(Last Updated On: )
منہ مِرا جد مدینے دے ول مڑ گیا
دل دی دھرتی تے رحمت دا مینہ جُڑ گیا
خیر پاوے جے میرا سخی کاسے وچ
نئیں کدی ویکھیا اوہ گدا تھُڑ گیا
فیض دیندے رہے نین سرکار دے
کھیت دل دے بہاراں دا رُخ مُڑ گیا
نعت بے مثل اِنج بھر گئی چاشنی
شعر بے کار تُماں سی ہو گُڑ گیا
جد غماں توڑیا نئیں کسے جوڑیا
جد تسیں جوڑیا میرا دل جُڑ گیا
آپ نوں شیر سجدہ کریندے رہے
رُکھ سلامی لئی ویکھیا اُڑ گیا
آ وی اعجاز جا سُول پھر عقل دا
عشق دے چھالیاں دے جگر پُڑ گیا
