(Last Updated On: )
مجھے خبر ہے ترا عشق تاجرانہ ہے
ترے قریب مجھے پھر بھی یار آنا ہے
میں مر رہا ہوں عیادت کو آ تو سکتے ہو
تمہاری دید کا یہ آخری بہانہ ہے
ذرا سی بات پہ تم چھوڑ تو نہیں سکتے
ہمارے بیچ تعلق بہت پرانا ہے
کہ ہم بھی جاگتی آنکھوں سے خواب تکتے ہیں
یہ زندگی کی حقیقت بھی اک افسانہ ہے
مرے خیال میں مجھ سے اْسے محبت ہے
گماں کی شاخ پہ الفت کا آشیانہ ہے
سہیل درد کو محسوس کر کے لکھتا ہوں
مرا مزاج اگرچہ یہ شاعرانہ ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
