(Last Updated On: )
نعت جھُم جھُم کے سدا ایہ وی پڑھی رکھدا اے
دل مِرے نال تلاوت دی اڑی رکھدا اے
ظلم دی دھپ کدی اوس گلی نئیں آ سکدی
جس گلی تیرا کرم لائی جھڑی رکھدا اے
بیٹھ کے تانگھ دے حُجرے میرے نیناں وچ
نگ مدینے دا مِرا ذوق جڑی رکھدا اے
غم دا طوفان کدی پیر ہلا نئیں سکدا
آپ دا عشق جہدی بانہہ نوں پھڑی رکھدا اے
رنگ سرکار دے نیناں دا جدوں چڑھ جاندا
پھر نہ لہندا اے سگوں ہور چڑھی رکھدا اے
ہتھ کڑی توڑ کے پلکاں دی مدینے بھجدا
تانگھ دا اتھرو تری تانگھ بڑی رکھدا اے
کون اعجاز تری نعت دا اک حرف کہوے
اک بہانہ اے مناون دا گھڑی رکھدا اے
