(Last Updated On: )
چالیس برس وہ غار ِ حرا
آغاز ِ نزول ِ وحی ِ ورا
وہ قلب نشیں انداز ِ بیاں
تلقین ِ وارے عقل و گماں
اخلاق ِ نبی روشن روشن
کردار ِ نبی درپن درپن ۔
خورشید صفت کردار ان کا
ہر ایک قدم ضو بار ان کا
سونے کو چٹائ کا بستر
سلطان ِ جہاں اور خاک بسر
ہر قول فقط قرآں کی زباں
ہر ایک عمل فیضان رساں
وہ میرے نبی سب سے اعلا
راتوں میں وہ اک روشن ہالا
بو بکر و عمر عثمان و علی
ہیں عشق ِ نبی سے سب ہی ولی
درویش بصد ، عرفان و یقیں
مرغوب غذا بس نان ِ جویں
وہ نور ِ ہدایت ہیں زیبی
ہے راہ نما ان کی ہستی
