محبت خوبصورت ہے

محبت خوبصورت ہے
کبھی یہ سات رنگوں کی حسیں مالا بناتی ہے
شفق کو گوندھتی ہے چاند کا ہالہ بناتی ہے
ستارے توڑ کر آ نچل میں اکثر باندھ لیتی ہے
ہنسی پھولوں سے جا جا کر یہ اکثر مانگ لیتی ہے
سنہری مورنی کے سنگ یہ پائل بجاتی ہے
فلک پہ تیرتی ہے بادلوں سے اوس بن کر
کتنے غنچوں کے سروں کا تاج بنتی ہے
یہ ساتوں سر اسے ازبر ہیں اکثر گنگناتی ہے
گلوں میں رنگ بھرتی ہے
ہوا کے سنگ چلتی ہے
محبت خوبصورت تھی
محبت خوبصورت ہے
اسے کہنا محبت معجزہ ہے
معجزے کی لاج رکھ لینا
اسے کہنا محبت روشنی ہے
روشنی آنکھوں میں بھر لینا
اسے کہنا محبت زندگی ہے
زندگی سے تم نبھا کرنا
اسے کہنا محبت مشورہ ہے
مشورہ تم مجھ سے کر لینا
۔۔۔۔۔۔۔۔۔۔۔۔۔۔۔۔۔۔۔