نامحرم سے پردہ کا حکم

کون ہیں آپ ۔۔۔۔؟ بات سنیں ۔۔۔۔؟ اس بزرگ کی بات نے زکی کو اندر تک ہلا کر رکھ دیا ۔۔۔
زکی نے جاتے ہوئے بزرگ کو مخاطب کیا ۔۔۔ مگر وہ سنے بغیر وہاں سے چلا گیا ۔۔۔
اب تم کھڑے کھڑے میرا منہ کیا دیکھ رہے ہو ۔۔۔ جائو ۔۔۔۔ زکی خاصے الجھے ہوئے انداز سے اس بچے پر چلایا ۔۔۔
~~~~~~~~~~~
روشک بیٹا ۔۔۔ ادھر آئو میری شہزادی ۔۔۔۔ کیا حال بنا لیا تم نے اپنا ۔۔۔۔ روشک کو اپنے کمرے کے دروازے پر کھڑا دیکھ کر فریحہ سلطان بولی ۔۔۔۔
ماما ۔۔۔۔ روشک دوڑتے ہوئے آئ اور لائونج میں بیٹھی اپنی ماں سے لپٹ کر رونے لگی ۔۔۔
کیا ہوا ۔۔۔ ؟ کل سے تم نے خود کو کمرے میں بند کیا ہوا ہے ۔۔۔ روشک کی ماما نے اس کو خود سے الگ کرتے ہوئے پوچھا ۔۔۔۔
روشک روتی ہی گئ ۔۔۔۔ ایک لفظ نہ بولی ۔۔۔
بیٹا کچھ تو بولو ۔۔۔۔ میری بچی بتا تو سہی ہوا کیا ہے ۔۔۔؟ فریحہ سلطان نے روشک کی خاموشی سے گھبراتے ہوئے پوچھا ۔۔۔۔
ماما ۔۔۔۔ زکی ۔۔۔۔ آئ لو ہم ۔۔۔۔ روشک نے شدت سے روتے ہوئے اپنی ماں کو بتایا ۔۔۔۔
کیا ۔۔۔ بیٹا ۔۔۔ تم یہ کیا کہہ رہی ہو ۔۔۔؟ یہ سب کب سے ۔۔۔ ؟ اس کی ماما نے قدرے حیرانی سے روشک کو دیکھتے ہوئے کہا ۔۔۔۔
میں نہیں جانتی ماما ۔۔۔۔ شاید مجھے زکی سے تب سے محبت ہے ۔۔۔ جب میں محبت کا مطلب بھی نہیں جانتی تھی ۔۔۔ روشک پھر سے اپنی ماں سے لپٹ کر رونے لگی ۔۔۔
مت رو میری جان ۔۔۔ بیٹا تم نے زکی سے اس بارے میں کوئ بات کی ۔۔۔؟ فریحہ سلطان نے متذبذب سے انداز میں روشک کو دیکھتے ہوئے پوچھا ۔۔۔
جی ماما ۔۔۔ میں نے کل زکی کو سب بتا دیا ۔۔۔۔ پر ۔۔۔ روشک نے رخساروں سے آنسو صاف کرتے ہوئے کہا ۔۔۔
پر کیا ۔۔۔ ؟ اس نے کیا کہا ۔۔۔ ؟ اس کی ماں نے اس کی طرف دیکھتے ہوئے پوچھا ۔۔۔
وہ کچھ بھی نہیں بولا ۔۔۔ ماما ۔۔۔ وہ کچھ بھی نہیں بولا ۔۔۔۔ اس کی یہ خاموشی مجھے مار دے گی ۔۔۔ روشک یہ بول کر دوڑتے ہوئے اپنے کمرے میں چلی گئ ۔۔۔
او میرے خدا ۔۔۔ اب میں کیا کروں ۔۔۔۔ دانش کو فون کرتی ہوں ۔۔۔ اب وہی کچھ کر سکتا ہے ۔۔۔۔
********
دانش سلطان روشک کا بڑا بھائی تھا ۔۔۔ نہایت ہی سادہ طبیعت کا مالک انسان دوسروں کا بہت خیال کرنے والا ۔۔۔ اپنی بہن سے بے حد محبت کرتا تھا ۔۔۔دانش کو روشک کی آنکھ میں ایک آنسو بھی دیکھنا گوارا نہ تھا ۔۔۔وہ امریکہ کی ایک یونیورسٹی میں زیرتعلیم تھا ۔۔۔
******
دانش بیٹا ۔۔۔ میں کیا کہوں اب ۔۔۔ تم ہی کچھ سمجھائو اسے ۔۔۔ میری تو ایک نہیں سنتی ۔۔۔ رئوے جا رہی ہے ۔۔۔ فریحہ سلطان اپنے بیٹے کو فون پر ساری بات بتاتے ہوئے بولی ۔۔۔
اووکے ۔۔۔ ماما ۔۔۔ میں چھوٹی کو فون کرتا ہوں ۔۔۔۔ دانش نے فون رکھا ۔۔۔
*******
ٹھیک گیارہ بجے ۔۔۔ زکی وجاہت علی کمال کے آفس پہنچا ۔۔۔۔
بال پیشانی پر ڈال رکھے تھے ۔۔۔ سفید شلوار قمیض میں ملبوس ۔۔۔ سیاہ رنگ کا کوٹ پہنے زکی بہت ہی ہینڈسم لگ رہا تھا ۔۔۔ ایک ہاتھ میں پھولوں کا گلدستہ تھامے ۔۔۔ اور دوسرا ہاتھ بالوں میں پھیرتے ہوئے زکی ریسیپشن پر آکھڑا ہوا ۔۔۔
ہے بیوٹیفل لیڈی ۔۔۔ آئی ایم زلقرنین سلطان ۔۔۔ زکی نے مسکراتے ہوئے وہاں بیٹھی لڑکی کو مخاطب کیا ۔۔۔۔
گڈمارننگ ۔۔۔ سر ۔۔۔ اس لڑکی نے مسکراتے ہوئے کہا ۔۔۔
وجاہت علی سر ۔۔ آ گئے ہیں ۔۔۔؟ مجھے انہوں نے
بلایا تھا ۔۔۔۔ زکی نے گھڑی پر ٹائم دیکھتے ہوئے کہا ۔۔۔۔
اووکے سر ۔۔۔ آپ ویٹ کیجئے میں ۔۔ سر کو انفارم کرتی ہوں ۔۔۔ اس لڑکی نے زکی کو وہاں بیٹھنے کا اشارہ کیا ۔۔۔
***************
ٹون ۔۔۔ ٹون ۔۔۔۔
ہے چھوٹی ۔۔۔ کیسی ہو ۔۔۔؟ دوسری طرف سے فون اٹھائے جانے پر دانش نے مسکراتے ہوئے پوچھا ۔۔۔۔
بھائی ۔۔۔ میں ٹھیک ۔۔۔ آپ کیسے ہیں ۔۔۔؟ روشک نے چہکتے ہوئے خواب دیا ۔۔۔
سب فٹ ۔۔۔ اور سنائو ۔۔ میری گڑیا ۔۔۔ پڑھائی کیسی جا رہی ہے ۔۔۔؟ دانش نے بڑے پیار سے اپنی بہن سے پوچھا ۔۔۔۔
بہت اچھی ۔۔۔ بھائی ۔۔۔ روشک نے مسکراتے ہوئے جواب دیا ۔۔۔
ائوے ۔۔۔ یہ امی کیا بتا رہی ہیں مجھے ۔۔۔؟ ۔۔۔ اب تو نے مجھے اتنا پرایا کر دیا ہے کہ ۔۔۔ سب باتیں مجھے امی سے پتا چلیں گی ۔۔۔ ؟ ۔۔۔ میں بہت ہرٹ ہوا ۔۔۔ روشک ۔۔۔ اپنے بھائی پر زرا سا تو بھروسہ کیا ہوتا ۔۔۔۔
خاموش کیوں ہو جان ۔۔۔ کچھ تو بولو یار ۔۔۔۔ اب تیری یہ خاموشی ڈرا رہی ہے مجھے ۔۔۔۔ بتا نا ہوا کیا ہے ۔۔ ساری بات بتائو مجھے ۔۔۔۔ دانش خاصا پریشانی سے بولا ۔۔۔
میں وضاحت نہیں دیتی بھائی ۔۔۔ چپ رہتی ہوں ۔۔ بات بتانے میں آنسو گرنے لگتے ہیں ۔۔۔ روشک اپنے آنسو پیتے ہوئے بولی ۔۔۔
***********
چھوٹی ۔۔۔۔ تو رو رہی ہے ۔۔۔؟ مت رو میری جان ۔۔۔۔ ابھی تیرا بھائی زندہ ہے ۔۔۔ میں سب ٹھیک کر دوں گا ۔۔۔۔ دانش نے روشک کو سمجھاتے ہوئے کہا ۔۔۔
بھائی ۔۔۔ آپ کیا ٹھیک کریں گے ۔۔۔ آپ کچھ نہیں کر سکتے ۔۔۔ بلکہ کوئی کچھ نہیں کر سکتا ۔۔۔ زکی کسی کی نہیں سنتا ۔۔۔ وہ کبھی مجھے اپنا نہیں بنائے گا ۔۔۔ روشک نے روتے ہوئے فون کاٹ دیا ۔۔۔
روشک ۔۔۔ روشک ۔۔۔۔ میں اس کو کیسے سمجھائوں کہ اگر زکی مان بھی گیا تو ۔۔۔ میں کبھی ایسا ہونے نہیں دوں گا ۔۔۔ میں کیسے سب کچھ جانتے بوجھتے اپنی پھول سی بہن کو اس آگ میں پھینک دوں ۔۔۔۔ دانش دونوں ہاتھ سر پر رکھے قدرے پریشانی سے بولا ۔۔۔۔
**********
سر ۔۔۔ آپ اندر جا سکتے ہیں ۔۔۔ اس لڑکی نے مسکراتے ہوئے زکی کو مخاطب کیا ۔۔۔
اووکے ۔۔۔ تھینکس ۔۔۔ زکی نے صوفے سے اٹھتے ہوئے کہا ۔۔۔۔
**********
کم ان ۔۔۔ زکی کے دروازہ کھٹکٹانے پر اندر سے آواز آئی ۔۔۔
گڈمارنگ سر ۔۔۔ زکی نے ایک ہاتھ وجاہت علی سے ملایا اور دوسرے ہاتھ سے پھول قریب پڑے میز پر رکھے ۔۔۔
او تھینکس ۔۔ ینگ بوائے ۔۔۔ آئو بیٹھو ۔۔۔ وجاہت علی نے زکی کو بیٹھنے کا اشارہ کرتے ہوئے کہا ۔۔۔
چائے ۔۔۔ یا ۔۔ کافی ۔۔۔؟ وجاہت علی نے زکی سے پوچھا ۔۔۔
کافی ۔۔۔ زکی نے مسکراتے ہوئے جواب دیا ۔۔۔
شیور ۔۔۔ دو کافی لے آئو ۔۔۔اس نے دروازے پر کھڑے
ملازم کو کہہ کر جانے کا اشارہ کیا ۔۔۔
تو مسٹر زلقرنین سلطان ۔۔۔۔ میں نے آپ سے ایک سرپرائیز کی بات کی تھی ۔۔۔ رائیٹ ۔۔۔؟ وجاہت علی نے میز کا دراز کھولتے ہوئے کہا ۔۔۔۔
یس سر ۔۔۔۔ زکی مسکرایا ۔۔۔
تو پھر ۔۔۔ پوچھو گے نہیں کہ کیا ۔۔۔ سرپرائیز ہے ۔۔۔؟ کوئی اکسائیٹمنٹ شو کرو یار ۔۔۔۔ وجاہت علی نے زکی کو حیرت سے دیکھا ۔۔۔
سر آپ خود ہی بتا دیجئے ۔۔۔ زکی سیدھا ہو کر بیٹھا ۔۔۔۔
یہ لو ۔۔۔ اس پر اپنے دستخط کرو ۔۔۔ وجاہت علی نے ایک کاغذ اس کی طرف بڑھایا ۔۔۔
یہ کیا ہے ۔۔ سر۔ ۔۔۔۔ ۔؟ زکی نے اس کاغذ کو الٹ پھلٹ کرکے دیکھتے ہوئے پوچھا ۔۔۔۔
کنٹریکٹ ہے ۔۔۔ تمہارا ۔۔۔ میرے ساتھ ۔۔۔۔ دوبئی میں کنسرٹ کرنا ہے تمہیں ۔۔۔ اگر تم نے یہ کنٹریکٹ سائین کر لیا تو ۔۔۔ آئیندہ آنے والے دنوں میں تم اپنے سب کنسرٹس میرے ساتھ کرو گے ۔۔۔۔ یہ پیپر اچھی طرح سے ریڈ کر لو ۔۔۔ پھر فیصلہ کرنا ۔۔۔۔ وجاہت علی نے سیٹ کے ساتھ ٹیک لگاتے ہوئے کہا ۔۔۔
کم ان ۔۔۔۔ دروازے پر دستک ہونے پر وجاہت علی نے کہا ۔۔۔ صاحب کافی ۔۔۔ ملازم میز پر کافی کے مگ رکھتے ہوئے بولا ۔۔۔
تھینکس بیٹا ۔۔۔ اس نے مسکراتے ہوئے ملازم کو دیکھا ۔۔۔
دوبئی میں ۔۔۔ کنسرٹ ۔۔۔۔؟ زکی نے قدرے حیرانی سے وجاہت علی کو دیکھتے ہوئے پوچھا ۔۔۔۔
یس جونئیر ۔۔۔ کیا سوچا پھر ۔۔۔ منظور ۔۔۔؟ وجاہت علی نے کافی کا مگ زکی کو تھماتے ہوئے کہا ۔۔۔
یس سر ۔۔۔۔ آف کورس ۔۔۔۔ یہ تو بہت بڑی اپارچونیٹی ہے میرے لئے ۔۔۔ میں تو ضرور جائوں گا ۔۔۔۔ میں تو کیا ۔۔۔ میری جگہ کوئی اور بھی ہوتا ۔۔۔۔ تو وہ بھی اس چانس کو کبھی مس نہ کرتا ۔۔۔ زکی نے خوشی سے چہکتے ہوئے کہا ۔۔۔
تو پھر ۔۔۔ ڈن ۔۔۔ یہ بات طہہ ہو گئی کہ ہم ساتھ میں کام کر رہے ہیں ۔۔۔؟ وجاہت علی نے متذبذب سے انداز میں زکی سے پوچھا ۔۔۔
ڈن ۔۔۔ سر ۔۔۔ زکی نے وجاہت علی سے ہاتھ ملایا ۔۔۔
تھینکیوسومچ سر ۔۔۔۔ یو آر سچ آ گریٹ پرسن ۔۔۔ زکی نے مسکراتے ہوئے وجاہت علی کو دیکھا ۔۔۔
****************************
روشک بیٹا ۔۔۔ تم سمجھنے کی کوشش تو کرو ۔۔۔ میری جان ۔۔۔ دیکھو میں صرف تم سے بات کرنے یہاں تک آئی ہوں ۔۔۔۔
کیا سمجھوں نانو ۔۔۔ آپ ہی بتائیں ۔۔۔ روشک نے روتے ہوئے اپنی نانو کو دیکھا ۔۔۔
بیٹا ۔۔۔ وہ تجھ سے بہت پیار کرتا ہے ۔۔۔ چھوٹی بہنوں کی طرح تیرا اتنا خیال کرتا ہے ۔۔۔ اب ایسے میں اگر تو اسے بولے گی کہ تو اس سے محبت کرتی ہے ۔۔۔ تو وہ کیا کہے گا ۔۔۔ کیسے مانے گا یہ بات ۔۔۔ تو اپنے دل سے پوچھ بیٹا ۔۔۔ وقت دے ۔۔۔ خود کو بھی اور اس کو بھی ۔۔۔۔ نانو نے روشک کو پیار سے سمجھاتے ہوئے کہا ۔۔۔
میں سمجھتی تھی کہ پتا نہیں کتنا پیار کرتا ہے وہ ۔۔۔ میرے علاوہ کسی اور سے بات تک نہیں کرتا ۔۔۔ اس کے دل میں صرف اور صرف میں ہوں ۔۔۔۔ بس یہی غلط فہمی مجھے لے ڈوبی ۔۔۔۔ میں غلط تھی نانو ۔۔۔ میں غلط تھی ۔۔۔ روشک روتے ہوئے نانو کے گلے لگ گئی ۔۔۔
میری جان ایسے مت رو ۔۔۔ کچھ لوگ قسمت کی طرح ہوتے ہیں جو دعا سے ملتے ہیں اور کچھ لوگ دعا کی طرح ہوتے ہیں جن کے ملنے سے قسمت بدل جاتی ہے ۔۔۔ بیٹا تو اللہ سے دعا کر ۔۔۔ خدا سے مانگ اس کو ۔۔۔ اگر وہ تیری قسمت میں ہوا تو وہ تجھے ضرور ملے گا ۔۔۔ نانو نے روشک کے رخساروں پر گرتے آنسو صاف کئیے ۔۔۔
نانو ۔۔۔ آپ کو کیا لگتا ہے کہ میں نے زکی کو پانے کے لئے خدا سے دعائیں نہیں کی ہوں گی ۔۔۔؟ میں نے بہت دعائیں کی ۔۔۔ مگر خدا نے میری دعا قبول نہیں کی نانو ۔۔۔ روشک نے نانو کی گود میں سر رکھتے ہو ئے کہا ۔۔۔
بیٹا ۔۔۔ وقتی ہار یا تکلیف میں اپنے رب سے شکوہ نہ کرو ۔۔۔ کیوں کہ جو وہ جانتا ہے تم نہیں جانتی ۔۔۔ نانو نے روشک کے سر پر ہاتھ پھیرتے ہوئے کہا ۔۔۔
کسی کے چھن جانے میں بھی مصلحت خدا ہوتی ہے بیٹا ۔۔۔ کچھ چیزوں یا لوگوں کا پاس رہنا بہتر نہیں ہوتا ۔۔۔ اور ہماری بہتری۔۔۔۔ خدا سے بہتر اور کون جان سکتا ہے ۔۔۔ صبر کر میری جان ۔۔۔ صبر کر ۔۔۔ نانو نے روشک کے رخساروں کو چومتے ہوئے کہا ۔۔۔
گوہر ۔۔۔۔ کہاں ہو ۔۔۔ ادھر آئو بیٹا ۔۔۔ چوٹ دکھائو ۔۔۔ اب ٹھیک ہو ۔۔۔؟ تمہارے بابا بتا رہے تھے کہ تمہارا ہاتھ اچھا خاصا جل گیا ۔۔۔۔ ممتاز بیگم نے باہر سے آتے ہوئے گوہر کو مخاطب کیا ۔۔۔۔
جی امی ۔۔۔ کافی بہتر ہوں ۔۔۔ بابا تو ایسے ہی پریشان ہو رہے تھے ۔۔۔ معمولی سی چوٹ تھی ۔۔۔ گوہر نے اپنی امی کو تسلی دیتے ہوئے کہا ۔۔۔
فضے گل کہاں ہے ۔۔۔؟ میں تم دونوں کے لئے چاکلیٹس
لائی ہوں ۔۔۔۔ ممتاز بیگم نے گوہر کو پرس میں سے ایک پیکٹ نکال کر دیا ۔۔۔
شکریہ امی ۔۔۔ وہ سو رہی ہے ۔۔۔ اس کو بخار ہے ۔۔۔ آپ کے لئے پانی لائوں ۔۔۔۔ ؟ گوہر نے باورچی خانے میں جاتے ہوئے پوچھا ۔۔۔
اوو اچھا ۔۔۔ ڈاکٹر کے لے کر گئے اس کو ۔۔۔۔۔ ؟ ممتاز بیگم نے گوہر سے پانی کا گلاس لیتے ہوئے کہا ۔۔۔
جی امی ۔۔۔ بھابھی اس کو ڈاکٹر سے چیک کروا لائی تھی ۔۔۔ انفیکشن ہو گیا ہے ۔۔ دوائی دی ہے ڈاکٹر نے ۔۔۔ گوہر نے موبائل اون کرتے ہوئے کہا ۔۔۔
اوو پاکستان سے فون آتی رہی ۔۔۔۔۔ دادو کروا رہی ہوں گی ۔۔۔۔۔ پتا ہی نہیں چلا ۔۔۔ گوہر نے مسڈ کالز چیک کرتے ہوئے کہا ۔۔۔
میں دادو کو فون کر کے آتی ہوں ۔۔۔۔ گوہر اسی نمبر پر ۔۔۔۔۔۔۔۔۔۔ جس نمبر سے پہلے کالز آتی رہی ۔۔۔۔
کال ملاتے ہوئے اندر گئی ۔۔۔۔
ہیلو ۔۔۔۔ کون ۔۔۔ ؟ دوسری طرف سے زکی فون اٹھا کر بولا
اسلام و علیکم ۔۔۔۔ میں گوہر ۔۔۔ گوہر نے زکی کو جواب دیتے ہوئے کہا ۔۔۔
وعلیکم اسلام ۔۔۔ گوہر ۔۔۔ کیسی ہو ۔۔۔؟ زکی بڑے ہی فریش موڈ سے بولا ۔۔۔
میں ٹھیک ہوں ۔۔۔۔۔ دادو نے فون کروائی تھی ۔۔؟ گوہر زکی کے اس طرح بدلے ہوئے رویے سے حیران ہوئی ۔۔۔ اس دن جب زکی کی فون آئی تو وہ ۔۔۔ خاصے اکڑے ہوئے انداز سے بولا تھا ۔۔۔ آج اچانک اس کا یہ انداز اس کی سمجھ میں نہیں آیا ۔۔۔۔
ہاں ۔۔۔ دادو نے فون کروائی تھی ۔۔۔ اس وقت آپ نے اٹھائی نہیں تو ۔۔۔ زکی پارکنگ ایریا سے اپنی گاڑی نکالتے ہوئے بولا ۔۔۔
اس وقت میں مصروف تھی ۔۔۔ مجھے انداز نہیں ہوا ۔۔۔ ابھی بات ہو سکتی ہے ۔۔ دادو سے ۔۔۔؟
ابھی تو میں گھر سے باہر ہوں ۔۔۔ گھر جا کر بات کرواتا ہوں ۔۔۔ زکی نے ڈرائیو کرتے ہوئے کہا ۔۔۔
*************
دادو ۔۔۔۔ دادو ۔۔۔ کہاں ہیں آپ ۔۔۔۔؟ زکی دادو کے کمرے کی طرف جاتے ہوئے بولا ۔۔۔۔
ہیں ۔۔۔؟ یہاں بھی نہیں ہیں ۔۔۔۔ کدھر گئی ۔۔۔۔ زکی کمرے میں دادی کو نہ پا کر قدرے حیرانی سے بولا ۔۔۔
صاحب جی ۔۔۔ بڑی بیگم صاحبہ تو روشک بی بی کے گھر گئی ہیں ۔۔۔۔ سلیم نے زکی کو دادی کے کمرے کے دروازے پر کھڑا دیکھا تو اس کو مخاطب کیا ۔۔۔
ہیں ۔۔۔ روشک کے گھر ۔۔۔ یوں اچانک ۔۔۔ ؟ ویسے تو دادو ہمیشہ میرے ساتھ ہی جاتی ہیں ۔۔۔ تو آج ۔۔۔ ؟ اچھا تم جائو ۔۔۔ زکی نے ملازم کو جانے کا اشارہ کیا ۔۔۔
او ہاں ۔۔۔۔ دادو روشک سے بات کرنے گئی ہوں گی ۔۔۔ زکی نے من ہی من میں سوچا ۔۔۔
میں جاتا ہوں ۔۔۔ دادو کو بھی لے آئوں گا ساتھ ہی ۔۔۔ زکی گھر سے باہر نکلتے ہوئے بولا ۔۔۔
*******
ہائے پھپھو ۔۔۔۔ کیسی ہیں ۔۔۔؟ زکی نے دروازے کے سامنے بیٹھی پھپھو کو مخاطب کیا ۔۔۔۔
او زکی آئو بیٹا ۔۔۔۔ فریحہ سلطان خوشی سے نہیں بولی تھیں ۔۔۔ ان کو زکی کے آنے کی خوشی اس طرح سے نہیں ہوئی تھی ۔۔۔ جیسے ہمیشہ ہوا کرتی تھی ۔۔۔۔ بلکہ آج زکی کو دیکھ کر انہیں اپنی بیٹی کے آنسو یاد آ گئے تھے ۔۔۔۔
کیا ہوا پھپھو ۔۔۔؟ آپ کی طبیعت تو ٹھیک ہے نا ۔۔۔؟ پریشان لگ رہی ہیں ۔۔۔ زکی نے پھپھو کا بدلا ہوا رویہ دیکھا ۔۔۔ تو اسے پریشانی ہوئی ۔۔۔ کہ کہیں پھپھو ۔۔۔ روشک والی بات پر اس سے ناراض تو نہیں ۔۔۔۔؟
بس ٹھیک ہی ہوں بیٹا ۔۔۔ تم بتائو کیسے آنا ہوا ۔۔۔؟ فریحہ سلطان ۔۔۔ خاصے سرد لہجے سے بولی ۔۔۔
دادو کہاں ہیں ۔۔۔۔؟ ان کو لینے آیا ہوں ۔۔۔۔ زکی نے نظریں آگے پیچھے دوڑاتے ہوئے پوچھا ۔۔۔۔۔
روشک کے پاس ہیں ۔۔۔۔ پھپھو نے روشک کے کمرے کی طرف اشارہ کرتے ہوئے کہا ۔۔۔
اچھا میں اندر ہی جاتا ہوں ۔۔۔۔۔ زکی صوفے سے اٹھتے ہوئے بولا ۔۔۔
آجائو ۔۔۔۔ زکی بیٹا ۔۔۔ زکی نے کمرے کا دروازہ کھٹکٹایا ۔۔۔ تو اندر سے دادی بولی ۔۔۔
ہیں دادو ۔۔۔؟ آپ کو کیسے بتا چلا کہ میں ہوں ۔۔۔ ؟ زکی نے ایک نظر روشک پر ڈالی اور پھر دادو کے ساتھ آکر بیٹھ گیا ۔۔۔۔
ارے بیٹا ۔۔۔ اگر اپنے بچوں کے آنے کا پتا نہیں چلے گا تو کیا ۔۔۔۔۔ باہر کے لوگوں کا پتا چلے گا ۔۔۔؟ دادی مسکراتے ہوئے بولی ۔۔۔۔
آپ لوگ بیٹھیں ۔۔۔ میں ماما کو چائے کا بول کے آتی ہوں ۔۔۔۔ روشک بیڈ سے نیچے اترتے ہوئے دھیمے سے بولی ۔۔۔۔
او ہیلو ۔۔۔ میڈم ۔۔۔۔ اتنے دنوں بعد ۔۔ تیرے گھر آیا ہوں ۔۔۔ ایسے ٹریٹ کرتے ہیں ۔۔۔ مہمانوں کو ۔۔۔؟ بندہ ۔۔ حال چال ہی پوچھ لیتا ہے ۔۔۔ زکی نے باہر جاتی روشک کا ہاتھ پکڑ کر اسے روکتے ہوئے کہا ۔۔۔۔
زکی ہاتھ چھوڑو میرا ۔۔۔۔ زکی ۔۔۔۔ ہاتھ ۔۔۔ چھوڑو ۔۔۔۔ روشک نے غصے بھری نظروں سے زکی کو دیکھا ۔۔۔
کیا ہو گیا ۔۔۔ ؟ پہلے تو کبھی تو نے ایسے نہیں کیا ۔۔۔ آج کیا ہو گیا تجھے ۔۔۔۔؟ زکی قدرے حیرانی سے روشک کو دیکھتے ہوئے بولا ۔۔۔۔
پہلے کی بات اور تھی ۔۔۔ زلقرنین سلطان ۔۔۔۔ اب سب بدل چکا ہے ۔۔۔۔ روشک نے زبردستی ہاتھ چھڑواتے ہوئے کہا ۔۔۔
دادی چپکے سے اٹھ کر باہر چلی گئی ۔۔۔ وہ چاہتی تھی کہ یہ دونوں خود ہی یہ مسلہ حل کر لیں ۔۔۔۔ ان کو لگ رہا تھا کہ یہ دونوں آپس میں بات کر کے سب کچھ ٹھیک کر لیں گے ۔۔۔ مگر انہیں کیا معلوم تھا کہ یہ معاملہ اور بھی بگھڑ سکتا ہے ۔۔۔۔
********
کیا بدلہ ہے ۔۔۔؟ بتائو مجھے کیا بدلہ ہے ۔۔۔۔ ؟ کچھ نہیں بدلے گا یار ۔۔۔ سب کچھ ویسا ہی رہے گا ۔۔۔ ٹرسٹ می ۔۔۔۔ ہماری دوستی ۔۔ ہماری لڑائِیاں ۔۔۔۔ ہمارا مزاق ۔۔۔۔ زکی نے روشک کو بیٹھاتے ہو ئے کہا ۔۔۔۔
روشک کچھ تو بولو یار ۔۔۔ ہم دوست تو ہیں نا ۔۔۔؟ پلیز ایسے مت کرو ۔۔۔ مجھ سے لڑ کر اپنے دل کی ساری بھراس نکال دو ۔۔۔ مگر ایسے روٹھ کہ مت بیٹھو ۔۔۔۔ زکی منت بھرے انداز سے روشک کو بولا ۔۔۔۔
******
خاموشی سے بڑا کوئی جواب نہیں ہوتا ۔۔۔ زکی ۔۔۔۔۔ کافی دیر کے بعد روشک بس یہی بول پائی ۔۔۔
لیکن خاموشی سے بڑا کوئی عذاب بھی نہیں ہوتا ۔۔۔ روشک ۔۔۔ زکی کمرے سے باہر جاتے ہوئے بولا ۔۔۔۔۔
**********
کیا فائدہ زکی بیٹا ۔۔۔۔۔ ایک لڑکی کو نہیں منا سکے تم تو ۔۔۔۔ دادی اپنے کمرے میں آتی ہوئی بولی ۔۔۔۔
دادو ۔۔۔ گیا تھا نا ۔۔۔ میں اس کو منانے کے لئے ۔۔۔ نہیں مانی وہ ۔۔۔۔ اب بس ۔۔۔ بہت ہو گیا ۔۔۔۔ اور منتیں نہیں کروں گا ۔۔۔۔۔ زکی دادی کے پیچھے آتا ہوا بولا ۔۔۔
اچھا تو نے کیا بات کرنی تھی ۔۔۔ کچھ کہہ رہا تھا ۔۔۔ کہ کوئی بات کرنی ہے ۔۔۔۔ ؟ آ بیٹھ ادھر ۔۔۔۔ دادی کرسی پر بیٹھتے ہوئے بولی ۔۔۔
ہاں دادی ۔۔۔۔ ایک گُڈ نیوز ہے ۔۔۔۔۔ گیسس وٹ ۔۔۔۔ زکی کرسی پر ٹانگ پہ ٹانگ رکھ کر بیٹھا ۔۔۔۔
بتا نا ۔۔۔ کیا بات ہے ۔۔۔؟ دادی نے متذبذب سے انداز میں زکی کو دیکھا ۔۔۔
مجھے کنسرٹ کی آفر آئی ہے ۔۔۔ اور وہ بھی دوبئی میں ۔۔۔۔ زکی نے خوشی سے چہکتے ہوئے دادو کو بتایا ۔۔۔
اچھا بیٹا ۔۔۔؟ واہ واہ ۔۔۔ مبارک ہو ۔۔ اللہ اور کامیاب کرے تجھے ۔۔۔ دادی نے زکی کی پیشانی کو چومتے ہوئے کہا ۔۔۔
آمین ۔۔۔ میری پیاری دادو ۔۔۔ سب آپ کی دعائوں کی وجہ سے ہوا ہے ۔۔۔ زکی دادو کے ہاتھ پر پیار دیتے ہوئے بولا ۔۔۔
اللہ کا شکر ہے بیٹا ۔۔۔۔ ایک بات ہمیشہ یاد رکھنا ۔۔۔ میری جان ۔۔۔۔
جب زندگی تمہیں گرا دے ۔۔۔۔ تو اٹھنا سیکھو ۔۔۔ ہمت نہ ہارو ۔۔۔۔ خدا سے مانگو ۔۔۔۔
اور جب زندگی تمہیں کامیابی کی بلندیوں پر لے جائے ۔۔۔ تو جھکنا سیکھو ۔۔۔ اور خدا کا شکر ادا کرو ۔۔۔۔
کب کی فلائیٹ ہے بیٹا ۔۔۔ ؟ دادی نے مسکراتے ہوئے پوچھا ۔۔۔
پرسوں کی ۔۔۔۔ اب آپ نے میری ساری پیکنگ کرنی ہے دادو ۔۔۔۔ زکی نے موبائل دیکھتے ہوئے کہا ۔۔۔
اچھا ۔۔۔ میری جان ۔۔۔ سب کر دوں گی ۔۔۔ دادی مسکرائی ۔۔
********
آنٹی ۔۔۔ روشک کہاں ہے ۔۔۔ ؟ اس نے مجھے اس طرح ۔۔۔ جلدی میں بلایا ۔۔۔ حیریت تو ہے نا ۔۔۔؟ کیا ہوا ہے اس کو ۔۔۔ پہلے تو دو ۔۔ تین دنوں سے میری کال نہیں رسیو کر رہی تھی ۔۔۔ پھر یوں اچانک مجھے یہاں بلایا ۔۔۔ روشک کی دوست نے اس کے گھر ۔۔ داخل ہوتے ہوئے کہا ۔۔۔۔
بیٹا ۔۔ وہ اپنے کمرے میں ہے ۔۔۔ تم جا کر اس سے مل لو ۔۔۔ بہت پریشان ہے وہ ۔۔۔ فریحہ سلطان نے اس کو اندر جانے کا کہا ۔۔۔
روشک ۔۔۔۔ اس کی دوست نے کمرے میں داخل ہوتے ہوئے اس کو مخاطب کیا ۔۔۔
ہاجرہ ۔۔۔۔ روشک دوڑ کر اس کے پاس آئی اور اس کے گلے لگ کر پھوٹ پھوٹ کر رونے لگی ۔۔۔
کیا ہوا یار ۔۔۔۔ کچھ تو بولو ۔۔۔ رو کیوں رہی ہو ۔۔۔ ایسے ۔۔۔ روشک کی دوست نے اس کے آنسو صاف کرتے ہوئے کہا ۔۔۔۔
****************
او نو ۔۔۔ دادو ۔۔ میں بھول ہی گیا ۔۔۔ گوہر کی فون آئی تھی ۔۔۔ آپ گھر نہیں تھی ۔۔۔ میں بھی باہر تھا ۔۔۔ وہ کہہ رہی تھی کہ بعد میں فون کرنا ۔۔۔ زکی نے موبائل اون کیا تو اس کو گوہر کی فون کا یاد آیا ۔۔۔
میری بچی کی فون آئی تھی ۔۔۔۔ ؟ اوہو ۔۔۔ چل اب ملا دے جلدی سے ۔۔۔ مجھ سے صبر نہیں ہو رہا ۔۔۔ ترس گئی ہوں اپنی بچی سے بات کرنے کے لئے ۔۔۔ دادی نے خوشی سے مسکراتے ہوئے کہا ۔۔۔
ایک منٹ دادو ۔۔۔۔ میں کرتا ہوں ۔۔۔۔ زکی کسی کو میسج کرتے ہوئے بولا ۔۔۔
یہ تو کس کو میسج کرنے لگا ہوا ہے ۔۔۔ میں نے گوہر کو فون کرنے کا بولا ہے تجھے ۔۔۔۔
دادو ۔۔۔ اسی کو میسج کر رہا ہوں ۔۔۔۔ یہ دیکھیں ۔۔۔۔ دیکھ لیں ۔۔۔ تسلی کر لیں آپ۔۔۔ پہلے پوچھ تو لوں کہ ۔۔۔ مصروف تو نہیں ہے ۔۔۔ ؟ ایسے اچھا نہیں لگتا نا ۔۔۔۔ کہ ایسے ہی فون کرتا رہوں ۔۔۔۔
زکی نے ہنستے ہوئے دادو کو موبائل دکھایا ۔۔۔۔
*******
گوہر ۔۔۔۔ بات سنو ۔۔۔؟ زکی نے یہ لکھ کر سینڈ کا بٹن دبایا ۔۔۔۔
جی ۔۔۔۔۔ زکی کے میسج کرنے پر ۔۔۔ گوہر نے جواب دیا ۔۔۔۔
فری ہو ۔۔۔؟ دادو نے بات کرنی ہے ۔۔۔ زکی نے دوسرا میسج سینڈ کیا ۔۔۔
ہاں فری ہوں ۔۔۔۔ کال کرتی ہوں ۔۔۔۔ گوہر نے جواب دیا ۔۔۔۔
نہیں کال نہیں ۔۔۔۔ دادو تمہیں بہت یاد کرتی ہیں ۔۔۔۔ میں سوچ رہا تھا کہ ان سے ویڈیو کال پر بات کر لو ۔۔۔ وہ خوش ہو جائیں گی ۔۔۔۔
اووکے ۔۔۔ کہاں کرنی ہے ۔۔۔ ؟ گوہر نے جواب دیا ۔۔۔۔
وٹس ایپ پر ہی کر لیتے ہیں ۔۔۔۔ زکی نے جواب لکھا ۔۔۔۔
زکی نے گوہر کا نمبر سیو کیا ۔۔۔۔ گوہر کالنگ ۔۔۔۔۔۔ چند منٹوں بعد سکرین پر نمودار ہوا ۔۔۔
یہ لیں دادو ۔۔۔ گوہر کی فون آ رہی ہے ۔۔۔ زکی نے کال رسیو کر کے موبائل دادی کو تھمایا اور تھوڑا دور پلنگ پر جابیٹھا ۔۔۔۔۔۔
اسلام و علیکم ۔۔۔ دادو ۔۔۔ کیسی ہیں آپ ۔۔۔؟ گوہر سکرین پر دادی کا چہرہ دیکھ کر ۔۔۔ خوشی سے کھل اٹھی ۔۔۔۔
وعلیکم السلام ۔۔۔ میرا بچہ ۔۔۔ میں بلکل ٹھیک ۔۔۔۔ دادو کی جان ۔۔۔۔ دادی نے گوہر کو موبائل کی سکرین پر دیکھا تو ۔۔۔ جیسے پیار دیا ۔۔۔۔ کچھ دیر بعد زکی باہر چلا گیا ۔۔۔۔
بیٹا تو ۔۔ ریلیکس ہو جا ۔۔۔ زکی یہاں نہیں ہے ۔۔۔ اتار دے نقاب ۔۔۔ تیری شکل تو دیکھ لوں ۔۔۔ ترس گئی ہوں ۔۔۔ تجھے دیکھنے کے لئے میں تو ۔۔۔۔ دادی نے گوہر کو نقاب چڑہائے بات کرتے دیکھا تو اس کو تسلی دیتے ہوئے کہا ۔۔۔
دادو آپ کب آئیں گی ۔۔۔ آپ آجائیں نا ۔۔۔ ہم سے ملنے کے لئے ۔۔۔ ہم سب آپ کو بہت یاد کرتے ہیں ۔۔۔ گوہر نے دادی کو پیار بھری نظروں سے دیکھا ۔۔۔
ہائے میری جان ۔۔۔ میرا بس چلے تو میں ابھی ہی اڑ کر تیرے پاس آجائوں ۔۔۔۔ دعا کیا کر تو بھی بیٹا ۔۔۔۔ انشاءاللہ جلد ملیں گے ہم سب ۔۔۔
اور بتا ۔۔۔ گھر میں سب ٹھیک ہیں ۔۔۔ ؟ ممتاز کیسی ہے ۔۔۔؟ اور میرا بیٹا کیسا ہے ۔۔۔؟
سب ٹھیک ہیں دادو ۔۔۔۔ فضے گل ۔۔۔ یہ دیکھو دادو ۔۔۔۔ گوہر نے فضے گل کو موبائل سکرین دکھاتے ہوئے کہا ۔۔۔
ماشائاللہ ۔۔۔ میرا بچہ ۔۔۔ اتنا بڑا ہو گیا ۔۔۔ دادی نے فضےگل کو پیار سے دیکھا ۔۔۔۔
******
او یار ۔۔۔ یہ تو بہت غلط ہوا ۔۔۔۔۔۔ اب بس جو ہونا تھا ہو گیا ۔۔۔ تمہیں خود کو سنبھالنا ہوگا یار ۔۔۔ میں تمہیں ایسے نہیں دیکھ سکتی ۔۔۔ ابھی تمہارے آگے ساری لائیف پڑی ہے ۔۔۔ ہاجرہ نے روشک کو سمجھاتے ہوئے کہا ۔۔۔
میں بہت کوشش کر رہی ہوں یار ۔۔۔۔ پر ۔۔۔ سب باتیں یاد آنے لگ جاتی ہیں ۔۔۔ وہ مجھے اپنی چھوٹی بہن سمجھ کر پیار کرتا رہا ۔۔۔ اور میں اس پیار کو کچھ اور ہی سمجھتی رہی ۔۔۔ روشک اداس بیٹھی ہاجرہ کو دیکھتے ہوئے بولی ۔۔۔
اب تمہیں خود کو بدلنا ہو گا ۔۔۔ کب تک ایسے اس کے غم میں روتی رہو گی ۔۔۔ اٹھو ۔۔۔۔ آئو کہیں باہر جاتے ہیں ۔۔۔ اس طرح تم فریش فیل کرو گی ۔۔۔۔ ہاجرہ نے روشک کی بازو پکڑ کر اس کو اٹھنے کا اشارہ کیا ۔۔۔۔
ہاں یار ۔۔۔ اب میں نے خود کو بدلنا ہے ۔۔۔ اور اتنا بدلنا ہے کہ پہلے جیسا دیکھنے کے لئے لوگ ترس جائیں ۔۔۔۔ روشک نے اٹھتے ہوئے کہا ۔۔۔
یار ایسا بھی تو ہو سکتا ہے نا کہ ۔۔۔ ابھی وہ اس بات کو یوں اچانک ۔۔۔ تسلیم نہ کر پا رہا ہو ۔۔۔ مگر کچھ عرصے بعد وہ مان جائے ۔۔۔ اس کو تم سے محبت ہو جائے ۔۔۔ وہ واپس آ جائے تمہارے پاس ۔۔۔۔ ہاجرہ نے روشک کی الماری میں کپڑے دیکھتے ہوئے کہا ۔۔۔
نہیں یار ۔۔۔ غصے میں جو چھوڑ جائے وہ واپس آ سکتا ہے ۔۔۔ لیکن جو مسکرا کر چھوڑ جائے وہ کبھی واپس نہیں آتا ۔۔۔۔ روشک نے بالوں میں کنگھا پھیرتے ہوئے کہا ۔۔۔
یہ والا ڈریس اچھا ہے ۔۔۔ آج تم یہ والا پہنو ۔۔۔ او ہاں یاد آیا ۔۔۔ یہ وہی ڈریس ہے نا ۔۔۔ جو تم نے مہوش کی برتھ ڈے پارٹی پر پہننے کے لئے لیا تھا ۔۔۔ اور عروہ نے بلکل ایسا ہی ڈریس پہنا ہوا تھا ۔۔۔ تمہیں بہت زیادہ غصہ آیا تھا ۔۔۔ پھر تم نے اسی وقت یہ فیصلہ کیا تھا کہ آج کے بعد میں یہ ڈریس نہیں پہنوں گی ۔۔۔۔ پھر کچھ دن بعد ہی ہم فلم دیکھنے گئے تھے تو تم یہ ڈریس پہن آئی تھی ۔۔۔ اور ہم نے تمہیں بہت تنگ کیا تھا ۔۔۔۔۔۔
اور آج بھی ۔۔ یہ ڈریس تیری الماری میں موجود ہے ۔۔۔ اس کا مطلب وہ سارے تیرے ڈرامے تھے ۔۔۔ کمینی ۔۔۔۔ ہاجرہ نے روشک کا دھیان بٹانے کے لئے ایک پرانی بات چھیڑی ۔۔۔۔۔
ہاہاہا ۔۔۔ کیا کرتی یار ۔۔۔ تجھے تو پتا ہی ہے کہ عروہ مجھے کتنی بری لگتی ہے ۔۔۔ اور یہ ڈریس مجھے اتنا ہی اچھا لگتا ہے ۔۔۔ وہ تو میں نے ایسے ہی ۔۔ عروہ کے سامنے کہا تھا ۔۔۔ یو نو نا ۔۔۔ روشک مسکرائی ۔۔۔۔
ہاہاہا ۔۔۔ چل تیرے چہرے پر ہنسی تو آئی ۔۔۔ اب جلدی سے تیار ہو جا ۔۔۔ ہاجرہ نے روشک کو وہ ڈریس دیتے ہوئے کہا ۔۔۔
عظیم ہیں وہ لوگ ۔۔۔ جو دوسروں کے آنسوئوں کو مسکراہٹ میں بدلنے کا فن رکھتے ہیں ۔۔۔ روشک نے ہاجرہ کو گلے لگاتے ہوئے کہا ۔۔۔
چل اب جلدی کر ۔۔۔ ہاجرہ مسکرئی ۔۔۔
*********
زکی کب کمرے میں داخل ہوا ۔۔۔ اس بات کا اندازا نہ ہی دادی کو ہوا ۔۔۔ اور نہ ہی گوہر کو ۔۔۔
دادو ۔۔۔ ابھی آپ بات کر رہی ہیں ۔۔۔۔ ؟ میں سمجھا کہ کر چکی ہوں گی ۔۔۔۔ میں نے باہر جانا تھا ۔۔۔۔ زکی یہ بولتا ہوا ۔۔۔ سیدھا دادو کے ساتھ آ بیٹھا ۔۔۔۔ او ۔۔۔ ہائے گوہر ۔۔۔۔
گوہر نے جیسے ہی سکرین پر زکی کو دیکھا ۔۔۔ فوراً سے اپنا نقاب اوپر کو چڑہا لیا ۔۔۔۔ اور کال کاٹ دی ۔۔۔۔
ہیں ۔۔۔۔ ؟ دادو یہ کیا ۔۔آپ کی لاڈلی تو برا ہی مان گئی ۔۔۔۔۔ ایک ہائے ہی تو بولا تھا ۔۔۔۔ فون کاٹ دی ۔۔۔ اور یہ کیا کر رہی تھی وہ ۔۔۔ ؟ زکی نے حیرانی سے دادی کو دیکھا ۔۔۔۔
وہ پردہ کرتی ہے ۔۔۔ بیٹا ۔۔۔ تو ایک دم سے سامنے آ گیا تھا نا ۔۔۔ تو اس وجہ سے اس نے ایسا کیا ۔۔۔۔ دادو نے زکی کو سمجھاتے ہوئے کہا ۔۔۔
کیا مطلب ۔۔۔ پردہ ۔۔۔ ؟ اپنے فرسٹ کزن سے کون پردہ کرتا ہے دادو ۔۔۔ ؟ زکی نے الجھے ہوئے انداز سے دادی کو دیکھا ۔۔۔
تو نہیں سمجھے گا بیٹا ۔۔۔۔ اسلام میں ہر ایک نامحرم سے پردہ کرنے کا حکم ہے ۔۔۔۔۔۔ جب کوئی لڑکی ایک دفعہ صحیح والا پردہ شروع کرتی ہے نا بیٹا ۔۔۔۔۔ تو پھر وہ یہ نہیں دیکھتی کہ کون فرسٹ کزن ہے اور کون ۔۔۔۔۔
دادو ۔۔۔ آج کل بھی ایسے لوگ ہیں ۔۔۔ ؟ میں نے تو آج تک اپنے اردگرد ایسا پردہ کرنے والی کوئی لڑکی نہیں دیکھی ۔۔۔ حیرت ہے ۔۔۔۔۔ زکی نے موبائل لیا اور باہر چلا گیا ۔۔۔۔
******************