لَوٹ آؤ

پیڑوں پر پنچھی آ بیٹھے
اور بچے کھیل کے گھر لَوٹے
اب لَوٹ آؤ کہ شام ہوئی
احساس کے نشتر چبھتے ہیں
اور یادیں چھلنی کرتی ہیں
ہم اپنی خطائیں مان چکے
تم جیت چکے،ہم ہار چکے
اب دل سے نکلتی ہیں آہیں
جینے کی تمنائیں ساری
لو خاک میں ملتی جاتی ہیں
ہر جاتے لمحے کے ہمرہ
کچھ گھڑیاں گھٹتی جاتی ہیں
اب ڈوبنے کو ہے سانسوں کا
یہ سورج بھی کچھ دیر تلک
اور اب اور جیا نہیں جائے گا
اب لَوٹ آؤ کہ شام ہوئی!
۔۔۔۔۔۔۔۔۔۔۔۔۔۔۔۔۔۔