مذاکرات کے انکار سے نہیں ہوتا

مذاکرات کے انکار سے نہیں ہوتا ۔۔
ہر ایک فیصلہ تلوار سے نہیں ہوتا ۔۔

حصار کھینچ کے محدود کر لیا خود کو ۔۔
جو در سے ہوتا ہے ، دیوار سے نہیں ہوتا ۔۔

تجھے بھی شامل _ تفتیش کر لیا جاتا ۔۔
ہلاک میں جو ترے وار سے نہیں ہوتا ۔۔

جواز _ گرمئ _ بازار ہم سے پوچھتے ہیں ۔۔
سوال چشم _ خریدار سے نہیں ہوتا ۔۔

سنی سنائی پہ سب اعتبار کرتے ہیں ۔۔
کہ سب کا رابطہ اخبار سے نہیں ہوتا ۔۔

علاج _ رنجش _ بےسود ہو تو سکتا ہے ۔۔
مکالمہ ہی مرا یار سے نہیں ہوتا ۔۔

فقط دلیل سے ہوتا ہے فیصلہ نجمی ۔۔
فضول بحث یا تکرار سے نہیں ہوتا ۔۔