(Last Updated On: )
من ہار گیاں آن کے دل ٹھار نبی پاک
بیمار نوں اج اک تے نظر مار نبی پاک
سنیا اے تسیں موڑدے نئیں اک وی سوالی
ایہ نین سوالی نیں دیہ دیدار نبی پاک
کشمیر ، فلسطین کی ہر امتی پکارے
غم ٹال دے ، غم ٹال دے غمخوار نبی پاک
کس وار عطا ہونی پتہ سارا اے مینوں
اُس وار جدوں کہن گے اِس وار نبی پاک
دل نال سنو تے اجے اقصیٰ دے لباں تے
سردار نیں ، سردار نیں ، سردار نبی پاک
اُنج عرش دا تے فرش دا صدیاں دا سفر اے
ہو اوندے نیں پل وچ تے کئی وار نبی پاک
کونین سروں ننگے بناں آپ دے سائے
اعجازؔ مِرا ایہو ای دستار ، نبی پاک
