(Last Updated On: )
متھے اُتھے وٹ اَتے آتشی نگاہ اے اللہ جانڑیں کہیڑی گلوں ڈھولا بھاہ بھاہ اے
اج میڈے سجنڑاں دے رنگ ڈھنگ ہور ہن بانکیاں نے ٹوراں نہ جھانجھراں دے شور ہن
اگلا نہ شوشا تے اگلی نہ ٹھا اے اللہ جانڑیں کہیڑی گلوں ڈھولا بھاہ بھاہ اے
پچھ پچھ ہارے گل دل دی نہ دسدا جہیڑا پچھے ساونڑی دے مہینہ وانگوں وسدا
اگلی نہ گل بات اگلا نہ ساہ اے اللہ جانڑیں کہیڑی گلوں ڈھولا بھاہ بھاہ اے
اللہ جانڑیں کہیڑی گلوں چن ماہی رسیا چین تے قرار اج جندڑی دا کھسیا
دل وچ حسرتاں تے بلیاں تے آہ اے اللہ جانڑیں کہیڑی گلوں ڈھولا بھاہ بھاہ اے
بھل گئیاں سجنڑاں نوں سبھے جی حضوریاں کیتاں میں ڈھولے دیاں سبھے گلاں پوریاں
کینوں ڈیواں گلے اگوں ڈھولا بادشاہ اے اللہ جانڑیں کہیڑی گلوں ڈھولا بھاہ بھاہ اے
