(Last Updated On: )
نعت کعبہ تے سجدے قلم ہو گیا
سر تمامی غماں دا قلم ہو گیا
اک تجلی نبی دی نظر دی پئی
پاک دل دی نظر دا حرم ہو گیا
گھنڈ والیل جھلکار توحید دے
کفر بُت چور سجدے دھرم ہو گیا
ہر مہک دی پری آ پسینے نگر
تک فضا رہ گئی دور غم ہو گیا
دھوڑ نعلین دی تاج سر دا بنی
میرے جئے دا وی جگ تے بھرم ہو گیا
آپ دے چم قدم سوچ رکھیا قدم
ذہن پتھر پگھل کے نرم ہو گیا
نعت نیناں دیاں مستیاں وچ کھڑیٔ
مست اعجاز فن اے کرم ہو گیا
