ہیلو السلام علیکم مولوی صاحب. کیسے مزاج ہیں آپ کے.
جی جی سب خیریت ہے …. خیر مبارک …… بس جلدی میں شفٹ ہوگیا جی, کوئ تقریب نہیں رکھی ….. جی اللہ کے احسان مولوی صاحب آپ کو ایک تکلیف دینی تھی. میں سوچ رہا تھا کہ قرآن خوانی کروا دوں گھر میں, برکت ہوجائے گی. جی بسم اللہ ….. جب آپ چاہیں.
جی آپ وقت دے دیں, میں حاضر ہوں ….. جب آپ کہیں …… اوکے … اللہ حافظ. خیام نے کہا اور کال کٹ گئی.
نیلم …. مولوی ہارون صاحب سے بات ہوئی ہے, انہوں نے کہا ہے کہ وہ وقت بتا دیں گے ہمارے گھر آنے کے لیے.
++++++++++++++++++
آج کل سکول سے چھٹیاں چل رہی تھیں اسی لیے غضنفر کے ساتھ مل کر بچے خوب مستیاں کر رہے تھے.
آج صبح کو غضنفر بچوں اور صائمہ کے ہمراہ بیچ پر گیا ہوا تھا. بچے خوش تھے بہت. جب سب بچے باہر سے کھیل کر واپس آئے تو گھر میں ایک قسم کی گہما گہمی تھی.
نیلم سے دریافت کرنے پہ پتہ چلا کہ آج گھر میں قرآن خوانی کرائی جا رہی ہے. سب بہت خوش ہو رہے تھے کہ چلو گیدرنگ ہو گئی ہے. ویسے بھی بہت دن ہوئے, گھر میں کوئی ایونٹ نہیں ہوا تھا, نہ ہی خیام وغیرہ کسی رشتے دار یا فیملی فرینڈز سے ملے تھے. وقت ہی نہیں ملا تھا, سو آج سب بہت خوش تھے.
آج غضنی بچوں کو واپس چھوڑنے آیا تو صائمہ کو بھی ساتھ لایا تھا اور نیلم نے ضد کر کے غضنی سے کہا تھا کہ اب صائمہ کچھ دن اسی کے پاس رہے گی. غضنفر نیلم کی بات تھوڑی پس و پیش کے بعد مان گیا.
بچے پڑوسیوں کے ہم عمر بچوں کے ساتھ ہلا گلا کرتے نظر آ رہے تھے. آہستہ آہستہ کچھ دیگر مہمان بھی آنا شروع ہو گئے.
گھر کو دو حصوں میں تقسیم کیا گیا تھا. ایک حصے میں مرد حضرات قرآن پاک پڑھ رہے تھے تو دوسرے حصے میں عورتیں اور بچے بیٹھے ہوئے تھے. مولوی صاحب اپنے ساتھ مدرسے سے حافظ بھی لے آئے تھے اور قرآن خوانی شروع ہو چکی تھی.
ابھی قرآن خوانی کو تھوڑی ہی دیر گزری تھی کہ ……
جیسے ہی قرآن خوانی شروع ہوئی ………… مولوی ہارون بے ہوش ہو کر گر پڑے.
مولوی صاحب کا جسم جھٹکے کھا رہا تھا جیسے انہوں نے کسی ننگی تار کو چھو لیا ہو.
سب پریشان ہوگئے.
ہارون صاحب کیا ہوا آپ کو. غضنفر اور خیام مولوی صاحب کے طرف بھاگے لیکن مولوی صاحب بے ہوش ہوچکے تھے.
ایسا لگتا تھا مولوی صاحب کو ہارٹ اٹیک ہوا ہے.
لیکن کچھ ہی دیر بعد مولوی صاحب نے آنکھیں کھول دیں. مولوی ہارون ہوش میں آتے ہی ادھر ادھر یوں دیکھنے لگے جیسے انہوں نے کوئی غیر مرئی مخلوق دیکھ لی ہو.
قرآن خوانی کیے بنا مولوی صاحب اپنے سٹوڈنٹس کے ہمراہ واپس چلے گئے لیکن جانے سے پہلے وہ خیام کے پاس آئے اور آہستہ سے کہا;
خیام صاحب! آپ کو اس گھر میں نہیں آنا چاہیے تھا.
خیام مولوی ہارون کے جملے میں سارا دن الجھا رہا لیکن کسی سے کچھ کہا نہیں. اگر کچھ کہتا تو نیلم ویسے بھی وہمی ہو رہی تھی, اس کے دماغ پر مزید اثرات پڑتے اس لیے خیام نے خاموش رہنے میں ہی عافیت جانی.
خیام یہ سوچ رہا تھا کہ اسے مولوی صاحب سے ملنے مدرسہ میں ضرور جانا چاہیے. وہ اس کے گھر سے اس طرح کیوں چلے گئے اور یہ کیوں کہا کہ اسے اس گھر میں نہیں آنا چاہیے تھا. کوئی بات تھی تو اسے کھل کر کہتے…….. وہ یوں ہی سارا دن الجھا رہا, نیلم کے بار بار پوچھنے پر کچھ بھی نہیں بتایا اس کو. ہاں یہ ضرور کہا کہ ہارون صاحب کو دل کا عارضہ ہے اور یہ کوئی بڑی بات نہیں. ایسی حالت میں انسان بے ہوش ہو جاتا ہے. نیلم یہ باتیں سن کر مطمئن ہوگئی تھی.
لیکن خیام کیسے مطمئن ہوتا. کچھ تو تھا جو غلط تھا. شاید اس کی چھٹی حس کسی انہونی کا پتہ دے رہی تھی.
++++++++++++++++++
تنوع کے فقدان کا عذاب
لاہور ایئرپورٹ سے فلائی کرنے والا ہوموپاکیئن دو تین گھنٹے بعد دوبئی یا دوحہ میں اترتا ہے تو ایک مختلف...