مِرے آقا تری محفل مِرا گھر مست کر چھڈیا

مِرے آقا تری محفل مِرا گھر مست کر چھڈیا
نظر کر کر کے رحمت نے گدا ہر مست کر چھڈیا

ترے لجپال روضے نوں میں آکھاں وی تے کی آکھاں
مِری اکھ نوں تے روضے دے کبوتر مست کر چھڈیا

کلیم اللہ دے چشمیاں دی کسے کی آن گل چھیڑی
تری انگلاں دے مینوں تے سمندر مست کر چھڈیا

کسے دی نئیں خطا ویکھی عطا دی حد مکا چھوڑی
حبیبا، بے قراراں نوں ترے در مست کر چھڈیا

جدوں دی پا لئی کلی میں تیری نعت دی جوہ وچ
مِرے فن دے مقدر نوں مقدر مست کر چھڈیا

خدا جہندی ثنا کردا میں کی اوہندی ادا لکھاں
سخن نوں وی تے مینوں وی اِسے ڈر مست کر چھڈیا

کدوں اعجاز من دا ہا محبت مست کر چھڈدی
قدم سرکار دل وچ رکھ کے نوکر مست کر چھڈیا