مزدوروں کی دوڑ

اُف بہت مزہ آیا ۔۔۔ کیا چیز ہے یہ ڈنر ان دا سکائے ۔۔۔ یار ۔۔۔ کچھ دن اور رُکتے تو پھر جاتے ۔۔۔ زکی الماری سے اپنے کپڑے نکالتے ہوئے بولا ۔۔۔
بس یار ۔۔۔ یہ WAK ہمیں ایسے ہی کنسرٹس دیتے رہے تو ہماری سہی عیش ہونی ہے ۔۔۔ باسط صوفے پر ٹانگ پہ ٹانگ رکھتے بولا ۔۔۔
WAK …?
یہ کیا ہے ۔۔۔ زکی نے کپڑے سوٹ کیس میں ڈالتے ہوئے پوچھا ۔۔۔
وجاہت علی کمال ۔۔۔ یار ۔۔۔ شارٹ فارم ۔۔۔ باسط نے ہنستے ہوئے کہا ۔۔۔
او اچھا ۔۔۔ ہاہا ۔۔۔ اُٹھ اب ۔۔۔ پیکنگ کر لے جلدی سے ۔۔۔ صبح سات بجے کی فلائیٹ ہے ۔۔۔ یاد ہے نا ۔۔۔؟ زکی سوٹ کیس بند کرتے بولا ۔۔۔
******************
دادو ۔۔۔۔ کیسی ہیں آپ ۔۔۔۔؟ گھر آتے ہی سب سے پہلے زکی نے دادو کو پیار کیا ۔۔۔۔
میری جان ۔۔۔ تو کیسا ہے ۔۔۔ دیکھو تو کتنا کمزور ہو کر آیا ہے ۔۔۔ کچھ کھایا نہیں کیا دو دن تُو نے وہاں ۔۔۔؟ دادی نے زکی کو پیار کرتے ہوئے کہا ۔۔۔
کہاں یار دادو ۔۔۔ کچھ نہیں کھایا ۔۔۔ آپ نہیں تھیں نا وہاں ۔۔۔ کسی نے کچھ کھانے کو پوچھا ہی نہیں ۔۔۔۔
چل ۔۔۔۔۔ ڈرامے باز ۔۔۔ دادی مسکرائی ۔۔۔
میں فریش ہو کر آتا ہوں ۔۔۔ پھر میں نے آپ لوگوں سے ڈھیروں باتیں بھی تو کرنی ہیں ۔۔۔ زکی اپنا کوٹ بازو پر رکھتے بولا ۔۔۔
ہے نشاء ۔۔۔ کیسا ہے میرا بےبی ۔۔۔؟ زکی نے رُک کر اپنی بھتیجی نشا کو اٹھا کر پیار کرتے ہوئے کہا ۔۔۔
بھابھی علی کدھر ہے ۔۔ نظر ہی نہیں آتا آج کل تو ۔۔۔۔۔؟ اس نے سحر کو مخاطب کیا ۔۔۔
زکی ۔۔۔ کیا ہوگیا ۔۔۔ بھول گئے ہو ۔۔۔؟ علی سکول جاتا ہے نا اب ۔۔۔ سحر نے ہنستے ہوئے کہا ۔۔۔
او ہاں ۔۔۔ ہاہا ۔۔۔ بھول ہی گیا میں تو ۔۔۔ زکی مسکرایا ۔۔۔
چاچو ۔۔۔ میں نے آپ کا گانا دیکھا تھا ۔۔۔۔ نشاء کچھ سوچتی ہوئی بولی ۔۔۔
ہیں ۔۔۔۔؟ ۔۔ نشاء آپ نے کدھر سن لیا ۔۔۔ ہاہا ۔۔۔ زکی نشاء کی بات کو ہنستے ہوئے ٹال گیا ۔۔۔
*************
ٹون ٹون ۔۔۔۔۔۔ ابھی زکی نہا کر واش روم سے نکلا ہی تھا کہ اس کے موبائل پر کسی کی فون آئی ۔۔۔۔
ایک منٹ ۔۔۔ بھئی ۔۔۔ زکی اپنے بال جھاڑتا ہوا بولا ۔۔۔
باسط کالنگ موبائل کی سکرین پر نمودار ہوا ۔۔۔۔ ہیں ۔۔۔ باسط اس ٹائیم کیوں فون کر رہا ہے ۔۔۔۔۔۔۔
بول ۔۔۔ کیا ہوا ۔۔۔؟ زکی نے سپیکر اون کر کے بالوں میں کنگھا پھیرتے ہوتے کہا ۔۔۔۔
ائوے یار ۔۔۔ تُو نے یوٹیوب دیکھی ۔۔۔؟ باسط کھلکھلاتا ہوا بولا ۔۔۔
نہیں کیوں ۔۔۔۔ ؟ زکی نے کنگھا وہیں روک کر پوچھا ۔۔۔
آگ لگا دی ہم نے ۔۔۔ دیکھ ذرا ۔۔۔ ٹرینڈنگ میں نمبر سات پر ہے ہماری ویڈیو ۔۔۔۔ باسط خاصے جوش سے بولا ۔۔۔۔۔۔
نہ کر ۔۔۔ سچ میں ۔۔۔ ؟ زکی نے متذبذب سے انداز میں پوچھا ۔۔۔
تو اور نہیں تو کیا ۔۔۔ تُو خود چیک کر لے ۔۔۔ باسط نے یہ کہہ کر فون بند کی ۔۔۔
ائوے ہوئے ۔۔۔۔ واہ ہ ۔۔۔ نمبر سات ۔۔۔ یہ نمبر چھ پر کون ہے ۔۔۔ زکی نے اپنی اور باسط کی ویڈیو دیکھتے سکرول اپ کرتے ہوئے کہا ۔۔۔ ۔۔۔۔۔۔۔۔۔۔۔۔۔
ایک اللہ آسمانوں پر دیکھ رہا ہے ۔۔۔ ایک دن میں مروں گی ۔۔۔ ایک دن آپ مریں گے ۔۔۔۔ ایک دن ساری کائنات مرے گی ۔۔۔۔ آج جمعہ ہے ۔۔۔ ایسا ہی جمعہ ہوگا ۔۔۔ ایسا ہی سورج نکلے گا ۔۔۔ جیسے آج نکلا تھا ۔۔۔۔۔ استنبول کی صبح ایسے ہی ہوگی ۔۔۔ جیسے آج ہوئی ہے ۔۔ رات رخصت ہوئی ہوگی کہ کل آئوں گی ۔۔۔ دن آنے کے لئے تیاریاں کر رہا ہوگا ۔۔۔ کہ میرے آنے کا وقت ہو چکا ہے ۔۔۔ پرندے گھونسلوں سے نکلنے کے لئے تیار ہو رہے ہیں ۔۔۔ سوئے ہوئے کتے ۔۔۔ بلیاں انگڑائی لے کر گلیوں میں پھرنا شروع ہوئے ہیں ۔۔۔۔ اور صبح صبح مزدوروں کی دوڑ لگ رہی ہے ۔۔۔۔۔۔۔۔۔ سیاہ عبایا ۔۔۔ میں ملبوس ایک لڑکی نقاب چڑھائے ۔۔۔ قیامت کا منظر بیان کر رہی تھی ۔۔۔۔۔۔
قیامت کا منظر ۔۔۔ بیان بائے ترکش گرل ۔۔۔۔ زکی نے ویڈیو کو وہیں روکا اور نیچے دیا گیا کیپشن پڑھا ۔۔۔
وہ اپنی ویڈیو کی ساری خوشی بھلا کر صرف اور صرف اس ویڈیو کا ہو کر رہ گیا ۔۔۔۔
یہ لڑکی ۔۔۔۔ کون ہے ۔۔۔ مجھے ایسا کیوں لگ رہا ہے کہ جیسے میں نے اسے پہلے کہیں دیکھا ہے ۔۔۔۔۔۔ زکی اپنی انگلیاں کنپٹی پر رکھے سوچتے ہوئے بولا ۔۔۔۔
کون ہے یہ ۔۔۔ یہ سوچتے سوچتے کب زکی نیند کی ندی میں بہہ کر خوابوں کی دنیا میں چلا گیا ۔۔۔ اسے کوئی اندازا نہ ہوا ۔۔۔
*************
ہیلپ ۔۔۔۔ ہیلپ پلیز ہیلپ ۔۔۔ یا اللہ مدد کریں ۔۔۔۔ میں جل جائوں گا ۔۔۔ زکی چلاتے ہوئے کسی کو مدد کے لئے پکار رہا تھا ۔۔۔
زکی نے اپنے آگے ۔۔۔ سوائے آگ کے اور کچھ نہ پایا ۔۔۔ وہ دلدل میں کھڑا تھا اور آگے کی طرف پھسلتا چلا جا رہا تھا ۔۔۔
ہاتھ دیجئے ۔۔۔ اپنا ہاتھ دیجئیے ادھر ۔۔۔ ہمیشہ کی طرح وہی لڑکی اس کی مدد کو آئی ۔۔۔ اور اپنا ہاتھ اس کی طرف بڑھائے بولی ۔۔۔
زکی کے ہاتھ آگے کرنے پر اس لڑکی نے اس کا ہاتھ تھام لیا ۔۔۔۔ اور اسے کھینچ کر باہر نکالا ۔۔۔ آپ کا بہت بہت شکریہ ۔۔۔۔ میں آپ کا یہ احسان زندگی بھر نہیں بھولوں گا ۔۔۔۔ بات کرتے وقت اچانک زکی کی نظر اس کی بھورے رنگ کی خوبصورت آنکھوں پر پڑی ۔۔۔ اور وہ اس قدر حسین تھی کہ اُس کو دیکھتے ہی زکی وہیں تھم سا گیا یوں کہ کیسے پتھر کا بن گیا ہو ۔۔۔۔ اتنے میں وہ لڑکی پلٹ گئی اور زکی نے اس کو اپنے سے دُور جاتے پایا ۔۔۔۔
رُکو ۔۔۔ رُک جائو ۔۔ کون ہو تُم ۔۔۔۔۔ آج تو بغیر بتائے نہ جائو ۔۔۔۔ خدا کے لئے ۔۔۔
زکی اس کے پیچھے چلتا گیا ۔۔۔ کافی آگے جاکر جب وہ لڑکی غائب ہو گئی ۔۔۔ تب زکی کو یہ اندازا ہوا کہ وہ اس کے پیچھے چلتا ہوا ایک مسجد میں آ کھڑا ہوا ۔
۔ اتنی بڑی مسجد اس نے آج سے پہلے کبھی نہ دیکھی تھی ۔۔ اس مدھم روشنی کی مدد سے وہ مسجد ٹھیک طرح سے دیکھ نہ پایا ۔۔۔ وہ اتنا چلا کے پیاس کی شدت سے اس کا گلا سوکھنے لگا ۔۔۔۔ مگر پھر بھی وہ چلتا ہی گیا ۔۔۔ وہیں آگے پیچھے چلتے ہوئے چھل چھل کرتے پانی کی آوازوں سے اسے یوں محسوس ہوا کہ جیسے یہاں آس پاس کوئی سمندر ہو ۔۔۔ اوپر نیچے کرتی لہروں کی چھل چھلاہٹ اس قدر دلکش تھی کہ زکی کا دل اس طرف جانے کو مائل ہو گیا ۔۔۔ اور وہ ان آوازوں کو سنتا ہوا سمندر تک آ پہنچا ۔۔۔۔
****************
پانی ۔۔۔ پانی ۔۔۔ صوفے پر سویا ہوا زکی یک دم بوکھلا کر اٹھا ۔۔۔۔ قریب پڑی میز پر رکھے جگ سے پانی گلاس میں ڈالا ۔۔۔
کچھ سوچتے ہوئے پانی کے دو تین گھونٹ لئیے ۔۔۔۔ اور فرش پر گرا موبائل اٹھایا ۔۔۔۔
____________
اور صبح صبح مزدوروں کی دوڑ لگ رہی ہے ۔۔۔ ریڑھی والوں کی دوڑ لگ رہی ہے ۔۔۔ منڈی
والوں کی دوڑ لگ رہی ہے ۔۔۔۔۔ زکی نے رُکی ہوئی ویڈیو پھر سے چلائی ۔۔۔۔ اور بیان دیتی لڑکی کو غور سے دیکھا ۔۔۔
او میرے خدا ۔۔۔۔ زکی نے اپنی تسلی کے لئے ویڈیو کو روک کر سکرین شاٹ لیا ۔۔۔
یہ وہی ہے ۔۔۔ ایسا کیسا ہو سکتا ہے ۔۔۔ اس سکرین شاٹ کو زوم کر کے دیکھتے ہوئے زکی کے رونگھٹے کھڑے ہوگئے ۔۔۔
لمحے بھر کے لئے زکی نے موبائل سائیڈ پر رکھا اور صوفے کی ٹیک پر سر رکھے لمبے لمبے سانس لیتے ہوئے آنکھیں بند کی ۔۔۔
وہ مسجد ۔۔۔ زکی نے یک دم آنکھیں کھولتے ہوئے کہا ۔۔۔
دنیا کی سب سے بڑی مسجد ۔۔۔؟ زکی نے گوگل پر سرچ کیا ۔۔۔
نہیں ۔۔۔ نہیں ۔۔۔ ایسے کیسے پتا چلے گا ۔۔۔ اس نے لکھا ہوا مٹاتے ہوئے کہا ۔۔۔
بیان بائے ترکش گرل ۔۔۔ زکی نے ایک بار پھر اس ویڈیو کا کیپشن پڑھا ۔۔۔۔
ترکی ۔۔۔؟ اگر یہ وہی میرے خواب والی لڑکی ہے تو ۔۔۔ وہ مسجد بھی ترکی کی کوئی مسجد ہو گی ۔۔۔۔
اور وہ سمندر ۔۔۔ مسجد ۔۔۔ او میرے خدایا ۔۔۔ زکی نے اپنے دونوں ہاتھوں سے سر پکڑتے ہوئے کہا ۔۔۔
ترکی میں مسجد کے آس پاس سمندر ۔۔۔؟ زکی نے پھر سے گوگل پر سرچ کیا ۔۔۔
نیلی مسجد ۔۔۔۔۔ سلیمانیہ مسجد ۔۔۔ مسجدوں کی ایک فہرست نمودار ہوئی ۔۔۔ اب میں کیا کروں ۔۔۔ اتنی ساری مسجدیں ہیں وہاں ۔۔۔ زکی نے بوکھلا کر موبائل بیڈ پر پھینک دیا ۔۔۔
**************
وائو دادو ۔۔۔۔۔۔ پُرانی تصویریں ۔۔۔۔ زکی نے دادی کے کمرے میں داخل ہوتے ہی بکھری پڑی تصویروں کو دیکھ کر خوشی کا اظہار کیا ۔۔۔
آج تو میرے لئے سرپرائیز ڈے ہے ۔۔۔ تھوڑی تھوڑی دیر بعد کوئی نیا سرپرائیز ملتا ہے مجھے ۔۔۔۔۔ کیوں دادو ۔۔۔ سہی کہہ رہا ہوں نا ۔۔۔؟ زکی نے دادی کے کمرے میں بیٹھی روشک کو دیکھ کر اشارةً کہا ۔۔۔
ہاہاہا ۔۔۔ یہ تو تُو نے ایک دم درست کہا ۔۔۔ روشک نے تو مجھے بھی آج اچانک یہاں آکر سرپرائیز دیا ہے ۔ ۔۔۔ دادی مسکراتے ہوئے بولی ۔
ہائے روشک کیسی ہو ۔۔۔؟ زکی نے روشک کو خاموش بیٹھے دیکھا تو قدرے سنجیدگی سے بولا ۔۔۔
ٹھیک ہوں ۔۔۔ تم ٹھیک ہو ۔۔۔؟ روشک بنا اوپر دیکھے بولی ۔۔۔
بس یہی پوچھو گی ۔۔۔؟ یار میں دوبئی میں کنسرٹ کر کے آیا ہوں ۔۔۔ وہاں کے بارے میں پوچھو نا کچھ ۔۔۔ زکی روشک کا موڈ ٹھیک کرنے کے لئے شرارت بھرے انداز سے بولا ۔۔۔۔
چل آجا ۔۔۔ تصویریں دیکھ ہمارے ساتھ ۔۔۔۔ دادی نے زکی کو بیٹھنے کا اشارہ کرتے ہوئے کہا ۔۔۔
ایک منٹ دادو ۔۔۔ میں دوبئی سے آپ سب کے لئے تحفے لایا ہوں ۔۔۔۔ میں ابھی لے کر آیا ۔۔۔
*************
بھابھی ۔۔۔ یہ آپ ۔۔۔۔ آویز بھائی اور بچوں کے لئے کچھ تحفے ہیں ۔۔۔ زکی نے دادی کے کمرے میں جاتے ہوئے راستے میں سحر کو دیکھا تو ۔۔۔ اس کو تحفوں والا بیگ دیتے ہوئے کہا ۔۔۔
اوو زکی ۔۔۔ تھینکیو ۔۔۔ سحر نے مسکراتے ہوئے کہا ۔۔۔۔۔
یہ دادو آپ کے لئے ۔۔۔ آپ کی فیورٹ کھجوریں ۔۔۔۔ اور ۔۔۔۔ ایک سیل فون ۔۔۔۔ زکی نے بیگ میں سے چیزیں نکال کر دادی کو دیتے ہوئے کہا ۔۔۔
شکریہ میرے بچے ۔۔۔ مگر میں اس موبائل کا کیا کروں گی ۔۔۔ مجھے تو اسے استعمال کرنا بھی نہیں آتا ۔۔۔ دادی نے زکی کو پیار دیتے ہوئے کہا ۔۔۔
تو میں کس لئے ہوں دادو ۔۔۔؟ میں سیکھائوں گا نا آپ کو ۔۔۔ زکی نے بیگ سے روشک کا تحفہ تلاش کرتے ہوئے کہا ۔۔۔
او ہو ۔۔۔ روشک مجھے تمہاری یاد ہی نہیں رہی ۔۔۔ کچھ لایا ہی نہیں میں تمہارے لئے ۔۔۔ زکی نے روشک کو چھیڑنے کے انداز سے کہا ۔۔۔
مت ستایا کر میری بچی کو ۔۔۔ اس کے لئے جو لایا ہے ۔۔۔ جلدی سے نکال کر دے ۔۔۔ دادی نے ہنستے ہوئے کہا ۔۔۔
چلو اچھا یہ رکھ لو تُم ۔۔۔۔ زکی نے روشک کے لئے لایا ہوا سونے کا بریسلٹ اسے دیتے ہوئے کہا ۔۔۔۔
روشک ۔۔۔۔ لے لو یار ۔۔۔ روشک کے ہاتھ آگے نہ بڑھانے پر زکی نے اسرار کیا ۔۔۔
تم مجھ سے اب تک ناراض ہو ۔۔۔؟ زکی نے روشک کی خاموشی میں اس کی ناراضگی دیکھی ۔۔۔
میں تم سے ناراض نہیں ہوں ۔۔۔ بس وہ دل مر گیا ہے جو تمہیں بے تحاشا چاہتا تھا ۔۔۔۔ تھینکس ۔۔۔ روشک نے پھیکا سا مسکرا کر زکی سے تحفہ لیتے ہوئے کہا ۔۔۔
نانو میں چلتی ہوں اب ۔۔۔ مجھے دیر ہو رہی ہے ۔۔۔۔ میری دوستوں نے آج مجھے ڈنر پر انوائیٹ کیا ہے ۔۔۔ روشک نانی کو پیار دیتے ہوئے بولی ۔۔۔
میں چھوڑ آئوں ۔۔۔۔؟ ۔ زکی نے روشک سے پوچھا ۔۔۔
نہیں اس کی ضرورت نہیں ہے ۔۔۔ میں ڈرائیور کے ساتھ چلی جائوں گی ۔۔۔
**********
دادو ۔۔۔ اسے کیا ہو گیا ہے ۔۔۔ اتنی بدل گئی ہے یہ ۔۔۔ پہلے تو ہم کتنا ہنسی مزاق کرتے تھے ۔۔۔ اور اب ۔۔ ٹھیک سے بات بھی نہیں کرتی ہے ۔۔۔ زکی نے دادو کے ساتھ آکر بیٹھتے ہوئے کہا ۔۔۔۔
ٹھیک ہو جائے گی ۔۔۔ بیٹا ۔۔۔ اسے تھوڑا وقت دے ۔۔۔ اچھا یہ دیکھ تُو اور گوہر کیسے مستی بھری شکلیں بنائے بیٹھے ہو ۔۔۔ دادی نے زکی کو تصویر دیکھاتے ہوئے کہا ۔ ۔۔۔
ہاہاہا ۔۔۔ دادو یہ میں ہوں ۔۔۔۔ زکی اپنے بچپن کی تصویر دیکھ کر ہنستے ہوئے بولا ۔۔۔
وائو دادو ۔۔۔ ہماری حویلی اتنی خوبصورت تھی نا ۔۔۔ اور وہاں کا باغ ۔۔۔ میں اور گوہر سارا دن اُدھر کھیلتے رہتے تھے ۔۔۔ دادو مجھے کچھ کچھ باتیں یاد ہیں ۔۔۔ مگر ٹھیک سے یاد نہیں کہ کیا ہوا تھا ۔۔۔ ہم سب کیسے الگ ہوئے تھے ۔۔۔ مجھے بتائیں نا ۔۔۔ کیا ہوا تھا ۔۔۔ ؟ زکی نے تصویریں دیکھتے ہوئے دادی سے پوچھا ۔۔۔
بیٹا کیا بتائوں تجھے ۔۔۔۔۔ کیسا ہنستا کھیلتا خاندان تھا ہمارا ۔۔۔۔ پھر تیری چچی کی یوں اچانک موت نے سب کچھ ہلا کر رکھ دیا ۔۔۔ اس کی موت کے بعد تو جیسے میرا عامر بکھر ہی گیا تھا ۔۔۔ بچے چھوٹے تھے ۔۔۔ سب نے کہا دوسری شادی کر لو ۔۔۔ ساری زندگی یوں تنہا کیسے گزارو گے ۔۔۔ پہلے تو تین ۔۔۔ چار سال وہ شادی کے لئے نہ مانا ۔۔۔۔ عامر شروع ہی سے ترکی میں جاب کرتا تھا ۔۔۔ تیرے دادا اسے بہت کہتے تھے ۔۔۔ اپنا کاروبار ہے ۔۔ اسی میں ہاتھ بٹا ۔۔۔ مگر وہ جاب کرنا چاہتا تھا ۔۔ ایک دن وہیں ترکی میں اس کی ملاقات ممتاز سے ہوئی ۔۔۔ اُس نے ممتاز سے شادی کا کہا ۔۔۔ پر تیرے دادا نہ مانے ۔۔۔۔ عامر نے بھی ضد پکڑ لی ۔۔۔۔
کیوں دادو ۔۔۔ دادا کیوں نہیں مانے تھے ۔۔۔؟ زکی نے متذبذب سے انداز میں پوچھا ۔۔۔۔
ممتاز کا تعلق طوائیفوں کے خاندان سے تھا ۔۔۔ مگر اس کو اپنے خاندانی پیشے سے سخت نفرت تھی ۔۔۔ تبھی تو وہ ہوش سنبھالتے ہی ترکی چلی گئی تھی ۔۔۔ اور وہاں جا کر اس نے خطاطی کا فن سیکھا ۔۔۔۔ اب کوئی تو خوبی نظر آئی ہو گی عامر کو ۔۔۔ جو اس نے شادی کی ضد کی ۔۔۔۔ مگر تیرے دادا ہر گز نہ مانے ۔۔۔۔ اور عامر کو جائیداد سے آگ کر دیا ۔۔۔۔
دادی روتے ہوئے زکی کو ساری روداد سنا رہی تھی ۔۔۔۔
دادو ۔۔۔ اتنے سالوں میں کبھی کوئی انہیں منانے نہیں گیا ۔۔۔ یا ۔۔۔ کبھی چچا پاکستان نہیں آئے ۔۔۔؟
گیا تو تھا ۔۔۔ رضا عامر کو لینے مگر ۔۔۔ اس نے یہ شرط رکھی کہ ممتاز ساتھ نہیں آئے گی ۔۔۔ پھر عامر نے صاف انکار کر دیا ۔۔۔ یہاں تک کہ رضا نے دائود کو ساتھ لے جانے پر اسرار کیا ۔۔۔ مگر اس نے بھی یہی کہا ۔۔۔ کہ میں امی کے ساتھ رہوں گا ۔۔۔ وہ دن اور آج کا دن ۔۔۔اب تک تیرے بابا اور تیرا بھائی عامر اور دائود سے نفرت کرتے ہیں ۔۔۔۔ گھر میں اُن کا نام تک سننا پسند نہیں کرتے ۔۔۔۔ تیرے دادا کے مرنے پر عامر آیا تھا ۔۔۔ پاکستان ۔۔۔۔ پھر ایسا گیا کہ آج تک لوٹ کر نہ آیا ۔۔۔۔۔
اپنے نُقصان پر ہر گز غمزدہ نہ ہوا کریں کیوں کہ اللہ آپ سے اُس وقت تک کچھ واپس نہیں لیتا جب تک اُس سے بہتر آپ کو عطا نہ کرے ۔۔۔۔۔ سیاہ عبایا میں ملبوس ۔۔۔۔ سفید رنگ کے سکارف سے نقاب کئے گوہر مسجد کے گھاس نُما قالین پر بیٹھی خواتین سے مخاطب تھی ۔۔۔
آجائو فضے گل ۔۔۔۔۔۔ مسجد میں بیٹھی کچھ ترک بچیوں سے باتوں میں مشغول فضے گل کو گوہر نے واپس چلنے کو کہا تو وہ منہ بناتے ہوئے بولی ۔۔۔۔
جب بھی میں چلنے کو کہتی ہوں ۔۔۔ تب تو تم گھر چلتی نہیں ہو ۔۔۔ اور آج جب میری سہیلیاں آئی ہوئی ہیں تو مجھے جلدی لے جا رہی ہو ۔۔۔۔
اچھا بھئی ۔۔۔ نہیں کہتی جلدی جانے کو ۔۔۔ مگر صرف پندرہ منٹ اور ۔۔۔ ٹھیک ۔۔۔؟ گوہر نے فضے گل کی باتوں پر ہنستے ہوئے کہا ۔۔۔
آپ ٹھیک ہیں ۔۔۔ ؟ کوئی پریشانی ہے تو آپ مجھے بتا سکتی ہیں ۔۔۔۔ شاید میں آپ کے مسلے کا کوئی حل بتا سکوں ۔۔۔۔ گوہر نے وہیں قریب ایک لڑکی کو اداس بیٹھے دیکھا تو ۔۔۔ اُس کے ساتھ آکر بیٹھتے ہوئے بولی ۔۔۔
کیا اللہ سب کی سنتا ہے ۔۔ ؟ اس لڑکی نے ۔۔۔۔ گوہر کے پوچھنے پر روتے ہوئے اس کی طرف دیکھ کر کہا ۔۔۔
جی میری بہن ۔۔۔ اللہ سب کی سنتا ہے ۔۔۔۔۔ گوہر چہرے پر ہلکی سی مسکراہٹ رکھے بولی ۔۔۔
تو پھر ۔۔۔ وہ میری کیوں نہیں سنتا ۔۔۔؟ میں جب جب اللہ سے کچھ مانگتی ہوں ۔۔۔ وہ مجھے اُس وقت کیوں نہیں دیتا ۔۔۔ ؟ وہ لڑکی شکوہ ظاہر کرتے بولی ۔۔۔۔
وہ ہمیں ۔۔۔۔ ہمارے گناہوں کی سزا بھی تو اُس وقت نہیں دیتا ۔۔۔ جب ہم گناہ کرتے ہیں ۔۔۔ گوہر نے اس کو سمجھاتے ہوئے کہا ۔۔۔
مجھے جانے کا بول کر ۔۔۔ خود یہاں بیٹھی ہو ۔۔۔ ایسے کوئی کرتا ہے کیا ۔۔۔؟ فضے گل نے گوہر کو خفگی سے دیکھا ۔۔۔
ہاں بھئی ۔۔۔ چلیں میڈم ۔۔۔۔ گوہر مسکرائی ۔۔۔۔
********************
آپ نے بات کی ۔۔۔۔۔ رضا بھائی صاحب سے ۔۔۔ ؟ مسز الیان چائے میں چینی ڈالتے ہوئے بولی ۔۔۔
کونسی بات ۔۔۔ ؟ الیان ظفر نے اپنی نظریں اخبار پر جمائے پوچھا ۔۔۔
اوہو ۔۔۔ سب سے پہلے تو آپ یہ اخبار رکھیں اور میری بات غور سے سنیں ۔۔۔۔ مسز الیان نے اخبار کھینچ کر سائیڈ پر رکھتے ہوئے کہا ۔۔۔
زلقرنین اور روشک کے رشتے کی ۔۔۔ اور کونسی ۔۔۔۔۔ یہ لیں چائے ۔۔۔ انہوں نے الیان صاحب کو چائے کی پیالی دیتے ہوئے کہا ۔۔۔۔
کر لوں گا ۔۔۔ اتنی بھی کیا جلدی ہے ۔۔۔؟ ابھی تو روشک کی پڑھائی بھی مکمل نہیں ہوئی ۔۔۔۔ الیان صاحب نے چائے کا گھونٹ لے کر کہا ۔۔۔۔
الیان صاحب ۔۔۔ جلدی ہے نا ۔۔۔ روشک ہماری اکلوتی بیٹی ہے ۔۔۔۔ اور اس کے لئے زلقرنین سے اچھا لڑکا ہمیں نہیں ملے گا ۔۔۔۔۔۔ کہیں ایسا نہ ہو کہ ہم دیر کر دیں اور یہ رشتہ ہاتھ سے نکل جائے ۔۔۔۔۔۔۔ مسز الیان بریڈ پر مکھن لگاتے ہوئے بولی ۔۔۔
اوکے جی ۔۔۔ میں جلد ہی بات کرلوں گا ۔۔۔۔۔ ابھی میں آفس کے لئے لیٹ ہو رہا ہوں ۔۔۔۔ الیان صاحب ۔۔۔۔ ناشتے کی میز سے اُٹھ کر کوٹ پہنتے ہوئے بولے ۔۔۔
ارے ۔۔۔ ناشتا تو کر کے جائیے ۔۔۔
نہیں ۔۔۔ پہلے ہی ۔۔۔ لیٹ ہو گیا ہوں ۔۔۔ آفس میں کر لوں گا ۔۔۔ الیان صاحب نے باہر جاتے جاتے کہا ۔۔۔
***********************
ائوے ہوئے ۔۔۔ آج کدھر کی تیاری ہے ۔۔۔ بیٹا جی ۔۔۔؟ دادی زکی کے کمرے کے دروازے پر کھڑی بولی ۔۔۔
دادو آپ ۔۔۔ ؟ آئیں نا ۔۔۔ زکی نے بالوں میں کنگھی کرتے وقت دروازے پر دادی کو کھڑا دیکھا تو ۔۔۔ اندر آنے کو کہا ۔۔۔
یہ رنگ تو تُجھ پر بڑا اُٹھ رہا ہے ۔۔۔ میرے بچے ۔۔۔۔ دادی نے زکی کو پیار دیتے ہوئے کہا ۔۔۔
ہاہا ۔۔۔ دادو ۔۔۔ ویسے مجھ پر تو ہر رنگ ہی اچھا لگتا ہے ۔۔۔ نہیں ۔۔۔؟ زکی نے ہنستے ہوئے کہا ۔۔۔
خیر ۔۔۔ یہ تو ہے ۔۔۔ اچھا سن ۔۔۔ تُو نے مجھے یہ فون تو لا کر دے دیا ہے ۔۔۔ اب اسے استعمال کرنا بھی سیکھادے ۔۔۔ دادی نے ڈبے سے فون نکالتے ہوئے کہا ۔۔۔
اوہاں ۔۔۔ دادو ۔۔ ابھی تو میں روشک کے گھر جا رہا ہوں ۔۔۔۔ واپس آ کر میں آپ کو سب بتائوں گا ۔۔۔ بلکہ ایسا کرتا ہوں کہ آپ کے فون میں گوہر کا نمبر سیو کر دیتا ہوں ۔۔۔۔۔ جب تک میں لوٹتا ۔۔۔ آپ اُس سے بات کر لینا ۔۔۔۔۔ اپنا فون دیں ۔۔۔۔ زکی نے اپنے موبائل میں گوہر کا نمبر ڈھونڈتے ہوئے کہا ۔۔۔۔
اچھا ۔۔۔۔ یہ سب تو ٹھیک ہے ۔۔۔ مگر تو وہاں کیوں جا رہا ہے ۔۔۔۔ پتا تو ہے تُجھے کتنا چڑھتی ہے وہ تجھ سے اب ۔۔۔۔۔۔۔
دادی نے زکی کو اپنا موبائل دیتے ہوئے کہا ۔۔۔
یار دادو ۔۔۔ اسی وجہ سے تو جا رہا ہوں ۔۔۔ آج تو میں اسے منا کر ہی دم لوں گا ۔۔۔۔ اچھی خاصی دوستی تھی ہماری ۔۔۔۔ اس کی ناراضگی ہے کہ ختم ہونے کا نام ہی نہیں لے رہی ۔۔۔
یہ لیں ۔۔۔ میں نے گوہر کا نمبر سیو کر دیا ہے ۔۔۔ آپ اس کو کلک کریں گی تو اُس کو فون ہو جائے گی ۔۔۔ ٹھیک ۔۔۔؟ اچھا میں چلتا ہوں ۔۔۔۔ واپس آکر میں نے آپ کو ایک بات بھی بتانی ہے ۔۔۔ زکی اپنے کُرتے کی بازو کہنیوں تک موڑتا ہوا کمرے سے باہر نکلا ۔۔۔۔
*************
میں اُن شیشہ گروں سے پوچھتا ہوں ۔۔۔ کہ ٹُوٹا دل بھی جوڑا ہے کسی نے ۔۔۔۔ سہارا دے کہ چھوڑا ہے کسی نے ۔۔۔۔ کمرے میں لیمپ کی مدھم سی چھائی ہوئی روشنی میں موبائل پر اونچی آواز میں یہ گانا لگائے روشک بستر پر لیٹی کافی دیر سے چھت پر لگے پنکھے کو دیکھ رہی تھی ۔۔۔۔۔
اُف ۔۔۔۔ توبہ ہے روشک ۔۔۔ بیٹا اب بس بھی کرو نا ۔۔۔ اُٹھو جلدی سے ۔۔۔ تیار ہو جائو ۔۔۔ اور اتنی مرتبہ میں نے تم سے کہا ہے کہ ایسے گانے مت سنا کرو ۔۔۔۔ فریحہ سلطان روشک کے موبائل پر چلتے گانے کو پاز کرتے ہوئے بولی ۔۔۔
ماما ۔۔۔ کیا یار ۔۔۔ آپ جب بھی آتی ہیں ۔۔۔ یہی کرتی ہیں ۔۔۔۔ اور تیار کیوں ہوں میں ۔۔۔۔؟ روشک نے بستر پر لیٹے ہی اپنی ماما سے پوچھا ۔۔۔۔
زکی آیا ہے باہر ۔۔۔ کہہ رہا ہے لنچ ساتھ کریں گے روشک کے فیورٹ ریسٹرونٹ میں ۔۔۔ وہ بلیک والا فراک کہاں رکھا ہے تم نے جو تمہارے بابا لائے تھے ۔۔۔۔؟ فریحہ سلطان الماری میں روشک کے کپڑے تلاش کرتے بولی ۔۔۔۔۔
اُس کی ہمت کیسے ہوئی ۔۔۔۔ خود ہی اس نے یہ طہ کر لیا کہ ہم لنچ پر جا رہے ہیں ۔۔۔ اور ماما آپ ۔۔۔ میری مرضی پوچھے ۔۔۔۔ جانے بغیر ہی میرے جانے کی تیاری کر رہی ہیں ۔۔۔۔۔۔ حد ہے یار ۔۔۔۔۔ روشک غصے میں بیڈ سے اتر کر صوفے پر آبیٹھی ۔۔۔
اچھا ۔۔۔۔ تو کیا ہے تمہاری مرضی ۔۔۔؟ یہ لو تمہارے کپڑے نکال دئے ہیں ۔۔۔۔ تیار ہو جائو ۔۔۔ فریحہ سلطان نے روشک کے پاس آکر بیٹھتے ہوئے کہا ۔۔۔۔
مجھے نہیں جانا اُس کے ساتھ ۔۔۔ اور اب کوئی مجھے مجبور نہیں کرے گا ۔۔۔۔ روشک منہ پھیرتے ہوئے بولی ۔۔۔
شششش ۔۔۔۔۔۔ باہر سے آتے زکی نے اپنی پھپھو کو چُپ رہنے کا اشارہ کیا ۔۔۔۔ اور چُپکے سے روشک کے پیچھے آبیٹھا ۔۔۔
فریحہ سلطان زکی کو اشارہ کر کے باہر چلی گئیں ۔۔۔
اگر تمہارا موڈ نہیں ہے ۔۔۔ تو ہم نہیں جاتے ۔۔۔۔
زکی تم ۔۔۔؟ تم اندر کب آئے ۔۔۔۔؟ روشک نے حیرت سے زکی کو دیکھا ۔۔۔
اُسی لمحے جب تم ۔۔۔۔ ۔۔۔۔۔ وائو ۔۔۔۔۔ یہ گھڑی کتنی خوبصورت ہے ۔۔۔ ضرور دانش نے بھیجی ہو گی ۔۔۔ ہے نا ۔۔۔؟ زکی نے بات کا رخ موڑا ۔۔۔۔
او ہاں ۔۔۔۔ یاد آیا ۔۔۔ آج میں نے وجاہت سر سے ملنے جانا ہے ۔۔۔ تمہیں پسند ہیں نا وہ ۔۔۔ اُس دن بھی تم غلہ کر رہی تھی کہ تم نے ملوایا نہیں اُن سے ۔۔۔۔ اس بار تمہیں ساتھ لے کر جائوں گا ۔۔۔۔ روشک کے کسی بھی جواب کے بغیر ۔۔۔ زکی نے ناجانے کتنے قصے کھولے اور بند کئے ۔۔۔
یار روشک بندہ جواب ہی دے دیتا ہے ۔۔۔ ایسا کب تک چلے گا ۔۔۔۔ میں بولتا رہوں گا اور تم خاموش رہو گی ۔۔۔۔
خاموشی بھی اُس کی محسوس کی جاتی ہے ۔۔۔ جس کا بولنا اچھا لگتا ہو ۔۔۔۔ روشک یہ کہہ کر اُٹھ کھڑی ہوئی ۔۔۔۔
اُف روشک بس کرو ۔۔۔ بہت ہو گیا ۔۔۔۔ میں صرف پندرہ منٹ ویٹ کروں گا ۔۔۔۔ تم ریڈی ہو کر باہر آئو جلدی سے ۔۔۔۔۔
تمہیں دیر ہو رہی ہے تو جائو ۔۔۔۔ میں نے ویسے بھی نہیں جانا ۔۔۔۔ تمہارے پاس لوگوں کی کمی تھوڑی نا ہے ۔۔۔ کسی کو بھی لے جائو ۔۔۔ تم تو کسی کے ساتھ بھی چلنے کے لئے تیار ہو جاتے ہو ۔۔۔۔ نہیں ۔۔۔۔؟ روشک دونوں بازو باندھے کھڑی زکی کو بنا دیکھے بولی ۔۔۔۔
تمہیں کیا لگتا ہے ۔۔۔ میں ہر لڑکی کو یوں لنچ پر چلنے کو کہتا ہوں ۔۔۔۔۔۔ یا کسی کو بھی اپنے ساتھ لنچ پر لے جاتا ہوں ۔۔۔۔؟ تمہاری منتیں کررہا ہوں ۔۔۔۔ تمہیں منا رہا ہوں ۔۔۔ اس لئے کہ تم میری کزن ہو ۔۔۔ اور مجھے بہت عزیز ہو ۔۔۔۔ میں نے ہمیشہ تمہیں چھوٹی بہنوں کی طرح پیار کیا ہے ۔۔۔۔ بہن سے بڑھ کر ہو تم میرے لئے ۔۔۔۔ زکی یہ کہتا ہوا کمرے سے باہر آگیا ۔۔۔۔
سوری زکی ۔۔۔۔ سوری ۔۔۔۔ روشک ۔۔۔۔ زکی کے پیچھے چلتی ہوئی آئی اور روتے ہوئے بولی ۔۔۔
پگلی ۔۔۔ چُپ کر اب ۔۔۔۔ جلدی سے ریڈی ہو کر آ جا ۔۔۔۔ مجھے سچ میں دیر ہو رہی ہے ۔۔۔۔ زکی نے روشک کے آنسو صاف کئے ۔۔۔۔ اور ہنستے ہوئے کہا ۔۔۔۔
*********************
کم کم ۔۔۔۔ ینگ بوائے ۔۔۔ وجاہت علی نے دروازے پر کھڑے زکی کو اندر آنے کا کہا ۔۔۔۔
ارے تم تو چھا گئے یار ۔۔۔۔ کمال کر دیا ۔۔۔۔۔ لوگ پاگل ہو رہے ہیں ۔۔۔۔ تم دونوں کے اگلے کنسرٹ کے لئے ۔۔۔۔۔ وجاہت علی نے خوشی سے چہکتے ہوئے زکی سے ہاتھ ملایا ۔۔۔
یہ سب کچھ آپ کی وجہ سے ہوا ۔۔۔ سر ۔۔۔۔ تھینکیو سو مچ ۔۔۔۔ زکی نے مسکراتے ہوئے کہا ۔۔۔۔
زکی اگلے کنسرٹ کا کچھ سوچا ۔۔۔۔ کہاں ہونا چاہئے ۔۔۔؟ وجاہت علی نے زکی کو مخاطب کیا ۔۔۔۔
سر جی ۔۔۔ جہاں آپ کہیں گے ۔۔۔۔ ویسے میں آپ سے ایک رکویسٹ کرنا چاہ رہا ہوں ۔۔۔۔ اگر آپ ہمیں ترکی بھیج دیں تو ۔۔۔۔؟ زکی نے متذبذب سے انداز میں پوچھا ۔۔۔۔
ہاں ہاں ۔۔۔۔ کیوں نہیں ۔۔۔ سوچتے ہیں اس بارے میں ۔۔۔۔
***********
آگے کا کیا پلان ہے تمہارا ۔۔۔؟؟۔۔۔۔ زکی نے کانٹے کی مدد سے کھانا منہ میں ڈالا ۔۔۔۔
ہیم ۔۔۔۔؟ روشک جوس پیتے ہوئے اس کی طرف متوجہ ہوئی ۔۔۔۔
کہاں ایڈمیشن لینا ہے ۔۔۔؟ زکی نے کانٹا پلیٹ میں رکھ کر ٹشو سے منہ تھپتھپایہ ۔۔۔
ابھی کچھ سوچا نہیں ۔۔۔۔ میں نے ۔۔۔۔ روشک نے جوس کا گھونٹ لے کر کہا ۔۔۔
کیا مطلب ہوا ۔۔۔ تمہاری اس بات کا ۔۔۔؟ ابھی تک سوچا نہیں ۔۔۔۔ چھ مہینے تم پہلے ہی ضائع کر چکی ہو ۔۔۔۔ بریک لینے کے چکر میں ۔۔۔۔ ایف ایس سی سے آگے پڑھنے کا کوئی ارادہ ہے بھی یا نہیں ۔۔۔ ؟ زکی نے روشک کی اس بات پر حیرت کا مظاہرہ کیا ۔ ۔ ۔ ۔
اوووف ۔۔۔۔ کیا ہو گیا ہے ۔ ۔۔ تم نا مجھے ڈانٹنے کا کوئی بھی موقع ہاتھ سے جانے نہ دینا ۔۔۔ ابھی کچھ سوچا نہیں سے مراد یہ تھا کہ ایک دو یونیورسٹیز میں اپلائے کیا ہے میں نے ۔۔۔۔ روشک استہزائیہ مسکرائی ۔ ۔۔
او اچھا ۔۔۔ ۔ تو یوں کہو نا ۔ ۔۔ تم بات ہی ایسی کرتی ہو کہ ۔ ۔ ۔ ۔ تمہیں ڈانٹنے کا من کرتا ہے ۔۔۔ ہاہا ۔۔۔ زکی نے روشک کی بات پر ہنستے ہوئے کہا ۔۔۔۔
ماما ۔۔۔ بابا ۔۔ کہہ رہے ہیں کہ امریکہ چلی جائو ۔۔۔ بھائی کی طرف ۔۔۔۔ ادھر ہی ایڈمیشن لو ۔۔۔ ان فیکٹ بھائی بھی یہی کہہ رہے ہیں ۔۔۔۔ روشک نے شانے اچکائے ۔۔۔۔
یہ تو بیسٹ ہے ۔۔۔ تم نے کیا سوچا پھر ۔۔۔۔۔؟ زکی نے پانی کا ایک گھونٹ لیا ۔۔۔
کچھ سمجھ نہیں آ رہا کیا کروں ۔۔۔۔ میرے سب فرینڈز یہاں پر ہیں ۔۔۔ میں وہاں اکیلی ۔۔۔۔
او یار ۔۔۔۔۔ کچھ نہیں ہوتا ۔۔۔ میری مانو تو ۔۔۔۔ چلی جائو ۔۔۔ مجھے بہت شوق تھا ۔۔۔ باہر جا کر پڑھنے کا ۔۔۔ لیکن بابا مانے ہی نہیں تھے ۔۔۔ تمہیں تو خود تمہارے بابا بھیج رہے ہیں ۔۔۔۔ اور دانش بھی تو وہیں ہے ۔۔۔ پھر کیا مسلہ ۔۔۔۔
تم کچھ کھا کیوں نہیں رہی ۔ ۔۔ ؟ یہ لو ۔۔۔ یہ ٹرائے کرو یہاں کی بیسٹ دش ہے ۔ ۔۔۔ زکی نے ایک پلیٹ روشک کے آگے رکھتے ہوئے کہا ۔۔۔
نہیں ۔۔۔ بس میں فل ہو گئی ۔۔۔ چلیں اب ۔۔۔۔؟ روشک نے ہنستے ہوئے کہا ۔۔۔۔
ہاں ۔۔۔ چلتے ہیں ۔۔۔۔ ویٹر ۔۔۔۔۔ بل پلیز ۔۔۔۔۔ زکی نے ویٹر کو بل لانے کو کہا ۔۔۔۔
*****************
گوہر ۔۔۔ اور کتنی دیر لگائو گی ۔۔۔۔ ؟ جلدی کرو نا ۔۔۔ گوہر کی گود میں بیٹھی فضےگل قدرے خفگی سے بولی ۔۔۔
بس بس ہو گیا ۔۔۔ بھئی نیا ہیئر سٹائل ٹرائے کر رہی تھی نا ۔۔۔۔ گوہر ۔۔۔ دونوں ہاتھ فضےگل کے بالوں میں ڈالے نظریں موبائل میں چلتی ویڈیو پر جمائے بولی ۔۔۔
اچھا اب جلدی کرو ۔۔۔۔ مجھے دیر ہو رہی ہے ۔۔۔ فضے گل ہاتھ میں کھلونے اٹھائے بےتابی سے بولی ۔۔۔
کیوں ۔۔۔؟ ارے بھئی کس بات کی جلدی ہے تمہیں ۔۔۔۔؟ یار بس بینڈ لگانا ہے اب ۔۔۔۔ گوہر نے اس کے بالوں میں تجربے کرتے ہوئے کہا ۔۔۔۔
مجھے اپنے بچوں کے لئے کھانا تیار کرنا ہے نا ۔۔۔۔ وہ سکول سے آنے والے ہوں گے ۔۔۔۔ ۔۔۔ اوو میرے بےبی کو بھوک لگی ہے ۔۔۔۔؟ فضے گل اپنے ہاتھ میں اٹھائی ہوئی گڑیا کو پیار کرتے بولی ۔۔۔
اووو ۔۔۔ ہاں پھر تو آپ کو جلد از جلد باورچی خانے میں جانا چائیے آپ کے بچوں کو بھوک لگی ہے ۔۔ ۔۔
ہاہاہاہا ۔۔۔۔۔ میری جان ۔۔۔ جائو کھیلو ۔۔۔۔ گوہر ۔۔۔۔ فضےگل کی باتوں پر ہنستے ہوئے بولی ۔۔۔۔۔
******************
وائو یہ ڈریس اچھا ہے ۔۔۔ روشک یہ چیک کرو ۔۔۔ زکی مال میں ایک شاپ پر کھڑا روشک کو خوبصورت سا لباس دکھاتے بولا ۔۔۔۔
ہاں ۔۔۔ نائیس ۔۔۔۔۔ یہ ڈریس دیکھا دیں ۔۔۔ زکی میں ٹرائے کر کے آتی ہوں ۔۔۔ جب تک تم اپنے لئے کچھ دیکھ لو ۔۔۔ روشک نے ٹرائے روم میں جاتے ہوئے کہا ۔۔۔
اوکے ۔۔۔ تم جائو ۔۔۔ زکی اپنے لئے کچھ شرٹس پسند کرنے لگا ۔۔۔۔
بھائی ۔۔۔۔ جلدی چلیں مجھے دیر ہو رہی ہے ۔۔۔۔ کپڑے دیکھتے ہوئے زکی کی نظر قریب سے گزرنے والی ایک لڑکی پر پڑی جو سیاہ عبایا میں ملبوس تیز تیز قدم ڈالتی ہوئی جا رہی تھی ۔۔۔۔
زکی ۔۔۔ میں کیسی لگ رہی ہوں ۔۔۔؟ زکی ۔۔۔۔۔؟ روشک نے ایک نظر اس گزرتی لڑکی پر دوڑائی پھر زکی کو دیکھا جو ناجانے کب سے اسے دیکھے جا رہا تھا ۔۔۔
ہیم ۔۔۔؟ کیا ہوا ۔۔۔ ؟ اوو وائو ۔۔۔ بہت اچھی لگ رہی ہو ۔۔۔ زکی نے بات سنبھالتے ہوئے کہا ۔۔۔
ایسا کیا ہے زکی اس لڑکی میں ۔۔۔ جو تم اُسے ایسے دیکھ رہے تھے ۔۔۔ مڈل کلاس ۔۔۔ اور پتا نہیں اس نے اپنے چہرے پر کیا باندھا ہوا تھا ۔۔۔۔ اُف ۔۔۔۔ مجھے تو ایسے لوگوں سے خوف آتا ہے ۔۔۔۔ توبہ ۔۔۔۔ روشک گاڑی میں بیٹھے سیٹ بیلٹ باندھتے ہوئے بولی ۔۔۔۔
کیا ہو گیا روشک ۔۔۔۔ تم ایسا سوچتی ہو ۔۔۔؟ اتنی خوبصورت تھی وہ لڑکی ۔۔۔۔ زکی چہرے پر مطمئن سی مسکراہٹ رکھے گاڑی چلا رہا تھا ۔۔۔۔
کیا کہا تم نے ۔۔۔۔؟ خوبصورت ۔۔۔۔ ؟ ہو کیا گیا ہے تمہیں زکی ۔۔۔۔۔ ؟ مطلب تمہاری نظر میں ایسی لڑکیاں خوبصورت ہوتی ہیں ۔۔۔ ؟ چہرہ تو دکھاتی نہیں ہیں ۔۔۔ پتا نہیں اپنے آپ کو کیا سمجھتی ہیں ۔۔۔ روشک قدرے خفگی سے بولی ۔۔۔۔
روشک محض چہرے کی خوبصورتی ہی سب کچھ نہیں ہوتی ۔۔۔۔ ان کے پاس نور ہوتا ہے ۔۔ یہ بہت خاص ہوتی ہیں ۔۔۔۔۔ ایک پُرسکون ۔۔۔۔۔
اچھا اچھا ۔۔۔۔ بس زکی اب تم اپنے لیکچرز اپنے پاس رکھو ۔۔۔۔ پتا نہیں ہو کیا گیا ہے تمہیں ۔۔۔۔ روشک زکی کی بات کاٹتے ہوئے بولی ۔۔۔
کوئی اور بات کرو نا ۔۔۔ اچھا بتائو ۔۔۔ کنسرٹ کیسا رہا تمہارا ۔۔۔۔۔ روشک بات بدلتے ہوئے بولی ۔۔۔۔
ٹھیک تھا ۔۔۔ زکی استہزائیہ مسکرایا ۔۔۔۔
********************
زکی ۔۔۔۔ وہ دیکھ ۔۔۔ کتنی خوبصورت لڑکی ہے ۔۔ میں تو چلا اس کے ساتھ ڈانس کرنے ۔۔۔۔ تو ڈانس کیوں نہیں کر رہا ۔۔۔؟ ایسے کیوں بیٹھا ہے ۔۔۔؟ کامران نے پارٹی میں کھڑے زکی کو مخاطب کیا ۔۔۔
تو جا ۔۔۔ میرا دل نہیں چاہ رہا ۔۔۔ زکی قدرے الجھے ہوئے انداز سے بولا ۔۔۔
زلقرنین ۔۔۔ تم یہاں اکیلے کیوں بیٹھے ہو ۔۔۔؟ آئو نا ۔۔۔ ساتھ ڈانس کرتے ہیں ۔۔۔ قدسیہ اس کے پاس آکر بیٹھتے ہوئے بولی ۔۔۔
نہیں ۔۔۔ میرا دل نہیں چاہ رہا ۔۔۔ تم جائو ۔۔۔ زکی اس کو بھی ویسے ہی بولا ۔۔۔
آہستہ آہستہ ۔۔۔ اس کے سارے دوست اس کے قریب آئے اور چلے گئے ۔۔۔
رُکو ۔۔۔ مجھے یہاں اکیلا چھوڑ کر مت جائو ۔۔۔۔ پلیز ۔۔۔ میں تنہاہ ہوں ۔۔۔ کامران ۔۔ قدسیہ مجھے ساتھ لے کر جائو ۔۔۔ کچھ لمحوں بعد زکی وہاں اکیلا رہ گیا ۔۔۔ اس نے اپنے سب دوستوں کو اپنے سے دور جاتا پایا ۔۔۔ چلا چلا ۔۔۔ کر انہیں پکار رہا تھا ۔۔۔ مگر کسی نے اس کی ایک نہ سنی اور سب کے سب نظروں سے اوجھل ہو گئے ۔۔۔
زکی پارٹی والے ہال سے باہر نکل گیا ۔۔۔ چاروں طرف اندھیرا ہی اندھیرا چھایا ہوا تھا ۔۔۔
یا اللہ ۔۔۔ مدد کریں ۔۔۔ زکی تھک ہار کر ایک پتھر پر بیٹھ گیا ۔۔۔۔ پھر اچانک سامنے سے روشنی نمودار ہوئی ۔۔۔۔
وہی لڑکی ۔۔۔۔ آج پھر ۔۔۔ سیاہ عبایا میں ملبوس ۔۔۔ اپنے چہرے کو چھپائے ہوئے اس کے قریب آئی ۔۔۔۔ اور ایک کاغذ کا ٹکڑا اس کے سامنے کیا ۔۔۔۔
زکی نے اس کے ہاتھ سے وہ کاغذ لیا ۔۔۔۔ ابھی اس نے اس پر تحریر ہوئی آیت پڑھنا شروع ہی کی تھی کہ وہ لڑکی منظر سے غائب ہو گئی ۔۔۔۔
زکی نے اس کاغذ پر چھپی آیت پڑھی ۔۔۔۔
” فَاِذَا قَضَيۡتُمُ الصَّلٰوةَ فَاذۡكُرُوا اللّٰهَ قِيَامًا وَّقُعُوۡدًا وَّعَلٰى جُنُوۡبِكُمۡ ۚؕ فَاِذَا اطۡمَاۡنَنۡتُمۡ فَاَقِيۡمُوا الصَّلٰوةَ‌ ۚ اِنَّ الصَّلٰوةَ كَانَتۡ عَلَى الۡمُؤۡمِنِيۡنَ كِتٰبًا مَّوۡقُوۡتًا‏ ”
“پھر جب تم نماز پڑھ چکو تو اللہ کی یاد کرو کھڑے اور بیٹھے اور کروٹوں پر لیٹے پھر جب مطمئن ہو جاؤ تو حسب دستور نماز قائم کرو بیشک نماز مسلمانوں پر وقت باندھا ہوا فرض ہے”
**********************
یااللہ ۔۔۔۔ زکی بوکھلا کر اٹھا ۔۔ اور سائیڈ ٹیبل پر پڑے گلاس سے پانی پیا ۔۔۔۔
ابھی ایک گھونٹ ہی لیا تھا کہ اس کے کانوں تک یہ آواز پہنچی ۔۔۔۔ اللہ اکبر ۔۔۔۔ اللہ اکبر ۔۔۔۔۔
اذان ۔۔۔۔ اس وقت ۔۔۔؟ زکی نے گھڑی پر ٹائم دیکھتے ہوئے کہا ۔۔۔۔
اوو ۔۔۔۔ چھ بج گئے ۔۔۔۔ زکی نے پھر سے لیٹتے ہوئے کہا ۔۔ ۔
” پھر جب تم نماز پڑھ چکو تو اللہ کی یاد کرو کھڑے اور بیٹھے اور کروٹوں پر لیٹے پھر جب مطمئن ہو جاؤ تو حسب دستور نماز قائم کرو بیشک نماز مسلمانوں پر وقت باندھا ہوا فرض ہے” ۔۔۔ زکی نے جیسے ہی آنکھیں بند کیں ۔۔۔۔ اس کو یہ آیت دکھائی دی ۔۔۔ اُسی لمحے اٹھا اور نماز کی تیاری کرنے لگا ۔۔۔۔
****************