میں جو ٹوٹ کر بکھروں کبھی

میں جو ٹوٹ کر بکھروں کبھی
وہ مجھ کو تھامنے کے لیے ہاتھ بڑھا دیتا ہے
آسمان پہ یکدم کالے رنگ کے بادلوں کا بسیرا ہو گیا تھا اور ہلکی ہلکی بوندہ باندی شروع ہو گٸ تھی۔۔۔۔۔۔جس وقت وہ اس کے ساتھ چلتی چلتی۔۔۔۔گاڑی تک پہنچی وہ دونوں اچھے خاصے بھیگ چکے تھے۔۔۔۔۔
نومبر کی سرد ہواٶں میں۔۔۔۔۔ٹھنڈک کی آمزش تھی۔۔۔۔۔جس کی وجہ سے زرپاش ہلکی ہلکی کانپنے لگی تھی۔۔۔۔۔
گاڑی میں بیٹھ کے وہاج نے اس کی حالت کے پیش نظر ہیٹر چلا دیا تھا۔۔۔۔
وہ سنجیدگی سے گاڑی ڈراٸیو کر رہا تھا۔۔۔۔۔۔اور وہ سیٹ کی پشت سے ٹیک لگاۓ آنکھیں موندے بیٹھی تھی
تھوڑی دیر میں ہی اس کی حالت سنبھل گٸ تھی۔۔۔
وہ تھوڑی دیر کے بعد آنکھیں کھول کے چور نظروں سے وہاج کو دیکھ لیتی جس کے چہرے پہ گہری سنجیدگی تھی
وہ اس کے بعد کچھ نہیں بولا تھا۔۔۔۔
تھوڑی دیر کے بعد ہی وہ فارم ہاٶس کے باہر تھے۔۔۔۔۔وہ اپنی ساٸیڈ کا دروازہ کھول کے اترا۔۔۔۔اور پھر اس کی ساٸیڈ کا دروازہ کھولا۔۔۔۔۔وہ سر جھکا کے اتر آٸی
اور اس کے پیچھے چلنے لگی۔۔۔۔
”اندر آکے وہ بوا کو آوازیں دینے لگا تھا۔۔۔۔۔۔
بوا باورچی خانے سے تیزی سے باہر نکل کے آٸی ایک نظر دونوں کے چہرے کی سنجیدگی دیکھی۔۔۔۔۔
ان کے مزاج کافی بدلے ہوۓ لگ رہے تھے۔۔۔۔۔۔
”بوا ایک کپ چاۓ بجھوا دے میرے کمرے میں۔۔۔۔۔۔“
سنجیدگی سے کہتا۔۔۔۔وہ ذینے عبور کر گیا تھا۔۔۔۔
اس نے پلٹ کے زرپاش کی طرف بھی نہیں دیکھا تھا۔۔۔۔زرپاش کو یکدم خفت کے احساس نے آن گھیرا۔۔۔
بوا ابھی تک جانچتی نظروں سے۔۔۔۔۔سر جھکا کےاپنا نچلا لب کچلتی زرپاش کو دیکھ رہی تھی۔۔۔۔
”بی بی جی آپ ٹھیک ہیں۔۔۔۔“؟
انہوں نے آگے بڑھ کے اس کے کندھے پہ ہاتھ رکھ کے۔۔۔۔۔فکرمندانہ لہجے میں استفسار کیا۔۔۔۔
”جی ٹھیک ہوں میں“
وہ ذبردستی مسکراٸی۔۔۔۔۔
تو بوا مطمٸین تو نہ ہوٸی لیکن۔۔۔۔سر جھٹک کے کچن میں چلی گٸ۔۔۔۔۔
اس نے چادر اتار کے صوفے پہ پھینکی اور خود بھی ادھر ہی ڈھ گٸ

میں پہروں اسے کے سرہانے بیٹھا رہتا
ذرا جو بات کرے اب تمہارے بارے میں
شام کے ساۓ آہستہ آہستہ اس پتھروں سے بنے فارم ہاٶس کو اپنے حصار میں لے رہے تھے۔۔۔۔۔وہ جس وقت سیڑھیاں اتر کے نیچے آیا۔۔۔۔۔باہر شام کا ملجگی اندھیرہ ۔۔۔۔پھیل چکا تھا۔۔۔۔۔وہ جیسے ہی نیچے اتر کے آیا چونک گیا۔۔۔۔۔
وہ صوفے پہ ہی نیم دراز گہری نیند میں تھی۔۔۔۔۔دوپٹہ صوفے سے ہوتے ہوۓ نیچے کارپٹ پہ پھیلا ہوا تھا۔۔۔۔۔
وہ کچن کی طرف گیا تو۔۔۔۔۔۔بوا کھڑی برتن دھو رہی تھی۔۔۔۔
”بوا زری باہر کیوں سو رہی ہے۔۔۔۔“
فریج میں سے پانی کی بوتل نکالتے ہوۓ اس نے سرسری پوچھا۔۔۔۔۔
”پتہ نہیں صاحب جی۔۔۔۔۔شاید تھکی ہوٸی تھی تو بیٹھے بیٹھے یہی سو گٸ ہیں۔۔۔۔۔۔“
بوا نے دوپٹے سے ہاتھ صاف کرتے ہوۓ عام سے لہجے میں کہا
تو وہ سر ہلا کے باہر نکل گیا۔۔۔۔۔
ایک نظر اسے دیکھا۔۔۔۔۔پھر ملازم کو آواز دے کے کمبل لانے کو کہا۔۔۔۔۔
ملازم کمبل لایا تو۔۔۔۔۔اس پہ کمبل دے کے۔۔۔۔۔وہ دوبارہ کمرے کی طرف بڑھ گیا۔۔۔۔زری کی آج والی حرکت اسے ٹھیک ٹھاک بری لگی تھی۔۔۔اس لیے وہ اس سے بات کرنے سے گریز پا تھا۔۔۔۔
”بوا کھانا تیار ہوا تو۔۔۔۔۔۔زری کو جگا کے کھانا کھلا دیجیۓ گا۔۔۔۔۔
میں کھانا نہیں کھاٶنگا
بوا کو بتا کے وہ ۔۔۔۔۔سونے کے لیے چلا گیا تھا۔۔۔۔۔

اپنے شہر کے سب لوگوں سے
میری خاطر کیوں الجھے ہو۔۔۔۔
شام کے ملجگی اندھیرے کی جگہ رات کی سیاہی نے لے لی تھی۔۔۔۔اور چھت پہ لٹکتی جلتی بجتی بتیاں اس اندھیرے میں ٹمٹماتے ہوۓ جگنو کی طرح معلوم ہوتی تھی۔۔۔۔۔اندر کوٹھا ویران پڑا تھا۔۔۔۔۔سب اپنے اپنے کمروں میں جاچکے تھے زرپاش کا کمرہ اس کے جانے کے بعد سے ہی بند پڑا تھا۔۔۔۔۔۔۔نگار بیگم۔۔۔۔۔صوفے پہ ٹانگ ٹانگ رکھ کے بیٹھی۔۔۔۔ٹی وی دیکھنے میں مصروف تھی۔۔۔۔۔۔
وہاں سے ہوتے ہوۓ جاٶ۔۔۔۔۔تو بڑے کمرے کی بتی بھی ابھی تک جل رہی تھی۔۔۔۔۔۔
وہ بیڈ کراٶن کے ساتھ ٹیک لگاۓ ٹانگیں لمبی کیۓ نیم د دراز تھی۔۔۔۔۔۔
اس کے پاٶں کی طرف بیٹھی ملازمہ ۔۔۔۔۔اس کے ناخنوں پہ نیل پینٹ لگانے کے ساتھ ساتھ اس کی خوشامد کرنے میں مصروف تھی
جنہیں وہ غاٸب دماغی سے سن رہی تھی۔۔۔۔
اس کا سارا ذہن آنے والی فلم کی طرف تھا۔۔۔۔۔کل ہی وہ آڈیشن دے کے آٸی تھی
اور کافی پرامید بھی تھی۔۔۔۔کیونکہ۔۔۔۔۔پروڈیوسر کے ساتھ اس کے اچھے تعلقات تھے۔۔۔
”اب تو وہ اپنے مستقبل کی۔۔۔۔۔۔کامیابیوں کے متعلق سوچ رہی تھی۔۔۔۔۔
جب اس کے بجتے موباٸل نے اس کی سوچوں میں خلل پیدا کیا۔۔۔۔اس نے جھنجھلا کے فون اٹھایا۔۔۔۔لیکن اگلے ہی لمحے اس کے ہاتھ سے موباٸل چھوٹتے چھوٹتے بچا۔۔۔۔وہ یکدم سیدھی ہو کے بیٹھی۔۔۔۔۔پاٶں پیچھے کیا تو ساری نیل پالش۔۔۔۔۔بیڈ شیٹ کے ساتھ لگ گٸ۔۔۔۔۔۔ملازمہ نے بوکھلا کے۔۔۔۔ہاتھ پیچھے کی طرف کھینچا۔۔۔۔۔لیکن وہ اس طرف متوجہ ہی کب تھی۔۔۔۔اس کی ساری توجہ ابھی تک۔۔۔۔۔اسکرین پہ چمکتے نمبر پہ تھی۔۔۔۔۔اس کی آنکھوں میں ابھی تک بے یقینی تھی۔۔۔۔
اس نے دھڑکتے دل کے ساتھ فون اٹھا کے کان کے ساتھ لگایا۔۔۔۔۔
”السلام و علیکم صدیقی صاحب۔۔۔۔۔“
اس کے ہر الفاظ سے خوشی چھلک رہی تھی۔۔۔۔۔
دور۔۔۔۔۔۔۔آفس میں بیٹھا وہ۔۔۔۔۔پچاس ساٹھ سالہ تھری پیس پہنے۔۔۔۔۔ٹانگ پہ ٹانگ چڑھا کے بیٹھا شخص۔۔۔۔۔جس نے انگلیوں میں سگار دبا رکھا تھا۔۔۔۔۔۔۔اس سے حال احوال دریافت کر رہا تھا۔۔۔۔۔
پھر وہ یکدم کھڑا ہوا۔۔۔۔۔اور کھڑکی کے پاس جا کے کھڑا ہو گیا۔۔۔۔۔۔سامنے سے اسلام آباد شہر دیکھاٸی دے رہا تھا
”رانی میڈم۔۔۔۔۔۔ہم نے۔۔۔۔آپ پہ کافی غور کیا۔۔۔۔۔۔لیکن ہمیں لگتا ہے۔۔۔۔۔آپ اس فلم کے لیے موزوں نہیں ہیں۔۔۔۔۔“
اس نے سگریٹ کا کش لیتے ہوۓ۔۔۔۔۔۔ٹھہر ٹھہر کے کہا۔۔۔۔۔۔
تو دور کوٹھے میں بیٹھی رانی۔۔۔۔۔کے چہرے کی جوت بجھ گٸ۔۔۔۔۔۔اسے سمجھ نہیں آرہی تھی وہ کیا کہے۔۔۔۔۔یہ فلم اس کی ذندگی کا سب سے بڑا خواب تھا۔۔۔۔۔
”لیکن کیوں۔۔۔۔۔۔“؟کل تک تو آپ۔۔۔۔۔۔پوری طرح تیار تھے مجھے فلم دینے کے لیے۔۔۔۔۔۔آج کیا ہو گیا۔۔۔۔۔۔“؟
وہ تیز لہجے میں استفسار کر رہی۔۔۔۔
لہجے میں بے بسی تھی۔۔۔۔۔
”ہاں جی کل۔۔۔۔تک مجھ پہ پریشر نہیں تھا۔۔۔۔۔لیکن اب مجھ پہ پریشر ہے۔۔۔۔۔۔“کہ یہ فلم آپ کے علاوہ اور کوٸی بھی کر لے۔۔۔۔۔۔لیکن۔۔۔۔۔۔۔آپ نہ کریں۔۔۔۔۔اب آپ کے لیے میں اپنے تعلقات تو خراب نہیں کر سکتا۔۔۔۔۔۔“
اس نے سگریٹ کا دھواں ہوا میں تحلیل کرتے ہوۓ دو ٹوک لہجے میں ۔۔۔۔۔۔اسے آگاہ کیا۔۔۔۔۔
”کیا مطلب کس کا پریشر۔۔۔۔۔“؟
اس نے صوفے پہ بیٹھ کے ناسمجھی سے کہا۔۔۔۔۔
”وہاج خان۔۔۔۔۔“
اس نے سگریٹ۔۔۔۔۔پاس ڈسٹ بن میں پھنکتے ہوۓ۔۔۔۔۔صاف گوٸی سے کہا۔۔۔۔
تو رانی کا دماغ بھک کے اڑ گیا۔۔۔۔۔
اس نے بامشکل۔۔۔۔خود کو کچھ سخت کہنے سے روکا۔۔۔۔۔
”آپ نا انصافی کر رہے ہیں۔۔۔۔۔صدیقی صاحب۔۔۔۔۔آپ مجھے وہاج کا نمبر دیں وہ میرے ساتھ ایسا کیسے کر سکتا ہے۔۔۔۔۔“؟
اس نے۔۔۔۔۔انہیں احساس دلانے کی ناممکن کوشش کی۔۔۔۔۔۔
وہ شدید بے بس دیکھاٸی دے رہی تھی۔۔۔۔۔اسے وہاج پہ جی بھر کے غصہ آرہا تھا۔۔۔۔۔
اتنا تو اسے اندازہ تھا ہی نہیں کہ وہ اتنی آسانی سے اسے معاف نہیں کرے گا۔۔۔۔۔لیکن۔۔۔۔۔اسے بالکل بھی علم نہیں تھا کہ وہ اسے ایسی مار بھی دے سکتا ہے۔۔۔۔
”یہ تو آپ کو ان بڑے لوگوں کے۔۔۔۔۔ساتھ بگاڑنے سے پہلے سوچنا چاہیۓ تھا خیر میری طرف سے معذرت۔۔۔۔۔ہاں۔۔۔۔۔آپ اور وہاج آپس میں طے کر لیں۔۔۔۔۔میں نمبر آپ کو فاروڈ کر دیتا ہوں۔۔۔۔۔۔۔مجھے کوٸی جلدی نہیں۔۔۔۔۔ہے میری پہلی ترجیخ آپ ہی ہیں۔۔۔۔۔“
وہ دوبارہ۔۔۔۔۔کرسی پہ آبیٹھا تھا۔۔۔۔۔۔اور اب خود کو اس معاملے سے الگ کر چکا تھا۔۔۔۔۔
رانی نے غصے سے فوراً کال کاٹ کے۔۔۔۔۔موباٸل بیڈ پہ اچھال دیا۔۔۔۔
اور خود۔۔۔۔۔سر دونوں ہاتھوں میں دے کے بیٹھ گٸ ۔۔۔۔۔
ساٸیڈ پہ خاموشی سے کھڑی ملازمہ۔۔۔۔۔۔نے اس پہ ایک ملامتی نگاہ ڈالی پر بولی کچھ نہیں۔۔۔۔۔
”اس کے موباٸل کی مسیج ٹون نے ایک دفعہ۔۔۔۔۔پھر۔۔۔۔۔اسے اس طرف متوجہ کیا۔۔۔۔۔۔
وہ ہذیانی کیفیت میں اٹھی اور۔۔۔۔۔موباٸل اٹھایا۔۔۔۔سامنے صدیقی کا نمبر چمک رہا تھا۔۔۔اس نے وہاج کا نمبر اسے فاروڈ کر دیا تھا
اب وہ تیزی سے کسی کا نمبر ڈاٸل کر رہی تھی۔۔۔۔۔
”اسی لمحے دور وادی سوات۔۔۔۔۔۔کے اس فارم ہاٶس کے۔۔۔۔۔کمرے میں۔۔۔۔۔۔اس کا موباٸل مسلسل بج رہا تھا۔۔۔۔۔
وہ واش روم سے نکلا۔۔۔۔۔ہاتھ میں پکڑا۔۔۔۔۔تولیہ۔۔۔۔۔بیڈ پہ پھینکا۔۔۔۔۔۔
اس کے بال گیلے تھے۔۔۔۔۔وہ اس وقت سادہ سی ٹراٶزر شرٹ میں تھا۔۔۔۔
اس نے موباٸل ہاتھ میں لیا اور غیر شناسہ نمبر دیکھ کے چونک گیا۔۔۔۔
کچھ سوچ کے اس نے کال اٹھاٸی۔۔۔۔۔اور موباٸل کان کے ساتھ لگا لیا۔۔۔۔
”دوسری طرف۔۔۔۔۔وہ کسی بھوکی شیرنی کی طرح اس پہ جھپٹی تھی۔۔۔۔۔
”تم خود کو سمجھتے کیا ہو وہاج خان۔۔۔۔۔۔“؟اتنی گھٹیا حرکت کر کے کیا ثابت کرنا چاہتے ہو۔۔۔۔۔“؟
وہ خلق کے بل چلاٸی تو اس نے موباٸل کان سے ہٹا کے ایک نظر دیکھا۔۔۔۔۔
پھر تمیز سے مخاطب ہوا۔۔۔۔۔
”معذرت میں نے پہچانا نھیں آپ کو۔۔۔۔۔۔“؟ شاید غلط نمبر ڈاٸل ہو گیا ہے۔۔۔۔۔“
اس نے اپنا لہجہ دھیما رکھنے کی کوشش کی۔۔۔۔۔
”ہاں۔۔۔۔۔۔تم پہچانوں گے بھی کیسے۔۔۔۔۔۔اب۔۔۔۔۔۔“تم نے تو جو کرنا تھا وہ کر چکے تم۔۔۔۔۔کیا مل گیا تمہیں۔۔۔۔مجھ سے فلم کا رول چھین کے۔۔۔۔۔“؟
وہ زہر خند لہجے میں بولی۔۔۔۔۔تو دوسری طرف اس کے ہونٹوں میں مسکراہٹ پھیل گٸ۔۔۔۔۔
”اوہ میں تو رونگ نمبر سمجھ رہا تھا۔۔۔۔۔لیکن آپ تو ہمارے ڈسے ہوۓ لوگ ہیں۔۔۔۔۔“
وہ ذور سے ہنسا۔۔۔۔۔تو اس کو آگ لگا گیا۔۔۔۔۔
اور تمھیں کیا مل گیا۔۔۔۔۔“؟ زری کو زہر دے کے۔۔۔۔۔“؟
اس نے طنزیہ لہجے میں الٹا اس سے سوال کیا تھا۔۔۔۔۔
”میں۔۔۔۔۔نے اسے زہر نہیں دی میں تمہیں کہہ چکی ہوں۔۔۔۔۔“؟
اس نے جھنجھلا کے کہا
”میں نے بھی صدیقی کو منع نہیں کیا۔۔۔۔“
اس نے صوفے پہ بیٹھتے ہوۓ دو بدو کہا۔۔۔۔
”لیکن تم نے منع کیا ہے۔۔۔۔۔“
اس نے اپنی بات پہ ذور دیا۔۔۔۔۔
”ہاں تم نے بھی اسے زہر دی ہے۔۔۔۔اور میں نے چھوٹا سا بدلہ لیا ہے بس اور کچھ نہیں۔۔۔۔۔۔“
اس نے اس کی بات کو ہوا میں اڑا دیا۔۔۔۔
”تمہیں یہ چھوٹی سی بات لگتی ہے۔۔۔۔۔میری پوری ذندگی کا سوال ہے۔۔۔۔“
وہ روہانسی ہوٸی
”اس کی بھی پوری ذندگی کا ہی سوال تھا۔۔۔۔۔
اس نے جتاتے ہوۓ ایک ایک لفظ چبا چبا کے ادا کیا۔۔۔۔
”بس کرو۔۔۔۔۔۔اگر اتنی پرواہ ہوتی تمہیں تو یوں لاوارثوں کی طرح چھوڑ کے نہ جاتے اسے۔۔۔۔۔“
وہ بھی ناگن کی طرح پھنکاری تھی۔۔۔۔۔
اسے پتہ تھا وہ یوں ماننے والا نہیں ہے۔۔۔۔۔اسی لیے اپنی سابقہ جون پہ لوٹ آٸی
”وہ میری بیوی ہے۔۔۔۔۔میرا جیسا دل چاہے گا ویسا سلوک کروں گا اس کے ساتھ لیکن کسی کو بھی اتنا حق نھیں دوں گا کہ اس کے ساتھ کچھ بھی غلط کرے۔۔۔۔۔تمہارے لیے ابھی کے لیے یہ موت کافی ہے۔۔۔۔۔اگر آٸندہ۔۔۔۔تم نے میری بیوی کے ساتھ کچھ غلط کرنے کا سوچا بھی تو میں تمہیں اس سے بھی بری موت دوں گا۔۔۔۔۔۔لاوارث نہیں ہے وہ وہاج خان کی بیوی ہے۔۔۔۔۔“
سختی سے اسے وارن کر کے۔۔۔۔۔۔کال کاٹ دی تھی۔۔۔۔
اس نے چلا کے فون دیوار کے ساتھ دے مارا تھا
یہ اس کی سب سے بڑی شکست تھی جو اسے وہاج خان کے ہاتھوں سے ہوٸی تھی

انا مقابل ہو تو ہم پسپا نہیں ہوتے۔۔۔۔
محبت مقابل آۓ تو ہم سب کچھ ہار جاتے ہیں۔۔۔۔
صبح کا سورج۔۔۔۔۔اپنے اندر نٸ امنگیں۔۔۔۔۔امیدیں سموۓ اس وادی کے۔۔۔۔۔۔اوپر اترا تھا۔۔۔۔۔آج آسمان پہ سورج چمک رہا تھا۔۔۔۔۔رات کو ہونے والی بوندا باندی کے آثار ابھی بھی پتوں پر موجود تھے۔۔۔۔۔لان کی نرم گھاس ابھی تک گیلی تھی۔۔۔۔
وہ رات کو وہاج کے موڈ کو دیکھتے ہوۓ۔۔۔۔۔کمرے میں نہیں گٸ تھی۔۔۔۔۔اور نیچے ہی کمرے میں سو گٸ تھی۔۔۔۔۔
ابھی سورج کی پردہ چیر کے آتی کرنیں اس کے چہرے تک آٸی تو اس نے کسمسا کے آنکھیں کھولی۔۔۔۔۔
کچھ دیر سستی سے ادھر ہی لیٹی رہی پھر اٹھ بیٹھی۔۔۔۔بالوں کا جوڑہ۔۔۔۔۔بنایا۔۔۔۔۔پاٶں میں سلیپر اڑس کے ۔۔۔۔۔باہر نکل آٸی۔۔۔۔
کچن سے برتنوں کے ٹکرانے کی آوازیں آرہی تھی۔۔۔۔داٸیں طرف والے صوفے پہ وہ بیٹھا اخبار پڑھ رہا تھا۔۔۔۔
اس وقت وہ سادے سے ٹریک سوٹ میں تھا شاید وہ ابھی بھی واک کر کے آیا تھا۔۔۔۔
اس نے اخبار سے نظر اٹھا کے۔۔۔۔اسے دیکھا۔۔۔۔۔تو وہ نظر چرا گٸ ۔۔۔۔
”بوا۔۔۔۔۔۔آپ ۔۔۔۔۔آجاٸیں باہر۔۔۔آج سے میرا ناشتہ زرپاش بناۓ گی۔۔۔۔۔“
اس نے اخبار پہ نظر دوڑاتے ہوۓ۔۔۔۔۔۔عام سے لہجے میں حکم جاری کیا
تو اس نے چونک کے سر اٹھایا تھا
”لیکن صاحب جی میں ہوں جو بیگم صاحبہ کو بنانے کی کیا ضرورت ہے۔۔“؟
بوا کچھ تذبذب کا شکار تھی۔۔۔۔۔
”ہاں مجھے پتہ ہے آپ ہیں۔۔۔۔۔۔لیکن میں چاہتا ہوں کہ میرے سارے کام یہ خود کرے۔۔۔۔۔۔“
اس نے جانچتی نظروں سے زرپاش کو دیکھتے ہوۓ۔۔۔۔۔سنجیدگی سے کہا
زرپاش کو اس کے لہجے میں کہیں بھی طنز نظر نہ آیا
بوا نے بات ماننے میں ہی عافیت جانی
اس لیے ایک ساٸیڈ ہو کے۔۔۔۔۔۔کھڑی ہو گٸ
وہ سر ہلا کے کچن میں چلی گٸ
چاۓ کا پانی چڑھا کے فریج میں سے آٹا نکال کے جیسے ہی مڑی تو پیچھے۔۔۔۔۔۔۔۔۔۔اس کے سینے کے ساتھ ٹکرا کے اس کے منہ سے گھٹی گھٹی چیخ نکلی۔۔۔۔۔جس کا گلا وہاج نے اس کے منہ پہ ہاتھ رکھ کے گھونٹ دیا۔۔۔۔۔
اس کی یہی عادت تھی کہ دبے پاٶں اس کے پیچھے آکے کھڑا ہو جاتا تھا۔۔۔۔۔
”یار تم ہر وقت اتنی ڈری ہوٸی کیوں رہتی ہو۔۔۔۔“؟
وہ ایک دفعہ پھر اس کی اڑی ہوٸی رنگت کو دیکھ کے جھنجھلا اٹھا۔۔۔۔۔۔
وہ اس سے نظر بچا کے چاۓ میں دودھ ڈالنے لگی۔۔۔۔۔
”تمہاری طرف معذرت کا رواج نہیں ہے کیا“؟مطلب کوٸی خفا ہو تو بھاڑ میں جاۓ۔۔۔۔۔“
وہ برا سا منہ بنا کے۔۔۔۔ملامت بھرے لہجے میں بول رہا تھا
اور وہ سنی ان سنی کر کے کھڑی تھی۔۔۔۔۔۔
”یار تم شوہر کو کوٸی اہمیت دینا جانتی بھی ہو کیا۔۔۔۔۔“؟
اس نے بازو سے پکڑ کے اس کا چہرہ اپنی طرف موڑ کے تپ کے کہا۔۔۔۔
”آپ دیتے ہیں بیوی کو اہمیت۔۔۔۔۔“؟
وہ شکوہ کیے بغیر نہ رہ سکی۔۔۔۔۔
اس نے بامشکل اپنی ہنسی ضبط کی۔۔۔۔۔۔
”لو اور کس طرح دوں اہمیت۔۔۔۔“؟
وہ یکدم انجان بنا۔۔۔۔۔
ساتھ ہی باسکٹ میں سے سیب۔۔۔۔نکالا۔۔۔۔شیلف پہ بیٹھ گیا۔۔۔۔۔
وہ اسے ایک نظر گھور کے رہ گٸ
اس کی ناراضگی خود با خود ختم ہو گٸ تھی۔۔۔۔۔
وہ دل ہی دل میں خوش تھی اور خود کو ہلکا پھلکا محسوس کر رہی تھی۔۔۔۔
”تم اگر مجھ سے معذرت کر لو تو شاید میرا غصہ ختم ہو جاۓ۔۔۔۔۔“؟
اس نے مصنوعی خفکی سے کہہ کے رخ دوسری طرف موڑ لیا
”مجھے فرق نہیں پڑتا۔۔۔۔۔“
اس نے لاپرواٸی ظاہر کی
اسی لمحے اس کی نظر اس کے ہاتھ پہ گٸ تو وہ دھک سے رہ گٸ۔۔۔۔۔
اس کے ہاتھ پہ شاید سیب کاٹتے ہوۓ چھری لگی تھی اور ہاتھ سے خون کی ایک پتلی لکیر نکل کے شیلف سے ہوتی ہوٸی ذمین پہ گر رہی تھی
لیکن وہ یوں مطمٸین بیٹھا تھا۔۔۔
جیسے کچھ ہوا ہی نہ ہو۔۔۔۔۔
”وہاج۔۔۔۔۔آپ کے ہاتھ سے خون نکل رہا ہے۔۔۔۔۔۔“
وہ کچھ بھی سوچے سمجھے بغیر اس کی طرف بڑھی اور اس کا ہاتھ اپنے ہاتھ میں لے کے خون روکنے کی کوشش کی۔۔۔۔۔
وہ بس تنقیدی نظروں سے اس کی یہ حرکت دیکھ کے رہ گیا۔۔۔۔
وہ اس سے اس حد تک بیقراری کی امید نہیں کر سکتا تھا
”اس نے اپنے دوپٹے کے پلو کو اس کے ہاتھ پہ باندھتے یکدم۔۔۔۔نظر اٹھا کے۔۔۔۔اس کی آنکھوں میں دیکھا تو ہاتھ پہ اس کی گرفت ڈھیلی ہوٸی۔۔۔
اسے اپنی غلطی کا شدت سے احساس ہوا تھا۔۔۔۔
لیکن سامنے بیٹھا شخص سمجھ چکا تھا۔۔۔۔
”سنو محبت تو نہیں کر بیٹھی کہیں تم۔۔۔۔۔۔“
وہ ایک ابرو اٹھا کے پوچھ رہا تھا۔۔۔۔۔
اور وہ منہ کھول کے اسے دیکھ کے رہ گٸی۔۔۔۔۔