قاصد ونج یار کوں آکھیں احوال سلامت ہووی
جہیڑے حال اچ بلا توں خوش وسدا ایں او حال سلامت ہووی
ایہو جوبن جوش جوانی دا ہر سال سلامت ہووی
اقبال کوں بے اقبال نہ کر اقبال سلامت ہووی
نہیں سجدیاں سانول یار سجنڑاں دے نال ٹھگیاں
لٹ لیندیاں امن قرار سجنڑاں دے نال ٹھگیاں
سجنڑاں نال نہ دغا کماویں جو دم جیوی توڑ نبھاؤیں
سوچیں نہ دل وچ اک وار سجنڑاں دے نال ٹھگیاں
لٹ لیندیاں امن قرار سجنڑاں دے نال ٹھگیاں
سجنڑ رجاویں نہ کر حیلے ہوندے جگری سجنڑ وسیلے
کر دیندیاں سجنڑ بیزار جنڑاں دے نال ٹھگیاں
لٹ لیندیاں امن قرار سجنڑاں دے نال ٹھگیاں
سجنڑاں نال کریں نہ دھوکے کملا سجنٹر نہ لبدے سوکھے
کریں بھل کے وی نہ یار سجنڑاں دے نال ٹھگیاں
لٹ لیندیاں امن قرار سجنڑاں دے نال ٹھگیاں
سجنڑاں کو تیں تے بھرواسے توں وی کر دل وچ احساس اے
کر دیندیاں بے اعتبار سجنڑاں دے نال ٹھگیاں
لٹ لیندیاں امن قرار سجنڑاں دے نال ٹھگیاں
سجنڑاں دے دل نازک ہوندے نکی جئی گل توں بجھ بجھ پوندے
جینڑاں کر دیندیاں دشوار سجنڑاں دے نال ٹھگیاں
لٹ لیندیاں امن قرار سجنڑاں دے نال ٹھگیاں
ٹھگیاں دل دے چمن اوجاڑے آس امیداں دے پُھل ساڑے
سینے بھر دیندیاں انگار سجنڑاں دے نال ٹھگیاں
لٹ لیندیاں امن قرار سجنڑاں دے نال ٹھگیاں
موڑ نہ مکھ مجبورؔ دی گل توں سوہنڑان من موہنڑاں سانول توں
چھڈ ڈیویں ہا ہنٹر تاں یار سجنڑاں دے نال ٹھگیاں
لٹ لیندیاں امن قرار سجنڑاں دے نال ٹھگیاں
