اُو تتیاں آہ واں ٹھڈیاں ساہواں ڈیندیاں دل دا عرش ہلا اے
کئی کِبراں آناں شاناں والے بھج در عجزاں دے آئے
میڈا جذبہ دل وی سلامت راوئے جیں اے جے اثر ڈکھاے
اگے ناں مجبورؔ دا سنٹر نن سگدے ہنٹر کردے نے ہائے ہائے
محبت ڈکھاندی اثر ہولے ہولے دِلاں وچ کریندی اِے گھر ہولے ہولے
او پچھتائے اِپنڑی جفاواں تے آخر اور روو نٹر لگے میڈیاں آہواں تے آخر
جُھکی اَج اُنہاں دِی نظر ہولے ہولے محبت ڈکھاندی اثر ہولے ہولے
وکھائے عجب رَنگ میڈی فقیری کرن لگ پئے ہن میڈی دَستگیری
پئی جاگ دِل وِچ مہر ہولے ہولے محبت ڈکھاندی اثر ہولے ہولے
جگایا میکوں جہڑے غم رَات ساری او ہو لگ گئی ہنڑ اُنہاں کوں بیماری
لگے رو نڑ نپ کے جگر ہولے ہولے محبت ڈکھاندی اثر ہولے ہولے
ربا دِل دِیاں آہواں کوں بے اثر کر او رونڑ دے ڈاہ ڈے نہ البیلے دلبر
پلے نازاں خوشیاں دے گھر ہولے ہولے محبت ڈکھاندی اثر ہولے ہولے
میڈا عشق کامل گیا جیت بازی دتتی چھوڑ مغرور سب بے نیازی
دکھا اِجز نے آ کے دَر ہولے ہولے محبت ڈکھاندی اثر ہولے ہولے
محبت دِی مجبور ہے حُکمرانی محبت کرے سخت دل موم پانی
اوہ پنگھڑہ ڈکھاوے پتھر ہولے ہولے ممحبت ڈکھاندی اثر ہولے ہولے
