(Last Updated On: )
مازاغ دے نیناں دے نیں مے خار بڑے خاص
دن رات کرن یار دے دیدار بڑے خاص
قرآن دے ہر حرف دے ہوٹھاں تے ترانہ
سرکار بڑے خاص نیں سرکار بڑے خاص
اوہ نین ٹپا دین جدوں ’’میں‘‘ دا سمندر
اِس پار بڑے عام سی اُس پار بڑے خاص
نئیں روگ ترے وس دا نبض چھوڑ طبیبا
سرکار دے بیمار نیں بیمار بڑے خاص
کونین دی ہر چیز دے متھے تے لکھیجا
میں عام جیہا کمی سردار بڑے خاص
محبوب دی نسبت نوں ذرا ویکھ، نہ لڑ یار
اک، دو نہ ترے، چار سبھ یار بڑے خاص
کجھ خاص کہون ویکھدے ای نعت دا چانن
اعجازؔ تیری نعت دے انوار بڑے خاص