(Last Updated On: )
میری حیاتی دے بنے دن رات بادشاہ
ہے سلطنت خیال دی تے نعت بادشاہ
جیویں کہ علم آپ دا دو جگ سنواردا
اُنج نئیں بنوندی بھوئیں نوں برسات بادشاہ
آقا نواز کے تے بناں دین بادشاہ
ہوندی اے بادشاہ دی خیرات بادشاہ
پانی ترے دوارے بھرن تاجداریاں
رعیت جہان سارے تری ذات بادشاہ
رعیت تے پھیرا ماردے رہندے نیں بادشاہ
پا چا نمانیاں تے وی اک جھات بادشاہ
دسّاں ترے کی بول دا جد ربّ بولدا
ہوندی اے بادشاہ دی گل وات بادشاہ
اعجازؔ کوئی جے مِرا پچھے تے آکھنا
کمی نبی کریم دا اوقات بادشاہ
