﮈﯼ ﺁﺋﯽ ﺟﯽ ﮐﺲ ﺣﺪ ﺗﮏ ﺟﺎﺳﮑﺘﮯ ﮨﯿﮟ۔ ﺧﻮﺵ ﺧﺒﺮﯼ ﺳﻨﺎﺩﯾﺠﺌﮯ ﺍﻧﮩﯿﮟ ﺑﮭﯽ ﮐﺮﺳﯽ ﺑﮍﯼ ﭘﯿﺎﺭﯼ ﮨﮯ ‘ ﻣﯿﮟ ﺑﮭﯽ ﺁﺝ ﮐﻞ ﻣﯿﮟ ﮐﭽﮫ ﺍﻧﻮﮐﮭﺎ ﮐﺮﺩﮐﮭﺎﻧﮯ ﻭﺍﻻ ﮨﻮﮞ۔ ‘‘ ﺍﺱ ﻧﮯ ﺑﮭﯽ ﺩﮬﻤﮑﯽ ﺩﯼ ﺗﮭﯽ ﺍﻭﺭ ﻓﻮﻥ ﺑﻨﺪ ﮐﺮﺩﯾﺎ ﺗﮭﺎ۔
ﺍﺱ ﻧﮯ ﺩﮬﻤﮑﯽ ﺩﯼ ﺗﮭﯽ۔ ﺍﮐﺮﺍﻡ ﺭﺣﻤﻦ ﺍﻭﺭ ﺗﯿﻤﻮﺭ ﺛﻘﻠﯿﻦ ﻧﮯ ﮐﻮﺋﯽ ﻗﺪﻡ ﻧﮩﯿﮟ ﺍﭨﮭﺎﯾﺎ ﺗﮭﺎ ﺍﻭﺭ ﺟﻮﺍﺑﺎً ﻭﮦ ﺑﮭﯽ ﺧﺎﻣﻮﺵ ﺭﮨﺎ ﺗﮭﺎ۔ ﻭﮦ ﮨَﻮﺍ ﮐﺎ ﺭﺥ ﺩﯾﮑﮫ ﺭﮨﺎ ﺗﮭﺎ۔ ﻭﮦ ﻣﻨﺘﻈﺮ ﺗﮭﺎ ﮐﮧ ﯾﮧ ﺍﻭﻧﭧ ﮐﺲ ﮐﺮﻭﭦ ﺑﯿﭩﮭﺘﺎ ﮨﮯ۔ ﺩﻥ ﺍﭘﻨﮯ ﻣﺨﺼﻮﺹ ﭼﮑﺮ ﻣﯿﮟ ﺗﮭﮯ ‘ ﻭﮦ ﮐﺴﯽ ﮐﯽ ﭘﺮﻭﺍ ﮐﺌﮯ ﺑﻐﯿﺮ ﺍﭘﻨﮯ ﮐﺎﻡ ﮐﺮﺭﮨﺎ ﺗﮭﺎ۔ ﺗﯿﻤﻮﺭ ﺛﻘﻠﻦ ﺍﻭﺭ ﺍﮐﺮﺍﻡ ﺭﺣﻤﻦ ﺑﺎﻟﮑﻞ ﺧﺎﻣﻮﺵ ﺗﮭﮯ۔ ﺍﺳﮯ ﺍﻥ ﮐﯽ ﺧﺎﻣﻮﺷﯽ ﺑﮩﺖ ﮐﮭﭩﮏ ﺭﮨﯽ ﺗﮭﯽ ﻣﮕﺮ ﻭﮦ ﺑﺎﻟﮑﻞ ﭘﮩﻞ ﻧﮩﯿﮟ ﮐﺮﻧﺎ ﭼﺎﮨﺘﺎ ﺗﮭﺎ۔
ﻭﮦ ﺍﺱ ﻭﻗﺖ ﮔﮭﺮ ﭘﺮ ﺗﮭﺎ ‘ ﻧﮩﺎﮐﺮ ﻧﮑﻼ ﺗﮭﺎ ﺟﺐ ﺍﺱ ﮐﮯ ﻣﻮﺑﺎﺋﻞ ﮐﯽ ﺍﺳﮑﺮﯾﻦ ﭼﻤﮑﻨﮯ ﻟﮕﯽ ﺗﮭﯽ۔
’’ ﮨﯿﻠﻮ ‘‘…
’’ ﺑﮩﺖ ﺧﻄﺮﻧﺎﮎ ﮐﮭﯿﻞ ﺷﺮﻭﻉ ﮐﯿﺎ ﮨﮯ ﻋﺒﺪﺍﻟﺒﺎﺭﯼ !… ﻣﯿﮟ ﺧﺎﻣﻮﺵ ﺗﮭﺎ ﺻﺮﻑ ﺍﺱ ﻟﺌﮯ ﮐﮧ ﻣﯿﮟ ﻣﺼﺎﻟﺤﺖ ﭼﺎﮨﺘﺎ ﺗﮭﺎ ﺍﻭﺭ ﺗﻢ ﻧﮯ ‘‘…
’’ ﮨﺮﮔﺰ ﻧﮩﯿﮟ ﮈﯼ ﺁﺋﯽ ﺟﯽ ﺻﺎﺣﺐ ‘ ﺁﭖ ﺧﺎﻣﻮﺵ ﻧﮩﯿﮟ ﺗﮭﮯ ﺍﻧﺪﺭ ﮨﯽ ﺍﻧﺪﺭ ﻣﺠﮭﮯ ﺧﺘﻢ ﮐﺮﻧﮯ ﮐﯽ ﺳﺎﺯﺷﯿﮟ ﮐﺮﺭﮨﮯ ﺗﮭﮯ۔ ﮨﺎﮞ ﺍﻟﺒﺘﮧ ﭼﭗ ﺿﺮﻭﺭ ﺗﮭﮯ ﺻﺮﻑ ﺍﺱ ﻟﺌﮯ ﮐﮧ ﺗﻢ ﺍﭘﻨﯽ ﮐﺮﺳﯽ ﺑﭽﺎﻧﮯ ﮐﮯ ﭼﮑﺮ ﻣﯿﮟ ﮨﻮ۔ ﻣﯿﺮﮮ ﭘﺎﺱ ﺗﻤﮩﺎﺭﮮ ﻣﺘﻌﻠﻖ ﺟﻮ ﺛﺒﻮﺕ ﮨﯿﮟ ﻭﮦ ﺍﺗﻨﮯ ﭨﮭﻮﺱ ﺍﻭﺭ ﺟﺎﻣﻊ ﮨﯿﮟ ﮐﮧ ﺗﻢ ﻻﮐﮫ ﮐﻮﺷﺶ ﮐﺮﻟﻮ ﻣﮕﺮ ﺍﭘﻨﺎ ﺑﭽﺎﺅ ﻧﮩﯿﮟ ﮐﺮﭘﺎﺅ ﮔﮯ … ﺗﯿﻤﻮﺭ ﺛﻘﻠﯿﻦ ﺍﻭﺭ ﺗﻢ ﺟﯿﺴﮯ ﺩﺱ ﺍﻭﺭ ﺑﮭﯽ ﺁﺟﺎﺋﯿﮟ ﺗﻮ ﻋﺒﺪﺍﻟﺒﺎﺭﯼ ﮐﺎ ﮐﭽﮫ ﻧﮩﯿﮟ ﺑﮕﺎﮌ ﺳﮑﯿﮟ ﮔﮯ۔ ﻣﯿﮟ ﯾﺎ ﻣﯿﺮﺍ ﺍﯾﻤﺎﻥ ﺍﺗﻨﺎ ﮐﻤﺰﻭﺭ ﻧﮩﯿﮟ ﮐﮧ ﺗﻢ ﺟﯿﺴﮯ ﻟﻮﮔﻮﮞ ﮐﯽ ﮔﯿﺪﮌ ﺑﮭﺒﮑﯿﻮﮞ ﺳﮯ ﮈﺭ ﺟﺎﺅﮞ … ﺍﭘﻨﺎ ﺑﻮﺭﯾﺎ ﺑﺴﺘﺮ ﺳﻤﯿﭧ ﻟﻮ ‘ ﺁﺝ ﺳﮯ ﺗﻤﮩﺎﺭﮮ ﺩﻥ ﮔﻨﮯ ﺟﺎﭼﮑﮯ ﮨﯿﮟ۔ ‘‘ ﺍﺳﮯ ﺍﭼﮭﯽ ﻃﺮﺡ ﺳُﻨﺎﮐﺮ ﻣﻮﺑﺎﺋﻞ ﺁﻑ ﮐﺮﮐﮯ ﺑﮍﺑﮍﺍﻧﮯ ﻟﮕﺎ ﺗﮭﺎ۔ ﺭﺍﺑﯿﻞ ﮐﻤﺮﮮ ﻣﯿﮟ ﺁﺋﯽ ﺗﻮ ﺍﺱ ﮐﺎ ﻣﻮﮈ ﺁﻑ ﺩﯾﮑﮫ ﮐﺮ ﺣﯿﺮﺍﻥ ﮨﻮﺋﯽ۔ ’’ ﺧﯿﺮﯾﺖ ﺟﻨﺎﺏ ! ﯾﮧ ﻣﻮﮈ ﺷﺮﯾﻒ ﺍﺗﻨﺎ ﺑﺮﮨﻢ ﮐﯿﻮﮞ ﮨﮯ ﺟﺐ ﮐﮧ ﺍﺑﮭﯽ ﮐﭽﮫ ﺩﯾﺮ ﭘﮩﻠﮯ ﺁﭖ ﮐﻮ ﺍﭼﮭﮯ ﺧﺎﺻﮯ ﺭﻭﻣﯿﻨﭩﮏ ﻣﻮﮈ ﻣﯿﮟ ﭼﮭﻮﮌ ﮐﺮ ﮔﺌﯽ ﺗﮭﯽ۔ ‘‘ ﭼﺎﺋﮯ ﮐﺎ ﮐﭗ ﺍﺳﮯ ﺗﮭﻤﺎﮐﺮ ﺍﺱ ﻧﮯ ﭼﮭﯿﮍﺍ ﺗﻮ ﻭﮦ ﻣﺴﮑﺮﺍ ﺍﭨﮭﺎ۔
’’ ﮐﭽﮫ ﻧﮩﯿﮞﯿﺎﺭ … ﺗﻢ ﺑﮭﯽ ﺑﺲ ﻧﺎ ‘‘… ﻭﮦ ﺑﺴﺘﺮ ﭘﺮ ﺑﯿﭩﮫ ﮐﺮ ﭼﺎﺋﮯ ﭘﯿﻨﮯ ﻟﮕﺎ ﺗﮭﺎ۔
’’ ﺑﺎﺭﯼ ! ﮐﯿﺎ ﺑﺎﺕ ﮨﮯ ‘ ﭘﺮﯾﺸﺎﻥ ﮨﯿﮟ ‘‘… ﭼﺎﺋﮯ ﭘﯿﺘﮯ ﮨﻮﺋﮯ ﺑﮭﯽ ﻭﮦ ﺍﻟﺠﮭﺎ ﮨﻮﺍ ﺗﮭﺎ۔ ﻭﮦ ﭘﻮﭼﮭﮯ ﺑﻐﯿﺮ ﻧﮧ ﺭﮦ ﺳﮑﯽ۔
’’ ﮨﻮﮞ … ﻧﮩﯿﮟ … ﮨﺎﮞ ﮈﺍﮐﭩﺮ ﮐﯿﺎ ﮐﮩﮧ ﺭﮨﯽ ﺗﮭﯿﮟ۔ ‘‘ ﺁﺝ ﻭﮦ ﮈﺍﮐﭩﺮ ﺳﮯ ﭼﯿﮏ ﺍﭖ ﮐﺮﻭﺍﮐﺮ ﺁﺋﯽ ﺗﮭﯽ ‘ ﺍﺳﯽ ﺑﺎﺑﺖ ﻭﮦ ﭘﻮﭼﮫ ﺭﮨﺎ ﺗﮭﺎ۔
’’ ﺍﮔﻠﮯ ﻣﺎﮦ ﮐﯽ ﭼﻮﺩﮦ ﯾﺎ ﭘﻨﺪﺭﮦ ﮐﯽ ﮈﯾﭧ ﺩﯼ ﮨﮯ۔ ﻭﯾﺴﮯ ﺗﻮ ﮈﺍﮐﭩﺮ ﻣﻄﻤﺌﻦ ﮨﯽ ﮨﮯ۔ ‘‘
ﻭﮦ ﺳﺮ ﮨﻼﮔﯿﺎ ﺗﮭﺎ ‘ ﺍﻧﺪﺍﺯ ﺍﺏ ﺑﮭﯽ ﭘﺮﺳﻮﭺ ﺗﮭﺎ۔
’’ ﮐﻮﺋﯽ ﺧﺎﺹ ﺑﺎﺕ ﮨﮯ؟ ‘‘
’’ ﮨﺎﮞ … ﻧﮩﯿﮟ … ﺑﺲ ﻟﮕﺘﺎ ﮨﮯ ﺗﯿﻤﻮﺭ ﺛﻘﻠﯿﻦ ﺍﻭﺭ ﺍﮐﺮﺍﻡ ﺭﺣﻤﻦ ﻣﻞ ﮐﺮ ﮐﻮﺋﯽ ﭘﺮﻭﭘﯿﮕﻨﮉﮦ ﮐﺮﺭﮨﮯ ﮨﯿﮟ ﻣﯿﺮﮮ ﺧﻼﻑ۔ ﺍﺭﻗﻢ ﮐﻮ ﺍﻥ ﮐﮯ ﭘﯿﭽﮭﮯ ﭼﮭﻮﮌﺍ ﮨﻮﺍ ﺗﻮ ﮨﮯ ﻣﯿﮟ ﻧﮯ ﻣﮕﺮ ﺻﻮﺭﺕ ﺣﺎﻝ ﻭﺍﺿﺢ ﻧﮩﯿﮟ ﮨﻮﺭﮨﯽ۔ ‘‘ ﻭﮦ ﺑﺘﺎﻧﮯ ﻟﮕﺎ ﺗﮭﺎ۔
’’ ﺑﮩﺖ ﻏﻠﻂ ﮐﮭﯿﻞ ﮨﮯ ﯾﮧ … ﻣﺠﮭﮯ ﺗﻮ ﺑﮍﺍ ﮈﺭ ﻟﮓ ﺭﮨﺎ ﮨﮯ۔ ﺁﭖ ﮐﭽﮫ ﺩﻥ ﺧﺎﻣﻮﺵ ﮨﻮﺟﺎﺋﯿﮟ … ﺩﯾﮑﮭﯿﮟ ﺗﻮ ﺳﮩﯽ ﻭﮦ ﮐﯿﺎ ﮐﺮﺗﺎ ﮨﮯ ﭘﮭﺮ ﮐﻮﺋﯽ ﻗﺪﻡ ﺍﭨﮭﺎﺋﯿﮟ۔ ‘‘
’’ ﺗﻤﮩﺎﺭﺍ ﻣﻄﻠﺐ ﮨﮯ … ﭘﺴﭙﺎﺋﯽ ‘‘… ﻭﮦ ﺗﻠﺦ ﮨﻮﺍ۔
’’ ﻧﮩﯿﮟ … ﻣﯿﺮﺍ ﯾﮧ ﻣﻄﻠﺐ ﻧﮩﯿﮟ۔ﯾﮧ ﺣﺎﻻﺕ ﺍﺑﮭﯽ ﺁﭖ ﮐﮯ ﻟﺌﮯ ﺳﺎﺯﮔﺎﺭ ﻧﮩﯿﮟ ﮨﯿﮟ … ﺑﺎﺩِﻣﺨﺎﻟﻒ ﻣﯿﮟ ﺁﭖ ﮐﺒﮭﯽ ﺑﮭﯽ ﺭﻭﺷﻨﯽ ﮐﺎ ﺩﯾﺎ ﻧﮩﯿﮟ ﺟﻼﺳﮑﯿﮟ ﮔﮯ … ﮐﭽﮫ ﺩﻥ ﺭُﮎ ﺟﺎﺋﯿﮟ ‘ ﺍﻧﺘﻈﺎﺭ ﮐﺮﯾﮟ … ﮨَﻮﺍ ﮐﺎ ﺭُﺥ ﺩﯾﮑﮭﯿﮟ ﺍﻭﺭ ﭘﮭﺮ ﺗﯿﺮ ﭼﻼﺋﯿﮟ … ﻭﺭﻧﮧ ﮐﭽﮫ ﮨﺎﺗﮫ ﻧﮩﯿﮟ ﺁﺋﮯ ﮔﺎ … ﯾﮧ ﺫﺍﺗﯽ ﻣﺨﺎﻟﻔﺖ ﻧﮩﯿﮟ ﮨﮯ ‘ ﻭﻃﻦ ﮐﯽ ﺳﺎﮐﮫ ﮐﺎ ﺳﻮﺍﻝ ﮨﮯ ﺟﺐ ﮐﮧ ﻭﮦ ﺫﺍﺗﯽ ﺩﺷﻤﻨﯽ ﭘﺮ ﺍﺗﺮ ﺁﯾﺎ ﮨﮯ۔ ‘‘
’’ ﺍﺏ ﺗﮏ ﺗﻮ ﻣﯿﮟ ﮨَﻮﺍ ﮐﺎ ﺭُﺥ ﮨﯽ ﺩﯾﮑﮫ ﺭﮨﺎ ﺗﮭﺎ ﻣﮕﺮ ﺍﺏ ﺍﻧﺘﻈﺎﺭ ﮐﺮﻧﺎ ﻣﯿﺮﮮ ﺑﺲ ﻣﯿﮟ ﻧﮩﯿﮟ … ﺟﺐ ﺗﮏ ﻣﯿﮟ ﺗﯿﺮ ﭼﻼﺅﮞ ﮔﺎ ﯾﮧ ﻭﻃﻦ ‘ ﺍﺱ ﮐﯽ ﺳﻼﻣﺘﯽ … ﺍﺱ ﮐﯽ ﺑﻘﺎ ﺧﻄﺮﮮ ﻣﯿﮟ ﮨﻮﮔﯽ۔ ﺍﺏ ﻣﯿﮟ ﺍﯾﮏ ﻟﻤﺤﮯ ﮐﺎ ﺑﮭﯽ ﺍﻧﺘﻈﺎﺭ ﻧﮩﯿﮟ ﮐﺮﺳﮑﺘﺎ … ﯾﮧ ﺟﺎﻥ ﮐﯿﺎ ﮨﮯ ‘ ﺍﻟﻠﮧ ﮐﯽ ﺩﯾﻦ ﮨﮯ۔ ﮐﯿﺎ ﺣﺮﺝ ﮨﮯ ﺍﮔﺮ ﺍﺱ ﮐﯽ ﺭﺍﮦ ﻣﯿﮟ ﭼﻠﯽ ﺟﺎﺋﮯ۔ ﺗﻮ ﺭﺍﺑﯿﻞ ﺟﺎﻥ ! ﻣﯿﮟ ﮨﺎﺭﺍ ﺑﮭﯽ ﺗﻮ ﺷﮩﺎﺩﺕ ﺟﯿﺴﺎ ﺭُﺗﺒﮧ ﮨﻮﮔﺎ ‘ ﺟﯿﺘﺎ ﺗﻮ ﻏﺎﺯﯼ ﮨﻮﮞ ﮔﺎ۔ ﯾﮧ ﺍﺣﺴﺎﺱ ﮨﻮﮔﺎ ﮐﮧ ﯾﮧ ﺟﺎﻥ ﻭﻃﻦ ﮐﯽ ﺍﻣﺎﻧﺖ ﺗﮭﯽ ﺍﻭﺭ ﻭﻃﻦ ﮐﮯ ﮐﺎﻡ ﺁﮔﺌﯽ ﺟﻮ ﻣﻘﺼﺪ ﺩﻝ ﻣﯿﮟ ﻟﮯ ﮐﺮ ﭼﻼ ﺗﮭﺎ ﺍﺱ ﮐﯽ ﺧﺎﻃﺮ ﺍﮔﺮ ﯾﮧ ﺑﮯ ﮐﺎﺭ ﺳﯽ ﺟﺎﻥ ﺑﮭﯽ ﭼﻠﯽ ﺟﺎﺋﮯ ﺗﻮ ﮐﻮﺋﯽ ﺧﻮﻑ ﻧﮩﯿﮟ … ﯾﮧ ﺗﻮ ﻭﻃﻦ ﮐﯽ ﻣﭩﯽ ﮐﺎ ﻗﺮﺽ ﮨﻮﮔﺎ ﺍﮔﺮ ﻣﯿﺮﮮ ﺧﻮﻥ ﮐﺎ ﺁﺧﺮﯼ ﻗﻄﺮﮦ ﺑﮭﯽ ﺍﺱ ﻣﻠﮏ ﮐﯽ ﻣﭩﯽ ﻣﯿﮟ ﺟﺬﺏ ﮨﻮﮔﺎ ﺗﻮ ﺳﻤﺠﮭﻮﮞ ﮔﺎ ﻣﯿﮟ ﻧﮯ ﺍﭘﻨﺎ ﺣﻖ ﺍﺩﺍ ﮐﺮﺩﯾﺎ ﮨﮯ۔ ﻣﯿﮟ ﮔﻨﺎﮦ ﮔﺎﺭ ﺗﮭﺎ ﻣﮕﺮ ﺍﻟﻠﮧ ﻧﮯ ﺩﻝ ﻣﯿﮟ ﺍﯾﮏ ﺭﻭﺷﻨﯽ ﺟﻼﺩﯼ ﺗﮭﯽ۔ ﺁﺧﺮﯼ ﺳﺎﻧﺲ ﺗﮏ ﻟﮍﻭﮞ ﮔﺎ۔ ‘‘ ﻭﮦ ﭘﺮﻋﺰﻡ ﺗﮭﺎ ‘ ﺁﻧﮑﮭﻮﮞ ﻣﯿﮟ ﺍﯾﻤﺎﻥ ﮐﮯ ﺳﺘﺎﺭﮮ ﭼﻤﮏ ﺭﮨﮯ ﺗﮭﮯ۔
’’ ﺁﻣﯿﻦ ‘‘… ﺭﺍﺑﯿﻞ ﮐﯽ ﺁﻧﮑﮭﯿﮟ ﺁﻧﺴﻮﺅﮞ ﺳﮯ ﺑﮭﺮﯼ ﮨﻮﺋﯽ ﺗﮭﯿﮟ ﻣﮕﺮ ﮨﻮﻧﭧ ﮐﮩﮧ ﺭﮨﮯ ﺗﮭﮯ۔