ناراضگی میں دیا جانے والا لقب

بھابھی دیکھیں ہیں نہ زبردست ؟؟
انکھوں میں اشتیاق لئے وہ صائمہ سے پوچھ رہی تھی جو ایک سالہ راحم کو اٹھائے ہوئے تھی۔۔۔
“ہاں گڑیا بہت اچھی ہے ۔۔۔۔۔۔ ”
تو کیا تم صبح سے مہران آرٹس گئیں ہوئیں تھیں؟؟؟؟
جی بھابھی ۔۔۔
اماں جان اور بابا جان کہاں ہیں ؟؟؟
اپنے روم میں ہیں گڑیا۔۔
۔ صائمہ روتے ہوئے راحم کا فیڈر بناتے ہوئے ساتھ جواب بھی دے رہی تھی۔۔۔
“لائیں بھابھی گڈے کو مجھے دیں آپ آرام سے اپنا کام کریں۔۔۔۔”
“ارے گڑیا آپ جاکر پہلے یہ کمرہ میں رکھ کر آو۔۔۔۔۔”
وہ سر ہلاتی کمرہ کی جانب بڑھ گئ۔۔۔۔۔
خاص آج دن کیلئے اس نے کالج سے چھٹی لی تھی۔۔۔۔۔۔۔۔۔۔۔۔۔۔ اسے پتا تھا اگر آج کا دن مس کیا تو پورے سال اسے یہ دن نہیں ملنا تھا۔۔۔۔۔۔۔ کیوں کہ عنایہ کہ پینٹنگز سال میں ایک دفعہ ہی اناوسمنٹ ہوتی تھی۔۔۔۔۔۔۔۔۔
شاہ اسے گھر ڈراپ کرکہ سینٹر روانہ ہوچکا تھا ۔۔۔۔۔۔۔۔۔
___________________________
وہ لوگ کل ہی میر پور خاص پہنچے تھے وہاں کہ لوگوں نے ان سب کا پرتپاک استقبال کیا تھا۔۔۔۔۔
جبکہ عنایہ پورے راستے ایک مسرور سی کیفیت کا شکار رہی تھی ۔۔۔ آج سے پہلے اسے یہ کھیت ، باغات ، درخت اتنے سندر نہیں لگے تھے جتنے آج اس کہ دل کو لبھارہے تھے۔۔۔۔
• اچانک ان کو چھو لینے محسوس کرنے کی خواہش دل میں جاگی تھی ۔۔۔ لیکن دوسرے ہی پل وہ دبا گئی تھی کیوں کہ رات کہ سائے گہرے ہورہے تھے ایسے میں کوئی بھی اسے حویلی سے باہر جانے کی اجازت نہ دیتا۔۔۔۔۔۔۔
دل مسوس کر وہ کھڑکی سے دور ہٹ گئی۔۔۔۔ ٹھنڈی ٹھنڈی ہوا اس کے لئے سکون باعث بن رہی تھی ۔۔۔۔۔۔۔۔ حویلی کہ مکین خواب و خرگوش کہ مزے لوٹ رہے تھے ۔۔۔۔
تھک ہار کر لائٹ آف کرتی ہوئی وہ بھی لیٹ گئی ۔۔۔۔۔۔۔۔۔ شہر کی بانسبت اسے یہاں ٹائم گزارنا مشکل لگ رہا تھا۔۔۔ جبکہ کراچی میں تو حد سے زیادہ مصروفیت ہوتی تھی ۔۔۔۔۔۔
اسے اپنے گھر کی یاد آنے لگی تھی ۔۔۔ پھر منظر چینج ہوا۔۔۔ فوزیہ کو جب اس نے گاوں جانے کا بتایا تھا۔۔۔۔۔۔۔ تو کس طرح اس نے ریکٹ کیا تھا ۔۔۔۔۔۔ سوچتے ہی مسکرانے لگی تھی۔۔۔۔۔۔
تم تم گاوں جارہی ہو ؟؟؟
عینو تم مجھے چھوڑ کر جارہی ہو میں کیسے رہوں گی تمہارے بنا ؟؟؟
“بکو مت صرف ایک ہفتہ کیلئے جارہی ہوں ۔۔۔۔”
عینو نے ہنستے ہوئے اسے ٹہوکا دیا۔۔۔
بی سیریس یار میں کیا کروں گی اتنے دن یونی میں؟؟
اب کہ فوزیہ کا چہرہ اترا ہوا لگ رہا تھا۔۔۔۔
عینو کہ دل کو کچھ ہوا تھا اس نے اگے بڑھ کر اسے گلے لگایا تھا۔۔۔۔۔۔۔۔
فوزیہ اور عینو کا ڈیپارٹمنٹ ایک ہی ہونے کہ باعث ان کی دوستی ہوگئ ۔۔۔ وقت کہ ساتھ ساتھ اور گہری ہوتی چلی گئ۔۔۔۔ دونوں نے ایک دوسرے کہ علاوہ کسی اور سے دوستی نہ کی تھی۔۔۔۔۔۔۔۔۔۔۔۔۔۔۔
“تم بھی چلو میں تمھیں آپی کی شادی کا انویٹیشن دینے آوں گی۔۔۔۔۔”
“یار مشکل ہے امی اتنی دور کیلئے راضی نہیں ہوں گی ۔۔۔۔۔”
“تم شاید بھول رہی ہو میں عنایہ ضعیم احمد ہوں مجھے کوئی انکار کرہی نہیں سکتا اور تم اپنا بیگ ریڈی رکھنا باقی کا مجھ پہ چھوڑ دو۔۔۔۔۔۔۔ ۔۔۔”
“چلو تم کہتی ہو تو ۔۔۔”
“اوکے یار تم پوائنٹ میں بیٹھ کر گھر چلی جاو میں رکشہ میں گھر جارہی ہوں ۔۔۔ مام انتظار کررہی ہیں ۔۔۔۔۔”
عینو اجلت میں کہہ کر سڑک کراس کرنے لگی جبکہ فوزیہ پوائنٹ میں چڑھ گئی تھی۔۔۔۔۔ ۔۔
گھر اکر اس نے راحب کہ کمرہ کا رخ کیا ۔۔۔۔
“بھائی ۔۔۔”
دروازہ بجاتےہوئے پکارہ گیا۔۔۔
“آجاو عینو ۔۔۔۔”
“بھائی آپ میرے ساتھ فوزی کہ گھر چلیں پلیز پلیز پلیزززززز۔۔۔”
التجائی انداز میں راحب سے کہنے لگی۔۔۔۔
“تمہیں پتا ہے نہ ادھے گھنٹے میں سب نکلیں گے ۔۔۔ اب یہ کون سی بے تکی بات کررہی ہو۔۔۔۔”
راحب کی حد سے زیادہ سنجیدگی پر عینو کا منہ اتر گیا تھا۔۔۔۔ اس سے پہلے کہ وہ باقاعدہ رونا ڈالتی راحب نے ہتھیار پھینک دیئے تھے۔۔۔۔۔۔۔۔
اوکے چلو لیکن صرف تیس منٹ اوکے؟؟
جتاتے لہجے میں کہتے ہوئے عینو کو دیکھا:
“اوکے ڈن۔۔۔”
خوشی سے کہتے ہوئے وہ چادر لینے پہنچ گئی۔۔۔۔
جبکہ راحب گاڑی کی چابی لئے پورچ کی جانب چلا گیا:
طویل راستہ ہے ایسے میں بھوک لگنا فطری سی بات تھی تو خشک پکوان بنا کر اب انھیں لنچ باکس میں پیک کررہیں تھیں۔۔۔۔۔
اسے باہر جاتا دیکھ کر پکار بیٹھیں۔۔۔۔۔۔
اے لڑکی کہاں جارہی ہو؟؟؟
ناراضگی میں دیا جانے والا لقب عینو کو مسکرانے پہ مجبور کردیتا تھا۔۔۔۔
“یار مام اپ کیا میرے راہوں پہ نظریں جمائے بیٹھی رہتی ہیں ۔۔۔”
عینو نے شرارت سے کہا اور چھلانگ لگا کر نجمہ کہ پاس پہنچی جو کڑے تیوروں سے گھور رہیں تھیں۔۔۔۔
“گھر میں ٹک کہ نہیں بیٹھ سکتیں ابھی یونی سے آئی ہو پھر جارہی ہو ۔۔۔۔”
اتنے میں گاڑی کہ ہارن پہ وہ سیدھی ہوئی۔۔۔۔
“موم آئی گیٹنگ لیٹ ۔۔۔”
کہہ کر وہ پورچ میں آگئ۔۔۔۔
جب کہ نجمہ اسے جاتا دیکھ کر بڑبڑانے لگیں۔۔۔۔۔۔
آنٹی میری پیاری آنٹی آپ کیسی ہیں؟؟
عینو نے خلوص سے کہتے ہوئے انھیں گلے لگایا۔۔۔ الحمد اللہ بیٹا کس کہ ساتھ آئی ہو؟؟
“بھائی کہ ساتھ آئی ہوں۔۔۔۔”
“تو بیٹا اندر بلاونا یوں گرمی میں باہر کھڑا کیا ہوا ہے۔۔۔۔”
“تم اندر جاو فوزی کمرہ میں ہے وہیں مل لو میں بچے کو لے کر آتی ہوں۔۔۔۔”
دبے قدموں سے وہ سوئی ہوئی فوزیہ کہ سرہانے آئی اور جھک کر زور سے چلائی ۔۔۔۔
“فوزی اٹھو ۔۔۔”
فوزیہ ہڑبڑا کر اٹھ بیٹھی۔۔۔ حواس بیدار ہوئے تو کھینچ کر کشن عنایا کو مارا ۔۔۔۔
عنایا کہ بروقت جھکنے سے کشن صحن میں کھڑے راحب کو لگا۔۔۔۔
کشن لگنے سے بوکھلا کر مونا بیگم کو دیکھنے لگا جبکہ منہ کھولے وہ راحب کو دیکھ رہیں تھیں۔۔۔
اتنے میں فوزیہ حق دق سی صحن میں پہنچی ۔۔۔ جبکہ عینو ہنسی سے لوٹ پوٹ ہوتے ہوئے دوہری ہوئے جارہی تھی۔۔۔
“معذرت چاہتی ہوں بیٹا۔۔۔”
اب کہ مونا بیگم شرمندہ نظر آرہیں تھیں۔۔۔ اگے بڑھ کر اس سے کشن لیا:
جبکہ عینو کی ہنسی کو بریک لگ چکا تھا۔۔۔۔
راحب نے عینو اور اس کہ ساتھ کھڑی دوشیزہ کو گھورا۔۔۔۔۔۔۔
“ایم سوری۔۔۔۔”
اس کے گھورنے پر فوزی نے نگاہیں جھکا لیں۔۔۔۔۔
مونا بیگم نے اسے باتوں میں لگا لیا جبکہ فوزیہ چپ ہوگئی تھی بے اختیاری حرکت نے اسے شرمندگی کی لامتناہی گہرائیوں میں لا پٹخا تھا ۔۔۔۔۔۔۔
سوچتے سوچتے وہ نیند کی وادی میں اتر گئی تھی۔۔۔۔۔۔۔۔۔ درختوں کہ لہرانے کی آواز خاموش ماحول میں ارتعاش پیدا کررہی تھی۔۔۔ ۔۔ ۔
فوزیہ کی والدہ مونا بیگم کم عمری میں بیوگی کہ دوراہے پہ آپہنچی تھیں ۔۔۔۔۔
فوزیہ کہ والد کی پینشن سے گھر چل رہا تھا ۔۔۔ کھانے والی دو ہیں تھیں تو خرچہ کم ہی ہوتا تھا اور جو پیسے وہ بچا لیتی تھیں وہ فوزیہ کی تعلیم میں خرچ ہورہے تھے ۔۔
مونا بیگم کی اکلوتی بیٹی تھی اس کہ بعد ان کی کوئی اولاد نہیں ہوئی ۔۔۔۔۔۔
یوں ان کی ساری توجہ فوزیہ کہ حصہ میں آئی تھی۔۔۔۔
____________________________
دن بھر کا تھکا ہارا کمرہ میں آیا تو اسے غیر معمولی پن کا احساس ہوا تھا۔۔۔۔ سر جھٹک کر وہ بیڈ پہ بیٹھ کر اپنے جوتے اتارنے لگا۔۔۔۔۔۔۔
اس وقت اسے سو ائے نیند کہ کسی چیز کی طلب نہیں تھی ۔۔۔۔ یونیفارم بدل کر اے سی ان کیا اور بیڈ پہ لیٹ گیا۔۔۔۔۔۔
کچھ دیر بعد نیند اس پر حاوی ہوگئی تھی۔۔۔۔۔۔
جب کہ وہ کھڑکی پر پڑے پردے برابر کر کہ سونے لیٹ گئی ۔۔۔۔ کیوں کہ آج اسکی موجودگی گھر میں ہونے کہ باعث اسے دروازہ کھڑکیاں چیک نہیں کرنی پڑتی تھیں۔۔۔۔۔۔۔۔۔۔۔
ابھی اسے سوئے ایک گھنٹہ بھی نہیں گزرا تھا کہ کانوں کے پردے پھاڑ دینے والی آواز نے اسے ناصرف جگا دیا تھا بلکہ سہمانے پر بھی مجبور کردیا تھا۔۔۔
ایک بار پھر فائرنگ کی آواز فضا میں گونجی۔۔۔
ڈر کہ مارے وہ بنا سوچے سمجھے کمرہ سے بھاگی تھی۔۔۔۔۔
وہ جو چونکنا دروازہ کی اوٹ میں چھپا ہوا تھا یک دم دروازہ کھلنے اور کسی وجود کا بے دھڑک کمرہ میں گھسنے پر گن اس کی جانب کرچکا تھا۔۔۔۔۔۔ جبکہ وہ ڈری سہمی سے اسکے وجود کا گمان کر کہ اس سے لپٹ گئی ……..۔۔۔۔۔
وہ ہونقوں کی طرح اس کہ لرزتے وجود کو محسوس کررہا تھا ۔۔۔۔
تیسری بار کی فائرنگ کی آواز پہ ہوش میں آیا۔۔۔۔۔۔۔۔۔۔
“کچھ نہیں ہوا سب ٹھیک ہے ۔۔۔۔”
مدہم آواز میں کان کہ پاس سرگوشی کی گئی ۔۔۔۔
کمر پہ بال کھلے ہوئے تھے جو بھاگنے کی وجہ سے اگے آچکے تھے۔۔۔۔ دوپٹہ ندادر تھا ۔۔۔
وہ کالی سیاہ رات کا ہی حصہ لگی تھی ۔۔۔۔۔۔۔
” تم یہاں سے ہلنا نہیں میں آتا ہوں ۔۔۔”
ککہاں جارہے ہیں ؟؟
نہ نہ نہیں آپ باہر نہیں جائیں گے۔۔۔۔”
سر دائیں بائیں ہلا کر اس کے ہاتھ پکڑ لئے۔۔۔۔۔۔
اس کی ٹھنڈے برف ہاتھ سے دراب کو اندازہ ہورہا تھا کہ وہ کس قدر ڈری ہوئی ہے۔۔۔۔۔۔۔۔۔
“اچھا تم یہاں اکر بیٹھو۔۔۔۔۔”
وہ ٹس سے مس نہ ہوئی ۔۔۔۔۔۔۔۔۔۔۔
میں کہہ رہی ہوں آپ باہر نہیں جارہے تو آپ کو سنائی نہیں دے رہا کیا؟؟
وہ نڈر انداز میں اس کا گریبان پکڑ کر چیخی۔۔۔۔۔
اس لمحہ دراب کو غش پہ غش آرہے تھے۔ ۔۔ کہاں وہ اس کی موجودگی میں کمرہ سے نہ نکلتی تھی اور اب بے خوف و خطر اس کی انکھوں میں انکھیں گاڑے اس پر بھڑک رہی تھی۔۔۔۔۔
کیسی قاتلانہ انکھیں تھیں اس میں تیرتی نمی اس کا دل ڈوب کہ ابھرا تھا۔۔۔۔۔۔
قدموں کی آہٹ پہ دراب نے اپنی چوڑی ہتھیلی اس کہ منہ پہ جمائی تھی۔۔۔۔۔۔۔
سیدھے ہاتھ میں گن منتقل کرتے ہوئے اسے دروازے کی جانب کھینچا خود اگے کسی دیوار کی مانند کھڑا ہوگیا ۔۔۔۔۔
“آواز نہیں نکلنی چاہیئے۔۔۔۔”
نرمی سے کہتا ہوا الٹے ہاتھ سے گن لوڈ کی۔۔۔۔۔۔
دبے قدموں کی چاپ اب نزدیک ہوتی جارہی تھی۔۔۔۔۔۔
ناب گھمایا گیا اور دروازہ سے سر نمودار ہوا ۔۔۔۔
درراب فوراً حرکت میں آیا اور سر کہ بال کھینچ کر اسے اندر کیا اور زوردار ٹانگ اس کہ پیٹ پہ ماری تھی ۔ ۔۔
مردانہ چیخ نے کمرہ میں شور و غل پیدا کردیا تھا۔۔۔۔
جب کہ کونے میں کھڑی تھر تھر کانپ رہی تھی۔۔۔ دونوں ہاتھ مضبوطی سے منہ پہ جمائے۔۔۔۔۔۔
اس سے پہلے کہ وہ شخص دراب پہ پلٹ کر وار کرتا دراب نے ایک ہی جست میں اسے پکڑ کر دیوار کی جانب دھکیلا۔۔۔۔ سر دیوار سے لگ جانے پر وہ درد سے دوہرا ہورہا ہونے لگا۔۔۔۔۔۔۔
وہیں اپنا سر پکڑ کر بیٹھ گیا بھل بھل خون نکل کر کارپیٹ کو رنگ رہا تھا۔ ۔۔۔۔
اس سے پہلے کہ وہ بھاگتا دراب نے اس کی بائیں ٹانگ کا نشانہ لے کر ٹریگر دبایا۔۔۔۔۔۔۔۔
ٹھاا کی آواز کہ ساتھ گولی اس کی ران میں جاگھسی۔۔۔۔۔۔
مقصد اسے جانے نہیں دینا تھا۔۔۔۔
اس سے زیادہ دیکھنا وہ برداشت نہیں کرپائی اور زمین بوس ہوگئ۔۔۔۔۔۔۔۔۔
جبکہ وہ شخص درد سے بلبلاتا مغلظات بک رہا تھا۔۔۔۔۔۔
طیش میں اکر مُکہ اس کے منہ پر رسید کیا جس سے اس کی گردن ایک جانب لڑھک گئ۔۔۔۔۔۔
دو قدم اگے بڑھ کر ہوش و خروش سے بیگانہ وجود کو بازووں میں بھرا دوسرے کمرہ میں لے گیا۔۔۔۔ اتنی دیر میں دوسرا چوکیدار بھاگتا ہوا آیا۔۔۔۔۔۔
دراب اسے لٹا کر کمرہ سے نکلا سامنے ہی اسے گارڈ آتا۔ دیکھائی دیا۔۔۔
اشتعال میں اکر اس نے زور دار تھپڑ اس گارڈ کو مارا۔۔۔۔۔
کہاں مرے ہوئے تھے تم ؟؟؟
“سر خان تھا گیٹ پر میں سگریٹ لینے پاس ہی دکان گیا تھا۔۔۔۔۔۔”
اس گارڈ نے نظریں نیچی رکھے ممناتے ہوئے کہا:
مر جاتے اگر سیگریٹ نہ پیتے آج کی رات ؟؟ کہاں ہے خان بلاو اسے؟؟؟
“سر وہ کہیں نظر نہیں آرہا میں نے اسے ساری جگہ دیکھ لیا۔۔۔۔”
اس بار بھی سر اٹھانے کی غلطی نہیں کی تھی۔۔۔۔۔
درراب نے مٹھی بھینچ کر اپنے غصہ کو کم کرنا چاہا تھا۔۔۔۔۔۔۔۔۔
“تمہاری بھی اب کوئی ضرورت نہیں۔۔۔۔
ناو یو گیٹ لاسٹ۔۔۔”
پر سر ممیرا کیا قصور اس سب میں؟؟
اب کہ اس نے بیچارگی سے کہا:
“جا رہے ہو یا حوالات لےجاوں وہاں سارے سوال پوچھ لینا ۔۔۔۔۔۔۔۔”
تیز لہجہ میں کہتے ہوئے وہ گارڈ کی جانب بڑھا جبکہ وہ دو قدم پیچھے ہوا تھا کوئی بعید نہ تھی کہ وہ اسے دھنک کہ رکھ دیتا۔۔۔۔۔۔۔۔۔۔ ۔
جبکہ وہ واپس کمرہ میں آیا اور بے ہوش پڑے شخص کی نبض ٹٹولی ۔ اتنے میں سائرن کی آواز سنائی دی۔۔۔۔ کچھ ہی سیکنڈز میں اہلکار اس شخص کو لے جانے لگے۔۔۔۔۔
“صبح تک اسے ہوش آجانا چاہیئے اور ڈاکٹر کو بلاکر اسکا ٹریٹمنٹ کرواو۔۔۔۔”
پولیس وردی میں کھڑے اہلکار سے کہا ۔۔۔۔
“یس سر۔۔۔۔”
دین محمد ۔؟؟؟
“یس سر ”
“گیٹ پہ موجود دونوں گارڈز کی نگرانی کرواو۔۔۔ کہاں جاتے ہیں کہاں سوتے ہیں کس سے ملتے ہیں۔۔۔۔ اور خان اس وقت کس کہ انڈر میں رہ کر کام کررہا ہے ۔۔۔ چیدہ چیدہ بات جو کہ ان دونوں سے جڑی ہو سب کی رپورٹ چاہیئے۔۔۔۔”
پتھریلہ لہجہ میں دین محمد سے گویا ہوا۔۔۔
انڈراسٹینڈ؟؟؟
“یس سر ۔۔۔۔”
دو لفظی جواب دے کر وہ سرعت سے وہاں سے نکل گیا ۔۔۔۔۔۔۔
جبکہ درراب اب گھوم پھر کر پورے گھر کا جائزہ کررہا تھا ۔۔۔۔۔۔۔۔۔۔۔۔۔۔۔۔۔۔۔۔۔
____________________________
حویلی میں آج صبح سے ہی رونق لگی ہوئی تھی۔۔۔۔۔۔ ساری لڑکیاں جلدی جلدی کام نبٹانے میں لگیں ہوئیں تھیں۔۔۔
تمام مرد مردان خانے میں براجمان تھے۔۔۔۔
سعیدہ بیگم تخت پہ بیٹھیں تسبیح پڑھ رہیں تھیں۔۔۔۔
دادو آپ کیا پڑھ رہیں ہیں؟؟؟
اچانک سے عینو دھم کر کہ تخت پہ آبیٹھی۔۔۔
الے لڑکی زرا سنبھل کر بیٹھ ہڈیاں تڑوانی ہیں کیا۔۔۔۔۔
افف دادو بتائیں نہ ؟؟؟
عینو نے سر دادو کی گود میں رکھا:
سعیدہ بیگم نے اسے گھور کر دیکھا اور پھر سے تسبیح کہ دانے گرانے لگیں۔۔۔
دادو آپ نہیں بتائیں گی تو مجھے شک ہوجائے گا پھر ؟؟؟
“غضب خدا کا اپنی دادی پہ شک کررہی ہے ناسپیٹی رک جا تیری ماں سے شکایت کرتی ہوں۔۔۔”
“اوہ یار دادو مام کو نہ بلائیں وہ پکی والی ہلاکو خان ہیں آجائیں گی تو کام کرنے کا کہیں گی اور آپ کو تو پتا ہے مجھے یہ کام وام کرنا بلکل اچھا نہیں لگتا۔۔۔۔”
عینو منہ کہ زاویہ بگاڑ کہ بولی۔۔۔
جب کہ دادو مسکرانے لگیں تھیں۔۔۔۔
لو بھلا کام نہیں کرے گی تو سسرال جاکر ہماری ناک کٹوائی گی کیا؟
“کس نے کہا میں سسرال جاوں گی میں تو اپ کہ پاس رہوں گی ۔۔۔”
“چل چل زیادہ مسکے نہ لگا اور تسبیح پرھنے دے ۔۔۔۔۔”
اوکے دادو وہ انھیں ہگ کرتی ہوئی کلاچیں بھرتی صحن میں غائب ہوگئ۔۔۔
جب کہ سعیدہ بیگم نے مسکرا کر اس کے لیے دائمی خوشیوں کی دعا کی تھی۔۔۔۔۔۔۔
____________________________
اور بھئ کون کون چل رہا ہے ؟؟؟
سکندر صاحب نے مہتاب کو دیکھتے ہوئے پوچھا :
“میں ،دانی ، صائمہ ہی جائیں گے۔۔۔۔”
مصروف سے انداز میں کہا گیا:
کیوں دونوں برخوردار میں سے کیا کوئی بھی نہیں جارہا ؟؟؟
“صائمہ بتا رہی تھی کہ صعود تو سیدھا بارات میں جائے گا ۔۔۔۔۔۔ جب کہ شاہ کا کچھ علم نہیں۔۔۔۔۔”
“ہمممم چلو ٹھیک ہے۔۔۔۔۔”
اخبار کھول کہ وہ اپنے منہ کہ اگے کرچکے تھے۔۔
___________________________
گاجے باجے براتی
گھوڑا گاڑی اور ہاتھی کو
لائیں گے ساجن تیرے اگن
ہریالی بنی ۔۔۔۔
مہندی روپ سنوارے ہاں
مہندی رنگ نکھارے ہاں
ہریالی بنی کہ انچل میں
اترے گے تارے
ڈھول کی ٹھاپ پہ عنایہ لہک لہک کر گارہی تھی۔۔۔ جبکہ عنبرین اور باقی ساری لڑکیاں گاہے بگاہے اس کا ساتھ دے رہیں تھیں۔۔۔۔۔۔
تمام مرد مردان خانے میں الگ کچہری لگا کر بیٹھے ہوئے تھے ۔۔۔۔۔۔
عنایہ کی نظر راحب پر پڑی تو گانا چھوڑ کر اٹھ بیٹھی۔۔۔۔۔۔۔
اس کہ پیچھے آتی فوزیہ کو دیکھ کر وہ اس کی جانب لپکی۔۔۔۔
جب کہ ساری لڑکیاں اسی کی جانب گردن گھمائیں دیکھ رہیں تھیں۔۔۔۔۔۔
راحب اسے اندر چھوڑ کر واپس مڑ گیا تھا۔۔۔
“مجھے یقین نہیں آرہا فوزی تم اگئیں ۔۔۔”
“یقین کرلو میری جان میں اچکی ہوں۔۔۔”
شرارتی انداز میں کہہ کر وہ اس سے گلے ملی تھی ۔۔۔۔
عنایہ اسے لے کر دادو کی جانب آئی ۔۔۔۔۔۔۔۔
“السلام و علیکم دادو۔۔۔”
فوزیہ نے جھک کر انھیں سلام کیا ۔
“دادو عینک لگائے اس کہ اپنائیت سے کہنے پہ غور سے دیکھنے لگیں۔۔۔۔”
“وعلیکم سلام جیتی رہو ۔۔۔”
دادو نے سر پہ ہاتھ پھیر کر نرمی سے کہا:
“دادو یہ میری جگری یار فوزیہ ہے۔۔۔۔”
عینو نے مان سے فوزیہ کو دیکھ کر کہا:
پھر باری باری حویلی کہ ہر فرد سے ملنے لگی ۔۔۔۔
اس سارے عرصہ میں وہ تھک کہ چور ہوچکی تھی۔۔۔ اوپر سے تین گھنٹے کا سفر بیٹھے بیٹھے اس کی کمر اکڑ گئی تھی۔۔۔۔۔۔۔۔۔۔۔۔
مجبوراً منہ پہ مسکراہٹ سجائے وہاں بیٹھی تھی ۔ ۔۔
اسے دادو کی جانچتی نظریں ایک انکھ نہ بھائی تھی ۔۔۔۔۔۔
تھوڑی دیر وہاں بیٹھی رہی پھر عنایہ خود ہی آرام کہ خیال سے اسے کمرہ میں لے گئی تھی۔۔۔۔۔۔۔۔۔۔۔
عینو کہ بارہا اصرار کرنے پر مونا بیگم مان گئیں تھیں مایوں سے ایک دن پہلے آنے کی اجازت دے دی تھی۔۔۔۔۔۔۔
عنایہ جو صبح سے اس کا انتظار کررہی تھی رات میں اس کو دیکھ کر پھولے نہ سمائی۔ ۔۔۔ عینو فوزیہ کی آنے کی خوشی میں یہ پوچھنا ہی بھول گئی تھی کہ وہ آئی کس کہ ساتھ ہے ۔۔۔۔
اور فوزیہ نے سکھ کا سانس لیا تھا۔۔۔۔۔۔۔
___________________________
صبح تک وہ بیدار تو ہوچکی تھی لیکن ڈر کے مارے بخار چڑھا بیٹھی تھی۔۔۔۔۔
رات وہ بار بار اسے کمرہ میں اکر دیکھ رہا تھا۔۔۔
اب بیڈ پہ دبکی بیٹھی تھی لیکن باہر نہیں نکل رہی تھی۔۔۔۔
درراب کا فائر کرنا۔ اس آدمی کی چیخ ، بہتا خون اس کہ دماغ پہ سوار ہوگیا تھا۔۔۔۔۔۔۔۔۔۔۔
کھڑکی پہ پڑے پردے دن کہ اجالے میں رات کا پتا دے رہی تھی۔۔۔۔۔
خالہ بی بھی ابھی تک انیکسی سے نہیں آئیں تھیں۔۔۔۔۔
اور نہ ہی وہ رات کہ ہنگامہ میں نظر آئیں تھیں۔۔۔۔
ہاتھ میں بندھی گھڑی میں ٹائم دیکھا ۔۔۔
اسے پولیس اسٹیشن جانا تھا اور یہاں ناشتہ کہ کوئی اثار نہیں دیکھائی دے رہے تھے۔۔۔۔۔۔۔
ناب گھما کر دروازہ کھولا ۔۔۔
کمرہ کا ماحول دیکھ کر اسے غصہ آگیا تھا۔۔۔۔۔
“محترمہ کی نیند ہی پوری نہیں ہورہی حد ہوتی ہے۔۔۔”
بڑبڑاتا ہوا وہ اس کی جانب آیا۔۔۔
“اٹھو اور چل کر ناشتہ بناو ۔۔۔۔۔”
درراب نے اس کہ کندھے ہلا کر اونچی آواز میں کہا:
مردانہ لمس پہ وہ گھبرا کر کروٹ بدلی اور دوسرے ہی پل وہ زمین پہ تھی۔۔۔۔
“اففففف امممی میرے لگ گئی۔۔۔”
جبکہ دراب نے حیرانی سے دیکھا ۔۔
اس کی دہائی پہ ہنسی روکتا ہوا پنجوں کہ بل بیٹھا۔۔۔
“انسان ہوں کوئی جن یا بھوت نہیں ہوں جو اس طرح ڈر کر بھاگتی ہو۔۔۔۔”
دراب کہ طنز پر وہ شرمندہ ہوگئی تھی۔۔۔۔
“وہ وہ میں سمجھی ککوئی کوئی اور تھا”
جبکہ درراب اس کی بات سمجھ کر ہاتھ اس کی جانب بڑھایا:
جھجھکتے ہوئے شفاف ہتھیلی پہ اپنا نازک سفید ہاتھ رکھ گئ تھی۔۔۔۔۔۔۔
اس سے پہلے وہ اسے اٹھا تھا دوسرا ہاتھ ماتھے پہ رکھ دیا:
“تمھیں تو بخار ہے”
یک دم ماتھے پہ کئی بلوں کا اضافہ ہوا تھا ۔۔۔۔۔۔۔
وہ ایک ٹک اس دھوپ چھاووں شخص کو دیکھ رہی تھی۔۔۔۔
جو اس کی پرواہ کررہا تھا یا صرف دکھاوا؟؟
وہ اب غور سے اسے دیکھ رہی تھی جو موبائل کان پہ لگائے بات کررہا تھا۔۔۔
“نہیں نہیں یہ شخص جیسا اندر سے ہے ویسا ہی باہر سے ہے۔۔۔۔”
غصہ کرتا ہے تب بھی پوری ایمانداری کے ساتھ کرتا ہے ۔۔۔۔۔۔
دل نے ایک دم احتجاج کیا ۔۔۔۔
وہ اس کی ایمانداری کا سوچ کر ہی کانپ گئی تھی۔ ۔۔۔۔۔
زیادہ طبیعیت خراب ہورہی ہے؟؟
نرمی سے اس کا ہاتھ تھام کر پوچھا:
“یہ ڈریس کتنا ججتا ہے اس پر۔۔۔ ”
وہ اپنی ہی دنیا میں گم نجانے کہاں پہنچی ہوئی تھی۔۔۔۔۔۔۔
“میڈم اگر پوسٹ مارٹم کرلیا تو مجھ غریب کی بھی سن لیں۔۔۔”
انکھوں کہ سامنے ہاتھ ہلاکر اپنی موجودگی کا احساس دلایا۔ ۔
وہ ہڑبڑا کر رہ گئ تھی۔۔۔
ہاں جی جی کیا؟؟
اسکے بے ربط جملے درراب کو تشویس میں مبتلا کرگئے تھے۔۔۔۔
“مجھے لگتا ہے ڈاکٹر کو بلانا۔ پڑے گا ۔۔۔”
“نہیں میں ٹھیک ہوں ۔۔۔۔۔”
ایک بار پھر وہ شرمندہ ہوگئ تھی۔
نجانے اس کہ پاس آنے پر سب کچھ کیوں بھول جاتی تھی ۔۔۔۔۔
اتنی باتوں کہ باوجود وہ اس سے نفرت نہیں کرسکی تھی ۔۔۔۔ کیوں اس۔ کی وجہ وہ جاننے سے قاصر تھی۔۔۔۔۔
نفرت اور محبت دو الگ الگ جذبہ ہیں ۔۔۔ ان میں سے ایک بھی دل پر قابض ہوجائے تو دوسرا خود ہی وہاں سے نکل جاتا ہے ایک ہی وقت میں محبت اور نفرت دونوں ایک ساتھ نہیں پنپ سکتے ۔۔۔ اور اس کہ دل میں صرف اور صرف محبت تھی اس لئے نفرت کا کوئی عمل دخل نہیں تھا۔۔۔۔۔۔۔۔۔۔۔۔
“جاو فریش ہوکر آو۔۔۔۔۔”
اس بار اس نے نگاہیں اٹھائے بغیر سر ہلا دیا ۔۔۔۔۔
اور اٹھ کر واش روم چلی گئی۔۔۔۔۔
وہ اس کی انکھوں میں رقم خوف دیکھ چکا تھا
اس بات کا براملا اعتراف کئے بنا نہ رہ سکا کہ
وہ واقعی ایک مضبوط اعصاب کی مالک ہے۔۔۔۔
اس کی جگہ کوئی اور ہوتی تو کل کے مناظر دیکھ کر دو دن تک بے ہوش رہتی ۔۔۔۔۔۔۔۔۔۔۔۔۔
پانچ منٹ بعد وہ باہر آئی تو کچن سے کھٹر پٹر کی آوازیں آرہی تھیں۔۔۔۔
خالہ بی کا گمان کر کہ وہ کچن کی جانب چلی آئی ۔۔۔۔
اس کا خیال تھا۔ کہ درراب جاچکا ہوگا۔۔۔ لیکن یہ کیا وہ تو گیا ہی نہیں ۔۔۔۔
یہ کیا کررہے ہیں؟؟؟
حیرانگی لئے اس کہ روانی سے انڈا پھیٹتے ہاتھ کو دیکھنے لگی۔۔۔۔۔۔۔۔
“بیٹھ جاو یار آتے ہی سوال و جواب کرنے شروع کردیئے ”
وہ خفگی سے وہیں رکھی ایک کرسی پہ بیٹھ گئ۔۔ ۔۔
“اب وہ فرائی پین میں انڈا پلٹ رہا تھا ۔۔۔ اور ساتھ ہی دو مگ میں چائے انڈیلنے لگا۔۔۔۔۔”
یونیفارم میں ملبوس وہ انہماک سے کام میں مگن تھا۔۔۔ اور وہ پھر سے اسے دیکھے چلی گئی ۔۔۔ ہر بار وہ اپنے آپ کو بے بس محسوس کرتی تھی۔۔۔۔ روک نہیں پاتی تھی خود کو۔۔۔۔۔۔۔
وہ ٹرے لئے اس ٹیبل کی جانب آیا۔ اور ساتھ رکھی کرسی کھینچ کر بیٹھ گیا:
جب کہ وہ نگاہوں کا زاویہ بدل گئی تھی
“چلو بھئی مسسز شروع کرو۔۔۔”
جیم لگا بریڈ اس کی جانب کرتے ہوئے کہنے لگا۔۔۔۔
اور خود بھی ناشتہ کرنے لگا ۔۔۔۔۔
کئی سوال تھے اس کہ دل میں لیکن سامنے بیٹھا شخص اسے ہر بار ٹوک دیتا تھا ۔۔۔ نجانے کیوں وہ یا تو اس سے بات نہیں کرنا چاہتا تھا یا اسے اس قابل نہیں گردانتا تھا ۔۔۔۔
اس اچھی طرح یاد تھا کہ اس نے اپنے ذاتی کام کرنے کا اسے نہیں کہا تھا ۔۔
ہاں کیوں کہ وہ ونی تھی صرف ونی ۔۔۔ اور ونی بیوی نہیں ہوسکتی ۔۔۔۔۔۔
لیکن وہ تو اس کہ لیے کسی اہمیت کی بھی حامل نہ تھی وہ اس سے غیر ضروری بات تک کرنا پسند نہ کرتا تھا ۔۔۔۔
اپنی بے وقعتی پر اس کی انکھیں بھیگ گئیں تھیں۔۔۔ ایک آنسو انکھ سے نکل کر چائے میں گڑپ ہوگیا تھا۔۔۔۔
درراب کی زیرک نگاہوں سے مخفی نہ ہوسکا تھا۔۔۔۔۔۔۔
کیوں رو رہی ہو ؟؟؟
درراب کا غیر متوقع سوال نے اسے ہڑبڑانے پہ مجبور کردیا تھا۔۔۔۔۔
“نہ نہیں میں کہاں رو رہی ہوں۔۔۔۔”
اپنے لہجہ کو بمشکل نارمل رکھ کر صفائی پیش کی گئی۔۔۔۔۔
تمھیں اب تک میرے ساتھ رہتے ہوئےیہ بات سمجھ نہیں آئی مجھے جھوٹ، دھوکہ بازی سے شدید نفرت ہے ۔۔؟؟
لمحہ بھر میں اس کہ چہرہ پہ پتھریلہ پن نمایاں ہوا تھا۔۔۔۔۔
البتہ پیشانی بل سے پاک تھی۔۔۔۔۔ اور یہ کیا انکھیں بھی نرمی کا تاثر دے رہیں تھیں۔۔۔
“منہ دھو کر آو۔۔۔۔”
ایک اور حکم ۔۔۔۔
ہاں وہ حکم ماننے کیلئے ہی تو لائی گئی ہے ۔۔۔۔
آج سارے آنسو بندھ توڑ کر بہنے کو تیار تھے ۔۔۔ ضبط کی شدت سے انکھیں لال ہورہیں تھیں ہاتھ کہ پیالہ بنا کر نل کہ اگے کرتے ہوئے نجانے کتنے بے آواز آنسو نکلے تھے۔۔۔۔
انکھوں میں پانی پڑتے ہی ٹھنڈک کا احساس جاگا تھا۔۔۔۔
درراب نے اسے پیٹھ موڑے کھڑے دیکھا تو سرعت سے اسکی سائیڈ والا رکھا کپ اٹھا لیا تھا۔۔۔۔ اور اس کی جگہ اپنا کپ رکھ چکا تھا۔۔۔۔
وہ واپس کرسی پہ بیٹھی یہ ہی سوچ رہی تھئ کہ اب کیا جواب دے گی ۔۔۔۔۔۔ لیکن درراب نے اس کی مشکل آسان کردی تھی۔۔۔۔
“چائے پیو ٹھنڈی ہورہی ہے۔۔۔۔۔”
اب وہ مزے سے چسکی بھرنےلگا تھا مسکراہٹ اس کہ چہرہ سے عیاں تھی ۔۔۔۔۔
اور حیرت کی زیادتی سے کپ لبوں سے لگا طکی تھی یہ دیکھے بغیر کہ اس کی چائے آدھی تھی جبکہ یہ والا کپ اوپر تک بھرا ہوا تھا۔۔۔۔۔
وہ کبھی اس کی محبت نہیں سمجھ سکتی تھی۔۔۔ کیوں کہ وہ درراب تھا اس اندازے محبت بھی اسی کی طرح مختلف اور انوکھا تھا۔۔۔۔۔۔۔۔
اوہ شٹ میں کیسے انھیں بھول سکتاہوں۔۔۔
ٹیبل پر مکہ مارتے ہوئے وہ کرسی چھوڑ کر کھڑا ہوگیا ۔۔۔۔۔
وہ سوالیہ نگاہوں سے اس کی جانب دیکھنے لگی۔۔۔۔۔
درراب اس کی نگاہوں کو نظر انداز کرتا ہوا انیکسی کی جانب بڑھ گیا :
درراب کا یہ انداز اسے تشویش میں مبتلا کرگیا ۔۔۔۔ سوچے سمجھے بنا اس نے درراب کی تقلید کی ۔۔۔ کوئی اور وقت ہوتا تو وہ ضرور قدم باہر نکالنے سے پہلے سو۔ بار سوچتی۔۔۔۔۔۔
انیکسی کہ دراوزہ پہ جگہ جگہ سوراخ دیکھ کر درراب کو کسی انہونی کا احساس ہوا ۔۔۔۔
جبکہ اس کہ پیچھے آتی وہ دراوازہ بجا کر خالہ بی کو آوازیں دینے لگی۔۔۔۔
درراب اندر کا منظر سوچ کر مٹھیاں بھینچ گیا تھا۔۔۔۔
تم اندر جاو کس سے پوچھ کر باہر نکلی ہو ؟؟؟
درراب نے سخت لہجہ میں کہا :
“وہ نہیں چاہتا تھا کہ اندر کا حولناک منظر دیکھ کر وہ پھر سے اپنی طبعیت خراب کرلے ۔۔۔”
“مجھے خالہ بی کہ پاس جانا ہے ۔۔۔”
اس کی جانب مڑے بغیر وہ دروازہ کھولنے کی کوشش کررہی تھی۔۔۔۔ دراوزہ چونکہ اندر سے بند تھا اس لیے باہر سے کھولنا ناممکن تھا۔۔۔۔۔۔
اسے اپنی جگہ ایستادہ دیکھ کر وہ انیکسی کہ پیچھے بنی کھڑکی کی جانب آیا۔۔۔۔ اتفاق تھا کہ کھڑکی کھلی رہ گئی ورنہ خالہ بی کھڑکیاں بند کرکہ سونے کی عادی تھیں۔۔۔۔
اس نے پتھر سے شیشہ توڑا اور اندر اتر گیا۔۔۔۔
انیکسی کی حالت ابتر ہورہی تھی جگہ بلیٹ کہ نشان واضھ تھے جیسے نشانہ لے کر گولی چلائی گئی ہو۔۔۔۔۔
اگے بڑھ کر اس نے چٹخنی کھینچی۔۔۔۔
عینو نے خالہ بی کہ مردے وجود کو دیکھا تو دلخراش چیخ اس کہ حلق سے نکلی تھی۔۔۔۔۔۔
خالہ بی اٹھیں خالہ بی!
اس سے پہلے کہ وہ خالہ بی کی جانب بھاگتی درراب نے اسے جانے سے روکا۔۔۔۔
“دُر خالہ بی کو کیا ہوگیا وہ ایسے کیوں پڑی ہیں آپ انھیں ہسپتال لے کر جائیں نہ ۔۔۔۔”
درراب نے اسے خود میں بھینچ لیا تھا۔۔
“وہ ہمیں چھوڑ کر چلی گئیں ۔۔۔”
درراب کا کہنا تھا اور وہ چیخ چیخ کر رونے لگی تھی۔۔۔۔ درراب کی انکھ سے نکل کر آنسو اسے کہ بالوں میں جذب ہوگیا تھا۔۔۔۔
وہ اسے ساتھ لگائے واپس لاونج میں لے آیا تھا۔۔۔۔۔۔۔۔۔
اسے کمرہ میں لے جاکر سلیپنگ پیلز دے کر سلادیا تھا۔۔۔۔ جتنا وہ ہوش میں رہتی روتی رہتی ۔۔۔ اور یہ درراب کو گوارہ نہ تھا۔۔۔۔۔۔
کفن دفن کا انتظام کا اس دین محمد کو دیا تھا۔۔۔۔
خالہ بی اکیلی عورت تھیں دو سال سے اس کہ ساتھ اسی گھر میں رہ رہیں تھیں ۔۔۔
ان کہ اگے پیچھے کوئی نہ تھا۔۔۔۔۔۔۔۔۔۔۔۔
_____________________________