اِے حسن دا شاہ ذرا سامنڑیں بہہ او تیکوں ویکھنڑ تے بہو لطف آندا اِے
تینڈے ناز نخرے جگ توں وکھرے پیا نِت تڑفا بہوں لطف آندا اِے
جیوں تیر چڑھیندن ترکش وچ اِنج دید بھوا بہوں لطف آندا اِے
سردار دے سینے او بلدی بھاہ پیا نِت بھڑکا بہوں لطف آندا اِے
میں وی ہاں مخلوق تیڈی خدایا کیوں میکوں جگ دَا تماشا بنایا
میں ہاں تے ساری خدائی دے غم ہن کیوں میڈے حصے جدائی دے غم ہن
رو رو کے اَکھیاں دا پانی مکایا کیوں میکوں جگ دا تماشا بنایا
اِے تجربہ وِی تاں مہنگا پیا ہِم بھلائی م دا بدلہ برائی جیا ہِم
ایہو فیصلہ اے محبت دا پایا کیوں میکوں جگ دا تماشا بنایا
چن تے ستاراں نوں ڈُکھرے سناواں ٹر ٹر کے میں پیا راتاں لنگھاواں
کہڑے ڈکھاں وِچ اِے میکوں پھنسایا کیوں میکوں جگ دا تماشا بنایا
غیراں دے وچ اَج پیا اِے اوہ وَسدا میڈی ذات دے نال کھلدا تے ہسدا
گھر بار جس دی میں خاطر لٹایا کیوں میکوں جگ دا تماشا بنایا
محبت دَا کیتا اِے پرچار مولا اِسے جرم دَا ہاں گنہگار مولا
میں فاروقؔ منگدا ہاں رحمت دا سایا کیوں میکوں جگ دا تماشا بنایا
