(Last Updated On: )
نبی پاک دے در نوں چُمن گئے بُلھ
ہٹے نئیں اجے وی نیں اوتھے پئے بلھ
بھلا کون دَسّے مزا کنّاں ہوسی
جدوں آن جبریل ’’یوحیٰ‘‘ پڑھے بلھ
مِرے ہوٹھ ’’اسود‘‘ نوں چمدے پئے سی
نظر آکھدی واہ واہ آپ دے بلھ
جدوں آ گیا ناں ’’محمد‘‘ تے چمیا
غزل نعت دے نال پھر سی لئے بلھ
نہ جائو تسیں عرش منتاں کریندا
اجے پیر چُمن دے بھکھے بڑے بلھ
غزل آکھدی مِرے بلھاں نوں چم کے
ثنا دے سمندر بڑے ای ٹھرے بلھ
اجے پئے ’’محمد‘‘ نوں اعجازؔ چمدے
کدی وی نہ چائے جدوں دے دھرے بلھ
