مر تو جانا تھا مگر موت سے پہلے پہلے

مر تو جانا تھا مگر موت سے پہلے پہلے
تم پہ مرتے تو کسی طور ٹھکانے لگتے
جب کبھی غم میں ترا نام زباں پر لاتا
لوگ اوصاف ترے گن کے بتانے لگتے
عمر بھر تم کو کتابوں کی طرح یاد کیا
بھولنا چاہتے تم کو تو زمانے لگتے
تم میسر نہ رہے مجھ کو وگرنہ میں تو
پاؤں پڑ جاتا اگر پاس سے جانے لگتے
میں نے یوں صبر سے اس دل کو سنبھالا ورنہ
درد اوراق پے لکھتا تو فسانے لگتے
خلوتوں میں بھی تری یاد مِرے ساتھ رہی
درد بڑھ جاتا اگر تم کو بھلانے لگتے
اے حجازؔ اب تو زمانے سے ذرا دوری ہے
زندگی کم تھی اگر دل کو لگانے لگتے
۔۔۔۔۔۔۔۔۔۔۔۔۔۔۔۔۔۔۔۔۔۔