(Last Updated On: )
مرض ہر دی دوا توں کہہ نبی وارث خدا وارث
ہنے ملسی شفا توں کہہ نبی وارث خدا وارث
نبی دا بن گدا توں کہہ نبی وارث خدا وارث
نہ لگسی تتی وا توں کہہ نبی وارث خدا وارث
محب محبوب دے ناں نوں ہمیشاں نال رکھدا اے
جدوں کہندا خدا توں کہہ نبی وارث خدا وارث
غماں دی رُت نہ رَت پیسی بھلا اک رات کر تسبی
نہ اک راتیں سدا توں کہہ نبی وارث خدا وارث
گنہگارا مدینے جا گنہگاراں دی گل بن دی
لے بھُنے وی اگا توں کہہ نبی وارث خدا وارث
دلا! سن وگڑیا کجھ نئیں اجے وی ڈُلھے بیراں دا
نہ ویلے نوں گوا توں کہہ نبی وارث خدا وارث
قیامت وچ فرشتے بھیڑ چوں ہتھ پھڑ کے آکھن گے
اگاں اعجاز آ توں کہہ نبی وارث خدا وارث
