(Last Updated On: )
مزا اوندا مدینے وچ بلا کے تے لکھوندے نعت
تسیں پیراں دے وچ مینوں بٹھا کے تے لکھوندے نعت
حیاتی اے بڑی ڈونگھی ترن دی چس بڑی اوندی
جدوں ڈبدے نوں ہتھ آقا پھڑا کے تے لکھوندے نعت
مِری اکھ تانگھ دی سولی تے لمی تان کے سوندی
کدی تے سفنے وچ سرکار آ کے تے لکھوندے نعت
دلاں دی تار طیبہ نال ملدی رات مک جاندی
تسیں دن سینیاں اندر چڑھا کے تے لکھوندے نعت
سخن دے بال نوں جھوٹے ادب دے پینگھے جو دیندا
فرشتے نعت دی لوری سنا کے تے لکھوندے نعت
کدوں دی سوچ روندی اے تیری جالی نوں چم چم کے
کدی تے والضحیٰ دا مکھ وکھا کے تے لکھوندے نعت
مِرا اعجاز نئیں تلوار تے ٹرنا تے پار ہونا
کریم اس پل صراطوں خود ٹپا کے تے لکھوندے نعت
